لو رحت والا جيت ما عدت موجود
مشاعري ما تعترف في حضورك
.
الظلم أضحك لك وأنا كلّي اصدود
والا أسولف لك تفاصيل جورك
.
صدقني ان الكذب بعيونك السود
ويا كثر ما شفته على باب سورك
تحول الظروف القاسيه بين خل وخلّ
وتحن …القلوب لـ…بعضها لا …ارادياً
.
يا ان الحديث يطول و ان الحروف تملّ
ولا…( مل ) من رجوى …وصاله …نهائياً
.
قصيدي يدل اني لازلت اعشقه و يدلّ
على اني من الصدمه… (تأزمت نفسياً)
لو خذا في قلبك الشوق روحه وانقلاب
ماخذا في كبدي الحزن قامه وقعده
.
اطردك وانا مثل من يطارد له سراب
وانتظرك امسي ويومي وبكره وبعده
.
كل ماينشدني الحزن وش تعطي الغياب
قالت عيوني من الدمع يبشر بسعده !