Overthinking ليالى الامتحانات:
هى كل الناس اللى بتتجوز و تتخطب و بتختار بارتنر حياتها بتعمل كدا ازاى؟ يعنى منين بيعرفوا ان دا الشخص الصح مثلا؟ او اه تمام هو دا اللى انا عايزاه و هعيش معاه مبسوطة؟ مش خايفين فى الاخر حد من الطرفين يتغير او تزهقوا مثلا او تعيشوا حياة رتيبة مملة؟
صور راندوملى اتاخدت ليا بمناسبة انى عاملة matching الطقم مع السموزى و بجد هو دا ال
Captured by the eyes of someone who loves you🥺♥️♥️♥️
alo2aa @ عشان قافلة الاكونت
حابة اقول بس ان النظام الجديد بتاع الكلية دا نظام غير انسانى خالص و محتاجين يتوفر معاه دكتور نفسانى للطلبة عشان حقيقى الواحد بقى معقد و غير سوى نفسيا....
يا جماعة بجد احساس ان يكون فى حد فى حياتك بيخليك تفكر طول الوقت انا عملت ايه فى حياتى عشان استاهل حد حلو كدا دا احسااس لا يوصف بجد و الموضوع سو كيوت🥺♥️
الناس كلها عندها مواصفات كتير للبارتنر بتاعها .. انا طلباتى بسيطة يكون بيحب القراية و نشير مع بعض الكتب و نقراهم سوا و نقعد نتناقش بقى و ن اكستشينج الكوتس بتاعتنا المفضلة🥰
بمعدل كل يوم صحاب الجامعة بيتخانقوا معايا عشان مبردش عليهم وفاكرنى بتجاهلهم، صحابى اللى برا الجامعة بيتخانقوا معايا عشان فاكرنى مبردش عليهم وبرد على صحاب الجامعة، اخواتى مضايقين عشان فاكرين برد على صحابى بس
و انا اصلا لا برد على دول و لا دول و بدخل الواتس اتفرج على استوريز و اطلع
حوار انه لما تحصل حاجات تضايقنى اقوم اقعد على السرير اليوم كله و اليوم اللى وراه كاسرة ال ٢٤ ساعة دا
مش عارفة بعاقب مين و لا بنتقم من ايه
بس مش اجمد coping mechanism الحقيقة
امم فى شعور ميكس بين الخوف لان الواحد خلاص بيكبر و بين الحماس كدا …بس فى الحالتين ان شاء الله تبقى سنة حلوة و سعيدة و مثمرة .. و finally 20 💃🏻💃🏻💃🏻🥳🥳♥️♥️
الصراحة اى حد بيقول كلمة سخيفة فى وسط الكلام و هو بيهزر و يضحك، متفتكرش انى كدا هتقبلها منك، انا فعلا مش مسامحة
عشان كل حد عنده المقدرة يقول كلمة طيبة او يقعد ساكت
ايه لازمتها السخافة و خفة الدم دى؟
البوينت اللى ب أدرك فيها ان الوقت زنق معايا جامد و انا مش مذاكرة غير كمية قليلة فى المنهج كله فخلاص لازم اشوف ايه اللى ورايا و اشوف قدامى كام يوم و اظبط الدنيا بقى و بعدين اشوف فعلا ورايا قد ايه فاكتئب و مذاكرش حاجة بردو و نفضل نعيد ال cycle دى كل بلوك
حقيقى اليومين دول من اسعد ايام حياتى و عرفت ناس بالدنيا و ما فيها بجد و معتقدش انى كنت هقدر اوصل لليفيل انبساط اعلى من كدا و طلعت بتجربة و خبرة مبتجيش فى العمر غير مرة واحدة فحقيقى انا ممتنة جدا للظروف و الناس اللى كانت السبب انى ابقى اشاركت فى حاجة بالجمدان دا♥️♥️♥️♥️
هل الحب فعلا اعمى و بيخلى المحب ميشوفش عيوب اللى قدامه ؟
و لا الحب بيخلى المحب يتقبل عيوب اللى قدامه و يحاول يتأقلم عليها ؟
و لا اصلا المحب بيبقى حابب صورة معينة للشخص الأخر فى عقله و بيحب شعور الحب ذات نفسه و الاهتمام و مضحوك عليه ؟
فاكرة زمان و انا صغيرة من اكتر المشاعر اللى كرهتها الندم، فخدت عهد على نفسى هحاول فى المستقبل مندمش على اى حاجة او محسش الشعور دا من اساسه بس for some reason شعور الندم دا بيلاحقنى فى كل حتة و كل حاجة، حاجات ندمت انى معملتهاش، حاجات ندمت انى عملتها، حاجات ندمت انى قولتها،
تيتا طيبة اوى بجد، بتكلمنى بتقولي فى بنت فى التلفزيون بتعمل اعلان شبهك خالص خالص كل ما اشوفها افتكرك كأنها انتى بالظبط
حاولت اعرف منها الاعلان -لانها مكنتش تعرف اسم البراند- و دورت عليه
طلع قصدها على مايان السيد😭😭😭
و الله يا تيتا انتى طيبة اوى😭
من ساعة ما دخلت كلينكال لاحظت حاجة فى الراوندات والمرور ومناقشة الدكاترة دايما دايما فى كلامهم بيركزوا على ان -السؤال هيجى كدا فى الامتحان،مفروض تقول الحاجة الفلانية فى الامتحان،لو عملت الحاجة دى هتنقص-الا قلةقليلة اللى بتدرسلنا بغرض انك تبقى دكتور شاطر وبجد مش قادرة افهم الموضوع
مع الوقت الواحد اتعلم ان مفيش حاجة اسمها حب غير مشروط فى اى نوع من انواع العلاقات صحابك اهلك الخ،لازم تكون بتديهم اى حاجة فى المقابل وطول ما انت كويس العلاقة زى الفل once u fall, u fall alone ايا يكن بقى عدد صحابك عمق العلاقة مدى حبهم و قربكم او مدى اهتمامهم، in the end u r alone
الحياة مضحكة اوى لدرجة ان فى حاجة كان نفسى اعملها جدا جدا بس كان ليها وقت معين فقولت لا خلاص فاكس عشان الامتحانات و المذاكرة و بتاع و روح الطالبة المجتهدة سيطرت ،و فى الاخر معملتهاش ،و بعدين قعدت و مذاكرتش بردو و دلوقتى ندمانة جدا انى معملتهاش🤡
تخيل تبقى وراك حاجة مهمة و محتاج تغسل لبسك عشان يلحق ينشف و بعدين بعد ما الغسالة تخلص تكتشف انك نسيت تحط مسحوق و تروح تعيد الغسلة تانى .. لا و بعدين لما تغسل غسلة تانى تنسى تحط مسحوق تانى و تكتشف كدا بعد ما الغسالة تخلص🤡🤡🤡🤡🤡🤡🤡
حاسة انى مهمة انك تلاقى ناس شبهك دى صعبة بجد و مفيش مثلا instructions واضحة تقدر تعملها و لا مثلا فى معاد محدد لظهور الحد دا ، ف anyway لو اى حد وسط ناس شبه و بيكون على طبيعته معاهم و مرتاح وسطهم فلازم بجد يتمسك بيهم و يت cherish them ،،،
لو كنت نغمّض عينيّا
وتاخ��ني الأحلام من يديّا
نعلى ونحلّق في سما جديدة
وننسى الوجايع
لو كنت نسافر في خيالي
نزرع ونبني قصور وليالي
يكبر فيها الحب وآمالي ونمحي الآلام
دخول رمضان دا من الطف الحاجات اللى فى الدنيا، لما امشى فى الشوارع واشوف زينة رمضان فى كل حتة و عندنا فى البيت فانوس رمضان والانوار و الناس اللى بتدخل تقولى رمضان كريم وكل رمضان و احنا مع بعض و اول سحور و اول فطار لما نقعد نتجمع و دوشة البيت، بجد كلها تفاصيل مليئة بالدفء و السكينة
I guess it’s really my Birthday ,,, 21 an adult now, but surely not true😂💃🏻,,, anyway happy birthday to me and may allah fill all my upcoming days with happiness, love and kindness♥️
بجد حوار العلاقات/المواضيع اللى نهايتها مفتوحة دى اكتر حاجة مزعجة فى الدنيا، لا انت عارف ت get over الموضوع، و فى نفس الوقت مفيش اى ملامح ان الموضوع لسه هيكمل و انت قاعد stuck فى النص كدا
فى نهاية اليوم بيكتشف الواحد ان مهما كان لكل انسان بصمته فى حياتنا بس حقيقى فى ناس كان مفروض مندخلهاش من الاول و انه رغم ان دى كلها تجارب بتعلمنا و جزء من ماضينا لكن الواحد بيندم على كل ذرة مشاعر او اهتمام اداها لحد ميستاهلش و بيندم اكتر انه كان فى مكان فى حياته لشخص زى دا اصلا
بقول لنفسى it can’t get worse تقوم ت get worse فعلا و بعدين اقول عادى it can’t get more worse ف بت get more worse فعلا و الحاجات شغالة تعلى على بعضها و مش فاهمة طيب و بعديييين ييييعنى؟
محدش ليه اى حق انه ي judge حد فى اى حاجة طول ما هو مكنش موجود مكانه بنفس ظروفه محدش ليه حق ي judge احساسه او ال feelings بتاعته ماشى ممكن نقول التصرف الفلانى صح او غلط لكن محدش ليه حق انه يقول ان الحد دا اوفر او مفروض كان يحس بكذاا لان انت مش هو و مش فى مكانه.
من رأى the worst type of feeling lonely هو انك تبقى محاط بالاف الناس وستيل حاسس بالوحدة،وقتها مش بيبقى شعور بالوحدة فيزكالى لانك محاط بالناس ولكن بتبقى فاضى و وحيد من جوا محدش فاهمك،جواك حاجات عايز تشاركها وتقولها بس مستنى هذا الشخص اللى هينتزعك من وحدتك واصلا الشخص دا ملهوش وجود
امبارح حد شافنى اول مرة فكان الفيرست امبريشن "اداا انتى طلعتى صغنونة اوى صورتك مكبراكى خالص تبانى انسة كبيرة لكن فى الحقيقة متجيش اولى ثانوى هههههه " معرفش دى حاجة حلوة و لا وحشة بس يارب تطلع حلوة🥹🥹
انا السنادى حصلى كذا موقف صعب خلونى اقدر نعم كتير بسيطة حواليا مكنتش حاسة بيها و كانت بالنسبالى اشياء مسلم بيها اصلا بس اكتشفت انه كله زائل و كل النعم اللى حوالينا دى ستر و كرم من ربنا
كمية النعم اللي الواحد فيها و متجاهلها او بمعنى اصح فاكر ان دي حاجة عادية او ملهاش قيمة مع الوقت بقيت حاسة ب رعب اني اكون مش حاسة بكرم ربنا الواسع و نعمه اللي ملهاش عدد ولا حصر لحسن ف يوم اتحرم منها
الحمد لله عدد نعم الله التى لم ندركها حتى رأينا فاقديها
علفكرة الدحيح ضحك عليكم لما قالكم لازم تنامو ست ساعات قبل الامتحان والعبط دا .. انا اقسم بالله عمري ما روحت امتحان في حياتي وانا نايم قبله .. وعمري ما ندمت
كنت قاعدة بقلب فى البروفايل بتاعى و وصلت لفترة من سنة و شهرين، كانت بعد يومين كامب ١١ و وقتها انا عملت لايكس و ريتويت على كل التويتس اللى نزلت ساعتها فدلوقتى لما رجعت اشوفهم حرفيا اكتر من تلاتين تويتة و قد ايه الناس مبسوطة و فرحانة و قد ايه الكامب أثر فى كل واحد منهم
طول عمرى كنت بتخيل ان عيدميلادى ال ٢٠ بقى لازم يكون عيدميلاد كبير و مفيش زيه و بتاع بس شاءت الاقدار ان كل تخيلاتى دى متنفعش فقررت احط بلان صغيرة كدا لليوم عشان اتبسط و يبقى عيدميلاد حلو و خلاص بس بردو تشاء الاقدار ان دا كله يبوظ .. بس رغم دا كله اليوم دا بالنسبالى كان يوم مميز ..
From drafts:
1/1/2024
السنادى حطيت خطط كتير اوى ل ازاى ناوية اقضى رأس السنة، و ابدأ السنة بميمورى لطيفة بقى وكل هذا الكلام لكن اللى حصل كان غير كدا تماما، الحقيقة انه كل الخطط دى فشلت و نمت اساسا و صحيت قبل الساعة ١٢ بشوية ولكن حابة اقول ان بداية السنادى تحديدا كانت مميزة اوى،،
المرادى حاسة انى قعدت مستنية كتير اوى مستنية افعال و كلام و اهتمام و احداث ، بس حسيت انه خلاص كفاية المرادى لو هستنى حاجة هستنى ان الوقت ي heal كل اللى اتكسر فى الرحلة دى،،،
كل ما اكون مستنية حاجة السنادى و عايزا اعملها جدا و فى الاخر تبوظ ،بكل بساطة كدا بقول لنفسى فدايا السنة الجاية ان شاء الله ، و تمام كدا أجلت السنة كلها للسنة الجاية😂
و حاجات ندمت انى مقولتهاش، ناس ندمت انى عرفتها، و ناس ندمت انى معرفتهاش اكتر، حاجات كان نفسى اعملها بس ندمت انى عملتها فى الوقت دا، و حاجات ندمت انى ضحيت بيها مقابل حاجة تانى، حقيقى الندم دا شعور حزين جدا، عشان انت مضطر تتقبله عشان كله ماضى دلوقتى فمفيش حاجة هتتغير،،،