الحملة الشعبية المصرية لمقاطعة #إسرائيل تدعو لمقاطعة مجموعة فنادق "توليب" بسبب اعتزامها استضافة مهرجان موسيقي إسرائيلي الأسبوع المقبل في #سيناء. وأعلنت شركة إسرائيلية عن تنظيم المهرجان بفندق تيوليب طابا بين 17 و20 أبريل. 1/2
المساحات العامة في #مصر انكمشت بشكل مخيف..مفيش اي حدائق عامة ولا مكان الناس تشم فيه نفسها..رؤية النيل والبحر محجوبة عن اللي معهوش فلوس..فكرة الملكية العامة دي تقريبا اختفت..الخنقة دي بتأثر على سلوك الناس بشكل واضح وبتخلق ميل سريع للعنف واحساس مستمر للغضب..مفيش اي هامش للتنفس
امبارح في البنك واحد كان جاي عاوز ألف دولار..وفضل منتظر شوية..وبعدين موظف البنك قاله "سألت لحضرتك في كل الفروع القريبة..مفيش..تعالى بكرة بس اخر اليوم عشان نكون دبرنا المبلغ!" لا تعليق
الحكومة المصرية تطلق المرحلة الأولى من المبادرة الرئاسية لزراعة 100 مليون شجرة في مختلف أنحاء الجمهورية، تزامنا مع استضافة مصر لمؤتمر المناخ. يذكر أن نفس الحكومة قطعت مساحات شاسعة من الحدائق والأشجار المعمرة، يعود بعضها للقرن ١٩، بمختلف أنحاء البلاد من دون تقديم سبب واضح
#COP27
اليوتيوبر الأمريكي اللي قال #مصر أسوا مكان للتصوير في إفريقيا وإنها دولة بتعامل السياح كمجرمين، هل نقدر نتصور كمية الدعاية الايجابية اللي كان ممكن تيجي لمصر لو كانت اجهزة الأمن سابت الراجل يصور برنامجه اللي بيدور عن الثقافة والأكلات الشعبية؟
كلنا حندفع التمن غالي لذبح أشجار مصر بطولها وعرضها..جحيم الصيف بدأ من أول مايو..وصبات الخرسانة اللي اتزرعت مكان اشجار عمرها عشرات السنين مش حتحمي صحتنا!
شوارع الدقي والعجوزة والمهندسين بتتقلع اغلب اشجارها وبرده محافظة #الجيزة مش عاتقة الاحياء التلاتة دول وبتوع الحي بيلفوا ورا كل ما هو اخضر ويقطعوه! شارع النيل بيشيلوا كل الشجر، شارع وزارة الزراعة شالوا الجنينة وبيتصب مكانها خرسانة، غير كورنيش العجوزة اللي اتقلعت كل اشجاره! في ايه!
وجود أمني كثيف للغاية في وسط القاهرة. رجال الأمن مازالوا يوقفون المواطنين ويفتشون هواتفهم المحمولة خاصة عند مخارج محطات المترو. الحياة تبدو طبيعية باستثناء كثافة الانتشار الأمني الذي لم تشهده القاهرة منذ سنوات! #مصر #ميدان_التحرير
الصدفة خلتني اسمع عمرو مصطفى بيتكلم في الراديو وبيقول "يا اما اعمل موسيقى راقية، يا اما ابقى شكوكو"!!! وانا من موقعي هذا احب اطمنك إنك لو اشتغلت عمرين فوق عمرك، مش حتحصل ابدا موهبة شكوكو ولا فن شكوكو ولا تراث شكوكو اللي عايش من اكتر من ٧٠ سنة! وطبعا المذيعة ولا علقت بكلمة! بؤس!
أطفال كتير من سكان الشارع كانوا بيبكوا جارهم محمد عيد #شهيد_التذكرة. اطفال في ابتدائي عمرهم ميزيدش عن عشر سنين قالولي "كان اجمل حاجة في الشارع. بياخدنا في العيد ونركب المراجيح وبيجبلنا زينة رمضان. حسبي الله ونعم الوكيل في اللي عمل فيه كده."
كل الاعلانات اللي بتروج للتجمعات السكنية على اطراف القاهرة بتتباهى بوجود مساحات خضرا جنب المباني وبتشجع الناس على انها تشتري. طيب اما الخضرة حلوة كده وبتزود من جمال المكان، مصرين انكم تحرمونا منها ليه جوا القاهرة؟ هو الانسان عشان يعيش في حي آدمي لازم يشتري شقة بملايين؟
قابلت سيدة تعد آلاف الوجبات للمعتصمين يوميا، رغم غلاء الأسعار الشديد. أخبرتني، بعيدا عن الكاميرا، أن التجار يخفضون لها أسعار السلع عندما يعلمون أن هذه الوجبات للمعتصمين. وعندما تستقل سيارة أجرة لنقل الطعام للاعتصام يرفض السائق تقاضي أي نقود. #السودان كله على قلب رجل واحد.
من حوالي شهرين تلاتة، كتبت ان في ازمة دولار في البنوك لاني شوفت واحد رايح يشتري ١٠٠٠ دولار بس والبنك قاله مش حقدر ادبرهم النهاردة، تعالى بكرة. ساعتها دخل جيش جرار من الذباب الكتروني يتهمني بالكذب والتآمر وبيأكدوا ن مفيش اي مشكلة عملة وان كله تمام..بس كده
It's far beyond sad and painful to see
@BBCArabic
radio shutting down today, after nearly 85 years on air! It's incredibly difficult to describe how we feel!
اما بتخرج برا مصر بتتعرف على اختراع عظيم اسمه الرصيف! نعمة محرومين منها! تقدر تتمشى عادي في الشارع من غير ما تعمل اكروبات عشان تمشي ٥٠ متر على بعض، ومن غير ما تتكعبل ولا تكسر عليك عربية ولا موتوسيكل! احنا محرومين من أبسط الاشياء اللي بتخلي الحياة محتملة! المشي علاج سحري للتوتر
مش الأطفال دول أولى إننا نستثمر فيهم ونمهدلهم طرق ونوفرلهم وسايل مواصلات ادمية ومدارس مجهزة بدل ما يروحوا يتعلموا يرجعوا جثث! ما هي بنود الأولويات في هذا البلد؟ بناء الابراج الشاهقة ودور العبادة العملاقة أم الاستثمار في البشر؟!
أول يوم فى العام الدراسى نشر الفنان محمد عبلة صورة لعدد من أطفال قرى الفيوم متجهين الى مدارسهم و كتب : حتى لا ننسى مع من نعيش و رغم كل شئ مازال عندنا أمل
في سنة ٢٠١٠ روحت عملت تقرير من دار سوذبي الشهيرة للمزادات في لندن. كانت عارضة محتويات "دار الكسوة" وهي الورشة المصرية اللي فضلت تصنع كسوة الكعبة لسنين طويلة لحد سنة ١٩٦١ وكانت الكسوة بتطلع في موكب مهيب من مصر للسعودية بيسمى "المحمل" 1/2
اما تكون بتصرف الاف الجنيهات في وجبة واحدة وبعدين توجه كلامك لانسان بتطلع روحه عشان يكسب خمسة جنيه وتقوله استحمل وتعالى على نفسك..المفروض احنا نقولك ايه؟
غلاء الأسعار سيكون له أسوأ الأثر على صحة المصريين والأطفال تحديدا. وقد تظهر أعراض أمراض سوء التغذية بشدة في السنوات القليلة القادمة. حرمان الناس من مصادر البروتين والأكل الصحي شئ خطير
قبضة أمنية محكمة على كل مفاصل القاهرة تقريبا! حشود ضخمة في محيط #ميدان_التحرير الذي بات أشبه بالثكنة العسكرية! بات طبيعيا أن ترى رجال الأمن يوقفون المارة ويطلبون التحقق من بطاقات هويتهم ويفتشون هواتفهم النقالة، بل أحيانا يوقفون ركاب المواصلات العامة ويطلبون منهم النزول للتفتيش.
اللي يسمع تصريحات المسؤولين في مصر عن وضع الاقتصاد يشعر وكأن كل شئ مستقر وتمام التمام..اللي ينزل الشارع ويتعامل لمدة يوم واحد بس ويشتري ابسط اساسيات الحياة حيدرك ان الفلوس بقت عاملة زي ورق الكوتشينة او فلوس بنك الحظ..الاسعار بتغلى كل شهر تقريبا..الطبقة المتوسطة بتتفرم
مدينة زي لندن مثلا اما بنشوفها في الافلام اللي معمولة من تلاتين واربعين سنة بنلاحظ ان ملامح المدينة الرئيسية هي هي لم تتغير ومعالمها التاريخية لم تمس..محدش قال مثلا نبني كوبري عند كنيسة Westminster عشان نعمل سيولة مرورية..وده الحال في كل الدول اللي عارفة قيمة التاريخ والفن.
الناس اللي اتجمعت حوالين أبواب الأوبرا عشان تسمع #كاظم_الساهر لأنهم ميقدروش يدفعوا تذكرة ب٥٠٠٠ جنيه، أمن الأوبرا كان بيمشيهم! مسارح الدولة مش للاستثمار، لكن لتقديم خدمات ثقافية لنوع الجمهور اللي أمن الأوبرا كان بيمشيه. اللي قادر يقطع تذكرة ب٣٠٠ دولار مش محتاج الأوبرا في حاجة
المشاهد المؤسفة لرفض أهالي اكتر من قرية مرضى كورونا، ده غير الإساءة للأطباء اللي بيضحوا بحياتهم عشان يعالجونا هي نتاج الجهل وفساد الأخلاق! السؤال، احنا متوقعين ايه غير كده؟! الوعي بييجي منين؟ من التعليم والإعلام والفن، والتلات عناصر دول مفيش منهم إلا أقل القليل، لسنين طويلة!
المستشفيات الخاصة في مصر رفضت علاج مصابي كورونا بعد أن اعترضت على التسعيرة التي وضعتها الحكومة مقابل تقديم الخدمات الطبية. هذه المستشفيات ترى أن التسعيرة الجديدة لن تحقق لها الربح المطلوب!!! مظنش في دولة في العالم سلكت فيها المستشفيات الخاصة هذا السلوك! #كورونا_مصر
الرئيس المصري افتتح أكبر مسجد في إفريقيا والذي يحمل اسم "مسجد مصر" في العاصمة الإدارية الجديدة. ويتسع ل 12 ألف مصلي، ويضم أكبر منبر وأثقل "نجفة" في العالم بحسب موسوعة غينيس للأرقام القياسية. في المقابل، تجاوزت نسبة التضخم في #مصر 30% وفق الأرقام الرسمية.
وزيرة الهجرة قالت إن المصريين اللي نجوا من كارثة غرق السفينة قدام سواحل اليونان مش عاوزين يرجعوا مصر وعاوزين يفضلوا في اليونان. السفينة كان عليها ٧٥٠ مهاجر غير شرعي، ونجا منها ١٠٠ شخص ومات حوالي ١٠٠ والباقي مفقود. اللي مقالتوش الوزيرة، ليه مش عاوزين يرجعوا رغم انهم شافوا الموت
في التمانينات اجتاحت مصر موجة من الافلام الرديئة سميت بأفلام المقاولات. محدش منعها، لكنها ماتت من تلقاء نفسها لانها معندهاش مقومات الاستمرار! واللي بنذكره النهاردة عّن سينما التمانينات العظيمة هي أفلام عاطف الطيب ومحمد خان وخيري بشارة وداوود عبدالسيد وغيرهم! المنع سلاح العاجز.
فوز مرشح المعارضة في #اسطنبول بفارق كبير عن مرشح الحزب الحاكم في جولة الإعادة بالانتخابات البلدية يؤكد أن الانتخابات كانت اقتراعا حقيقيا وأن المعارضة حظيت بفرصة للحشد أثناء الحملات الانتخابية. رغم كل ما يوجه لنظام أردوغان من انتقادات، لا تزال أسس الديمقراطية قائمة في #تركيا.
من حوالي ست سنين روحنا نغطي الحج، وكنا في اواخر اغسطس والحرارة كانت رهيبة. واحنا ماشين بالعربية وسط الطرق الصحراوية في السعودية فكرت في حاجة واحدة بس، ازاي المسلمين مشيوا الطريق ده كله على رجليهم بالشهور وهمه بيهاجروا من مكة المدينة؟! مشقة كبيرة! #العام_الهجري_الجديد
قطع مساحات كبيرة من الخضرة بطول مصر وعرضها يؤلمني بشكل يفوق التصور وبيخلي الحياة هنا قاسية جدا! الأجيال اللي جاية حتدفع تمن التصرفات دي من صحتها وأعصابها! حنورثهم بلد متخمة بالخرسانة والأسمنت! أغلب المصريين معندهومش مقدرة مالية يسكنوا في تجمعات فيها ملاعب غولف الحقيقة!
عمري ما حنسى محتويات دار الكسوة. الدفاتر مكتوب فيها بمنتهى الدقة اسماء العمال ومواعيد حضورهم وانصرافهم وانواع الخامات وكمياتها وخيوط الدهب والفضة اللي بتطرز بيها الكسوة والقماش الحرير اللي بتصنع منه الكسوة، منتهى الجمال والدقة. مش كان المفروض ان دار الكسوة دي تتحول لمتحف؟!2/2
في أواخر حياته كتب وحيد حامد سلسلة مقالات مهمة ع�� مستشفى ٥٧٣٥٧ وكواليس الادارة وكيفية انفاق اموال التبرعات التي تقدر بالملايين ومعايير اختيار المرضى. وكان ما كشفه حينها صادما جدا ومع الاسف توقفت المقالات بشكل مفاجئ ولسبب غير معلوم وأغلق هذا الملف تماما!
كل الخطط طويل الأمد بتاعة الأسر المصرية اتكلت على الله خلاص..يعني اي حد كان بيحوش عشان يعمل اي حاجة قبل انهيار الجنيه أمام الدولار، صحي من النوم لقى اللي محوشه ده ملوش اي قيمة او قيمته خست اكتر من النص..اقصى الطموح حاليا ان الناس تاكل وتشرب..شئ مؤلم وبائس
محاولة استنساخ نماذج عمرانية لا لها علاقة بطبيعتنا ولا تاريخنا هي محاولة مفلسة! مصر مش مجتمع الأبراج السكنية العالية اللي زي المكعبات! المعمار عاوز فهم واستيعاب لطبيعة المجتمع واحتياجاته مش مجرد حديد واسمنت! رحم الله حسن فتحي وأمثاله من اصحاب الرؤية والمعرفة بقيمة هذا المجتمع.
في السودان، لا تذبح الحيوانات امام بعضها البعض! سكين الذبح يكون حادا للغاية بحيث لا يؤذي الحيوان! عملية النحر لا تستغرق ثوان معدودة ويقوم بها شخص متخصص وليس هاويا! لا توجد انهار من الدماء تسيل في الشوارع، على الاقل في تلك التي مررت بها في الخرطوم! للناس في مصر، خلوا عندكوا رحمة!
انا اتولدت واتخرجت واشتغلت في عهد حسني مبارك..وأول مرة في حياتي أشوف طوابير قدام لجنة انتخابية أو اعرف يعني ايه انتخابات أو تصويت كان في استفتاء مارس ٢٠١١ على التعديلات الدستورية! تقريبا مصر كلها كانت في الطوابير! الناس وقفت ساعات طويلة، وبينهم كبار سن، من غير تذمر ولا شكوى!
محافظ #اسكندرية بيقول إن الارصاد ق��لت ان كمية الامطار المتوقعة متوسطة وفوجئنا انها كتير. يعني العيب في الارصاد، مش في ان مفيش شبكة لتصريف المياه مثلا! لا إطلاقا! من سنتين تلاتة، في مسؤول قال ليه نعمل شبكة بمليارات عشان كام يوم بس في السنة؟! اعتقد هو ده المنطق اللي بيطبق حاليا
The
#BBC
staff in
#Cairo
are staging a three-day strike, from 17 to 19 July, to protest against their low salaries, and deteriorating living conditions.
حلقات خالد فهمي عن هزيمة يونيو في منتهى الأهمية. ينصح بمشاهدتها لنفهم الكثير عن واقعنا الحالي. انا شوفت برامج كتير عن العلاقة بين عبدالناصر وعبدالحكيم عامر وهي جديرة جدا بالبحث من وجهة نظر سياسية ونفسية. والحلقات بتسلط عليها الضوء بشكل بيفهمنا أسلوب ادارة مصر في الفترة دي
مهندسة بتسأل وزير النقل: ايه مصير الشق القانوني؟ وده بعد الهجوم على مقر النقابة
الوزير رد: أنهي شق قانوني؟!! انتي مش سمعتي كلامي؟! خدي من كلامي وردي على نفسك
المهندسة قالت: يعني عاوزنا نتنازل عن البلاغات ضد المعتدين
الوزير في النهاية اتنرفز وقال: انا رافض اسلوبك في ادارة الحوار
في حي العجوزة لوحده تم قطع عشرات الاشجار عمر بعضها اقدم من دول كتير في العالم..وتم ازالة حديقة في شارع وزارة الزراعة في حي الدقي عشان يعملوا مكانها محطة بنزين ومطعم كشري وحلواني
"These protesters have been chanting and calling on President Sisi to go and leave power"
The BBC's Sally Nabil says tear gas has been fired to disperse demonstrators in Tahrir Square in Cairo
[tap to expand]
@Sherif_Amer_
@nabilelhalfawy
@lufthansa
@EGYPTAIR
مصر للطيران حطت الشنط اللي المفروض تدخل بطن الطيارة على كراسي الركاب، ولما اعترضت لان ده بيمثل خطر على حياتنا خصوصا لو في مطبات هوائية..قالولي مفيش مكان في بطن الطيارة للشنط ولو مش عاجبك انزلي! ولا حتى اعتذروا عن الاهمال الجسيم وكل المضيفين كانوا بيتكلموا بأسلوب مجرد من الذوق
القبض على جاسر عبدالرازق المدير التنفيذي للمبادرة المصرية للحقوق الشخصية. وقبل ساعات من القبض عليه قال عبدالرازق لَبي بي سي إن ملاحقة الحقوقيين تمثل "هجمة جديدة من جانب الحكومة المصرية على المنظمات الحقوقية الجادة في البلاد". #مصر #حقوق_إنسان
بالنسبة للمقابر اللي من مئات السنين اللي من أيام المماليك اللي أزيلت، وغيرها اللي لسه مهددة بالإزالة واللي بتضم رفات أعلام مصر في السياسة والفنون والعلوم، هي دي مش جزء من تاريخنا برده؟ التراث لا يتجزأ وتاريخ عصر الحديث لا يقل قيمة وأهمية عن تاريخها القديم!
بعض سكان احياء شرق القاهرة وزعوا مياه واكل على الركاب العالقين في الطريق بالساعات بسبب الأمطار، البلد دي قايمة بالتكافل الاجتماعي الطوعي والجهود الذاتية لابنائها!
مصر اللي في فيلم "الأيدي الناعمة" بلد تانية غير اللي احنا عايشين فيها دلوقتي! كان في حديقة حيوان وحدائق المنتزة وبحيرة ونيل! كل حاجة نضيفة وخضرا ومعتنى بيها!
قريت رواية الحرافيش من ١٠ سنين، وفِي جملة اتحفرت في ذهني "وانتظر..وفِي الانتظار تتمزق أعضاء النفس". ساعتها حطيت الكتاب وضربت كف على كف بسبب عبقرية التعبير وازاي #نجيب_محفوظ قدر يوصل للتشبيه المؤلم ده عشان يحسسنا بقسوة الانتظار! أنا مبحبش انتظر أي شئ عشان كده الكلام وجعني!
ايه سر الإصرار الرهيب على إقامة نظام الامتحانات الالكترونية في بلد شبكة الاتصالات فيها لا تسمح بذلك؟ كل مرة النظام ده بيواجه مشاكل كبيرة لكن محدش عاوز يعترف بالفشل! والعيال بينجحوا من غير امتحانات! هل ده العدل؟ ولا كله يهون في سبيل إننا منقولش إننا غلط!
"لا يدخل الجنة من كان في قلبه مثقال ذرة من كبر...الكبر بطر الحق وغمط الناس" حديث نبوي. ومعنى بطر الحق: دفعه وإنكاره ترفعاً وتجبراً. ومعنى غمط الناس: احتقارهم
فيروس #كورونا اثبت ان نهضة الأمم الحقيقية مش بالسلاح ولا بالقوة العسكرية لكن بالعلم، وإن أهم شيء نصرف عليه فلوسنا هو التعليم اللي حيخرجلنا مش بس أطباء وعلماء لكن كمان شعب واعي يعرف يجنب نفسه موارد الهلاك! يتبع
قالك يوم رياضي كامل اسبوعيا في كل مدارس مصر بحلول العام الدراسي الجديد، طيب نحب ننبه المسؤولين إلى إن أغلب مدارس مصر تكاد تكون من غير حوش اصلا! اليوم الرياضي ده حيعملوه فين؟ مرة كنت بصور في مدرسة وعرفنا انهم ساعة الفسحة بيخلوا العيال يخرجوا في الشارع لان المدرسة مفيهاش حوش للعب
توفي الجندي المصري صاحب فكرة استخدام اللغة النوبية للتواصل بين أفراد الجيش المصري خلال حرب 1973 ضد إسرائيل. وتوفي الجندي النوبي أحمد إدريس عن 84 عاما. وكان إدريس صاحب فكرة استخدام اللغة النوبية، وهي إحدى أندر اللغات، للمراسلات بين الضباط المصريين خلال الحرب.
المفوضية المصرية للحقوق والحريات: أعداد المقبوض عليهم منذ ٢٠ سبتمبر ٢٠١٩ حتى الآن بلغ أكثر من أربعة آلاف مواطن، أكثر من نصفهم مازال قيد الحبس الاحتياطي. #مصر
اعتزال #داوود_عبدالسيد شئ مؤلم جدا لاي حد بيحب السينما وعارف قيمتها! لكن المناخ الفني والعام، مع الأسف، مش بتاع الفنانين أصحاب العقول والفلسفة والموهبة الكبير زي داوود عبدالسيد
لم تصدر نقابة المحامين المصريين حتى الآن أي بيان رسمي للتعليق على مسألة القبض على أكثر من محامي حقوقي سواء داخل أو خارج مقار النيابات خلال الأيام القليلة الماضية #مصر
مع قرب حلول منتصف ليل القاهرة زادت الاعداد بشكل ملحوظ فبدلا من العشرات، وصل عدد المتظاهرين لمئات وبدات قوات الأمن في إطلاق الغاز المسيل للدموع #ميدان_التحرير
كل اللي دخلوا المدارس بعد ٥٢ درسوا تاريخ مزيف نسب كل النقائص الممكنة لمصر الملكية! للتذكير، مصر الملكية شهدت بناء جامعة القاهرة ومبرة محمد علي ومعهد الموسيقى العربية ومعهد الفنون المسرحية وكلية الفنون الجميلة وبنك مصر وستوديو مصر وكل شركات طلعت حرب
سمعت من الكثير من سجناء الرأي في #مصر أن راديو البي بي سي عربي كان صلتهم الوحيدة بالعالم. فالبرنامج الصباحي يبث داخل السجون ليبقيهم على معرفة بما يجري خارج اسوار السجن. اليوم قررت #بي_بي_سي إغلاق الراديو العربي بعد أكثر من ثمانين عاما في إطار خطة لإعادة الهيكلة
هو في شئ مش مفهوم ..هي مش الحكومة قالت من كام سنة اننا اكتشفنا حقل ظهر اللي فيه اكبر احتياطي غاز في البحر المتوسط؟ وقالت ان ده انفراجة حتحل كتير من مشاكل الطاقة! المفروض الوفرة في الغاز تشغل محطات الكهربا بدون مشاكل، النهاردة الحكومة بتقطع الكهربا بسبب الضغط على الشبكة في الصيف
ركاب القطر هل همه عينة عشوائية للمجتمع المصري حاليا؟ اللي يشوفوا حياة بني ادم بتروح عشان ولا حاجة ويقعدوا ساكتين ويعملوا نفسهم مش شايفين..هل ده احنا حاليا؟
بعد تلاتين سنة، مين اللي حيبقوا جيل الممثلين والكتاب الكبار بتوع مصر؟!
مين حيكون مكان احمد زكي ونور الشريف ووحيد حامد وأسامة أنور عكاشة!
الإجابة حتعرفنا يعني ايه عقود من التجريف الثقافي والتعليمي!
الفنانين اللي بنفخر بيهم مكانوش بس حصيلة مواهب فردية لكن نتاج مناخ ثقافي كامل!!
#حدائق_المنتزة..جزء من ذاكرتنا الجمعية. اتصور فيها جزء كبير من تراثنا السينمائي! كانت بتضم اندر الاشجار! الصور المتداولة واللي بتظهر قطع الأشجار وتجريف المكان مفزعة! ومظنش ان في اي تفسير رسمي ممكن يبرر اللي حصل! سياسة القضاء على ما هو جميل دي هدفها ايه في النهاية يعني؟!!!
الناس صرخت على السوشيال ميديا عشان وقف هدم المقابر الاثرية ومحو شخصية القاهرة التاريخية..والبلدوزرات اكتسحت المكان! الناس بتئن من وطأة وضع اقتصادي شديد القسوة فيقرر البرلمان والحكومة فرض رسوم وضرايب جديدة تطال اغلب نواحي الحياة! مشاكل الناس في عالم وقرارات الدولة في عالم تاني
@AJA_Egypt
طيب وكانوا اتعلموا ليه من الاول ما كانوا خدوها من قصيرها وقعدوا في البيت بعد الابتدائية ولا الاعدادية! طالما الدكتورة شايفة ان الست ملهاش الا البيت
في مدينة حدودية في بولندا، دخلنا نصور في مدرسة حكومية. مستوى مذهل من النظافة والادمية، مكتبة كبيرة، ملاعب واسعة، فصول مريحة، مدرسين مليانين نشاط، اطفال مبتسمين مش مفرهدبن من كتمة الفصل وغياب الملاعب والمباني المتهالكة. ده الفرق اللي بينا وبين اوروبا انهم بيستثمروا في التعليم
#المتحف_المصري في #ميدان_التحرير من أجمل مباني مصر..قليلة هي المباني التي توازيه في القيمة المعمارية والتاريخية بالإضافة لموقعه في قلب القاهرة! أتمنى ألا تخفت أضواؤه وألا يتم تجاهله، فهو قيمة فريدة بين المتاحف المصرية ويجب أن يجهز بأحدث تقنيات العرض مع الحفاظ على طابعه التاريخي
السؤال هل في أي مسؤول اتحاسب على تدهور خدمات مصر للطيران وارتفاع تكلفة التذكرة في نفس الوقت؟
لا! ليه؟
لأن أي أزمة في البلد سببها ٣ حاجات مفيش غيرهم: ثورة يناير وكورونا وحرب أوكرانيا! لكن مفيش سوء إدارة لا سمح الله!
ومش بس مصر للطيران، مطار القاهرة واجهة تكسف للبلد
📌 تسبب إعلان خروج #مصر_للطيران من تصنيف Skytrax العالمي لأفضل 100 شركة طيران حول العالم، في مقابل استمرار وتحسن تصنيف العديد من شركات الطيران الأفريقية والعربية الأخرى، في غضب العديد من المواطنين وأعضاء البرلمان، وبروز تساؤلات حول سبب تراجع تصنيف الناقل الوطني.
@EGYPTAIR
➖
وطبعا ده كله في اطار "التطوير" انك تقلع شجر عمره عشرات السنين عشان تعمل الكورنيش سيراميك! مَش ده مفهوم التطوير اللي ماشي في البلد! موت الخضرة وحط مكانها صبات خرسانة! القبح في اكمل صوره! اللي بيعمل كده بيفكر ازاي وايه المتعة في انك تحرم الناس من اي لمحة جمال!!!!
حركة #طالبان تطلب من النساء العاملات في أحد بنوك مدينة قندهار التوجه لمنازلهن وعدم العودة للعمل مرة أخرى. المسلحون أخبروا النساء التسع أن أقاربهن الرجال يمكن أن يتولوا مناصبهن! مستقبل النساء والأطفال في #أفغانستان على المحك!
"The gunmen escorted them to their homes and told them not to return to their jobs. Instead, they explained that male relatives could take their place, according to three of the women involved and the bank's manager."
#Kandahar
,
#Afghanistan
يعلن العاملون في مكتب هيئة الإذاعة البريطانية في #القاهرة، الدخول في إضراب عن العمل لثلاثة أيام من 17 وحتى 19 من يوليو/ تموز، احتجاجًا على تدني الرواتب، وتدهور الأوضاع المعيشية، والسلوك التمييزي الذي تتعمد الإدارة في لندن انتهاجه ضد مكتب القاهرة، فيما يخص السياسات المالية.
إدوارد سعيد يتحدث عن عظمة اللغة العربية..الراجل ده كل مدى بحترمه أكتر..ياريت اللي شايفين اللغة العربية لغة دون المستوى وان الوجاهة الاجتماعية تكمن في التنكر ليها يسمعوا رأي الفيلسوف العظيم ده