اتنين في الترام بيتكلموا على فلاحين البحيرة اللي جايين يدرسوا طب في اسكندرية وبيضيعوا الفرص وبعدين بتسألني انتي في كلية ايه اؤمري حضرتك معاكي دكتورة فلاحة من البحيرة😍
To save the date
زي النهاردة من خمس سنين ختمت حفظ القرآن واليوم ده بعتبره من احب الايام لقلبي انا عارفه اني مقصرة دلوقتي بس كون ان القرآن في قلبي بحسه طريق مرشد ليا دايما في حياتي ونعمة كبيرة اوي ربنا يديمها عليا💖
عندي اقتناع طفولي شوية ان لما بتيجي الاجازه بتقدر ساعتها تفرق مين زميلك ومين صاحبك في المرحلة الدراسيه دي في ناس كنت بتتكلم معاهم دايما طول ما الدراسة شغاله اول ما تاخد الاجازة يحصل ستوب كده ، هنا انت كمان لازم تفكر تاني
كان في حد بيقول لو شفت بنت بتعيط في الشارع المفروض اعمل ايه وكده استحضرني موقف شفت بنت صغيره خالص عماله تعيط ف متمالكتش نفسي وروحت سألتها مالك يا حبيبي بتعيطي ليه ردت عليا من وسط دموعها قالتلي وانتي مالك يا بااااردة :"
ماما حرفيا كل ما تشوفني مشغله ام كلثوم تبصلي بنظرات كلها مليئه بالشك والخبث كده متبوعه بوالله شكلك بتحبي انا كنت فاكره الموضوع ده بيتعمل عليه ميمز كده مش اكتر :"
المهم وانا في الامتحان طلعت اجابة سؤال 1200 بس ملقتش في الاختيارات غير 120 قولت اكيد نسوا يحطوا الصفر يلا مش مشكله واختارتها وكملت عادي جدا ولا كأن في حاجه💆🏻♀️
مفيش احلى من لمة صحاب ثانوي اللي هو بعد الترم ما بيخلص وكل واحد بيجي من كليته نتجمع كلنا وكل واحد بيحكي الجديد في حياته ده لقاء الاصدقاء طلع احتياج مش رفاهية فعلا
دكتورة النهارده بعد ما كنا هنطلع في الاسانسير بتاع المكتبة قعدت تزعق ومرضتش تخلينا نركب وركبت هي لوحدها جه عامل قال سيبو الاسانسير للناس الكبيرة يا جماعه اتغاظت اوي كنت عايزه اروح اسقفله😂😂😂😂
والله مش غربه حتى بس مره في المدينة صحابي مكنوش معايا صعب عليا نفسي تفطر لوحدي خبطت على اتنين قدامي معرفهمش وقولتلهم انا جايه افطر معاكم الرهاب الاجتماعي يخاف مني
راعوا وانتو بتكتبوا اي حاجه عالفيسبوك فرق الاجيال كنت منزلة صورة من زمام وجنبي شلال ف بقول الشلال باين يا حسن ؟ زي مرجان كده قريبتي مستنية بقى من يومها وجاية تسألني النهرده في الخفاء كده بكل جدية مين حسن ده بقى بغمزه كده ؟ 😉 صاحبك؟😉
اكتشفت اننا كنا مقصرين في حق ماما لما كانت بتعمل الاكل وننسى نقولها تسلم ايدك انا لو عملت حاجة دلوقتي بلف عالبيت فرد فرد عشان يقول رأيه ويقولي تسلم ايدك😂
لحظة ادراك انك لازم انت تبدأ الاول لازم انت تعاتب الاول لازم انت اللي تفكر وتقرر في كل حاجة ولو مخدتش الخطوة الاولى مفيش حاجة هتتغير طب وليه بجد هو انا مكتوب على وشي فيرست ستيب ؟