ماحب كلمة "تغيرتي ماعاد انتي مثل اول"
طبببببعاً بتغير
طبعاً بحاول اتطور
طبعاً ماعاد انا مثل قبل
طبعاً بجرب شي جديد و اسلوب جديد و اعرف اللي يناسبني
طبعاً بتعلم كيف اتعامل مع الناس اكثر
طبيعي اتغير و اللي مو طبيعي لما الشخص يبقى سنوات كما هو !!
كل ماحسيت ان الشي اللي ودي فيه بعيد عنّي اتأمل قوله عز و جل
"فَوَرَبِّ السَّمَاءِ وَالْأَرْضِ إِنَّهُ لَحَقٌّ مِّثْلَ مَا أَنَّكُمْ تَنطِقُونَ"
فخلاص ادعي و اتوكل على الله و اثق ان ربي بيكرمني بجزيل العطاء اكثر من اللي اتوقعه و اتمناه ❤️
نوعية الناس اللي تتابعهم ترا مثل رفقة السوء و الصحبة الصالحة
فيه ناس تخليك تستسهل المعصية حتى لو مايقولونها لك صريحة بس يوم بعد يوم بعد يوم انت تصير ماتشوف الفعل هذا غلط
اننننتبه و انتبهي من رفقة السوء الخفيّه
تتأثر فيهم بدون ماتحس
بجرب معاكم تمرين قريت اليوم عن فوائده العظيمة بشكل مو طبيعي
اكتب اعظم صفه تحبها في نفسك
تحبها "انت" في نفسك مو الناس تحبها فيك
خذ وقتك و فكر زين في الصفه هذي و شوف وش بيطلع معك
اكرر
صفه تحبها انننتت في نفسك
@Gazan241
ملكتي كنت مسويه مكياجي عند شوق القحطاني كان ماعم و نظيف يجننننن
و زواجي اخترت مضاوي الطخيم والى الآن حابه الميك اب في الصور
بس الصدق شوق كان احلى ماغيرت ملامحي
فيه نصيحة عامة دارجة و الغالبية العضمى مقتنع فيها
"تزوجي واحد يعيشك بنفس المستوى اللي انتي عايشه فيه مع ابوك"
ابوك بعد ٣٠ سنه وظيفة او تجاره او غيرها قدر يحطك بالمستوى هذا
شلون تطالبين واحد صار له ٥ سنوات وظيفه يحطك بنفس المستوى !
اللهم لك الحمد حمداً كثيراً طيباً مباركاً فيه
دايماً احس اني عايشه في حالة رضا و اكتفاء و امتنان لنعم ربي علي للدرجة اللي احس اني مميزه جداً بكل شي
شعور ماعرف من وين جاي بس الحمد لله ❤️
علاقتي بالورد علاقة اعجاب من بعيد لبعيد
احب اشوفه مزيّن المكان بس ماحب احد يجيبه لي هديه لأن حرفياً مصيره الزباله
و الهدايا يفترض ماتنرمي فليش تهدي شغلة تنرمي !
خل نفتح موضوع العاملات ياجماعة بما ان الفلبين موقفين استقدام
عطونا تجاربكم الناجحه مع باقي الجنسيات و ايش كانت شروطكم
وانا عارفه ان الموضوع بالنهاية حظ و نصيب ☹️
مادري شلون عايشين الناس اللي كل يوم طلعات و روحات و جيات و سهرات
تبارك الرحمن على الطاقة اللي عندهم
انا طلعت ثلاث ايام ورا بعض بغيت انهبل
احس فقدت السيطرة على امور البيت وكل شي تراكم
غلط
صح الدنيا ماتوقف على احد و تقدر تمشي اي وقت ودك
بس مو دايماً تلقى اللي ترتاح له نفسك و تتطمن و يمكن تعيش باقي العمر كله مالقيت غيره
فَ لا تخلون علاقاتكم سهله الإستغناء عنها و هشّه
الممثل ادم ساندلر يوم كبر عرف يختار ادواره وبرز جدًا وصار يعجبني.. من بعد فيلم "Uncut Gems" الي ابدع فيه وصدمني يرجع الآن ويبدع جدًا في فيلم نيتفليكس الجديد "Hustle"
الفيلم نزل مؤخرًا وأنصح بالمتابعة وبقوة 🔥
لا يكون عبالك اذا زوجك طبخ اليوم يعني انتي بترتاحين !!!!
طلعي البهارات
طلعي الرز
وين الملح
وين الصحن
وين الولاعة
شغلي الفرن
و كل شي كان جوا الادراج يطلع ع الطاوله سواء له فايده والا ماله فايده
فنصيحتي لك لو طلب مساعدتك ارفضي رفضاً قااااطع
من زماااان ماجربت رمضان وانا جالسه في البيت
دايماً مداومه و الوقت كله ضايع بين دوام و نوم
ودي هالسنه يكون مختلف بس ماعرف شلون اخليه مختلف
عطوني جداولكم لرمضان
قال أحد السلف : لو رأيت أحداً ولحيته تقطر خمرًا لقلت ربما سُكبت عليه
و قال ابن القيم: والله إن العبد ليصعب عليه معرفة نيته في عمله ، فكيف يتسلط على نيَّات الخلق
الموضوع مو سهل و مو شي عادي تدخل في نيه الخلق
افنان الباتل تبازك الرحمن عيالها ٤ و كلهم صغار مره و سناباتها دايماً هادية و رايقه و دايماً تتقهوا
انا بنت وحده بسم الله عليها و سناباتي كلها بكا و صياح و صوت المشايه تفحط رايحة جايه
ياجماعة انا عندي مشكلة ماعرف كيف اعالجها
اروح الزواج و اليوم الثاني اذا سولفوا اهلي عن الحضور اطلع ماشفت ولا احد من اللي يسولفون عنهم
شكلي من بداية العرس الى نهايته وانا اطالع السقف
يقهروني الناس اللي يقولون لي لا تشيلين البنت ترا بتخرب عليك وبس تبكي تبي تنشال
طبعاً بشيلها و اضمها و انومها في حضني بعد
بتكبر و تعدي هالفتره من عمرها وانا بس ارضعها و ارجعها سريرها !
قلبي مليان مشاعر ☹️
شي غريب لما تتألمين و تعانين كم يوم و تجي لحظة وحده تسمعين صوت البيبي و يروح كلللللللل التعب والألم
مشاعر غريبة الله لا يحرم أحد منها
نعمة تخليك تستشعر الآية (المال والبنون زينة الحياة الدنيا)
الحمد لله حمداً كثيراً طيباً مباركاً فيه ❤️
لو بنجلس مع نفسنا ربع ساعة بس و نتفكر و نتأمل نعم ربي علينا بنحس قد ايش احنا مقصرين في الشكر و كيف احنا مركزين على اللي ناقصنا بس ولا نفكر باللي معنا ونمتلكه من غير حول منا ولا قوة