فلنفترض ان من قتل المتظاهرين طرف ثالث لا شرطة لا جيش لا دعم سريع لا أمن , طيب بتمنعوا الاسعافات وبتهاجموا المستشفيات ليه!
طيب قاطعين الاتصالات والانترنت تأمين للطرف الثالث يعني!
الدعم السريع قال ح يوقف الإنتهاكات !!
انتو يا قيادة الدعم السريع لو أصلا ضد الآنتهاكات البدخلكم قرية شنو!؟
البدخلكم مدينة ذاااتو شنو!!!
مدينة سيطرتوا على حامية الجيش واقسام الشرطة البدخلكم مناطق المدنيين شنو!!!
البرهان السمح للدعم السريع يعتدوا بالضرب على ضباط الجيش وقام بفصل كل ضابط لا ينحني لحميدتي وسمح له بالتجنيد والتسلح واقامة علاقات خارجية واخر شئ قام بتحريره من التبعية للجيش بصورة رسمية
ده البرهان البحدثنا هسي عن ( الكرامة)!!!
مناوي وجبريل موقفهم إتغير بسبب انسحاب الجيش من دارفور
بقت لو الجيش اتخلى عن دارفور لصالح الجنجويد يبقى كدة ما عندهم حق في مقاعدهم دي وتاني يا يرجعوا الخلاء ضد الجنجويد يا يشتغلوا معاهم موظفين.
لكن نهائي تغير موقفهم ده ما عنده علاقة بالجرائم ضد شعبهم.
قرى الجزيرة فبها نماذج القرى القاومت
والما قاومت والاتنين نفس المصير النهب والقتل والتشريد .
البحصل في السودان وتحديدا الجزيرة ما حرب بين الجيش والدعم السريع ، دي اكبر عملية نهب مسلح في التاريخ.
في رحلة البحث عن طريق ليرى النور قريباً كتابي( ذاكرة الكاريكاتير) للفترة بين 2010 الى 2019 مجموعة من الكاريكاتيرات السياسية والاقتصادية والاجتماعية منها ما نشر بصحيفة الجريدة ومنها ما لم تسمح به الرقابة الأمنية..كمساهمة للتوثيق لتلك الفترة البغيضة من تاريخ شعبنا.
الفلول لبسو لبس الدعم السريع على تاتشرات الدعم السريع المجهزة بمضادات الطيران واحتلوا ٢٢ مستشفى وعشرات البيوت واعتدوا على البعثات الدبلوماسية ونهبوا المحلات التجارية والبنوك وسيارات المواطنيين و..ااخ
عشان يشوهوا سمعة الدعم السريع.
#لا_للحرب_نعم_للإطاري
#لا_للإطاري_نعم_للحرب
الدعم السريع ما قادر يوقف جنوده من تصوير انتهاكاتهم خليك من انه يمنعهم من إرتكابها!!!
ما نعتبره إنتهاكات وجرائم ضد الإنسانية واضح انه ده حافز لجنوده للقتال .
الفيديو الأهم في تقديري هو فيديو الرجل الذي قال لعقار لولا الذين وصفتهم بالاولاد البصفقو ,ما كنت هنا وما كنت حايم بسارينا!
كنت بتمنى يتقال ليهم مجتمعين كدة لأنهم بتعاملوا كأنه البشير سقطوه بسلاحهم!
الفلول القبضوهم في مدن دارفور منو!؟
الفلول القبضوهم في الخرطوم منو؟!
الفلول القبضوهم في مدني منو؟!
الدعم السريع اي مدينة دخلها بفتشوا على اتنين
الناس الاثرياء او العساكر سواء في الخدمة او معاشيين.
ما هو انت كسياسي ما مفروض تكون قاعد زينا وبتنتقد في قحت
مفروض تقوم علي حيلك لو ما عجبوك اعمل تحالفك
فعليا الفاعل السياسي الوحيد البنعرفه وبيعرفه العالم بره ياهو قحت
عايزين منافسة عسى ولعل الأداء يتحسن.