أعتقد إني بنتمي لمبادئ الزمن المتأخر بخطوة، في وسط الـ cultural fluidity هسمع كل الأصوات، لكن هبقي عارف أنا مين و واقف مين. العالم ما بتجمعوش أخوة واحدة و قضايا متشابهة، أنا بنتمي لبقعة عالم تالت أتمارس عليها colonialism فجّة أخرت مسارها، و عارف مين أعدائي كويس.
صديق لينا توفاه الله في 2012 في ملابسات أليمة، يظل صديقه و حبيبه الأقرب ليه كل يوم بيذكره بوِرد من القرآن علي بروفايله الشخصي، كل يوم و علي مدي 12 عام، يا الله علي الإنسان و الحنين.
What is your view on this? I think without mentor wasn't bad in your early stage of your career, that it trial and error, which given you the experiences.
أسئلة الغلابة الحقيقية ليست الـ MCQ بل الـ written لأنك ممكن تقتله بكثير من اللي في جعبتك ولا يدري عنه شئ: أنا مش عارف الـ metabolic response to injury إتفضل سورة الإخلاص.
بقيت بشكل دوري أشوف واحد/ واحدة يتوقف عن سيره ليخرج أكل يبدو نضيف لقطة شارع، و على بعد متر بالظبط طفل شوارع تلات سنين malnourished و مشحّم جالس يشاهد بحسرة. من يزني بعقولكم يا جماعة؟ أصل لو ده نابع من ذواتكم ما ينفعش نحسبكم كاملي الأهلية.
ازاي افرق بين اني واقع في حب شخص و انه مجرد اعجاب عابر ؟ — تلك تعريفات إشكالية لا منفع من طرق سبلها، هل تحتاج أكثر من طيب المعشر و الروح الجميلة و إتفاق الرؤى و تقبل العيوب أيا كان مسمى هذه الأشياء؟
الناس متخيلة إن مستشفيات القطاع الخاص فيها دكاترة مختلفة عن الطبيعي، لا و الله بيبقي خارج من بلقاس العام ما عملش epistemological shift يعني و هو رايح كليوباترا.
لما تبص من فوق علي سيستم معتوه زي النيابة، بكل ما فيه من ضغط و توتر و تعب جسدي، بتسأل نفسك سؤال بسيط: هل يستحق الأمر الحرمان من رؤية الأهل، معانقة الغروب و الحديث مع من تحب كل هذه الأيام الطوال؟ الإجابة اللي الكل يعملها هي لأ، لكن لا نملك الجرأة الكافية لإعطاءها حياة و وجود.
في الأيام الأولي لنيابتي لما كنت بتساب في المستشفي بالـ 11 و الـ 12 يوم ورا بعض و بيتطلب مني تاسكات النواب و الأمتياز حصل مرة إن رجلي ورمت فشخ بشكل رعبني، مكنتش عارف أمشي عليها و لو خطوتين. روحت أعمل duplex فما طلعش فيه شئ مهم، بس صعبت علي مدرس مساعد الآشعة لما شاف حالتي العامة
في أشياء في إتيانها شجاعة و في أشياء لابد أن نعرف فيها مقولة چون هانتر:
"A Bad System Will Beat a Good Person Every Time."
يا رب أعطنا القدرة علي التمييز و الفصل و تتبع الحق و تغير الطريق إذا لم يكن في طرقه منفعة.
في مرة و أنا چونيور أتفشخت علشان سمحت لعيان تبعنا ينزل عمليات مع speciality تانية و هو لسة على تذكرتنا، مكنتش فاهم أوي بس عرفوني حينها إن ده حاجة شبه الدياثة جراحيا و أنك قد تكون فقدت شرفك، و قعدت شاعر بالخزي و قررت أرقّد لحد ما ردتها منيرة و ساطعة و نزلت عيان استكشاف على تذكرتهم
القلق كان طول عمره صديق مألوف، لكنه كان دائما "القلق الآمل" الذي يعلم -رغم خوفه- أننا سنصعد هذا الجبل. السنين الماضية تبدّل إلي "القلق اليائس"، لربما لن نصعد هذا الجبل لكن و بأي حال، سنحاول.
الجراحة دي كريزة العلم الطبي بقدرتها علي التدخل السريع بقلب الأمور و استعادة نصاب الاضطراب إلي أصوله. لكن تبقي الأحجية، الجراحة الناجحة تحتاج لطبيب شاطر medically ليضع الكريزاية علي قمة التورتة، و المكان اللي أنا فيه ما بيعلّمش ده أبدا.
الحرص علي إبقاء الطرق البديلة غالبا بيقتل الإنسان ببطء و هو لازال يظن أنه بيملك مفاتيح لعبته. غالبا الحياة بسيطة و كل اللي مطلوب أن تحرق سفنك و تقف عاريا علي الشط، خلفك البحر و أمامك ما تهاب، حينها بس، بيظهر الطريق.
دكاترة الامتياز الشاطرين بيشيلوا آمال المرضي علي أكتافهم، في وسط آلاف الاوراق المتعبة التي تتوقف عليها حياة المرضي هتلاقي أحدهم اللي قرر ياخد الموضوع تحدي شخصي و يتصدر و يذلل العقبات و يحل المشاكل، لو لم يكن هذا هو الذي ينفع الناس و يمكث في الأرض يا تري هيكون ايه؟
مساعدات أطباء الإمتياز بالـ insights الرائعة منهم لابد أن تؤخذ من باب أنه "لا تحقرن من المعروف شيئا". أحسب إني و أنا أمتياز أعطيت آراء أنقذت عيانين، و أحسب و أنا نايب تاهت مني أشياء قاتلة لم يذكرني بها إلا أطباء الامتياز.
في هذه المهنة بتحتاج لكثير من ضبط النفس حتي لا ترتكب الحماقات، ده مثلا كان عيان decompensated heart failure عامل above knee amputation بجرح جيد جدا، كانوا جايين يحجزوه علي سرير جراحي لمعالجة فشل عضلة القلب، طبعا رفضت. و مازالت أتلقي هذه الكراهية في صمت حتي قررت أـ block الرقم.
في وحدتنا مدرس غزير العلم واسع المعرفة -أعطاه الله المزيد من فضله- بيتبع مبادئ الـ enhanced recovery بكل aggressiveness الدنيا. بيأكل و يشرب في لحظتها، ما بيحطش درانق إلا بعد سؤال النفس مليون مرة، بيـ conserve حتي تحترق السماء و العيان بيقومه من ترابيزة العملية علي بيته.
تنوع التأويلات ما بين الثبات اليقيني و الخوف الذي يخلع القلوب و يعمي الأبصار لا يهم، ألا تن��وي أعظم البطولات على خوف أصيل؟ لربما كانت جسارة الدنيا في قلبك فسرت واثقا، و لربما ذبح الخوف روحك فلم تطعك قدماك، لا يهم، فقد مت واقفا واثقا غير آبه، نحسبك في مقعد صدقٍ حيث لا خوف ولا حزن.
أنا مش قادر ولا عارف اتجاوز المشهد؛
بعد ما قصفوا اصدقائه قدام عينه ، استمر بالمشي بهدوء وخطى ثابتة لأنه كان متأكد بعد ثواني هينزل عليه صاروخ.
للأبد سيبقى هذا المشهد سكين في قلبي وعقلي.
في دراسة منشورة من 3 ايام بالظبط في JAMA عن الرابط بين لون الـ scrubs و تأثير ذلك علي إدراك المريض ليك كشخص knowledgeable من عدمه و trustworthy أم لا. الجراحين في السكربس الخضراء هم الأكثر ثقة و علم في نظر المرضي و ذو السكربات السوداء هم أسوأ الجراحين.
أمانة نقل علوم الطب -و علوم الجراحة بالذات- مهمة ثقيلة على من حملها؛ كيف لا و هي خبرة اكتُسبت من آلام و أوجاع و أرواح البشر، جمر حارق لمن كتمه و خير جارٍ لمن أطلقه. يا رب أنزع من قلوبنا شهوة الإبقاء و خفف حسابنا لما نكبر و معارفنا تكبر معانا.
مش عارف أمسك العصا من المنتصف، علشان تتعلم كويس مفيش أي أوبشن غير أنك تفني حياتك و تحرق كل شئ في سبيل كدة، يا أما الغرق في كنّا و كانوا. مش عارف أظبط فكرة الكارير المقبول مع حياة فيها تواصل و علاقات، منتصف الأشياء لا يوجد ولا يؤدي لأي مكان.
و الله لا أتمنى إلا السلامة و الأحداث العادية التي لا تقصم الظهور و ألا يتملك الرعب قلوبنا في الرحلة. كل الأشياء ثقيلة إلا بعون الله، و نسأل المدد في العون و الصبر للتحمل و الحلم للإتيان.
ممكن ما يكونوش perfect fit بس أكيد في correlation، الناس لا تُصبح أوائل إلا لأنهم disciplined و شغوفين و دؤوبين، و ده جزء كبير من اللي يحتاجه المرء ليصبح طبيب شاطر.
ساعتها عرض عليا عرض مغري: هكتبلك DVT في الدوبلكس و تاخد بيها أجازة أسبوعين رسمي علي الأقل بشكل لا إرادي شكرته بأدب و خرجت كملت الإستقبال فالبوست عادي، المواقف اللي زي دي بستعيدها لما البوصلة تتوه مني كل مرة، علشان أقول لنفسي أن في نواة صلبة سيكا بس نصبر.
أنا و الله ما عندي ذرة ندم، أصل الصحة و الجهد لو مش هننفقهم في سبيله و دلوقتي هننفقهم امتى؟ لا نيل للبر إلا بإنفاق ما نُحب، و مفيش شئ نحبه أكثر من اعمارنا. حزني الوحيد بس أنه نفسي احيانا تغلبني ولا يكون عملها خالصا، و في هذا أسأل العون و المدد.
هذه appreciation tweet لما تقوم به هذه الفتاة الجميلة. الطب في بقاعنا مهنة stigmatized ضد النساء، فتقرر أن يكون حلمها الأول و تلتحق به بجدارة و بدون connections كـ first generation medical student، ثم تتخرج منه بمجموع رائع و بدون مساعدات خارجية تقريبا
من كانت كل دوافعها هي "إزالة الحرج" لن ترى في طريقها إلا الحرج. أليست فيكن عاقلات تريد أن تـ pursue الجراحة لأنها تريد أن تكون مبدعة و تقدم ما ينفع الناس و ترى في ذاتها الأهلية لهذا؟
سمعت بودكاست لثيرابيست أجنبي بيقول "إن ربنا خلق الأنثى للإستقبال ،وأياً كان اللي هتستقبله هتضاعفه وترجعه للذكر، هي اتخلقت عشان تعمل ده، لو إديتها نُطفة هترجعهالك طفل، لو إديتها خضار هتديهولك وجبة، ولو إديتها إحباط فـ هتضاعفه بردو وترجعهولك، وقال في الخِتام جملة حلوة أوي
أنت مش بتحن لنفسك الماضية يا صديقي، نفسك الماضية كانت قلقة أيضا. أنت بتحن لفرصة جديدة للأشياء بعدما تعلمت بالطرق الصعبة، و المسافة بين اللحظتين هو أنت. الحلم موجود لأنك باق، و إذا صار حقيقة لن تصبح أنت.
في آخر سنين الكلية كنت بمتلك صرامة معيارية تكاد تكون نازية، حد يقولي هنسحب CRP في كذا أقوله لا مش validated و ابتدي أسرد الدلائل من الـ EBM. ثم سنتين و نص من الطب المصري، و آه من الطب المصري، لو أمسكت بربع ما تبقي من شرفك لنجوت.
99% من حالات التعدي على الأطقم الطبية بتتلخص في الصورة دي
..
محمد فؤاد (شقيق المريض) بيسأل الطبيب.. والطبيب للأسف مش متبع أبسط قواعد الذوق واللياقة.. إنه يبص له حتى وهو بيتكلم !
..
الطبيب مش مطلوب إن يعامله كأحد المشاهير ولا حاجة.. بس يتعامل بمهنية شوية.. صعبة دي؟!
و الله المصريين دول ناس نضيفة، 45 سنة من محاولات التوسيخ المستمرة اللي ربما ولّدت قشرة سيئة، بس في الأعماق لسة عندي إيمان إن الناس عارفة مين عدوها و مين صديقها.
تويتة في حب د. أسماء فتحي، واحدة من أكثر الناس اللي بتهتم باللي حواليها كـ بني آدمين خارج إطار الشغل الضيق و اللعين، ده غير إنها ما شاء الله تمتلك آلاف الـ tips and tricks اللي أنت أكيد ما تعرفهاش، مش زعلان منها غير في أنها قعدت شهرين بس معايا.
عيان داخل الإستقبال متخرتق واقف قدامه لا أنت عارف ده massive intraperitoneal hemorrhage ولا tension pneumothorax ولا ماله ده
أطباء أحد الـ specialities: استني اشوف الكسر اللي في عرقوب رجلك ده Pott's type A ولا B
يعني لا أحلم بالثراء الفاحش من الممارسة الطبية، أتمنى بس منه إنه يعطيني حياة كافية ماديًا و ساعات عمل منطقية و أنا مستعد أـ dictate كثير من وقتي ليه حتى خارج أوقات العمل كتطوع، ما أبقاش مجبر بس.
الفكرة إن دمياط واجهت حملتين منهم بشكل مباشر -الخامسة و السابعة- و كانت هدف جانبي لواحدة تانية. و كثير من لوحات الـ Knights templar و هم مأسورين أو مقتولين أو مصابين كانت ساحته�� أراضي دمياط.
بسنّد أحد مرضاي لحد كشك الغيار علشان أغ��ّر عليه لقيته راح مشبّك ايدي في إيديه كعشاق ڤينيسيا في القرن الـ 16. يا حاج أنا emotionally disturbed بما يكفي بالله عليك مش ناقص.
الحقيقة الصادمة : دي مش مسكة ولا فيها ريحة الحنية
دي ردود افعال لا إرادية من الطفل اسمها primitive reflexes نتيجة ان المخ والجهاز العصبى بتوعه لسه متطوروش ولو ظهرت في الكبار بتكون نتيجة خلل في ال cns او neurological disorder
أنا قلبي بيتقطع كل يوم في الشغلانة دي، بنجري كل يوم زي الفراخ البلهاء في أشياء لا جدوي منها -و أحيانا مؤذية- و مع ذلك مجبرين علي الجري بلا هوادة. حقيقي أنا حزين من الموقف كله.
بس عارفين إيه الحزين في الحياة دي يا شباب؟ إننا بدأنا نـ compromise بدري، بدأنا نرضي بحلول أقل من الوسط و بأحلام تلاتربع مُجهضة، كنت فاكر إن العشرينات هتبقي أكثر غضب و تمرد من هذا، كنت فاكر إن مرحلة أمرؤ القيس "و لقد طوّفت في الآفاق حتي، رضيتُ من الغنيمةِ بالإياب" هتتأخر شوية...
عايز أقولكم علي شئ هام و هو إنه الـ reference ranges للتحاليل علي الأغلب مش بتبقي relevant أوي في الكلينيكال براكتيس الحقيقية
دعوني آخذكم في جولة في نتائج PRECious 1 study
ما يحزنني و الله هو أنك بعد يوم عمل طويل تكرر لمرات لا يعلم عددها إلا الله مشيت فيه ما يقرب من الـ 20 كيلو و موزع ما بين العمليات و حالات الطوارئ و مناظرة الداخلي و بعدين تجلس لتقرأ كيف يرى الفرد العادي الطبيب في حياته، و الله إذا كان منزلتي في الحب عندكم ما رأيته فقد ضيعت أيامي.
أفضل طريقة للسفر للخارج هو أنك تخلص كلية الطب و تاخد الماجيستير و تاخد الدكتوراة و بعدين تفصل سنتين كدة تركز فيهم، تتقن مهنة الجزارة و تـ document مهاراتك في المدابح و تسافر كصاحب حرفة، علشان كدة كدة الـ social scores اللي هتجيبها في هذه المجالات هتبقى أحسن.
بعشق الصورة دي و بجدها معبرة عن حبي للجراحة، كومبو العلم مع القدرة علي التدخل السريع لقلب الأشياء. أتذكر في اليوم أول ما فتحنا Midline البطن كانت بحر دم، د. كريم وحيد ببراعته المعهودة حقق source control في ربع ساعة، يومين و العيان كان في بيته.
النيابة مش بتعلم العلم الـ advanced، بل هي تكرار الشائع حتى يتماهى معك، لحد ما يصبح فهم الشائع هو طبيعتك و ذاتك و عنوانك. و أنا طالب كنت أعرف محاولات علاج الـAcid Sphingomyelinase Deficiency، و أنت نائب محتاج تعرف عيان perforated DU and shocked تعمله إيه.
أعتقد إنه هناك حكمة خفية في تسلسل تعليم الجراحة و كونك بتتعلم التقفيل قبل الفتح، من البداية بالجلد حتي تقفيل البطن، الرسالة هي إنه هدف الجراحة مش الـ disruption لسيستم قائم، هدفها هو في العودة للطبيعي، في إستعادة نصاب الأمور.
رحيل أحد أقرب الأصدقاء للسفر البعيد -لن أذكر أسمه لعدم معرفتي برغبته في الإشهار من عدمه- يطعن القلب بخناجر الشجن. لم يكن الحديث معه لغوا كما شاع الحديث، بل كانت الكلمات تعرف طريقها و تصيب قلب الأشياء و تعني ما تعنيه، و العالم -بأنغامه الحزينة- يراه كما أراه.
سأفتقدك يا صديق
كل الجراحين الأسطوريين اللي تشرفت بالتعقيم معهم لم أر منهم كرامات الأولياء أو الحذاقة تتناثر في الفيلد الجراحي بدون داع، بل على العكس لما رأيت IVC مقطوع مثلا كانت الـ skill set المستخدمة ربما تعرفها أنت عزيزي القارئ، لكن ما اختلف هو القلب الهادئ و العقل الرزين و الصبر عند الخوف.