Head of Engineering at
@thndrapp
. Passionate about managing teams and building products that matter. Husband. Father. Madridista. Opinions are my own.
واحد من أنجح اللي اشتغلوا في Intel في عزها John Doerr عندة مقولة مشهورة:
"We need teams of missionaries, not teams of mercenaries."
"نحن نحتاج لفريق من المُبشرين وليس من المرتزقة"
هاشرح واحدة من أهم المميزات اللي بتعرف بيها الشخص الشاطر والمهم للفريق وللشركة ..
الراجل بيشيل بنته اللي استشهدت في القصف وبيقول مش هنستسلم، وواحد شايل جثمان طفلته الرضيعة وبيقول كله فدا المقاومة .. دكتورة بتعرف ان زوجها استشهد ومكملة في تأدية واجبها .. وعشرات المواقف التانية
الشعب ده هينهزم أو هيخسر قضيته ازاي؟
مستحيل والله .. مستحيل.
صباح الخير، أحب أفكرك انه ..
“If you are the smartest person in the room, then you are in the wrong room”
ماتطوّلش في المكان اللي انت أشطر واحد فيه، ومش هتتعلم فيه من حد، ومش هتلاقي فيه حد تتنافسوا سوا وتكبروا مع بعض ..
من أصعب الناس اللي اتعاملت معاهم في الشغل دايمًا مكانوش اللي مش أذكياء او مش شاطرين، ولا اللي عندهم مشاكل في شخصيتهم أو attitude issues .. ولكن كان التعامل مع ناس تنافسية بشكل عنيف او overly competitive people هو الأصعب، بالذات مع IQ عالي و EQ ضعيف .. حرفيًا دبابات مش بتقف!
عندي صديق جميل جدًا من النوع اللي لما حد يقولّه حلو التيشيرت ده يقولك ربنا يخليك ده انا جايبه من المكان الفلاني وعامل discount دلوقتي يلّا روح هات زيّه، ولما مثلاً يتعلّم حاجة جديدة يحاول يعرّفنا إتعلمها ازاي ومنين .. بيعمل كده على طبيعته ومن غير ما يستنى كلمة شكر او مُقابل ..
كام تيشيرت أو صورة لمحمد صلاح هتلاقيهم تحت الأنقاض وسط آلاف البيوت اللي اتدمرت وأصحابها اللي استشهدوا او اتصابوا او اتهجروا كانوا بيحبوه وبيعتبروه قدوة في النجاح؟
هو مش مُلزم ولا مُجبر انه يتكلم على القضية ويوصّل صوتها لملايين الناس، بس أنا مش قادر أتخطى انه حذلنا وخذلهم كلهم ..
هروب المستوطنين بيوضح أكبر مشاكل العدوان: انه ممكن يحط ايده على الأرض بس مستحيل يزرع الانتماء .. كل الڤيديوهات اللي بنشوفها النهاردة من الأراضي المحتلة هتلاقي الناس بتهرب وبتجري علشان دي مش أرضهم، دي أرض سرقوها من أصحابها ..
عاوز أقول لو أنت عندك شك ١٪ انك هتتعب او هتكتئب بسبب الحادثة الدموية اللي حصلت النهاردة فا ياريت ماتتفرجش ولا تقرا أي حاجة .. ما تستهونش بخطورة النوع ده من الأخبار والڤيديوهات عليك وعلى صحتك .. سلامك واتزانك النفسي مش رفاهية، ده ضرورة ليك وللناس اللي حوليك ..
غالبًا انت مش هتكون جاهز ١٠٠٪ لأي خطوة أو قرار محتاج تاخده .. قرارات زي: تغيير شغل، تعلّم حاجة جديدة، تغيير كاريير، تكوين صداقات وعلاقات او التخلّي عن بعض منهم .. السبب ببساطة هو أن الدافع الأكبر لأي حاجة من دول انك تكون مش مرتاح أو مش مبسوط ومحتاج تغيير.. دي أهم دوافع الـgrowth
هل تؤمن بوجود كورس مفيد ومدته مش أكتر من ٢٥ ساعة على Udemy؟ .. لو الإجابة نعم عزيزي القارئ، ممكن تبعتلي إسم الكورس ده بغض النظر عن الحاجة اللي بيناقشها .. شكرًا
عزيزي اللي كل ما تلاقي حد مُتعاطف مع أوكرانيا تروح تقوله كنت فين من اللي بيحصل في فلسطين والعراق وسوريا .. حابب أقولك انه والله انه تعاطفنا مع أي مظلوم في الأرض ممكن يشمل ويتسع لأخواتنا وحبايبنا في الدول دي وكمان في أوكرانيا ..
عندي نصيحة صغيرة انك تحاول تنتظم وتروح الچيم في العشرينات لأنه ممكن يُعتبر أكبر استثمار ليك بعد كده.. لو عرفت تكوّن بناء عضلي كويس لفترة وحتى لو بطّلت بعدها سنين هتعرف ترجع والـmuscle memory هتساعدك أسرع من لو ابتديت في التلاتينات مثلاً علشان (محتاج) تتمرن لصحتك او لوزنك الزايد
صباح الخير .. انا باحب رواية الإمام الشافعي دي جدًا:
"لو أَصبتَ تسعاً وتسعين وأخطأت واحدة لترك الناس ما أصبتَ وأسرّوها ،وأعلنوا ما أخطأت وأظهروها .. فأنفض عنكَ غُبار النّاس"
انك تدخل ٢٠ عربية لمئات الآلاف من اخواتك علشان تساعدهم يستحملوا الضرب والقصف وتقفل المعبر وراهم ده من أكتر التصرفات اللي هيقف قدامها العالم محتار وهو بيقرا تاريخ المنطقة العربية في الفترة البائسة دي من الزمن والله
"يعني أنتم ماوقفتوش القصف والقتل والموت بس دخلتوا أدوية وأكفان؟"
مهم ان الواحد يتعلّم معنى الإعتذار الواضح الغير مشروط طالما متأكد انك كنت غلط او أذيت شخص.. تتأسف عن الحاجات السيئة اللي عملتها بشكل واضح من غير لف ودوران ومن غير كلام من نوع "أنا آسف بس انت اللي خليتني اعمل كذا" أو "متأسف بس مكنتش متخيّل انك هتزعل".. ده اسمه manipulative apology
أغلبية الناس في مصر بقت بتقضّي حياتها تحاول تتعلم وتذاكر وتتحرك بين الشركات علشان تزوّد دخلها، مش علشان تحسّن مستوى معيشتها لأ للأسف ولكن علشان متنزلش لتحت مع كل تعويم وتضخم بيحصل .. قصة حقيقية حزينة!
مش محتاج أفكركم أنه:
You don't have to please everyone, and that's okay!
لأنه معظم الناس اللي هاتشوفها مضغوطة ومُرهقة غالبًا هتكون بتحاول ترضي الجميع، ومش بتعرف تقول "لأ" لحاجات كتير علشان اللي حوليهم مايزعلوش منهم وعلشان يفضلوا دايمًا validated في نظرهم .. إتعلم تقول لأ عادي ..
اول اسبوع شغل ليا في شركة جديدة سنة 2013 كان بيشرحولي سيستم عملاق معمول كويس أوي وفيه سيرة Architect بتيجي كتير، أصل فلان هو اللي اقترح كذا، دي فكرة فلان، اكتبها وهنسأل فلان .. المهم سألتهم فين فلان ده قالولي واخد أجازة أسبوع علشان لعبته المفضلة نزل منها نسخة جديدة ومحتاج يركز ..
ايه البيزنس اللي ممكن تعمله او تستثمر فيه فلوسك ممكن يجيبلك ٢٥٪ ربح صافي كل سنة؟ ايه الاستثمار اللي ممكن يتحط في البلد يجيب الرقم ده؟ مش مستوعب احنا رايحين على فين والله
١/ أول ٢٠ دقيقة في أي interviews مهمين جدًا، وللأسف ناس كتير مش بتحضّرلهم كويس .. بنسبة ٨٠٪ هيبقى أول سؤال تسمعه "احكيلي شوية عن نفسك وعملت ايه في الكام سنة اللي فاتوا؟" .. ماينفعش خالص تكون مش مجهّز قصتك والنقط اللي هتقولها وترتجل في الردود.. ده ممكن يسيب انطباع أول مش لطيف
قرار انك كل فترة تتفق انت وصحابك انكم تشتغلوا سوا من نفس البيت وكلكم في شركات مختلفة ده قرار ممتاز اديله 2/10 من ناحية الـproductivity و 10/10 من ناحية جودة الفطار والغدا والصحة النفسية ..
كنت باقرا شوية عن الـturnover (معدل/نسبة رحيل الموظفين من الشركة ونسبة تعويضهم بناس جديدة) وكان فيه أرقام مهمة وظريفة عن الموضوع ده:
١/ متوسط استمرار الموظف في شركة واحدة كان حوالي 9 سنين في التمانينات 1980s، بينما في سنة 2020 وصل لـ3.5 سنة بس، والرقم هيقل أكتر قريبًا ..
كنت باتكلم مع واحدة لسه جاية التيم وكل واحد بيحكي عن نفسه في أول ميتينج .. باقولها اتخرجت في 2010 واشتغلت على طول وبعدها حصلت الثورة ولسه باكمّل كلامي لقيتها بتقولي أيوا أنا كنت في grade 5 ساعتها ..
أكتر حاجة هتفكرك انك لسه محتاج تتعلم وانك مش أشطر واحد وتخليك متواضع طول الوقت هي الشغل مع ناس شاطرة .. الشغل مع حد أشطر منك و (يكون انسان كويس) نعمة محدش بيقدرها التقدير الكافي ..
النهاردة uber قللت من تسعيرة الرحلات في مصر، رقم بسيط في سعر الكيلو متر، بس هو مؤشر ان المنافسة هتبقى عنيفة وخصوصًا ان أوبر عندها هزيمة تاريخية في الصين على يد DiDi واضطرتها انها تنسحب وتشتري حوالي ١٢٪ من أسهم DiDi علشان يفضل ليها تواجد في سوق ضخم زي الصين.
عزيزي مستر كيروش، معظمنا ماعاصرش الكلاحة الكروية الدفاعية العظيمة اللي عملها جيل المنتخب في مونديال ١٩٩٠ .. ياريت نكرر الملحمة دي النهاردة ونعمل أقذر ٩٠ دقيقة ممكن يشوفها العالم .. ومن أراد المتعة فليذهب الى السيرك
النهاردة LinkedIn يضايق جدًا زي كل مرة بيحصل فيها layoffs، ناس كتير قضّت سنين في شركاتها ومنهم فوق الـ١٠-١٥ سنة وفي الآخر جالهم automated email انهم هيمشوا .. ده بيخليني دايمًا أفتكر مقولة
"Love your job but never fall in love with your company!"
من كام ساعة، أيلون ماسك اشترى حوالي ١٠٪ من أسهم تويتر بـ٣ مليار دولار والسهم طبعًا طلع لفوق حبة حلوين 😀 .. وحاليًا هو بيهزر شوية بفلوسه زي ما احنا شايفين:
انا مقتنع بالجملة دي مع اني دايمًا باحاول اثبات عدم صحتها:
“You’re the average of the five people you spend the most time with”
لو اللي حوليك ناس بتشتكي هتلاقي نفسك بتشتكي، لو طموحهم يبقوا أحسن هتلاقي نفسك بتفكر كده، لو منعدمة الطموح هتقدم رجل وتأخر التانية مع كل خطوة لقدّام ..
مش هتحس بمأساة انك شخص perfectionist غير لما الظروف تخليك تشتغل مع حد perfectionist زيّك، ووقتها ابقى قابلني لو فيه حاجة خلصت او اتسلّمت منكم انتم الاتنين 😀
كنت باقرا شوية عن موضوع الشغل والـwork-life balance وازاي تاخد بالك من أولوياتك، لقيت الرد ده على reddit وماعتقدش اني هانساه:
“Twenty years from now, the only people who will remember that you worked late are your kids.”
فا ياريت تتأكد ان المجهود الإضافي ده في محله ويستحق ..
عندك مشكلة ما في أي حاجة في حياتك؟ بتعرف تعبر عنها بـkeywords واضحة تخليك تـsearch كويس على جوجل؟ يبقى ناقص بس تكتب reddit وانت بتدوّر وهتلاقي قصتك غالبًا اتكررت مع كتير غيرك وهتقرا وجهات نظر تانية وتجارب مختلفة هتفيدك وهتساعدك وتخليك تحس انك أحسن ومش لوحدك.. أنا باحب reddit جدًا
يضايق أوي موضوع ان الناس الشاطرة اللي دايمًا مش واثقة في شطارتها وبتشكك في قدراتها بتفضل ساكتة في نفس الوقت الناس اللي أقل منهم شطارة وذكاء وقدرة على الانجاز بيملوا الدنيا رغي وكلام كتير من غير تنفيذ ..
للناس الـworkaholic اللي مش بتعرف تقعد فترة من غير ما تشتغل او تتعلم حاجة جديدة كل يوم .. لو فعلاً معندكش حاجة ضرورية في الكام يوم دول يبقى حاول تفصل، وحاول تتغلّب على القلق اللي ساعات بييجي لما تلاقي نفسك فاضي او مش بتعمل حاجة مفيدة ..
كنت باعمل إنترڤيو من فترة وكان قاعد معايا ٢، مدير لسه بيبتدي والتاني مديره .. الشاب الأول كان متحمس وواضح انه بيحاول يثبت حاجة لمديره انا مش عارفها .. الإنترڤيو ابتدى بشوية أسئلة غريبة ومش مناسبة للدور بتاعي، بعدها الشاب سألني "تعمل ايه لو ٢ من التيم بتاعك شتموا بعض في ميتينج؟"..
من أكبر الأخطاء اللي ممكن تعملها كأب انك علشان تعوّض تقصيرك مع أولادك سواء من ناحية الاهتمام او الوقت أنك تلبّي كل طلباتهم وتدلعهم بزيادة - “Overcompensating for parental guilt”.. أنت كده بتعوّض حاجة بحاجة تانية خالص.. بتعوّض quality time بأنك تجيبلهم بلاي ستيشن مثلًا، ده مش صح..
ليه مش أحسن قرار ان كل سؤال مش عارف اجابته في الـinterview ترد تقول "معرفش"؟
انا كنت اتكلمت بسرعة في
@egyptjs
عن النظرية بتاعت The unknown unknowns .. النظرية او هرم المعرفة The knowledge Pyramid مفيدة في طريقة تقييمك لنفسك وللي حوليك والأهم لتقييم أي حد انت بتعمله interview ..
عارف زميلك في الشغل اللي بتسأل نفسك دايمًا هو ازاي مكمّل مع انه مش شاطر ومش مجتهد؟ سؤالك مش بيطوّل علشان بترجع تقول "ازاي بافكر كده؟ ده لطيف والكل بيحبه ومش بيضايق حد، حرام أفكر كده!"
الحقيقة دي مشكلة بتواجه ناس كتير، وهي مشكلة الـincompetent nice guy/ الشخص اللطيف غير الكفء ⬇️
أتمنى ان الناس توقّف محاولات انها تحط لمسات رومانسية وعاطفية على اللي بيحصل في غزة .. مفيش أي شيئ جمالي في ان الناس بتصلي وسط الشارع والدمار في عز البرد، ولا انهم رغم الحصار والجوع والتخاذل العربي عرفوا يفطروا ..
مشكلة مش بسيطة لما يبقى عندك ٤-٥ سنين خبرة في شغلك ومش بتعرف تكتب documentations كويسة تشرح فيها عملت ايه أو عاوز تعمل ايه أو توصف جزء معين يفيدك ويفيد غيرك بعد كده ..
مفيش حاجة اسمها باكسّل او المهم اسلّم شغلي .. فيه حاجة اسمها انك مش بتعرف ومحتاج تتعلم ده ضروري ..
ليه الموضوع
لو فيه آية توصف الفرق بين يوم عرفة السنة اللي فاتت والسنة دي بالنسبالي هتبقى "وَلَقَدْ مَنَنَّا عَلَيْكَ مَرَّةً أُخْرَى" - من سنة بالضبط كنت في فترة صعبة ومُظلمة من نواحي كتير وكنت مستصعب جدًا رحلة الخروج منها، ودلوقتي بافتكر ازاي عدّيت المرحلة دي وكان فضل ربنا وكرمه فوق تخيّلي
وانت في أي نقاش او أي meeting، حاول دايمًا تفتكر المقولة المهمة دي:
“Small minds discuss people. Average minds discuss events. Great minds discuss ideas.”
- مش المفروض انك تناقش اللي قال الفكرة بشكل شخصي حتى لو كنت مش بتحبه/مقتنع بإمكانياته أو لأي سبب تاني.. (١)
كذا حاجة ممكن تكون واحدة منهم مفيدة:
١- انك تخلق روتين ويبقى التعلّم جزء منه: الدافع او الحافز او الـmotivation دي حاجات مش بتأكل عيش على المدى البعيد .. الأهم هو الانضباط والإستمرارية discipline and persistence كمان فتقدر تخلق روتين يخليك تذاكر كجزء من يومك أو اسبوعك.
النوم .. من فترة قعدت حوالي شهرين مش باعرف انام غير ساعتين بالضبط مهما حاولت أعمل أي حاجة سواء نوم بدري أو تمرين أو بُعد عن الموبايل وغالبًا بيكونوا الساعة ٢ لحد ٤ الفجر .. الموضوع كان مُرهق ومرعب ومأثر على كل حاجة في الحياة ولو استمر كان ممكن أتجنن بدون أي مبالغة ..
١/٣
بمناسبة تريند الـbutterfly effect كان فيه رواية ظريفة لأحمد خالد توفيق بتتكلم عن عالم موازي وكان فيه سيف الدين قُطز ماتولدش والمغول سيطروا على العالم بمنتهى الجبروت والظلم طبعًا .. فيه برضه مسلسل The man in the high castle بيتكلم عن انتصار الألمان في الحرب العالمية التانية ..
لعيب كورة مسيرته كلها فرق درجة تانية او بتكافح ضد الهبوط، من ١٢ سنة بيدور على لينك يتفرج على ماتش ريال مدريد .. النهاردة يقدّم جولين ودقائق تاريخية ..
جميلة الكورة لما تنصف المحبين والمجتهدين ..
سنة ٢٠١٥ كان ممكن تشتري ميتسوبيشي لانسر خليجي هاي لاين بالمبلغ ده .. مهما هتكلمني عن الموقف الاقتصادي العالمي والتضخم، لسه مش باستوعب اللي حصل في الخمس سنين اللي فاتوا بسهولة ..
من ٤ سنين اشتغلت في مشروع والتيم كان فيه ٢ من غزة، شاطرين وملتزمين وده مش استثناء لأن فيه عدد من الشركات بتشتغل من فلسطين remotely وأدائهم وسمعتهم ممتازة ..
بعتت رسايل للشخصين دول اطمّن عليهم، واحد قاللي انه بخير الحمدلله، والتاني الرسالة ماوصلتش وآخر مرة كان أونلاين من ٤ أيام..
الروتين
نخرج فا تلاقيه يقولك محتاج امشي ١٠ علشان عندي تمرين الصبح، أو ماينفعش علشان ده يوم تمرين ابني، أو الشغل ده ميعاده يخلص النهاردة بغض النظر عاوزينه امتى، أو لأ مش هرد عليك غير بعد ١١ ده وقت تركيزي
لو بصيت حوليك هتلاقي أجمد ناس هما اللي عندهم نظام متكرر ممل بيعملوه كل يوم
كل فترة ومع كل شغل/تيم جديد بتأكد أكتر إن الجملة المُفضلة ليا هي:
“Hard work beats talent when talent doesn’t work hard”
اجتهادك في الاتجاه الصح وفي ظروف كويسة هيخليك توصل لمكان كويس، لكن مهارتك بدون أي حاجة تانية هتخليك واقف مكانك وخلاص ..
اكتر حاجة بتمنع الانسان انه يجرب ويغلط وياخد قرارات تطلع مش صح ويتعلم منها انه "هي الناس هتقول عليا ايه" أو "فلان هيشوف اني فشلت" والحقيقة ده فعلاً تخيّل في دماغك وبنسبة كبيرة محدش هيركز معاك بالشكل ده .. لو حد هيركّز معاك كده فا ده معناه انك جامد أصلاً 😀
أنا من سنة فاتت لو كنت جبت ورقة وقلم وقعدت أكتب الحاجات الكويسة والصعبة اللي محتاجها تحصل علشان أبقى انسان أحسن السنة دي .. غالبًا ماكنتش هابقى كويس زي دلوقتي، وده فضل ونعمة وتدابير من الله .. مش شطارة ومش مجهود ومش أي حاجة تانية..
(وَلَقَدۡ مَنَنَّا عَلَيۡكَ مَرَّةً أُخۡرَىٰٓ)
انا بس نفسي الناس المُحنكة تخفف نصايح ومواعظ في الأوقات دي .. الناس حزينة وكل واحد بيفكر في مشاكله وييجي واحد يقولك متضيعش وقت في الزعل، الكتاب الفلاني بيقولك اعمل كذا وأصل لو بدأت النهاردة هتبقى كذا .. مش وقته أقسم بالله يا حبيبي! سيب الناس تطلع زعلها وغضبها علشان ميجرالهاش حاجة
هاقول حاجة مختلفة.. بعد ما بقيت أب كان لازم ابقى واعي لمشاكلي والحاجات الغلط في شخصيتي واشتغل عليها.. أكيد مش هيبقى قصدي أضر أولادي بس في نفس الوقت مينفعش أبقى عارف ان عندي مشاكل في شخصيتي وماتحركش وأغيّرها .. ده تقصير وضرر غير مباشر ليهم.. باختصار You need to break the cycle
انا ضدها تماما - اينعم انا مشوفتش من ماما وبابا الله يرحمه غير كل خير ولله الحمد وعارف ان في ناس عانت من مشاكل كتير مع أهلها
بس معتقدش بما اني بقيت اب ان في حد ممكن يعمل حاجة تضر او تأذي ابنه او بنته بأي شكل عن قصد ودا كفيل اننا نسامحهم.
لو أنت من الناس اللي بتعرف تـlet go سواء أشخاص او أماكن او شغل او حاجات مش مريّحاك وبتضطر تعملها او حاجات مريّحاك دلوقتي بس مش هتفيدك بعدين .. أحب أقولك انك عندك ميزة ونقطة تفوّق مش موجودة عند معظم الناس وحاول تستغلها دايمًا عند اللزوم ..
فيه مصطلح ظريف ومهم إسمه Read the Room، وبيتكلم عن انك تحاول تدرس نوعية الأشخاص اللي هتعمل معاهم ميتينج وخصوصًا لو مش بتقابلهم بشكل يومي أو موجودين في positions مختلفة..
بمعنى ان الكلام اللي انت محتاج تقوله في ميتنج مع development team مختلف بشكل كبير عن business team مثلًا..
🧵
لو عندي نصيحة لأي حد هتبقى انك ماتبقاش عامل زي العيلة اللي في إعلان valU اللي بتقسّط كل حاجة في حياتها علشان تعيش اليوم بيومه وبعدها ربنا يفرجها .. ممكن تشوف الإعلان فيه مبالغة بس الحقيقة انه لأ خالص ..
الإعلان لطيف بس بيشجع على قرارات غلط
من الغلطات المعروفة اللي بيقع فيها أي حد بيروح شغل جديد انه يكون مستعجل على انه يعمل impact/تأثير على الجزء اللي بيشتغل فيه..
ده مش غلط في المطلق ولكن ممكن يسبب شوية مشاكل تحصل بدري ومن غير ما ياخد باله ولا يبقى مستعد، هاتكلم على كام نقطة شوفتها بتحصل قبل كده أو أنا وقعت فيهم ⬇️
أوقات بتلاقي نفسك اتحطيت فجأة في ايميل فيه ٤ بيتناقشوا بقالهم اسبوعين على حاجة وباعتين تقريبًا ٣٠ ميل لبعض، وتلاقي آخر ميل مكتوب فيه:
Looping Hani, we need your confirmation to proceed with this solution..
ربنا معاك بقى:
الـIQ هو ذكاء الفرد عقليًا وقدرته على حل المشكلات وباقي الحاجات اللي بتخليك معروف في الشغل انك "ذكي" أو "شاطر" .. وبالتالي الشخص ده شاطر جدًا ومتشاف من الناس.
الـEQ هو الذكاء العاطفي وقدرتك انك تفهم افكارك ومشاعرك وتقدّر مشاعر اللي حوليك فاهتقدر تاخد قرارات صح ومش مضرة او عنيفة.
معلومة مش مهمة: الهنود شاطرين جدًا في الانترڤيوز وبيعرفوا يتكلموا عن الانجازات بتاعتهم او اللي الشركة عملتها في وجودهم وبيعرفوا يسوقوا الانترڤيو كويس .. بغض النظر عن شطارتهم بعدها لما بيشتغلوا بس انا باتكلم على انه بيحضّروا كويس أوي للانترڤيوز على عكس معظمنا للأسف
لو فيه نصيحة واحدة هاقولها لأي حد بيبتدي في سكة الـpeople management هتبقى انه ينمّي قدرته على التعاطف/empathy .. أسوأ حاجة انك تبقى مدير لشخص وأنت مش عارف تسمع حكاياته من غير اسقاطات على شخصيتك او موهبتك او ظروفك، ولا عارف تتفهم او تحس بمشاكله ومشاعره اللي مانعاه يؤدي كويس مثلاً
هو الصراحة بناءً على اللي باشوفه لازم حد يعمل كورس للبنات ازاي يتفاوضوا على السالاري والباكيدج بجد 😀 - الولاد بيطلبوا أرقام ٣٠-٦٠٪ اكبر من البنات في معظم الاوقات وعلى نفس الـposition .. أصلاً فيه بنات بتطلب رقم بره الـbracket والشركات المحترمة بتبعتلها رقم أكبر من اللي طلبته ..
من سنة وشوية كدة كلمت حد كنت شغالة معاه زمان على job offer ف التيم اللي هو لسه سايبه، كنت محرجة اسأله ع الsalary وساعتها قالي بقولك ايه let’s talk numbers وقالي هو كان بياخد كام وهم ممكن يدفعوا كام (رقم اعلى) والرقمين اصلا كانوا اعلى من اللي هطلبه بحبه حلوين. امبارح بقى واحدة
بيضحكني الناس اللي مركزة أوي مع:
١- مين اللي اشتغل في المجال بتاعه وهل كان متخرج من كلية ليها علاقة بالمجال ولا لأ
٢- مين اشتغل على طول ومين دخل iti الأول
٣- الناس اللي متخيل انها هتنافسه على فرص الشغل
نصيحة بجد دي كلها مشاكل عنيفة في شخصيتك وطريقة تفكيرك ومحتاج تشوف هتحلها ازاي
مش بس لعيبة الكورة اللي السعودية نجحت انها تجيبهم، كل المجالات .. انا يوميًا باشوف عدد كبير من industry leaders بيكتبوا انهم بدأوا شغل في السعودية وجايين من كل دول العالم مش الإمارات ومصر بس ..
كمان كل startups مصر عندها هدف واحد دلوقتي: تخطط وتشوف هتدخل السوق السعودي امتى وازاي
الشغل من البيت ٤ أو ٥ أيام هيأثر بشكل سلبي على تطوّرك وصعودك السلم الوظيفي .. بلاش ترتاح لحاجة short-term في مقابل انك تتعب وأنت أصغر في مقابل long-term goals ..
محتاج يكون ذكائك الاجتماعي عالي ودوايرك الاجتماعية نشيطة وتشبه مجال شغلك علشان تعوّض ٢٥٪ من فوايد نزولك الشغل ..
مش معنى ان قراراتك في الشغل أو الحياة عامةً نجحت وكانت صح وربنا وفقك في إختياراتك انك تقلل من المجهود او الصعوبات اللي بتواجه غيرك.. الأسوأ من كده انك تحاول تعمم تجربتك أو تنتقد التجارب التانية وتستغرب ازاي الناس مش ناجحة زيّك .. عندي مشكلة مع النوع ده من الناس بصراحة
*واحد عنده ٣٥ سنة عادي*
- شغال في corporate/enterprise : أمل الشركة، الطفل المعجزة اللي مستنيه مستقبل عظيم وكلنا شايفينه من قيادات الشركة بعد ١٠-١٥ سنة
- شغال في startup : الراجل العجوز اللي كلنا بنتعلم منه ومن خبرته في الحياة، مبسوطين جدًا ان حضرته بيشتغل معانا بعد كل السنين دي
بمناسبة موسم التقييمات السنوي/performance reviews والحاجات اللي محتاج تركز وتاخد بالك منها علشان تكبر في شركتك وشغلك (تترقى أو مرتبك يزيد)
الكاتب Daniel Heller مؤلف كتاب Building a Career in Software اتكلم عن 10 مبادئ وأفكار باعتبرهم مهمين جدًا وهيفرقوا معاك لو كانوا من أهدافك:
الإنترڤيو مشي بشكل كويس بعدها وكنت accepted وهابقى مدير الشاب المتحمس .. ملخص القصة الطويلة دي انه غلط تمامًا تسيب الـego بتاعك او غرورك يتحكم فيك في إنترڤيو مع أي حد سواء أقل أو أكبر منك في الـtitle او الخبرة، لأنه بيعكس insecurities وقلقك ومخاوفك أكتر من انه يعكس شطارتك ..
الـCV المكتوب حلو بيبقى شئ كويس ومُبهر للـtalent acquisition اللي هيكلمك، وبرضه LinkedIn profile أو github أو stackoverflow account ولو ليك أي مشاركة في أي community أو كتبت حتى لو مقالة واحدة .. الحاجات دي بتفرق بشكل إيجابي جدًا مع الشخص اللي هيعملك إنترڤيو.
التايم لاين عندي كله ناس بروفايلاتها جامدة جدًا مشيوا من تويتر بشكل غير محترم تمامًا .. الناس صحيت على ايميل والأكاونت بتاعها اتقفل في ساعتها وحاجة في منتهى قلة الأدب .. فيه أرقام بتقول انه الـlayoffs هتوصل لـ٥٠٪ (٣٠٠٠-٤٠٠٠ موظف) وده رقم مرعب بجد
يا ترى قبل كده اشتغلت مع مدير Passive Aggressive؟ المدير اللي طريقته معاك بتخليك محتار ومش قادر تحكم اذا كان متضايق او مش مبسوط من شغلك، وعندك احساس عدم راحة وقلق، وحاسس انه عنيف بس من غير دليل او تصرف يثبت ده ..
النوع ده من أصعب المديرين في التعامل، وللأسف بينجحوا .. طيب ليه؟🧵