هنيـالك المـبدع . . @mk6fei__ Twitter profile

Pinned Tweet

هنيـالك المـبدع . .

@mk6fei__

4 years

قصايدي كلها عتب حب و فراق اخاف اكررها .. " تملون منها " المعذره قلبي مُفارق و مشتاق واللي احبها جاري البحث عنها :)

97

172

1K

Last Seen Profiles

@porntep_22

@jandakembangstw

@hector5mt

@CruxClimate

@a_aroz_

@casaldotzs

@nyeplak2

@sensaconda81378

@BinorRaja

@thanhtu0103

@riatigespe22921

@jandakembangstw

@fubits

@VmaniakJ

@GonaloS43668695

@stwmaniax

@ccvichi

@DiiileekBas

@DonaldWalk73716

@stwmaniax

@sandharbie40366

@Ranyray26

@roacognost80706

@BenKhoa216670

@yourpatientrep

@genzavage

@Delailalily

@ken53nc

@RQuitzon77581

@disisnotnick

@Popout1941

@APF203

@ColettaKir35998

@taiflucych89197

@LashiekaTa44419

@manindensha

هنيـالك المـبدع . .

@mk6fei__

1 year

أي والله مشيت وعاد عيني على المقعاد وانا مقصدي ماهوب باغيّب واشتق لي!! تصبّر علي يومين واجي على الميعاد والى زادت اليومين ساعة؟ تصدّق لي ):

10

15

156

هنيـالك المـبدع . .

@mk6fei__

1 year

ولو تلمسين الغيم زادت رقته رقه ولو تضحكين النور من مبسمك بّين ولو تزهمين الريح جات الريح منطلقه كن الهبايـب تباشر عـودك اللّيــن لا تطلبين القلب و انتي حل لك سرقه شوفي غرامك بـ وجهي فعله مّبـين مدري من الورد و لا العطر مّنخلقه بس الأكيد إن جمالك ما هو بـ هّين،

17

31

152

هنيـالك المـبدع . .

@mk6fei__

1 year

اسرفت في حبك جهر مانيب مثل المستحين اللي يحبك يعتزي ويشوش ويرد البرا مشاعري لك لو توزّع باليسار وباليمين صاروا جميع الناس عشاق ونشامى وشعرا

18

20

150

هنيـالك المـبدع . .

@mk6fei__

6 months

ثلاث منهن يجيك الموت دون احتساب و الرابعه تدري بموتتها .. و تفرح بها :)

16

152

هنيـالك المـبدع . .

@mk6fei__

2 years

يقول تركي الميزاني: يسوقني طاريك لمشـاهدك سوق وأشفق على لمسة يدينك شفـاقه زرعت لك زرعن .. له أثمار وعروق وقدمت لك من زهرة العمَر بـاقه وأن كان عندك شك لاناشك العوق في قلبي اللي لك يزيد أشتيـاقه الشوق مشتاق لك أكثر من الشوق شوق بدويٍ ضاعت أغلى نيـاقـه .

15

20

146

هنيـالك المـبدع . .

@mk6fei__

1 year

عذرك معك لو كان ودك تنسحب ما توجع الفرقى بعد موت الشعور بتغيب ؟ غيب أبشّرك صدري رحب ما عاد تفرق بالغياب و بالحضور " على كثر ما كنت احبك صرت أحب : آخر لقى / و آخـر وعـد / و آخر ظهور

20

26

141

هنيـالك المـبدع . .

@mk6fei__

1 year

الله يجازي مقبرة سود الأيام ويجبر صواب الخاطر الي سكنها فقدت فيها أغلئ علاقاتي العام و أرخص ثمنها اللي مايعرف ثمنها والغالي الي ذاخره درع وحزام حول علئ عوج الضلوع وطعنها و أقفئ وقفت به ذعاذيع الأنسام ولا أدري مواري جرته وش دفنها

16

26

136

هنيـالك المـبدع . .

@mk6fei__

1 year

للوساع السود جيت أعلن ولائي الحكم حكم المظاليل الوسيعة يالجمال المستحيل اللا نهائي الغزل في حضرتك تجديد بيعة سلهمة رمشك تحطّم كبريائي لك تداعى قلب ٍ أسواره منيعه ثغرك الضاحك بلادي وانتمائي ضحكتك عن كل غلطاتك شفيعة

13

18

133

هنيـالك المـبدع . .

@mk6fei__

2 years

اي والله إني بخير وكل اموري بخير لو كان دمعة عيوني ماتشوفونها ٰ أنا أكثر انسان في صمته كلامٍ كثيير ويخبي أشياء كان الله في عونها… ٰ لا تفزعون النوايا بالعوا والصفير لو اثني الساق من دوني ومن دونها ٰ الحظ ماله خوي والحزن ماله ضمير وإن قلت ياهونها؟ماهوب ياهونها !!

10

26

130

هنيـالك المـبدع . .

@mk6fei__

1 year

يغويني الليل لا خيّم عليه السكون ويصير للحزن صوت وللفكر دندنه البارحة وين ودتني عليك الظنون وأنا احسبني تجاوزت الهوى من سنه يغلبني الشوق وتفضفض عليه العيون وأنا بشر والأوادم ماهي .. محصّنه الذاكرة عيّت تخونك أنا كيف أخون فـالعمر حاجات واجد ما هي ممكنه

16

20

126

هنيـالك المـبدع . .

@mk6fei__

2 years

على فكره.. تغير كل شي ولا بقي لك شي قطعت اوراق شرهات الوصل من دفتر اسراري وعلى طاري حقوق الوصل واللي لك واللي لي نسيتك ما تناسيتك ولا لك ذكر او طاري احسب اني بدونك مستحيل احيا وشفني حي بعد كل الظنون الخايبه كملت مشواري .

15

20

120

هنيـالك المـبدع . .

@mk6fei__

2 years

ياوليفي عقب ذاك .. الغلا والاهتمام دارت الدنيا علينا .. مثل دور الرحى قلبي اللي كنه يقاد .. صوبك بالخطام تدفعه لاشواق صوبك ويردعْه السحى والله ان قسمك من الحب في راس السنام رغم جور البعد والصد عيّا مانمحى فرحتي بك يوم شفتك عقب شوق وغرام فرحت اللي شاف ذوده شباع ٍ من ضحى

4

15

120

هنيـالك المـبدع . .

@mk6fei__

1 year

اي ولله أني انطح الدنيا بقلبً من حديد لكن سلم لي على قلبٍ ليا شافك قوى قدام وجهك تنحني الاغصان ويذوب الجليد و قدام صوتك تمطر الامزان و يهب الهوى انا البخيت اللي كسب قلبك وانا اللي مستفيد سبحانه اللي صورك و اعطاك صيت ومستوى

6

25

115

هنيـالك المـبدع . .

@mk6fei__

1 year

رميت الاحلام في وجه الزمان البخيل وعزّيت نفسي وعز النفس عصيانها ٰ وعن الحضور المهمّش مرحبا يالرحيل ما دمت تحفظ كرامة نفسي وشانها

6

26

115

هنيـالك المـبدع . .

@mk6fei__

1 year

اقبلي يا طب قلبي وارتياعي اقبلي عقب المسافات الطويله واحضنيني ي جميله من ضياعي الضياع الي ما خلا لي وسيله مرحبابك من ذراعي لذراعي جابك الله علم وانتي حلم ليله مدعين الحب والشوق الصناعي كل ابوهم فدوتن لك يا جميله .

16

18

115

هنيـالك المـبدع . .

@mk6fei__

1 year

- ودعـتك الله لـو على قلبي اخطيت وحـاربتني مـن دون ذنب وخطيّه احسبك تذكرني اذا اصبحت وامسيت واثـرك عـلى فـرقاي نفسك هنيّه الله واكـبر كـيف عـنّي تـخلّيت مـن بـعد ما علقت روحي البريّه

10

19

118

هنيـالك المـبدع . .

@mk6fei__

2 years

يادار الاحباب كلن له من اسمه نصيب وانا نصيبي بين البيبان مقفولها غربت نفسي بنفسي لين صرت الغريب الى عجز يوصل الديرة وهو حولها محتاج لاطيب خوي ومحتاج افضل حبيب لين الغلا والهموم يقل مفعولها ياصاحب الخاطر المكسور خلك قريب عندي قصيدة حزينه يمكن اقولها

8

15

114

هنيـالك المـبدع . .

@mk6fei__

1 year

سريت يوم انها .. جازت لي الطرقه يوم ان نومي غدا غفوات ومسارق

16

19

111

هنيـالك المـبدع . .

@mk6fei__

1 year

حظي مثل خاطري بين العصر والعصير لا قامت الذاكره . . تفتح ملفّاتها الصمت ماله سنع والعذر مافيه خير وأهل الحيل ماقدرت أسوّي اسواتها أهل الوفاء من وفاهم يجبرون الكسير و أهل الجفى قلوبها أقوى من علاقاتها .

2

11

110

هنيـالك المـبدع . .

@mk6fei__

2 years

خاطري ماهو بطيب ولامرتاح بال والعرب معاد لي شفٍ في منطوقها أتظاهر بالسعاده وأقول الحال عال ولا أنا ضايقٍ والأخلاق طايح سوقها .

17

11

107

هنيـالك المـبدع . .

@mk6fei__

1 year

صدر فيك القرار اللي مانرضى به ولا نبغيه وحذفت عقالي بحضن الكرامة لأجلك وعيّت ودفنتك في مكان ماذكر اني قد ذكرتك فيه وبكيتك وانت حي وكني ابكي لي على ميّت .

6

28

106

هنيـالك المـبدع . .

@mk6fei__

2 years

كم عشانك .. إبتعدت : مْن القرايب وإنت مسرف : بـ الجفا ، والعمر مرّه ً عشت حاضر داخلي وإن كنت غايب غصب راضي بـ القدر .. حلوه ومُرّه ً صاحبك .. قضّى حياته في مصايب وإنت : ما قصّرت في .. غيبتك مرّه! ً لا يهمّك .. كان ماعشنا .. حبايب يكفي إنّي .. كنت أحبّك .. لـ المضّره

14

26

108

هنيـالك المـبدع . .

@mk6fei__

2 years

ابتدى الصمت الحقيقي وجنّبت الكلام وحالفٍ ما أعاتب اللي غيابه ضرّني كل ما حدّيت رمح المعاتب والملام أتذكّر ظرفه اللي لـ حزني جرّني من يقول إن المفارق بدايات السلام غرّه اللي قبل شوف المفارق غرّني الوصل نور وعنا البعد قطعه من ظلام قبل تختار المفارق أبيك تمرّني ؛)

14

20

100

هنيـالك المـبدع . .

@mk6fei__

11 months

الناس ماتدري ان القلب الأبيض يشيب وان شاب كل القلوب الخضر تستنكره وفعول الأنسان يجزاها السميع المجيب ان كان خيراً يراه وإن كان شراً يراه وش حاجتي في القلوب احتاج عقلٍ لبيب يسمع و يفهم . . وكيفه حب ولا كره من كثر ماتهت في درب الخيال المريب تستغرب اللي تشوفه بـ وجهي المنظره ؛)

24

16

107

هنيـالك المـبدع . .

@mk6fei__

5 months

لا على عيني غشاوة !.. ولا وجهي ، قناع مقتنع في حجم علمي وفي حجم جهلي البشر فيهم هوامش ومن سقط المتاع ما لهم تأثير .. ( واضح )على مستقبلي والحياة !.. ومجريات ، التلاقي والوداع خضت لي فيها تجارب و جيت بْما يلي يوم فضّلت انعزالي .. على كل اجتماع استرحت .. وصارت الراحة ألزم ماعلي

26

13

107

هنيـالك المـبدع . .

@mk6fei__

2 years

للسوالف معك (لذة) و للسهرة طراه سولفي والليل في حضرت الغالي عجل اقلطي بين الحنايا مع كل اتجاه وافتحي صفحات قلبي مثل فتح السجل ان كتبتي ، يمكن الله يعيد لْه الحياة وان مسحتي ، جعلهم فدوتك بنت و رجل يارضى ربي على وجهٍ مسوّي حلاه لا اجتمع نص ابتسامة مع حمرة خجل

10

15

103

هنيـالك المـبدع . .

@mk6fei__

2 years

الخد مثل الورد والمبسم عسل وعيونها نجلا وضحكتها دمار زاد الحسن في وصفها طبع الخجل من شافها يشعر بدهشه وانبهار مثل القمر نصف الشهر يوم اكتمل اخفى النجوم الي معه وسط المدار درة بحر متميزه لون وشكل مافاز فيها غير ربان البحار ومن حبته لابد فيها يحتفل ويصبح لها في عتمة الدنيا نهار

16

12

102

هنيـالك المـبدع . .

@mk6fei__

2 years

تعال قبل الوّرد يذبل والسهر عينه تنام قبل تجف الـ مرحبا وتموت بلسانيَ هلا ترىّ عزيز النفس لامن عاف ، عاف بلا كلام والله لو أنه وطن .. ماعاد له حبَ وولا ماينتهيّ كثر الغلا .. إلا بقل الأهتمام وإن جيتني بعدين مالك لا حضوَر ولا غلا

11

15

100

هنيـالك المـبدع . .

@mk6fei__

2 years

أغنيت نفسي ودرب العز مغنيني عن واقعٍ من وراه الكبد مندبله صار الخطأ والمجامل شي روتيني كلٍ يبي الطيب بالتزوير ينسب له ما الله على مجامل الغاوين حاديني نفسي على الصدق معتاده ومنجبله أسمي وتركيبتي .. والوازع الديني لا أغواني أبليس ردّتني على القبله

8

17

99

هنيـالك المـبدع . .

@mk6fei__

1 year

" أنا من صواديف الدهر ماعلي قصور من العام وظروف الليالي تحدّاني علي السنة دارت والاخرى علي تدور وأنا في نزاعٍ بين ربعي وخلاني أجامل وبركان الضماير علي يثور عسى الله يعيض العين في وقتها الثاني".

19

23

99

هنيـالك المـبدع . .

@mk6fei__

1 year

ياليت روحي على روحك تذوب وتلين وانا أتكون سحابة .. وأنهمر وأنهمر وأمّر جيدك وسلسالك وأمر الثنين الي يمين الممر والي يسار الممر قطعة حلاوه على هيئة فناجيل صين مذوبتها حرارة شوق مدري جمر. -مدغم ابوشيبه

9

13

102

هنيـالك المـبدع . .

@mk6fei__

1 year

ماكان هذا العشم يا نصفي الثاني شلون تصدمني بظنك و تفكيرك في جرح قلبي و تعذيبي و حرماني طالت معاناتي و طالت مشاويرك تطري على البال و تحاصرني احزاني و اقول ياليتها من واحدٍ غيرك يا غلطة العمر وين القى عمر ثاني و جروحي اكبر من اعذارك و تبريرك .

10

19

100

هنيـالك المـبدع . .

@mk6fei__

2 years

يا حبيبي والمحبّه مواطنها القلوب والقلوب اليا تصافت يزيد اشعافها ㅤ والله ان حبّك سعاده وذنب من الذنوب سكةٍ فيها الرّكايب يطول اوقافها ㅤ مايتُوب القلب من حب خلّه مايتوب لو تتوب النّاس من حقّها واعرافها

13

14

94

هنيـالك المـبدع . .

@mk6fei__

1 year

ياكثر ماضاق صدري من حلول المغيب مع اني اللي يغيب ولا يحب الظهور من اول كان يضحكني حبيب الحبيب واليوم ماعاد له في ضحكة السن دور ياما استشرت المجرب واستشرت الطبيب واخذت من ذاك شور وخذت من ذاك شور ما عاد عندي يقين ان هقوتي ماتخيب بارت وانا اقول من زود الثقه ما تبور

8

13

100

هنيـالك المـبدع . .

@mk6fei__

1 year

طاح عزم الشمس من شدة الليل العتيم والظلام يجر خيط النهار ويسرقه وانبعث من تربة القلب موضوعٍ قديم حط راس الضحك في راس حبل المشنقه والنعيم استسلم وصار في حكم الجحيم وحاكم المحكوم دايم ب خطوة يسبقه طاحت احلامي مثل طيحت دموع اليتيم لو احاول واجتلد ماهيب متحققه

9

10

100

هنيـالك المـبدع . .

@mk6fei__

1 year

يوم خيرني الزمن فالناس سهلت اختياري كنت اشوفك كل هالدنيا بعيني كل حزه ماعشقتك نزوه وعذبتك بطول انتظاري جيتك اسرع من جناح الطير لاعجل مفزه لاتوقفني على حفة شموخي وانكساري ولاتساومني على العزه مدام ان لي معزه اعتذرلي عن جروحك مره ورد اعتباري لاتدنس كل لحظه لي معك وانت المنزه

8

6

97

هنيـالك المـبدع . .

@mk6fei__

2 years

احسب ان العشق فترة فراغ ولا يدوم ما دريت . . انه يغير مفاهيم الحياة ساقني للموت سوق الهبايب للغيوم لين خلا الناس تنشد فلان وش بلاه مذنبٍ في حق نفسي ولاني بمعصوم منتظر و البعد عيّا ينسيني غلاه كل ما قالوا لي انه نسى قلت محشوم ذاك والله لو نسى اسمه غرامي مانساه

12

17

97

هنيـالك المـبدع . .

@mk6fei__

2 years

دريت إنه لغيري وأقتنعت ولابقى مقعااد تفارقنا وياااااااااااامكثر غلاه وكثر تقصيره كتبه الله لعمري جرح ولغيري كتبه مراااد وتذبحني ظنوني لاصحت بي جمره الغيره خذا كل العمر وأقفى بلا عذر وبلا مييعاد وأنا قفيت ما والله في قلبي أحدٍ غيييره :)

9

13

96

هنيـالك المـبدع . .

@mk6fei__

11 months

بدا ليل الشتاء يرسل مناديبه على الملهوف هلا ب أقسى مسايير السنه وأغلا مساييري أنا أدري ماوراك الى المتاعب والسهر والخوف وحنينٍ يشعل أكوام الحطب في وسط تفكيري

15

18

96

هنيـالك المـبدع . .

@mk6fei__

1 year

سلامي على اللي مزعل الناس لجل ارضيه و لا طبت من شرّه ولا تبت من خيره هو الغايب .. اللي مرحبا بـ اسمه وطاريه وانا الحاضر اللي ما تمنّيت احد غيره فقدته وجيِت ادفع ثمن غيبّته واشريه واقول المفارق ذنب ، و الوصل تقفيره من اول يداري خاطري مثل ما اداريه وذلحين مدري ويش عذره و تبريره

10

18

99

هنيـالك المـبدع . .

@mk6fei__

1 year

لاتجي دايم حريص على انك تستشير في امورٍ مالها غير روووحك مستشار .

7

6

100

هنيـالك المـبدع . .

@mk6fei__

1 year

اذكرك يا قلبي قبل عدّة سنين تعشق تفاصيل الحياة وصخبها عايش بدون قيود وبدون روتين تمشي ورا احلامك وتنسى تعبها وش جاك متغيّر ولا ودك الحين تسمع سواليف الهنوف وعتبها هذا وتوّك .. ما وصلت الثلاثين موتت شغفْك الغامضه وش سببها قم غن وانسى الهم والدرب بيزين قم واترك الأيام للي كتبها

7

14

98

هنيـالك المـبدع . .

@mk6fei__

2 years

زلّ نصف الليل والهم بااقي لايزال وودّي ارقد والطواري على مرواسها ضيقةً في خاطري جالها عدّة ليال لابدا نوم الاوادم عطتني راسها من صلاة العصر خارج حدود الإتصال منعزل عن صجّة العاالم ومجلاسها وكل ماهبّت هبوب البراد مْن الشمال قمت اعرّض صدري المشتحن نسناسها :(

10

8

93

هنيـالك المـبدع . .

@mk6fei__

1 year

الحمدالله يوم هذا أنا وهذي اطبّاعي والحمدالله في كبّاير الامور و أصغرها عارف قدري ومدة يدي و طول ذراعي م خذلت عين رجتني بخيرهّا و شرها أن مست حدود الكرامه لوحت للوداعي محد ياطى على طرفي ولا يكسر حجرهّا

11

14

93

هنيـالك المـبدع . .

@mk6fei__

1 year

دام راسي بخير ونجدتي من ذراعي شرهتي بالضمير وصدتي عن قناعه من يخوض المعارك لازم يكون واعي الهزيمه سريعه والنصر صبر ساعه والخزى والله اني عنه طاوٍ شراعي ودي اني بسوقه ماتجي لي بضاعه ماحتمل شرهة الطيب حميد المساعي لاسمع مني اللي مايسره سماعه

16

13

98

هنيـالك المـبدع . .

@mk6fei__

1 year

لاتعاتبني ترى ماعلى مثلي ملام والحبيب اللي يغيب مايغيب بلا سبب والله انك لو تحاول اني احكي ألف عام بسكت ولو راعد الشوق في قلبي ضرب والغياب الي تشوفه ماهو من قل اهتمام الغياب الي تشوفه شخص من همه تعب لاتبرر والعذر ما عاد باقي له مقام شخص حبك مايبي غيرك ولو غيرك عرب

19

16

92

هنيـالك المـبدع . .

@mk6fei__

2 years

يا مل قلبٍ من غرابيل الليالي ما استراح تلزه الأيام وأبطى من عناه يلزها الحظ يبرك ويحبي، والناس أكافحها كفاح على مواريد الحياة تدزني | وادزها أحيان أحس إني جبل متصديٍ وجه الرياح وأحيان أحس إني غصون كل ريح تهزها أبتعلى بالهوى وأرفّ فالجو الجناح وإن كان ماعزيت نفسي ماحدٍ بيعزها

11

21

88

هنيـالك المـبدع . .

@mk6fei__

1 year

يا عزاه يا صدرٍ ليا سجو السالين لو يمثل النسيان ماهوب متناسي كتوم يواسي كل فاقد وباكي عين وهو كل غيبت شمس يحتاج لـ مواسي اداريه واحنه من الشوق والتخمين ومن طيحته بين الشماميت متواسي

13

14

93

هنيـالك المـبدع . .

@mk6fei__

2 years

ياعين هلي من الدمع العيار الثقيل لعلي ارتاح وانسى ضيقتي وزعلي عليك عيني من الفرقا تفيض وتسيل وعليك صدري يذوب ويحترق ويغلي خليتني المنعزل والمنكسر والهزيل واتلى العهد فيك بين يديك مستقبلي والى تظاهرت يا بلفيت بأني ثقيل في ذمتي ذمه أن غيابك اثر علي :)

15

19

95

هنيـالك المـبدع . .

@mk6fei__

1 year

في رضا اللي يعلم أسرار نيات القلوب كم تركت و جزت عن حاجه وانا ودّي بها .

17

18

94

هنيـالك المـبدع . .

@mk6fei__

1 year

عسى اللي يبتلون الادمي بأشياء ماهي فيه يصيرون الحديث اللي الاوادم تعتبر منّه

7

18

94

هنيـالك المـبدع . .

@mk6fei__

1 year

يستريح الليل في عتمة جديلك و يتهنّى وإن تمرد ما خذا إلا من بياض العنق شامة قلت أهز الجذع مرة ما دريت إنه تثنّى لين طاحت من عناقيدك مواعيد و غمامة جيت منا و الجروح المستديمة جات منا عارف إن الخوف ما بعده تياسير وسلامة

18

13

91

هنيـالك المـبدع . .

@mk6fei__

2 years

يغوينـي الليـل لا خيّـم عليه السكون ويصير لـ الحزن صوت وللفكر دنـدنه البـارحه ويـن ودتنـي ععليـك الظنون وانـاا احسبني تجاوزت الهوى من سنه يغلبني الشوق وتفضفض عليه العيون واننـاا بـشر والآوادم ماههـي محصّنه الذاكره عيـت تخونـك وانا كيف اخون فـ العمر حاجات واجد ماهي بـ ممكنه

11

9

92

هنيـالك المـبدع . .

@mk6fei__

5 months

ليت قلبي يشبه لـ قلب ابو نوم ٍ ثقيل اللي لو يشب فـ اطراف ثوبه ما صحى بس انا من كثر ماني شقي نومي قليل والهموم تدور في خاطري دور الرحى صرت ل الاحزان ملجى ولضيقه عميل واتظاهر بـالسعاده وانا حالي محى وسالفة بـ اعدل النوم هذي مستحيل والله يا بعض الليالي مانام الا الضحى

25

20

94

هنيـالك المـبدع . .

@mk6fei__

2 years

اقبلي مثل الهمايل على القاع الجدوب و وقفي لين اسرق النوم من شط الهدب و أنثني مثل الخزامى ليا هبت هبوب و أثبتي مثل المواثيق ما بين العرب و أقلطي لا جابك الشوق فـ الصدر الرحوب و هزي جذوع القريحة تساقط لك كتب و عاتبيني كان ما البستك من الود ثوب و اعذريني لو تماديت في ساعة غضب :)

12

16

92

هنيـالك المـبدع . .

@mk6fei__

2 years

حطيت له عن شمس قيض الغرام ظلال وشيدت له بيتٍ بـ قلبي وعمرته ㅤ رعى ريف قلبي لين صار الحشا مدهال وعن مدهله جنبت غيره و ذيرته ㅤ اداري عليه من الزعل وازعل العذال وخطاه إن كبر في عين غيري تصاغرته ㅤ تكاثر علي الله يجازيه كيف الحال وانا يوم اسوق العمر له ما تكاثرته

1

18

90

هنيـالك المـبدع . .

@mk6fei__

1 year

يازيف الآمال والإنسان عابر سبيل والعمر لحظات والدنيا لأهلها ممر يالله بقلبٍ شكورٍ لك وصبرٍ جميل وبرحمـةٍ منك فوقي ظلّـها مستمر وبتوبةٍ قبل موتي يامنجّي الدخيل تجبّ ماقد سلف . وتبدّل أمرٍ بأمر وبمنزلٍ في جنان الخلد ظلّه ظليل مع النبي .. وآل بيته وابوبكر وعمر

8

11

92

هنيـالك المـبدع . .

@mk6fei__

2 years

ياراعي الوساع السود ياناعس الخمري علي الحرام اني على شوفتك ضامي ياراسي و ياصالب عظامي ويا عمري يجيني بلا لاشفت صورتك قداامي جمال الخصال اليوسفيه يغلب امري عذابٍ على من حج لله ومن صامي” اشوف الحياه اللي يغني لها القمري على حاجبيك السود في دمك الشامي

17

15

89

هنيـالك المـبدع . .

@mk6fei__

1 year

تمادى الليل بعيون السهر يا الخاطر المكسور و أنا ما أملك من الماضي سوى همي و غربالي على مفرق بدايات الجروح و دمعة المقهور عرفت إن الزمن لا شان وجهه ماتت أمالي .

11

20

91

هنيـالك المـبدع . .

@mk6fei__

11 months

مرحبا من قاصي القلب ترحيب الصدوق من كبرها فالصدر ما احتال يقولها والله ان قلبي على جيتك فرح و شفوق ولا ابرك من الجيه ان جات عند حلولها ملّ قلبً عن هوا الغيد ما والله يتوق لين عيّن باشة الغيد و ادمن زولها

8

13

91

هنيـالك المـبدع . .

@mk6fei__

1 year

واهني اللي دموعه ماتجف من المحاجر مابعد جارت عليه الدمعة اللي ماذرفها كن في كبدي مثل طعن الهنادي والخناجر علةٍ عيّا الطبيب من المداوي ماصرفها اتوجد جعلني في كل ماجاني مواجر كل يوم اشوف لي مهنة توجّد واحترفها ياوجودي كل ماعرّض علي طيرٍ مهاجر ودي اهاجر معه للديره اللي ما اعرفها

12

15

89

هنيـالك المـبدع . .

@mk6fei__

2 years

لايهمك جاير الوقت يامال الغناه من كسرها قادر انه يجبر كسرها انتبه تقعد تحاتي ضغوطات الحياه الهموم اللي على خاطرك فك آسرها شف متوني تنقل طويق وجبال السراه شامخ في عسر الايام ولا يسرها كل ماضاقت على الاش وعيال الرعاه نفلج كبود الصعايب وناطا عسرها

12

8

90

هنيـالك المـبدع . .

@mk6fei__

2 years

اشوف المبادي والتقاليد والاعراف خواطر يتامى .. مالقت من يجبّرهاا واشوف الهقاوي باركه والوهم سياف و تقبل مشاريهي .. رجى و يتعذرهااا واكابر عن الخذلان والظلم والاجحاف و اثر ما يضر العالم .. الا مكابرهاااا !!

15

12

91

هنيـالك المـبدع . .

@mk6fei__

1 year

ثلاث شهور و أنا أفضّل العزله عن الجلّاس ما غير أمشي على طاريك و أسولف على ظلّي أقوم هناك ، كنّ الليل يبغاني ، بـ كلمة راس بنفس الموعد إللي قلت فيه لـ دمعتي هلّي كرهت الناس عقبك و أقتنعت انّي عدوّ الناس أشوف قلوبها تدعي عليّ و قلبك . . يهلي

12

9

91

هنيـالك المـبدع . .

@mk6fei__

1 year

تمادى الليل بعيون السهر يالخاطر المكسور وانا مملك من الماضي سوى همي وغربالي على مفرق بدايات الجروح ودمعة المقهور عرفت ان الزمن لا شان وجهه ماتت آمالي على كثر اتجاهات الوسيعه ما لقيت اعبور وعسى الله مايطول ضيقة كانت على بالي ) :

13

14

90

هنيـالك المـبدع . .

@mk6fei__

9 months

استوحش الليل والضايق يدوّر نديم من السهر ضاقت اخلاقه وحاله فتر هبت عليه الطواري مع هبوب النسيم وبغت تحدد مصيره مير ربي ستر مع انه افنا حياته كلهاا مستقيم ودايم يصلي النوافل كلها و الوتر بس الرسوم القديمه و المكان القديم من مرّها طااح من دمعه ٣ لتر :)

18

24

88

هنيـالك المـبدع . .

@mk6fei__

2 years

علامك بعد كل الغلا تقفل الجوال ولا ودك بقربي وعزمت تجفاني تذكر حبيبي حبنا و الغلا بهبال ولا طعت فيني هرج قاصي ولا داني تذكر يوم انك تقول غيرك ما اشوف ارجال ليتك من اخواني او عيال عماني لازلت الغلا كله و عمري و راس المال انا مدمنك لو كنت صامل بهجراني

13

15

86

هنيـالك المـبدع . .

@mk6fei__

1 year

ياللي سرقت النوم والعافية سرق يازاد قلب اللي هواك وحروبه تغيب ماهمك وأنا ألاحي الورق ولا تخاف من الجفا والعقوبه الوصل مرهم كبد وإلا الجفا حرق والصبر ينفض في غيابك جيوبه كسرت كل أبواب وصلك من الطرق وغيرك طرق قلبي ولاني بصوبه.

10

12

90

هنيـالك المـبدع . .

@mk6fei__

11 months

الشتاء لا انتصف لليله و ذعذع نسيمه كل ذكــرى يرجعـها لمرتع صباها به يوارى عن الأنظار مسرح جريمه لو كشفها الزمن لناس ماحدٍ نساها وفي هدؤه تفاصيل و مشاعر عظيمه و نسمةٍ تاخذ الدنيا واهلها معاها لاسرى الصاحب الغالي وفارق نديمه دمعة العين لو تاقع بتسمع صداها !

20

11

88

هنيـالك المـبدع . .

@mk6fei__

11 months

ألا ياهبوب الصبّح خفي على الملتاع ترا خاطره ضايق من الليل و علُومه .

11

9

88

هنيـالك المـبدع . .

@mk6fei__

1 year

إن ضاقت أيامك وتحتاج تغيير لا تظهر الأوجاع ، والحزن خبّه دايم تظاهر لـ الجميع إنّك بخير أقل حاااجه .. لو عشان الأحبّه مافيه حاجه تستحق الحزن غير وفاة غالي ، أو مرض من تحبّه .

8

23

85

هنيـالك المـبدع . .

@mk6fei__

9 months

ذكرتك حبيبي والمسافة ضما وجروح ولا فيه غير اللوم والحزن .. يبرالي ٰ من العام وغصون المواصل بعيدة شوح ومدري متى ارض الشوق تروى من ظلالي ٰ ياليت الليالي مثل روحك .. خفيفة روح ما كان ارحل لماضيك وارجع وانا خالي ٰ تجهمت يا عامٍ مضى والعيون تبوح عسى الدمع ما يمحي ملامحك عن بالي

23

16

91

هنيـالك المـبدع . .

@mk6fei__

1 year

أنا لا نفسي عصيه ولا قلبي قطوع أجفي الدنيا و أعود و أصير صحيبها عن مشددة اللواحظ ومرخية السّموع قافلٍ بيبان .. ود العلوم و جيبها ما درى باللي تكنّ الضلوع إلا الضلوع وش تبي تنفعني الناس لو تدري بها ):

8

13

87

هنيـالك المـبدع . .

@mk6fei__

10 days

ودي ارد قلبي بالغزل ياغزاله لايسوي سوات اللي يهمّل رفيقه الهوى لذّته في طيشه وفي هباله ولذّة اول شعور وربكة اول دقيقه وجهٍ اللي يشوفه ينبهر من جماله وطلةٍ تجعل الرجال يشرغ بـ ريقه! ودي امثل مثول المتهم للعداله ماعلي دامني بين اليدين الرقيقه العفو "ياشبيه اللي جفل من ظلاله"

23

5

120

هنيـالك المـبدع . .

@mk6fei__

2 years

من يلوم اللي خذيتيه من دنيا الضياع لين صار فـ قربك يْعيش واختارك قِدر ومن يضيق بْه الصدر وانتي عيونك وساع ياخذ مْن عيونك الواسعه وسعة صدر والشجاع اللي يقولون فـ الهيّه شجاع قدم رمشك يرفع ايديه وسلاحّه حدر والبدر لا طل في حضرتك زاد الشعاع فوقنا بدرٍ يشعشع وفي وجهك ، بدر

11

12

83

هنيـالك المـبدع . .

@mk6fei__

2 years

متى يذعذع على صدري نسيم الهبوب وارتاح من زحمة افكار القلق واهدى اي والله احن واهوجس وروحي تذوب طرقي واشوف اغتراب الروح ماله مدى واخاف من كسرة الخاطر وكسر القلوب لو لحقت الفرصه الفرصه وراحت فدى ادخل على الله من دروبٍ عليها دروب والحاجه اللي تجيني من طوارف ردى .

5

16

88

هنيـالك المـبدع . .

@mk6fei__

1 year

ما عاد تسعدني من ايّامي ايام واشياء واجد في عيوني تساوت

4

18

84

هنيـالك المـبدع . .

@mk6fei__

1 year

الليل والعزله وقافي ومعنّاي والأمنيات الناجيه والغريقهه ياخذني التفكير فيها من أقصاي لين الصبّاح يفك بالشمس ريقه صدري وسيع وضحكتي في محيّاي لو أني من الضيقه اشعر بـ ضيقه أصغر مشاريهي على أحلاّم دنياي وأن ماصفت لي جعلها في حريقه

5

18

88

هنيـالك المـبدع . .

@mk6fei__

11 months

بين مضمار التوهم ومضمار الوكاد تركض الرغبه والاحلام تبسط فرشها دلني يارب ، درب .. الهدايه والرشاد فرصة الاعمار ماهوب يدفع قرشها الحياه اجهاد والدين يحتاج اجتهاد ومغريات النفس قام ايتزافا طرشها نوب عقلي ينبذ اهل التمادي والفساد ونوب رغباتي بليس .. ايتولا عرشها

20

15

83

هنيـالك المـبدع . .

@mk6fei__

2 years

ذكرتك وانا مابين سجة .. و راحة بال وانا الشوق لو يلوي يديني فأنا البادي عذابك نعيم وحر شمسك نسيم ظلال جفافك ربيع وغيبتي عنك سهادي وانا عود من حزمة مراجل وطيبة فال أحبك واشوف ان فيك موتي وميلادي

11

18

84

هنيـالك المـبدع . .

@mk6fei__

1 year

اختصرت بكلمتينً للحبيب الغالي الزمن حاشك و جياتي مهي عاديه غصّت العبرة بحلقي واخلفـت موالي والحكي اللي كنـت اقوله ماطلع باقيّه وقلت ياسبة شقاي و يا سبب غربالي و يا سبب كل الجـروح الميتـة والحيّه والله ان تبطي و حبك فالحشا مازالي قد بغيت اسج منك و الجروح معيه

13

20

85

هنيـالك المـبدع . .

@mk6fei__

2 years

واهني اللي دموعه ماتجف من المحاجر مابعد جارت عليه الدمعة اللي ماذرفها كن في كبدي مثل طعن الهنادي والخناجر علةٍ عيّا الطبيب من المداوي ماصرفها اتوجد جعلني في كل ماجاني مواجر كل يوم اشوف لي مهنة توجّد واحترفها ياوجودي كل ماعرّض علي طيرٍ مهاجر ودي اهاجر معه للديره اللي ما اعرفها

8

14

83

هنيـالك المـبدع . .

@mk6fei__

2 years

سولف لي عن غيبتك وشلون دنياك عساك تضحك والحزن مادرى بك ؟

8

12

83

هنيـالك المـبدع . .

@mk6fei__

1 year

الصورة تقول : جيتك وانا جندي بـ حربه نصير واثره من عذاب الشوق اللتوى جيتك وانا حالي مثل حال الاسير حاله ضعيفٍ .. وجسمه ماقوى .

10

12

85

هنيـالك المـبدع . .

@mk6fei__

1 year

سليل الغيم مياس الخواصر ناعم الاطراف انا ضامي وروحي ذابله والنار في جوفي عطاك الله وجهٍ قد سعى فيه القصيد وطاف يا قربه من هدب عيني ويا بعده عن كفوفي لو ان اللي يدور بـ مهجة صدور البشر ينشاف لقوك الناس في صمتي وفي سمعي وفي شوفي

10

78

هنيـالك المـبدع . .

@mk6fei__

11 months

تموت الرجال و فعلها يذكر و ينشـاف و تعيش الرخـوم ولا لقت من يعبـرها

16

9

82

هنيـالك المـبدع . .

@mk6fei__

1 year

أنا البارحه ليلي سرا لاعب المسباح مع هاجسي لين انقطع خيط مسباحي بعد ما نفضت المسبحه لا الخرز طيّاح من الهاجس اللي يودع السد ينباحي جحدت وكنيته لين بان الخطا وانباح تروح السنين وهاجس القلب ماراحي مع الياس و الهوجاس في غيبة الأفراح أسير الهموم الوقت بجنود و سلاحي

8

14

80

هنيـالك المـبدع . .

@mk6fei__

2 years

مرحبباااا يا غايب ٍ ساق طاريه النسيم غاب لين ان كل عرق ٍ على شوفه ذوى شاحب ٍ في غيبته وجه الاحلام و سقيم و كل ما هب الهوى جدد الجرح الهوى في رجا سيل الوصل يقتفي مجراه ديم و نردّ ميراد الضوامي على عد الروى

19

11

80

هنيـالك المـبدع . .

@mk6fei__

2 years

والله ما اخترت الفراق ولا تساهلت الرحيل لكن قلوب الطيّبين تضيع .. مثل حقوقها

11

10

81

هنيـالك المـبدع . .

@mk6fei__

1 year

سافري وانسي معاك الموادع والسلام وافرحي وانتي من الحزن في عينك شدو ماهو بـ وقت المعاتب ولا وقت الملام حتى لو حالي بعد غيبتك حالة عدو والله اني ليلة موادعك عييت انام والعرب حسو بحزني وضاقو وانشدوا ليتك معودني انك تسافر كل عام كان ربعي يوم سولفت معهم مانقدوا .

7

12

81

هنيـالك المـبدع . .

@mk6fei__

1 year

تجيني على غفلة من الليل و الترحال وأحب النسيم اللي يجيبك وأهلّي به زرعك الله فقلبي مثل ما زرع فالبال سوالفك صورّك و صوتك و ترحيبه تنحّرت لي بعض المساعي و دربي طال وعرفت انك المسعى بحلوه و تعذيبه .

12

81

هنيـالك المـبدع . .

@mk6fei__

11 months

راح ليل و لاح فجر و حرّك الشوق الحنايا والهوى مثل الاسير اللي مايدري وش مصيرة ودي اصافح يد الفرحة و ابادلها التحايا وابتجح مثل الامير اللي خطب ودّ الاميرة و اتفقّد نور وجهك في الدروب وفي الزوايا و المحه في كل عفريّة و ريمٍ مستذيره

12

19

83

هنيـالك المـبدع . .

@mk6fei__

1 year

الليالي فانيه و العوافي ما تدوم والوجيه الضاحكه ضيقها بصدورها لا ابتدا ليل الحزن و انفرا جيب النجوم استضاقت و استباحت جميع امورها والقناعة كنز و الناس معطى و محروم والحظوظ احيان بالوقت تلعب دورها ..

8

20

84

هنيـالك المـبدع . .

@mk6fei__

1 year

لاسلهمت بعيونها نصف ألارماش تنظر بحمر خدودها كامل الخمس انعم من الديباج وابيض من الشاش واحمر من التفاح وانور من الشمس واصفى من الجوهر به اللون يهتاش واطرى من الياسين تجفل من اللمس

6

9

83

هنيـالك المـبدع . .

@mk6fei__

1 year

ركايز نهدها يوم تشلع زرار الثوب شفق شمسٍ انحت والسحاب متبطّنها هنوفً ليّا منها مشت مشية المغصوب تحذف الردوف تقول متبريه منها انا كيف ابسلا عن هواها وكيف اتوب وانا كل ما تحداني اشواقي ازبنها

6

9

80

هنيـالك المـبدع . .

@mk6fei__

2 years

لا يلحقك يا نظر عيني من الوقت خوف انا معك ما لحقني خوف طول العمر بين اتفاق المشاعر واختلاف الشفوف نحاول إن المحبه … فـ القلوب تعمر انتي حبيبة شجاعٍ ما ألتفت لـ الضعوف وانتي مليكة من يشوف أمنياتك أمر لك وسط عيني مكان و وسط قلبي رفوف ولك بين حدب الظلوع العوج درب وممر

10

13

82

هنيـالك المـبدع . .

@mk6fei__

2 years

أنت العوض عن ماضي أياميّ السود وأنت القبال السمح و أصدق مرادي .

15

16

82

هنيـالك المـبدع . .

@mk6fei__

9 months

اتمنى اني اجرب شعور نفس شعور محمد المقحم لما قال : " احس كل شيء يبتسم لي اليا لديت واحس ان نور الصبح يطلع على شاني "

19

10

83

هنيـالك المـبدع . .

@mk6fei__

2 years

ياناعس الطرف ماني مدوّر الطارف عزالله اني نقييييتك نقو مترفّق .. ٓاعذب من المال لامن عدّه الصارف والطف من النود لامنّ العصر شفّق ٓ.. احنّك من البرود و دمعك الذارف وادرى على سمعتك من هرجة الطُفّق ٓ.. عن غيري الروح منلدّه وانا عارف والقلب لـ مواجهك هاوي ومتشفّق

9

18

78