صحبتي دخلت للدكتور قالها انت من فين قالتله من العريش قالها قوليلي اللصيمة بتتعمل ازاي ؟!
صحبتي التانية سألها انت من فين قالتله من الإسماعيلية قالها قوليلي بقى أنواع المانجا
انا دخلتله قالي انت من فين قولتله من الشرقية قالي قوليلي بقى الفرق بين branchial cyst, cystic hygroma؟!!!
احمد أخويا كان بياخد التابلت يلعب عليه فكنت محددالة وقت قليل وبعدين لقيته بيقولي انه محمل آب للقصص الدينية وبيسمعها فسبتهوله وقت اطول وبعدها اكتشفت الصدمة !!!!!!!!!!!!!!!
وأنا بفتكر أيام تالتة ثانوي علشان أشوف مين كان له الفضل عليا بكتشف انها كانت آية أختي الي كانت مكرسه كل حياتها علشاني بدأيةً من أكلي وشربي أول مارجع من الدروس لغاية ترتيب لبسي وأوضتي
حرفياً مكنتش بعمل مجهود يذكر غير المذاكرة دلوقتي هتخَرج من كلية الطب بسببها وهي هبتدأ أول أمتحان
مكانتش حابه احكي قصة القلم ده لاني بحس بالاحرج كل مره بكتب بيه بس خلاص دي لازم تطلع للنور..
وانا في الراوند الدكتور قال الي هيجاوب السؤال ده هياخد جايزة قيمة المهم جاوبته فلقيته بيطلعه فقولت ايه ده عسلية وكمان مطلعها بايده هاكلها ازاي دلوقتي يعع لغاية مامسكته واتاكدت اني فلاحة((:
ياه على كم الآلم الي استشعرته وهي بتقول
اثنتي عشرة ساعة .. أنفقتها في سبيل ضمة عرجاء، ونظرةٍ لهفى، وكلمة مواساة مبتورة ..
رد الله عليها زوجها في صحة وعافية وستر، وأحاطها الله وإياه بالسكينة واللطف وثبات المؤمنين، وكتب لهما أجر الصابرين..
وفك كرب كل الآسره
اكتر حاجة بستغربها هو منطق الأبهات يعني ايه حد يبقي فاحت نفسه شغل علشان يجبلك كل الي انت عايزه متغاضي عن كل مشاكلة الجسدية والنفسية وكمان كل احتياجاته الشخصة وممكن ياخد شغل اكسترا لمجرد انك محتاج فلوس زيادة ،وتلاقيه جاي بيديلك كل الفلوس الي جمعها في يومه بكل صدر رحب علشان…
@maryam_bahaaaa
مقدرش اتخرج من غير ما نتقابل بجد، بكرة الخميس فحساها فرصة كويسة للتمشية خصوصا ان تاني يوم إجازة، هكلمك وننزل نتمشى ع بالليل مثلا وقت التمام 🫂
والله احلي حاجة حصلت النهاردة هي اني رَوحت متاخرة شوية ومشيت الطريق ده لواحدي وانا شايفة القمر بدر في أتم كماله وسط الغيوم بشكله الساحر وفي الخلفية صوت العصافير ممزوج بصوت القرآن جاي بعيد والله كنت عايزه اعيط من كتر الجمال حقيقي سبحان الخالق😭😭😭😭😭😭♥️♥️♥️♥️♥️
وسعولي يارجالة أنا نجحت وبأمتياز بعد كل الصياح الي صيحته فشكراً لكل من تحمل صياحي حتي النهاية ((:
شكل كده التخرج بيستوي علي نار هادية🥳🎓
Internal medicine II✅ /Surgery II✅ /Emergency & forensic & toxicology ✅
كنت باخد النهاردة حالة peptic ulcer with hematemesis المهم ان first attack كانت من 3y وجات بالصدفة بعد ما أكلت عند مرات ابنها طبعاً كلكوا متوقعين هي شاكة في ايه؟!
اكتر حاجة أثرت فيا بعد ثانوي هي لحظة انتقالي من كوني مريم الشخصية المعروفة الشاطرة الي كوني مجرد واحدة ضمن قطيع اكاد أكون لا أُذكر ولا ليا وجود فارق
حتى أي انجاز بتعمله بقى بالنسبالك لا شيء مقارنة بإنجازات الاخرين الي طلعوا المريخ
اللعنة علي كليات الطب بجد رحلة من تحطيم الذات
المكان الوانه تحفة ومريحة وكمان هادي بتروح تقعد براحتك وبيحسبلك الساعة بعشرة ولو احتاجت تشرب حاجة او تاكل بتقوم تعمل بنفسك في بوفيه صغير والموضوع لذيذ خالث وبصراحة القعدة هناك ممتعة موت المكان في حي الزهور اسمه team فاتح من9 لل11
اكتشفت مكان للمذاكرة تحفة ،واجوائه ولا اعظم ،نت ولا أحسن وبصراحة مش عايزه اقول لحد عليه علشان مايتكشفش بس مجهودهم يحترم ونفسي اعرف الناس علشان المكان يستاهل بصراحة🥹
ماتحتاجش حاجة ،وبجد الواحد لو قعد عمره كله مش هيقدر يوفيهم حقهم ربنا يجعله في ميزان حسناتهم ويجازيهم كل خير ويوسع في رزقهم ويرزقهم برزقنا ويرحم المتوفين منهم))
Men still menبحس أن عندهم مشكله في التعبير عن مشاعرهم وديما بيالجأو للكنايه في كلامهم يعني محمد اخويا وهو بيسلم عليا الصبح بيقولي ايه ده ايه الي جابك البيت كان هادي من غيرك والمفروض مني اني افهم العكس طب ليه الفرهده ماتقول وحشتيني وخلاص وعلي فكره اسهل وألطف ووقعها علي النفس اجمل
انا نقطة ضعفي المواقف الأنسانية وأمبارح حصل معايا أكتر موقف أنساني ؛كنت مسافرة بس وصلت الموقف متأخر وماكنش في أي عربيات فسألت عمو صاحب المحل قالي أن أخر عربية طلعت بس كان فاضل أقل من ساعة علي الفطار عرض عليا أفطر عنده فرفضت وشكرته بعدها ساب المحل بتاعه وقف معايا نص ساعة..
من فترة مريت بتجربة ماكنتش لطيفة بالمره وكنت لوحدي ووقتها زعلت أوي وأتمنيت الأقي حد جنبي
المهم انا قفشتني النهاردة وانا بعمل كل الي أقدر عليه لبنت معرفهاش كانت في نفس موقفي لمجرد انها ماتحسش نفس الشعور الي حسيته.
فحقيقي اتمنى يشفعلي الضمير والإنسانية المفرطة وحبي للناس اجمعين((:
حقيقي مفيش اسخف من الكوت الي الناس بتقارن فيها بين اداء الدكاترة وبتقلل منهم لان اظن ان دي سخافة
كون انك مش مستريح لشرح حد فيهم فده مايديلكش الحق انك تقلل منهم لان اولا مفيش حد منهم اجبرك انك تسمعله ثانيا كتر الف خيرهم انهم موفرين لينا مصدر محترم نقدر نرجعله بدون اي عائد مادي
-الي معياره الاول والاخير ال��لال والحرام
-الي قادر يقول اسف وقت مايكتشف أنه كان غلط
-الي بيقدر يعفو عند المقدره
-الي يبقي قادر يشوف الحلو الي فيك قبل الوحش
-هين لين سهل الارضاء وحسن الخلق
-علي علم بقدرته ويبقي فاهم أن وارد جدا يغلط وعنده الشجاعه أنه يعترف بده وقت غلطه
انا بجد ببقي فخورة بأي بنت قدرت تشيل مسئولية بيت واسرة مع الكلية وكمان بشري بجد they are areal super heroes دانا لو قمت عملت كوباية شاي بحس ان اليوم ضاع …هو اكيد الرحلة ماكنتش سهلة بالمرة بس الحمد لله انها وصلت
زعلانة بجد علي الخمس سنين الي ضيعتهم من عمري في المدينة من غير مالاقي حد شبهي أو من غير صحبة قريبة حرفياً الخمس سنين بيعدوا قدامي وأنا شيفاني قاعدة لوحدي علي سريري ويوم مالقيت حد وقولت خلاص هي دي للأسف نقلت بعدها حتي صحابي في خامسة عرفتهم في الوقت بدل الضايع كأنهم جايين علشان…
١- يواظب على أداء الفرائض
٢- يجتنب فعل الكبائر
٣- تاركا البِدَع
٤- يجاهد في الصغائر
٥- يردعُه قال الله وقال رسول الله
6-وأن ينقضي بلقائه عهد بُؤسي وشقائي.
بطلوا بقي غباء وجهل مش كل واحد هيقول كلمة حق يبقي اخواني وارهابي وقائد لنظرية مؤامرة...
هما فين الإخوان دلوقتي هو لسه في اخوان اصلا بطلوا تكدبوا الكدبة وتصدقوها...
اصل مستحيل اننا نبقي بالغباء ده لدرجة أننا مش قادرين بعد السنين دي كلها نحدد مين الظالم ومين المظلوم!!
بحب بنات الراوند بتاعي أوي بجد كلهم لذاذ موت وبيماتشوا الڤيبز بتاعتي وعمرهم ماقالوا عليا هبلة وانا داخلالهم الراوند كل يوم متقمصة شخصية جديدة وديماً بياخدوني علي قد عقلي 😍
والله شكراً ياجيرلز وجودكم خلي الترم ليه طعم✨✨✨💖💖💖💖💖💘💘💘💘🧚🏻♂️🧚🏻♂️🧚🏻♂️🧚🏻♂️🧚🏻♂️🧚🏻♂️🧚🏻♂️🧚🏻♂️🧚🏻♂️🧚🏻♂️🧚🏻♂️
أخواني لقد تسرعنا في الحكم علي المدينة أنا في بنت معرفهاش قابلتني دلوقتي قالتلي انت جميلة أوي وجت واحدة بعدها معرفهاش برضو قالتلي انا طول مانا شيفاكي في الدور بحس اني كويسة
ف أنا خلاص مش ندمانة علي الخمس سنين الي ضاعوا فيها ياخي البنات الطف الكائنات فعلاً😭😭😭💗💗💗💗💗💗💗💗💗
طول مانا قاعدة في المدنية كنت عايزه اتخطب لسبب واحد هو اني اتكلم في الموبيل وانا ماشية في الجنينة زي البنات الي بشوفهم وأخد التراك كله لف والهواء يتخلخ وسط خصلات شعري كأنه مشهد سنمائي
وبجد زعلانه لاني فاضلي فيه اربع شهور ويعتبر خلاص راحت عليا
المهم مابقاش عندي دوافع للخطوبة عامة
من الحاجات الي استفدتها من رحلة الطب عامة هي اني برجع كل يوم من المستشفي بحمد ربنا علي كل نعمه الي محوطاني أياً كان شعوري ايه أو أياً كان الي مريت بيه في يومي
ومن اهمهم الصحة وادركت معني قولة ﷺ: { من أصبح منكم آمناً في سربه، معافى في جسده، عنده قوت يومه، فكأنما حيزت له الدنيا }
بيحاول يشوفلي أي مواصلة توصلني وقعد يسأل الناس الي يعرفهم لو مسافرين في طريقي ياخدوني معاهم وفي الأخر مالقاش فقعد يدورلي علي توكتك يعرفه وحاسبه وقاله يوصلني عند المفارق ويستني معايا يركبني وحقيقي انا كنت ماسكة دموعي بالعافية ده أطيب حد شوفته في حياتي ربنا يباركله ويجازيه كل خير
انتو عارفين والله بجد انا أحيانا بحس انا ابتلاءنا اكبر من ابتلاء الفلسطينين علي أقل هما نحتسبهم شهداء بأذن الله إنما احنا للاسف مفتونين بالدنيا الي مهما طالت أو قصرت لا تساوي شئ
"الَّذِينَ آمَنُوا وَهَاجَرُوا وَجَاهَدُوا فِي سَبِيلِ اللَّهِ بِأَمْوَالِهِمْ وَأَنْفُسِهِمْ أَعْظَمُ
علشان كده ربنا سبحانه وتعالي قال (إنَمَا يُوَفَى الصَابِرُونَ أجْرَهُم بِغَيرٍ حِسابٍ}
وده لعظم أجر الصبر ولثقلهُ علي النفس البشرية الضعيفة
الله يجعلنا من الصابرين الذين يُوفونَ أجُورهم بغير حساب((:
انا للأسف مش مستغربة ده لأن كوني عايشة في الأرياف فانا بشوف النماذج دي اكتر من كوني بشوف الستات المتستته في بيتها حرفياً اعرف ناس بتطلع كل يوم من الفجر مابترجعش البيت غير علي العشا علشان بتسعي علي اكل عيشها علشان تعرف تربي عيالها والمشكله انهم شايفين أن ده العادي بدون اي احساس..
انا كل مايقابلني تويته لبنوته بتتخرج هي وابنها او بنتها وافتكر ان بابا رافض مجرد اني اتخطب بس علشان ده هيعطلني عن مسيرتي في التطور والازدهار وطلب العلم ببقي هموت ضحك😂😂😂😂😂😂😂😂😂😂😂😂😂😂😂😂
في ناس اعرفهم حرفيا كل حاجه بتحصل في حياتهم ربطينها بالحسد لدرجة أنهم بيخافوا يقابلوا الناس ليحسدوهم ومابينزلوش اي ستوريز ومحدش يعرف عنهم حاجه
المشكله اني قعدت معاهم نص ساعه حرفيا كلها ستوكينج لحياة الناس وشوفي دي مبسوطه هي وجوزهاوبتخرج ازاي ودي مسافره فين وانا كل الي بقوله اهه
كنت قاعدة متكدرة من الطب والمذاكرة والظلم الي بنشوفه
وبعدين بالصدفة وانا بسمع ريكورد قديم لقيتني بجاوب علي الدكتور فسألني اسمك ايه وقالي شاطرة يامريم ،،،مريم هتنجح 😭
وبعدها سأل سؤال وقال مريم الي هتجاوبه فتكسفت فقالي لا بتكلم جد جاوبي انت ماغك حلوة وجاوبته😭😭😭😭😭😭♥️♥️
مفيش فترة تقيلة في حياتي قد الأسبوعين الي المفروض انهم اجازة حقيقي اتقل من فترة الامتحانات نفسها
شعور ان الناس كلها اخدة اجازة وانت مضطر تقعد تذاكر وتلم نفسك جامد جداً علشان تنجز منهج الترم كله الي متراكم عليك بجد شعور سخيف
وهيفضل جوايا سخط لأننا مابناخدش اجازه زي بقية خلق الله
وانا بعدي بابا وقرايبي من الأمن وقفهم وقالهم رايحين فين فبصتله وقولتله تبعي قالي تمام يادكتور اتفضلوا
حرفياً بابا فضل طول اليوم علي وشة نظرة فخر مع ابتسامة خفية كان نفسي اقولة don’t thank me its only the power of the scrub بس قولت بلاش احبطة خليه ياحبيبي يفرح شوية
عندي واحد قريبي معتقل أتاخد وهو عنده ٢١ سنة كل جريمته انه طلع قال رأيه بكل حريه
بقاله دلوقتي 8 سنين مامته عنيها نشفت من كتر العياط ده غير فرحتهم الي انطفت
8 سنين من احساس بالظلم والقهر والتسأول طب ايه جريمته ؟!
طب ايه المدة ؟!
يعني في أمل يطلع ؟!
مصير مجهول مالوش أي معالم…
انا النهاردة كنت أكتر حد حاسس بالفخر ومحمد أخويا الصغير بيكلمني بيقولي محتاجة فلوس قد ايه 😭😭😭
وعلي الرغم من أصراري اني ماخدش منه حاجة إلا انه أصر يبعتلي وقالي ماتكمليش بابا لما تحتاجي حاجة بعد كده وأبعتيلي
بجد انا فرحانة بيه اوي ربنا يراضيه ويرضي عنه ويحفظه يارب الصغنن ده😭💗
من سنة ونص قابلت بنت جميلة صدفة على تويتر بعتلها مسج بلكتنى.. دلوقتى صورتها منورة البروفايل وباكل حالاً-ليترالى حالاً- أحلى كنافة بالمانجا من عمايل إيديها