كتار حابّين يتبرعوا لصالح اللي تركوا بيتوهن وتهجّروا..
أسهل طريقة تدخلوا على موقع 🔻
تختاروا الاغراض اللي بدكن تبعتوهن.. وتحطوا وجهة الاستلام عنوان جمعية #دفى 🔻
Dafa campaign
Pierre Gemayel street under Fiat Bridge, Cornish El Naher, Beirut, Lebanon
تم قبل قليل تسليم المجرمين الذين تحرشوا واغتصبوا الطفل السوري في البقاع للقوى الأمنية.. نتمنى محاكمتهم سريعاً وإنزال أشدّ العقوبات عليهم.. ليكونوا عبرة لكل متحرش ومغتصب!
#العدالة_للطفل_السوري #العدالة_لكل_طفل #العدالة_لكل_إنسان
بغض النظر عن القضية وتفاصيلها.. قصة إسراء غريب بتكسر القلب.. مش مسموح أبداً صبية تنضرب حتى تموت لأنها ضهرت تتعرف على خطيبها بمكان عام وإخواتها شكّوا فيها!
شرفَك مش عند إختك ولا بنتك ولا زوجتك.. شرفك بأخلاقك بضميرك بجسمك وحدك!
شرفك بتصونو لما تكون فعلاً رجّال!!
#كلنا_اسراء_غريب
لما شريط العمر يمرق بلحظة.. وإبني الصغير يكبر ويتخرّج ويكبّرلي قلبي..
الله يحميك حبيبي ريان يا روح الماما وفرحتها..
يخليلي اياكن إنت ويارا ونبقى سوى كل العمر ♥️
اليوم عيدك يا بنتي❤️يا نور عيوني. بهديكي حياتي وكل نفس جاي. بس المهم تبقي حدي وضل شوف الضحكة على وجك ونكبر سوى ❤️ويعطيكي الله الصحة والسعادة ويبعد عنك كل شر. بحبك لتخلص الدني وشكرا انك عطيتيني هوية❤️❤️
متل اليوم من ١٦ سنة الله هداني صبي قمر.. هلأ صار شاب بيسوى الدني كلا.. برفع راسي كل ما بدّي بوسو وبشكر الله على أغلى هدية.. الله يحميك يا ماما يا سندي وسعادتي ويا نور عيوني..
الله يعطيك الصحة والسعادة ويبعد عنك كل شر..
الله يحميلي اياك ريان 😍❤️
نحنا عم نمرق هالفترة بأصعب ظروف بلبنان وسوريا والعالم العربي كلّو..
كرمال هيك كل حدا منكن عندو مشروع صغير وحابب يعلن عنّو.. صفحاتي مخصصة لدعمكن..
ناطرة رسائلكن عالبرايفت على إنستا.. مع كل التفاصيل ❤️
كل الحب..
طلبت من بنتي ما تحضر افلام فيها رعب
قالتلي ماما الافلام ما بتخَوف لان البطل ما بيموت عن جد...نشرة الاخبار هي يلي بتخوف لان بلبنان الناس والاولاد بيموتوا عن جد وهيدا يلي بيخوفني😓الطفولة المنهوبة
اليوم عيدي.. ما بعرف أديه كبرت هالسنة.. يمكن كبرت شي مية سنة!
وهيدي أول مرة بعمري ما بتطلع لقدام.. عبالي إرجع كتير لورا.. لإيام أحلى ما فيها كل هالبشاعة!
شكراً ع كل كلمة محبة بتغمروني فيها دايماً..
وبهالإيام ما بحلم إلا بوطن أفضل يجمعنا كلنا وإيام أحلى وصحة وأمان للجميع 🙏❤️
جسم المرأة المثالي عبر العصور كان الجسم الممتلئ مع كروش صغير. والمنحوتات القديمة بتأكد على هالشي. من وين اجتنا موضة عود الخيزران والضعف هيك حتى مقضيينا ريجيم🤔🙄
اطفال لبنان كلن بصرخة واحدة..ما بدي موت..حتى الاطفال دمرتوهم...بدنا نعرف الحقيقة كاملة وراء هالمجزرة ولازم تتحاكموا يا مجرمين..مصالحكم قتلتنا ..شرّدتنا..دمّرتنا. لعنة الله عليكم
بفضل الله أنا بخير.. فعلاً مصير الإنسان بيتغير بين دقيقة والتانية..
ومن ساعتين.. ألغى الطبيب اللي كان مسؤول عن حالتي الصحية العملية الجراحية اللي كان لازم أعملها بآخر دقيقة..
بشكركن عمحبتكن وصلواتكن..
الحمدالله على كل شي 🙏
أثّرتي بالكل اليوم.. وفيّي أنا بشكل خاص لأسباب كتيرة.. مش كل الحكايات بتنحكى.. بس اللي مرقتي فيه وطلعتي منو وعرضتيه بالكليب تجربة عمر توثقت بأفضل طريقة.. الحمدالله عالسلامة.. ومبروك النجاح 🙏❤️
@elissakh
#اليسا #الى_كل_اللي_بيحبوني
قرأت الكثير من الشتائم والسخرية من صبية سمراء فازت بلقب #ملكة_جمال_الجزائر تدعى #خديجة_بن_حمو
ترونها جميلة أم لا.. لا تسخروا من أشكال الناس وألوانهم..
تذكروا قبل أن تكتبوا حرفاً مسيئاً مهيناً.. أنها ستقرأ.. وستتأذى..
كل المحبة ❤️
Stop bullying!
#الجزائر
#algeria
الجنة تحت اقدام الامهات الصالحات. لا يكفي الانجاب وحده. #جريمة_نهر_دجله ام ترمي اطفالها للموت انتقاماً من زوجها. بئس المصير ايتها المتوحشة. الصلاة والجنة للملائكة🙏
ما حدا فينا منيح...كلنا مش مناح ومنهارين..بس بكل عيلة في شخص مصدر الطاقة لكل يلي حواليه..مجبور يمثل انو منيح حتى يضل محافظ ع التوازن النفسي لعيلته..لهيدا الشخص منقلو الله يقويك...والف بوسة على جبينك 😘❤️
الاشقاء العرب..شكرا لمحبتكم لدعمكم..شكرا لحزنكم علينا..منّا من رحل الى السماء..اما نحن بقينا جسداً بلا روح..اقتلعوا الفرحة من قلوبنا واحلامنا على مرّ السنوات...الان يقتلعون قلوبنا من اجسادنا المنهكة...لنا الله..الله معنا🙏
بعلن انسحابي من حلقة الليلة من برنامج #صدى_الملاعب وعدم مشاركتي فيها لأنّي اكتشفت إنّو الإستاذ مصطفى الآغا عم ينقّل الأسئلة لناصيف 😢😰 وهيدا الدليل!
حقي أو لأ؟ 😅
@mustafa_agha
@NassifZeytoun
خطيبا تركا تاني يوم بسبب سخرية الناس..
أيمتى رح يفهم كتار إنّو الكلمة القاسية بتجرح وبتدمّر وبتخرب بيوت!
التنمر على شكل الناس ولونن ولبسهن وطريقة كلامهن وأفكارهن مش حق ولا رأي.. جريمة!
ألف تحية لهدير #زلابية.. إنتِ حلوة وقوية..
وتحية للي قاموا بهاللفتة وعملولا نيولوك لابقلها ❤️
ألف الحمدالله ع سلامتك يا حبيب قلبي من كورونا اللعين.. قطوع ومرق على خير.. عقبال كل المنصابين يشفوا..
انتبهوا عبى حالكن.. الله يخلصنا 🙏
#جمال_سنان #ماغي_بو_غصن
البداية 🤍
بفضلكن كان #ع_امل حالة جماهيرية بهالموسم.. مش نجاح عادي، نجاح استثنائي إنتوا سببه. وصلت الرسالة بصدق لكل بيت لبناني وعربي.
شكراً على كل كلمة.. شكراً لتعبيركن الصادق وتفاعلكن اللي بيكبّر القلب. شكراً لنجوم العمل الزملاء فرداً فرداً بتكبّروا القلب وبينشاف الحال فيكن.
أكتر من هيك ومن اللي صار امباح وعم يصير هلأ ما بقا يصير!
رحمتك يا رب..
لبنان عم يحترق.. وأهل مناطقو عم يتهجّروا..
كارثة بيئية إنسانية ما بينسكت عليها.. الله يحمي الناس.. ويحمي هالبلد!
#لبنان_يحترق #لبنان
شي بيكبّر القلب لما نشوف نجمتان من لبنان مجتمعين عالمحبة.. بعيداً عن كل السلبيات..
النجاح بيلبقلكن والصورة لما تجمعكن سوا بتمثّل الوجه الحضاري للبنان ❤️
المخرج #سيمون_أسمر طول عمرو بيجمع.. حتى بغيابو 🙏
@NawalElZoghbi
@elissakh
بعيد ميلادي بيحقلي أتمنى لنفسي...يا رب تديم علي نعمة الصحة... وخليلي كل الناس لي بتحبني وبحبا ...خليلي عيلتي...وبَاذنك صير تيتا حتى شوف ولادي عّم يكبروا قدام عيوني ..ما تحرمني من اَي حدا بحبو ..ساعدني حتى حقق طموحات كتيرة بعدني فيا بأول الطريق... وع طول ساعدني صحح أخطائي🙏❤️
وجع القلب بيبقى وبيرافقنا. ان شاءالله تكونوا حبيتوا الحلقة وقدرت كون دعم وامل لاي حدا عندو نفس الحالة. شكراً على محبتكن وكلامكم يلي بيشبهكن🙏❤️ #الدنيا_علمتني