#فيروز قوليلو #بيروت صارت عاصمة الموت قوليلو لبنان صار بلد العتمة والجوع والذل قوليلو الشعب العنيد صار عم يشحد عبواب البنوكة والجمعيات والسفارات قوليلو لبنان بطل يلبقلنا قوليلو خدنا معك بركي هونيك برات لبنان نقدر نسترجع شوي من كرامتنا المسروقة !
لبنان بلد تحت الاحتلال شاء من شاء وابى من ابى ! والدولة اللي احتلتنا ما احتلتنا بالحرب احتلتنا عن طريق حصان طروادة وبموافقة الكل ! الكل ! ناس قبضوا وناس اخدوا كراسي ! #لبنان #لبنان_ينهار #لبنان_تحت_الاحتلال #لبنان_مخطوف
لو المسؤول عن انفجار بيروت كان من المسؤولين الزغار كانو من اول يوم كبوه بالحبس وخبرونا انن فعالين ووطنيين ! بس المسؤول عن الانفجار اكبر من انو ينقال اسمو ...لانو متل ما خاطف البلد خاطف اصواتن ! #لبنان_مخطوف #لبنان_منهوب
يا جمهور #ميشال_عون بترجاكن وجعني اصبعي قد ما عم بعمل بلوكات وللصراحة مش عم بقدر اعمل بلوك للكل ! يا جماعة يللي ما بيعجبو شو بقول يعمللي انفولو ويفك عن سما ربي ويعيفني من وساختو وقلة اخلاقو !! منيح او بعيد ؟
الله يخلليكن اوعى حدا يستتقل يا شباب ! كل مين عندو صاروخ عبالو يكبو من عنا على العدو يجي ! لبنان قلبو كبير ومستعد شعبو يموت عن كل شعوب الارض ! هيك هيك البلد محروق ضربة بزيادة ضربة بالناقص مش فارقة ! ولك تفو عمسؤوليننا ! #الحياد_هوي_الحل
سيد القصر نسف البلد ! نسف آخر امل للملمة الكيان اللبناني ! باعنا بالرخيص وقدمنا هدية لاحتلال جديد ! عوض بسلامة كل اللبنانية بلبنان ! #لبنان #لبنان_ليس_بخير #لبنان_انتهى
لكل اللي عم يتحفوني بمسباتكن اللي بتتدرّس بوساختها بقلكن بكل بساطة فيكن ما تلحقوني عتويتر ! تويتر هو مساحة للتعبير عن الرأي ورأيي رح ضل قولو ان عجبكن او لا ! بهالبلد لو كل واحد بيحترم رأي التاني اصلا ما كنا وصلنا لهون ! #لبنان
لما مصرف لبنان يسمح لناس تحول مصرياتها لبرا ويحجز مصريات الشعب ... هاي مش قلة اخلاق ! هيدي جريمة بحق الشعب وبحق المساواة ! ومفروض مصرف لبنان ينطال قانونيا ! #باسم_الشعب
طفوا سياراتكن ! اوعى تنطرو عمحطات البنزين ( الا بحالة المرض ) ما تروحوا عشغلكن واذا الكل تكاتف وما وصل ولا موظف عالشغل ما حدا في يحاسبكن ! شللوا البلد ! ما بدن يأمنولنا بنزين منقعد ببيوتنا ! شعب متماسك هيك بيعمل ما بينطر عمحطة وبينذل !#لبنان
عم يلهوا الشارع بشوية مداهمات عارفين مواقعها من سنين ! ساعة مازوت ساعة بنزين وساعة ادوية او حليب ! فكرن هيك بنفسوا الشارع من الاحتقان وبنسوهن جريمة عكار والمرفأ ! وين صارو هالتحقيقات ؟؟؟؟؟
لما المسؤول ما يعود يقدر يمشي عالطريق او يفوت عمطعم او يوقف بين شعبو بكون سقط ! لما المسؤول يصير محبوس بقصرو بتصير الكرسي حبس ! #المسؤولين صرتو بآخر ايامكن .. عم بتنازعوا وصارت القصة قصة وقت ! #لبنان
المظاهرة اليوم ع #بكركي ما الها علاقة بمسلم ومسيحي الها علاقة بتحييد لبنان عن كل مشاكل المنطقة اللي ما الو والنا فيها ! يللي بحب لبنان وعبالو يبقى فيه ما النا حل الا بالحياد .. #بكركي_ما_بتهدد #لكل_احتلال_بطريرك #نعم_للتحقيق_الدولي #نعم_لبكركي
كل يوم بيستدعوا صحافيين عالتحقيق ! دخلكن هول اللي عم بهربوا كل البنزين والمازوت لبرات البلد ليش ما بيستدعوهن ؟ دولتنا ما بتعرف تستقوي الا عاللي سلاحو الكلمة !!!! #لبنان
تانياً بدي اشكر كل اللي تابعوا #انتي_مين وكل اللي غردوا ودعموا وقالو كلام حلو عنو وعني وعن كل فريق العمل. محبتكن اللي عملت نجاحنا، دعمكن اللي وصلنا لمراتب عالية ، تغريداتكن اللي خلت هالعمل يكون بالمراتب الاولى. بشكركن ، بشكر ثقتكن ووفائكن من سنة لسنة ... والى اللقاء ❤️ #انتي_مين
كيف ؟ كيف ممكن يكون في امل واحد بالمية يكون في انسان عايش تحت الانقاض والفرق تفل على بيتها وتأجل الشغل لان ممكن يوقع المبنى خلص ؟ منتركو ؟ كيف ؟ كيف ؟؟؟ ولك وين عايشين نحنا ؟ ويييين ؟؟ #بيروت #لبنان
دخول السفينة الايرانية علبنان انتصار على اميركا واسرائيل ! في ناس عتويتر هيك عم بتقول ! الواقع بقول دخول سفينة ايرانية علبنان اعلان صريح بالاحتلال الايراني وانتهاك لسيادة البلد وشرعية الدولة ! #سفينة_الوعد_الصادق #لبنان
فيديوات الناس اللي حاملة سلاح وعم بتقوص حد سيترنات الفيول عقد ما فيها تعدي عكرامة وهيبة الدولة اللي اصلا تمسّح فيا الارض بهالعهد وعقد ما فيها تعدي واستفزاز لكل الشعب اللبناني عقد ما بتشفق القلب عشعب صار يوقف عحفاف الطريق ليستقبل البنزين والمازوت ! #لبنان
ردونا عالعصر الحجري ! عايشين ببلد ما في كهربا والانترنت زبالة بلا مصاري ولا عملة اجنبية ... منضهر من بيتنا ما منعرف اذا منرجع عايشين او كاملين ! بلبنان نحنا عايشين بالصدفة ! #لبنان
بعد انفجار ٤ آب نحنا عم نتعرض لاغتيال تاني من قبل السلطة الحاكمة ! اغتيال معنوي ومادي وجسدي ! لازم ندعي علين بمحكمة دولية ! دعوة من الشعب ضد الرؤساء ال ٣ !!!! ولازم نطالب بتدخل دولي سريع ! عم نتعرض للابادة والتهجير ! #لبنان #لبنان_ينهار
الي #حاكم_مصرف_لبنان ما عم تزبط معي الحسبة كيف ما برمتها ... قسط جامعة واجار اوضة واكل وحكمة ومصروف وكتب ب١٠٠٠٠$ بالسنة ؟؟؟ ولك كيف ؟ حدا يساعدني لان يا انا الحمارة بالحساب يا غيري هوي ال... #لبنان_منهوب
دخلكن صوت الطيران اللي سمعناه بوقت الانفجار ليش ما حدا عم بجيب سيرتو ؟؟؟؟ من شو خايفين ؟ مين اللي قصف المرفأ وليش ؟ هلقد صعبة نتأكد من دخول الطيران الاجواء اللبنانية ؟ ما في ردارات ؟ ولا ساتيلاتيت ؟ #بيروت_منكوبة #بيروت_في_قلوبنا
احتلال بلد بصير عن طريق تجويع شعبو ، هدم مؤسساتو ،خلق جو طائفي بين ناسو وتخوين كل انسان بيحكي بصوت الحق والمنطق ! #سامي_الجميّل
@samygemayel
#صار_الوقت
يا جماعة ما لازم تتطاولوا عالمسؤولين !!! عيب ! لازم تنخوا وتشكروهن عكل شي عملولنا ياه من قطاع خدمات لكهربا ومي لقضاء نضيف لأمن لنظام مصرفي روعة وبحبوحة وشغل ! بكفي انو لما فجرونا ببيوتنا ما فجروا كل لبنان .. بس بيروت ! شكرا يا عظماء من الشعب العظيم !#لبنان_ينهار
شو ؟ هلق صارت موضة ؟ كل ليلة مشكل ؟ برأين اذا عملوا هيك رح يخاف الشعب ويتضبضب ببيتو ؟ برأين رح يفضلوا الناس يرجعوا لعيشة الذل ما قبل الثورة خوفاً من حرب اهلية ؟ ... يمكن هاي آخر خرطوشة عندن ! #لبنان_ينتفض #ثورة #الجيش_اللبناني #بكفيا #بعلبك
#سامي_الجميل من وقت ما كان تلميذ جامعة ينزل عالشارع يطالب برفع الاحتلال عن لبنان وينرشّ بنرابيج الميّ من اكتر من ٢٠ سنة لليوم بعدو عذات الموقف ! كل الاحترام
@samygemayel
سيدي الرئيس انت اللي سمحت بتحويل الجمهورية اللبنانية الي جمهورية التهريب والسلاح والارهاب ! عنادك اللي عم يسمح بقتل وابادة شعبك ! ارحل لترحل معك كل هالزمرة الفاسدة ! اسقط فيسقط الجميع ويرفع الغطاء عن الجميع ! تصرف بحكمة وانقذ ما تبقى من لبنان العظيم …
#شربل_وهبة الدول اللي اهنتها مأمنة لشعبها ولضيوفها حياة كريمة ومحترمة وآمنة عكسنا ! صاروا دول متطورة عكسنا ! دول فيها تكنولوجيا ومتقدمة عكسنا ! كيف الك عين تحكي اللي حكيتو ونحنا كهربا ما عنا ؟
صار فيي خبركن انو السنة رح نلتقى عن جديد برمضان ٢٠٢٢ بعمل لبناني ! زعلنا كفاية وبكينا كفاية هلق صار وقت نوقف ونكفي ! ما في شي بيغلب الموت الا الفن لأنو ما بيموت ، و… ما بيقبل يندفن ! ❤️
@mtvlebanon
دولة سايبة حدود سايبة سلاح سايب لاجئين سايبين شعب متروك لمصيرو بلا دوا بلا استشفا بلا بترول بلا مصاري بلا خياااار ! والكن عين تسمو حالكن فخامة وسعادة ومعالي ؟؟؟؟ فخامة وسعادة ومعالي الكذب والنفاق والعمالة والخيانة والذل والوطاوة والغبا وقلة الشرف !
#راغب_علامة قال حكام لبنان ما بمثلوني عملوه بلا وطنية وبلا شرف !! والحكام اللي سرقونا وذلونا انتخبوهن وطلعوا معن وطنيين واشراف !
@raghebalama
انا كمان حكام لبنان ما بمثلوني !
كل شوي بيوصلنا مساج بصوت غريب عم بخبرنا ساعة انو بدو ينقطع البنزين ، ساعة انو تمونوا من السوبرماركت بدا تخلص البضاعة ، ساعة سحبوا كاش بدا تأفلس البنوكة !!! لك بعز دين الحرب ما صاروا كلن هودي مع بعض ! شو المقصود ؟ #ثورة_لبنان #ثوره #لبنان_ينتقض #ثورة_الطلاب
نعم ل #الحياد نعم ل #مؤتمر_الدولي نعم لحرية واستقلال #لبنان لو انقبروا قدروا يتفقوا مع بعضن ويحكموا هالبلد بالعدل والساواة ما كنا اليوم هون ! #بكركي_بتجمع
كانوا عارفين من ٤ سنين انو البلد رايح عإنهيار اقتصادي وانو الدولة رايحة عالافلاس وكانو عارفين عن انهيار القطاع المصرفي ! كانوا عارفين وما عملوا شي ! وهلق عارفين انو #رايحين_عاجهنم وما رح يعملوا شي ! ومسميين حالن مسؤولين !!!
#مصطفي_أديب ما قبل بالمساومة والمحاصصة ! كل الاحترام 🙏 خللين هني يتحمللو مسؤولية خراب البلد ! لبنان رايح عالجحيم بفضل حكم هالطبقة الفاسدة والطائفية والمافيوية ! #لبنان
نزلنا نعمل ثورة تيفللوا كلن ! سقّطنا الحكومة وانبسطنا .. الدولار صار ٢٣٠٠٠ انفجرت بيروت فقّروا الناس بطل في ادوية وبنزين ومازوت وكهربا .. لحد ما ركعنا وقلنالن جيبوا مين ما بدكن بس خلصونا … هيك بتشتغل المنظومة اللي في ناس عم بتدافع عنها ! #كلن_يعني_كلن
شهر ! شهر عالجريمة اللي ارتكبوها من اللي اشترى المواد المتفجرة وخباها بالمرفأ بين الناس ليللي غطاه ليللي كان عارف وساكت ! شهر وبعد ما عرفنا شي !! ما عرفنا الا عدد الضحايا والجرحى وحجم الدمار ! #لبنان #بيروت #لن_ننسي
تحية لمدارس لبنان كلها ولاداراتها اللي علمت تلاميذها اليوم انو حريتن بالتظاهر حق !!! هيك بربوا اجيال .. بعلموهن يكونو حرين ! درس بالحرية اهم بكتير من درس بالعلوم !! كل الاحترام 🎩 #طلاب_لبنان #مدارسنا_معززة_للسلوك_الإيجابي #حرية #ثوره #ثورة_لبنان #لبنان #لبنان_يتنفض
صار ضروري اشراك كل مسؤول لبناني بدورات تدريبية يتعلم فيها فصل عداواتو الشخصية عن مصلحة البلد ويتعلم لما يحكي ياخد بعين الاعتبار انو ما بمثل نفسو بل بمثل كل الشعب اللبناني لهيك ضروري يحكي اللي بوافق عليه اغلبية الشعب او … يسكت ! #وزير_الاعلام_اللبناني