أحكيلكم حاجة 🥺🥺🥺🥺؟ من يوم ما دخلت الجيش وأبويا بقى يجي يوصلني لحد العربية اللي هركبها ويفضل مستني معايا لحد ما العربية تتحرك عشان مايسيبنيش لواحدي قدر الإمكان عشان هو بيبقى عارف إن يوم العودة والسفر دول بتبقى أيام صعبة فشخ عليّ
فاكر من سنين واحد صاحبنا كان بيحب بنت وتقريبا متفقين على الجواز وكان عيان فراحت زارته في بيته بورد وبشوربة خضار وأكل لأنه عايش لوحده
بعدها قرر انه يصرف نظر عن العلاقة دي علشان ازاي تسمح لنفسها تزوره وهو عايش لوحده
ولغاية النهاردة بيندم عليها حتى بعد ما اتجوز غيرها
قاعد جنب أبويا على الغدا وكل شوية يبص لي ويقولي " كل يا اخويا كويس كل، تاعب نفسي وجايب بغل عنده ٢١ سنة عشان يجيله هشاشة في العظام من دلوقتي" وحدفني بصدر الفرخة
بما أن الشهر الكريم شارف على الانتهاء فحابب أقول إني بقالي شهر محافظ على الصلاة مش بكسل ومش بفوت فرض وختمت القرآن قراءة لأول مرة في حياتي فأنا سعيد، والحمدلله أول مرة الشهر يفوت عليّ وما أحسش إنه عدى هباءً، وأرجو من الله الثبات