انا بصراحه مستغرب قوي الناس اللي هاتشجع ريال مدريد قدام ليفربول .. يعني لاعب من بلدك هايحقق انجاز تاريخي وممكن يترشح للقب افضل لاعب في العالم وسعره هايعلى ويلعب سوبر اوروبي وكاس عالم للاندية ويكون افضل لاعب عربي وافريقي في التاريخ ويرفع اسم مصر .. كل ده وتروح تشجع ريال مدريد ؟؟!!
بعد اعتداء لاعب الزمالك الصاعد امام عاشور على نجم الأهلي ومنتخب مصر المخضرم وليد سليمان .. افضل عقاب يجب أن يتخذه اتحاد الكرة فورا ليس عقاب اللاعب بالايقاف مع الزمالك في مباريات الدوري ولكن منع اللاعب من تمثيل منتخب مصر الأوليمبي في أولمبياد طوكيو
نصيحة خبيثة للناس اللي هترشح محمد صلاح لجائزة أفضل لاعب في العالم في تصويت موقع الفيفا
الفيفا هيطلب منكوا اختيار 3 أسماء أول وتاني وتالت
لما تختاروا صلاح الأول متختاروش حد من المنافسين الأقوياء تاني وتالت عشان مياخدوش نقط كتيرة مننا .. اختاروا اسمين من البعيدين عن المنافسة
عاجل : رسميا محكمة النقض تقضي حكم نهائي بالغاء قرار ادراج اسم محمد ابو تريكه ضمن قوائم الارهاب
الان محمد ابو تريكه يتمكن من العودة الى مصر في اي وقت
الحمد لله رب العالمين
@trikaofficial
ناس بتسأل فين دور اتحاد الكرة للوقوف مع الأهلي زي ما عمل الاتحاد التونسي مع الترجي، هأقولكوا مفاجأة .. مسئولي اتحاد الكرة نفسهم الأهلي ميكسبش البطولة لأن تتويجه ومشاركته في السوبر الافريقي وكاس العالم للاندية هيهدد الدوري بالالغاء لضيق الوقت وهما عايزين الدوري يكمل والسبوبة تشتغل
تخيلوا .. رسميا كده .. محمد صلاح أفضل من ميسي وأفضل من نيمار وأفضل من كوتينيو وأفضل من هاري كين وأفضل من ديبالا وأفضل من دي بروين وأفضل من هازارد وأفضل من مبابي وأفضل من بوجبا وأفضل من جريزمان
تخيلتوا ؟؟!!
ارفع راسك فوق انت مصري
جمهور الاهلي زعلان مني وبيهاجمني عشان قارنت زيزو برونالدو وميسي وقلت انه ساهم باهداف اكتر منهم وبيقولوا ازاي تقارن واحد بيلعب في مصر بحد بيلعب في أوروبا وهما اداره واعلام وجمهور بقالهم سنين بيقارنو بطولات الاهلي بريال مدريد وبيقولو الاهلي متوج ببطولات قارية اكتر من برشلونة وميلان
شوبير لما كان بيعمل مداخلة مع مرتضى منصور أول لما مرتضى ييجي يغلط في شخص كان شوبير بيقاطعه ويقوله بلاش غلط انا المذيع اللي بدير الحوار
لكن تركي أل الشيخ قال مجلس الأهلي عصابة وشتم عدة رموز لما حب شوبير يقاطعه تركي قاله اسكت ومتقاطعنيش شوبير سمع كلامه والتزم الصمت !!
هناك فرق !!
الأهلاوية اللي بيدافعوا عن أحمد عبد القادر لما شتم جمهور الأهلي وبيقولوا عنده حق لأنه اتشتم بالأم ومينفعش يسكت هما نفس الأهلاوية اللي هاجموا شيكابالا لما رفع الجزمة في وش جمهور الأهلي لما اتشتم بالأم وقالوا انه نجم مشهور لازم يكون عنده ثبات انفعالي ويسكت .. استقيموا يرحمكم الله
كان عندنا واحد أعظم انجاز عمله في حياته وبيتباهى بيه في كل حته ، هو مجرد فقط انه لعب جنب زلاتان ، ولعب جنب توتي ، ولعب جنب سواريز ، ولعب جنب دروجبا
دلوقتي بقى عندنا واحد ، حطم أرقام زلاتان ،وحطم أرقام توتي ، وحطم أرقام سواريز، وكمان حطم أرقام دروجبا
#الاسطوره_محمد_صلاح
اقتراح لاتحاد الكرة .. مصر هتلاعب النيجر 22-3 في تصفيات أفريقيا تحصيل حاصل وماتش ودي مع نيجيريا 26-3 اتحاد الكرة مش هيستدعي صلاح عشان ماتشين مش مهمين
طيب مانلعب الماتشين بدون لاعبي الأهلي والأهلي يلعب ماتشين أو تلاته في الدوري في فترة التوقف دي وفرصة نشوف وجوه جديدة في المنتخب
كل الاهلاوية اللي اعرفهم بيكرهوا احمد الطيب وبيشتموا فيه ويقولوا معلق فاشل .. وكل الزملكاوية بيحبوه ويشي��وا بيه ويقولوا معلق مميز .. مش معقول يكون حكمنا على الاشخاص وعلى شغلهم لمجرد بس هو اهلاوي ولا زملكاوي .. لازم نبطل تعصب ونقيم الناس لشخصهم وبشغلهم فقط مش بانتمائهم
حسام وابراهيم حسن مدربي المصري و علي ماهر مدرب سموحة هيشتغلوا في قناة نادي منافس بيراميدز ويقبضوا من رئيس نادي منافس!!
مش بشكك في اخلاق حد ، لكن لو مثلا اتغلبوا من بيراميدز بضربة جزاء ظلم هل هيقدروا يعترضوا ؟؟
هل ممكن مدرب ريال مدريد يشتغل في قناة برشلونة ويقبض منها ؟؟!!
فرحة نجوم الأهلي سيد عبد الحفيظ ومصطفى يونس واكرامي ومصطفى عبده وهادي خشبه ومحمد عماره من الملعب عقب هدف قفشه القاتل وصدمة نجوم الزمالك أسامه نبيه واسماعيل يوسف
أنا تعبان جدا ، والموقف صعب ومقلق ، ومحتاج دعواتكوا جدااااااا ، لعلها تكون ساعة استجابة
أرجو عدم الاتصال تليفونيا لأني في حالة صحية ونفسية لا تسمح بالتحدث
ادعوووولي ربنا يشفيني
ماتش نهائي دوري ابطال اوروبا ليفربول وريال مدريد ٢٨ مايو ٩ مساءا
وماتش الزمالك والاسماعيلي في الدوري ٢٨ مايو ٩ مساء
كده مفيش حد خالص في العالم هايتفرج على ماتش ليفربول وريال مدريد لان الناس كلها هتكون مشغولة بقمة الزمالك والاسماعيلي
قرار غبي وغير مدروس من الاتحاد الاوروبي
بيراميدز ضمن المركز التاني في الدوري ، والأهلي تأكد انهائه للموسم في المركز الثالث
لأول مرة في تاريخ الدوري الممتاز منذ انطلاقه سنة 1948 ، صاحب المركز التالت هو اللي هيشارك في دوري أبطال أفريقيا على حساب صاحب المركز التاني !!!
كابتن مدحت شلبي أخطأ خطأ رهيب لما قال انه مش هيعلق على ماتش القمة بين الأهلي والزمالك لأن الفرق بين الفريقين 30 نقطة وده فيه اهانة للزمالك وجماهيره اللي زعلوا منه وده حقهم
شلبي عليه أن يعتذر فورا لجمهور الزمالك بسبب هذا الخطأ الرهيب لأن الفرق بينهم 27 نقطة بس مش 30
فبراير الأسود :
حادث العبارة ٣ فبراير ٢٠٠٦
موقعة الجمل ٢ فبراير ٢٠١١
مذبحة بورسعيد ١ فبراير ٢٠١٢
حادث ملعب الدفاع الجوى ٨ فبراير ٢٠١٥
حادث ارهابي في سيناء ضد جنود 16 فبراير 2019
حريق قطار رمسيس ٢٧ فبراير ٢٠١٩
ربنا يرحم الشهداء ويصبر أهاليهم
#محطه_مصر #رمسيس
#Cairo
#وزير_النقل
4 في مونانا ، و4 في كمبالا سيتي ، و4 في حريه ، و4 في النجمة
كان فيه زمان رباعيات الخيام ، ورباعيات صلاح جاهين .. دلوقتي فيه رباعيات الأهلي
#مين_قال_ما_فينا_للاهلي #النجمه_اللبناني #الاهلي_النجمه
مش عارف الناس مستغربة ليه ان الأهلي هو اللي هيشارك في دوري أبطال أفريقيا رغم انه معاه 55 نقطة بينما بيراميدز مش هيشارك وهو معاه 59 نقطة
الكاف علمنا حاجة جديدة من 22 سنة وهي ان الـ 7 أكبر من الـ9
والنهارده اتحاد الكرة بيعلمنا حاجة جديدة برضه وهي ان الـ5 كمان طلعت أكبر من الـ9 !
سؤال مهم لجميع مشجعي ريال مدريد في مصر والوطن العربي .. يا ترى هتشجعوا ريال مدريد في النهائي ولا هتشجعوا ليفربول علشان محمد صلاح ؟؟
اللي هيشجع ريال مدريد يعمل ريتويت للتويتة دي، واللي هيشجع ليفربول عشان خاطر صلاح يعمل لايك
قناة بيراميدز قفلت نهائيا ومليش مصلحة مع تركي ال الشيخ او استفادة ولكن شهادة حق امام ربنا في تعاملي معاه مشفتش منه شىء وحش وشفت اخلاق وتواضع ومعاملة جيدة وحب لمصر وللاهلي وخلافه كان مع اشخاص واكيد ليه بعض العيوب في بعض التصريحات وده لان مفيش بني ادم فينا كامل والكمال لله وحده
محمد فضل نجم الأهلي السابق .. حياته صعبة وحزينة
من كام سنة أخته توفت في عز شبابها بعد صراع مع المرض
بعدها بكام شهر والدته توفت من الصدمة وحزنا على أخته
في نهاية شهر يناير اللي فات والده توفى
النهاردة ابنه الطفل اللي في الحضانة توفى في حادث
ربنا يصبره ويعينه على اللي هو فيه
الناس اللي مش فاهمه قانون الكورة .. الهدف مش تسلل .. حسام حسن واقف على نفس خط الكورة .. حتى لو سابق كل لاعبي انبي متبقاش تسلل لان الكورة مش جاياله من الخلف .. اقروا القانون وذاكروا كويس
الأهلي هيلاعب الترجي 2 و9 نوفمبر
اتحاد الكرة أجله 3 ماتشات مع النجوم وانبي والجيش 3 و7 و11 -11
الأهلي بقى متأجله 8 ماتشات
لو فاز الأهلي بكاس أفريقيا هيتأجله ماتش عشان السوبر الأفريقي و2 عشان كاس العالم للأندية يعني 11 ما��ش من أصل 17 في الدور الأول للدوري
الدوري مهدد بالالغاء
الصمت الرهيب من جانب أحمد شوبير تجاه الاهانات والاتهامات التي تعرض لها من جانب تركي ال الشيخ في قناته اون سبورت وفي وجود زميله في الاتحاد سيف زاهر ثم بعدها من جانب مرتضى منصور امر غريب ومريب .. فاما ان يرد ويبرىء نفسه واما ان يبتعد تماما عن اتحاد الكرة وعن الاعلام ويصمت الى الأبد
اتحاد الكرة بعد تأجيل السوبر السعودي راح حط للاهلي بداله اسهل ماتش في المؤجلات بتروجيت الاخير واجله ماتشات الزمالك وبيراميدز (دوري وكاس) وسموحة والمقاصة المؤجلة بعد يناير عشان يتلعبوا الصفقات الجديدة
نفسي "دكر" في اتحاد الكرة يقول اختاروا ترتيب ماتشات الاهلي المؤجلة على اي اساس
مانويل جوزيه علم على الزمالك
ومختار مختار مساعد جوزيه علم على الزمالك
وحسام البدري مساعد مساعد جوزيه علم على الزمالك
ومحمد يوسف مساعد مساعد مساعد جوزيه علم على الزمالك
وبيدرو بارني مساعد مساعد مساعد مساعد جوزيه علم على الزمالك
متضامن مع شيكابالا ومدحت العدل ومع أي شخص تحصله اهانة من الجمهور سواء الشخص ده أهلاوي أو زملكاوي وسواء الجمهور ده أهلي أو زمالك
الناس لازم تكون محترمة ممكن يهزروا ويقلشوا على بعض لكن من غير قلة أدب وشتيمة
احنا في أيام صعبة والمفروض الناس تتعظ وترجع لربنا
استقيموا يرحمكم الله
سبحان الله مرتضى منصور صمم ماتشات الدوري تتلعب بعد كأس الأمم عشان يكون رمضان صبحي مشي وساسي رجع من الاصابة
دلوقتي الزمالك فقد لاعيبه مهمين كهربا مش هيلعب عشان المشكلة وجنش بسبب الاصابة يعني الاهلي استفاد من التأجيل ومكنش في مصلحة الزمالك
ويمكرون ويمكر الله .. والله خير الماكرين
اعذروه وحطوا نفسكوا مكانه، لو انت قابض من حد عشان تنافقه طبيعي تقبل تقف معاه على حساب بيتك اللي عملك واتربيت فيه وطبيعي تقبل واحد قد ولادك يناديك باسمك وانت تقوله يا افندم لأنه كاسر عينك .. كل واحد يحط نفسه مكانه هيلاقي انه كان هيعمل نفس التصرفات وده طبعا لو كان بني ادم واطي زيه
امبارح ابراهيم سعيد كلمني مكالمة طويلة تقريبا ساعه حكالي حاجات كتيرة قوي وفي اخر المكالمة قالي الحاجات دي كلها اسرار اوعى تقولها لحد خالص قلتله متقلقش احنا اخوات وسرك في بير .. وبعديها بكام ساعه لقيته طالع مع هاني حتحوت حكى هو بنفسه الكلام اللي قالهولي كله قدام ١٠٠ مليون 😂😂
مش محمد صلاح بس اللي شرف مصر واحتل صدارة قائمة هدافي الدوري الانجليزي
عندنا كمان أحمد حجازي احتل صدارة قائمة أكثر اللاعبين المشاركين في الدوري الانجليزي هذا الموسم لعب جميع مباريات فريقه الـ38 كأساسي ضمن 15 لاعب فقط في جميع فرق الدوري الانجليزي حققوا الانجاز ده
@Hegazi
دلوقتي الاهلي قال انه وصله خطاب من اتحاد الكرة بصيغة معينة في حين ان اتحاد الكرة منشرش اي حاجة عن القصة دي وفيه مصادر في اتحاد الكرة بتقول ان مفيش خطاب اتبعت أتمنى من النادي الأهلي نادي القيم والمبادىء انه ينشر صورة الخطاب ده تأكيدا للمصداقية وعشان الجماهير تصدق الكلام بالمستندات
أنا شايف ان عقوبات اتحاد الكوره ظالمة جدا لكهربا وفيها مجاملة شديدة جدا لشيكابالا
ازاي كهربا اللي دخل في مشاجرة مع اللاعبين وده طبعا غلط ولكنه بيحصل كتير يتوقف لنهاية الموسم و شيكابالا اللي عمل حركة خارجة وقذرة يتوقف 8 ماتشات بس!
استقيموا يرحمكم الله
#عاوزين_حق_الاهلي_يا_خطيب
جنش حافظ على نظافة شباكه ٨ ماتشات متتالية في بطولة افريقية كبيرة (٧٢٠ دقيقة متتالية) منهم ٤ خارج الارض وكان سبب رئيسي في تتويج الزمالك بالبطولة .. ومحمد الشناوي دخل فيه ٥ اهداف من صن داونز في ٩٠ دقيقة
لو جنش مبقاش الحارس الاساسي لمنتخب مصر في كأس الأمم يبقى ظلم رهيب
ماتش الأهلي وسموحة دخل تاريخ كرة القدم .. الماتش بدأ يوم السبت 11 مايو 2019 ، وخلص يوم الأحد 12 مايو 2019 ، أول ماتش في العالم على مدار التاريخ يتلعب على يومين
#الاهلي_سموحه #درع_الدوري_اهلاوي
#YallaYaAhly
أول امبارح اتريقت على شوبير انه مردش في برنامجه على بيان بيراميدز وهو نائ�� اتحاد الكرة .. راح شوبير سخن ورادد امبارح على البيان .. قام تركي ال الشيخ ومرتضى منصور ادوهمله طول اليوم كله وجابوا له القديم والجديد 😂😂😂
في مقولات كتيرة اتحطمت السنة دي :
١- الاهلي لا يقف على لاعب
٢- الاهلي لما يوصل النهائي لازم ياخد البطولة
٣- الاهلي بمن حضر
٤- الاهلي بيفوز على طول في ملعب رادس
٥- الاهلي لا يحاسب بالقطعة ويحاسب المدربين في نهاية الموسم
الناس اللي بتنزل صور محمد صلاح مع واحده لابسه بكيني وعمالين ينتقدوه .. اولا الست معاها جوزها ومعجبين بيه كنجم وبيتصوروا معاه .. ثانيا صلاح بيلعب في انجلترا .. المفروض لما واحده معجبه بيه وتتطلب تتصور معاه يقولها لاء روحي البسي حشمه الأول
ارحموا الراجل شوية كفاية عليه اتحاد الكورة
الأهلي وافق على تأجيل قبل نهائي دوري أبطال أفريقيا عشان اصابة 8 لاعبين في فريق الوداد المغربي الشقيق بكورونا ، في الوقت اللي رفض فيه تاجيل مباراة المصري البورسعيدي في الدوري بسبب اصابة 14 لاعب بكورونا !!!
متشكر جدا للناس الشمتانين في اغلاق قناة #بيراميدز وقطع رزق ناس واغلاق بيوت ناس كتير .. قال رسول الله صلى الله عليه وسلم (لا تشمت في اخيك .. فيعافيه الله ويبتليك)
من شوية سمعت صوت فرقعة جامدة ، افتكرت ان فيه انفجار أو حادث ارهابي ، سألت لقيت شوية زملكاوية واقفين تحت في الشارع ركبهم بتخبط في بعض
#YallaYaAhly
#الاهلي_الجونه #زعيم_تويتر_فولورز_اهلاوي
سؤال مهم للأهلاوية :
لو ليفربول كسب دوري أبطال أوروبا ، والأهلي كسب دوري أبطال أفريقيا ، ولعبوا مع بعض في كأس العالم للأندية .. هتشجعوا الأهلي ولا محمد صلاح ؟؟
لو هتشجعوا الأهلي ريتويت .. لو هتشجعوا محمد صلاح اعملوا لايك
هما الأهلاوية مستغربين ليه ان رمضان صبحي بيقول انه مراحش بيراميدز عشان الفلوس ؟؟!!
ما هو الـ275 واحد اللي راحوا من الاسماعيلي للأهلي برضه قالوا انهم مراحوش عشان الفلوس
توضيح هام جدا عشان الكلام الكتير .. المستشار تركي ال الشيخ لم يذهب لزيارة نادي الزمالك بالامس لانه مريض بالفعل واصيب بحالة اعياء شديد ويجري بعض الفحوصات الطبية الان .. ادعو له بالشفاء في اسرع وقت باذن الله
@Turki_alalshikh
تقريبا أحمد حسام ميدو هو أسعد بني أدم على وجه الأرض الأسبوع ده ..
الزمالك كسب بترو أتليتكو .. توتنهام كسب دورتموند وتأهل .. أياكس أمستردام كسب ريال مدريد وتأهل .. الوحدة تعادل مع الهلال القوي على ملعبه .. الأهلي خسر من فيتا كلوب
@midoahm
الحكم محمد معروف مش بس خدم الزمالك انه محسبش فاول لأوستن أوموتو ومطردش الونش، ومحسبش ركلة ركنية لجريندو في أخر دقيقة، ومحسبش فاول للمصري على حدود المنطقة في الدقيقة 80، كل ده مش مهم، معروف خدم الزمالك أكتر انه ادى انذار ليوسف أوباما وخلاه يتوقف وميلعبش مع الزمالك الماتش الجاي😂😂
بعيدا عن اراء الجماهير المتعصبة والمذيعين المنحازين لأنديتهم زي شوبير والغندور .. بس الغريب بقى اني شفت وقريت تحليل ٨ خبراء تحكيم كبار بعد ما شافوا الاعادات اكتر من مرة ومن كذا زاوية وبالبطيء .. و٤ منهم قالوا هدف انبي صحيح و٤ قالوا تسلل .. احنا مش محتاجين VAR .. احنا عايزين زار
فيديو جديد يوضح واقعة #وليد_أزارو وقطع التي شيرت كاملة وتأثيره على احتساب الحكم لركلة جزاء ومشاركة المدرب باتريس كارتيرون في التمثيلية الدرامية لخداع الحكم !!
كنت مستغرب ومتضايق من الزملكاوية اللي بيشجعوا الترجي أمام الأهلي لكن مش مصدق لما شفت زملكاوية بيشجعوا #منتخب_تونس وبيتمنوا هزيمة #منتخب_مصر لمجرد ان الشناوي هو اللي بيلعب مش جنش وعشان المنتخب مضمش محمود علاء وأوباما .. بجد كده أوفر وعيب . ده منتخب بلدنا .. استقيموا يرحمكم الله
يوسف وأمير
أعرفهم من واحنا صغيرين من أكتر من 25 سنة
الاتنين ساكنين في نفس المنطقة بتاعتي وكنا زملاء في نادي هوليوليدو في روكسي ويوسف كان زميلي في كلية هندسة عين شمس
بقوا أكبر اتنين نجوم في رمضان وعاملين أقوى مسلسلين #الاختيار و #النهاية
أنا فخور بيكوا
@ElSherif
@AmirKarara
مرتضى منصور بيقول انه جامد عشان مضى عبد الله السعيد وفي نفس الوقت بيقول على الخطيب ندل عشان قعد مع احمد الشناوي يتفاوض معاه .. بس الفرق بقى ان الخطيب عرض السعيد للبيع عشان مضى للزمالك ومرتضى منصور بيلعب الشناوي اساسي ولبس شارة الكابتنة في كذا ماتش
الزمالك أخر 16 مباراة بكل البطولات .. 15 فوز 1 تعادل (مع الأهلي) بدون أي هزيمة
الزمالك أخر 12 مباراة في كل البطولات 12 فوز متتالي بدون أي تعادل أو هزيمة
الزمالك أخر 10 مباريات اهتزت شباكه بهدفين فقط وخرج بـ8 مباريات كلين شيت
الزمالك اخر 10 مباريات سجل 22 هدف ودخل مرماه هدفين
تخيلوا بقى بعد المصالحة دي بين تركي أل الشيخ والخطيب ، يقوم تركي يقدم عربون الصلح ويدي للأهلي كام صفقة هدية كده من اللي اشتراهم للأهرام زي أحمد الشناوي ، علي جبر ، مصطفى فتحي ، عمر جابر ، محمد حمدي ، محمد فتحي ، مجدي قفشه ، كينو ، كارلوس ادواردو
@Turki_alalshikh
ريكاردو سواريش مع النادي الاهلي لعب ١٢ مباراة كسب ٦ فقط (نصف الماتشات) تعادل ٤ خسر ٢ بحساب النقاط يكون جمع ٢٢ نقطة من ٣٦ نقطة بنسبة ٦١ %فقط من النقاط !!!
كان كنز مدفون في البرتغال .. يا ريت الاهلي مكانش طلعه وكان سابه مدفون 😁
حلقة أمس التي تواجدت فيها ضيفا مع المذيع أحمد سعيد على قناة الحدث اليوم والتي انتقدنا فيها تركي ال الشيخ تم حذفها بالكامل من على القناة من على يوتيوب وتم ايقاف البرنامج والقناة قامت بتحويل أحمد سعيد الى التحقيق
انا شايف ان اللي عمله امام ��اشور بسب النادي الأهلي ورموزه وصالح سليم بألفاظ بذيئة واعتدائه المسيء على وليد سليمان أسوأ كتير من اللي عمله رمضان صبحي بتوقيعه لبيراميدز لأنه حصل على مقابل مادي اكبر
ومستغرب جدا من قرار مجلس الأهلي نادي القيم والمبادىء ، بضم امام ورفض عودة رمضان !!!
صلاح والنني بدأوا مع بعض في المقاولون واحترفوا مع بعض في بازل واحترفوا مع بعض في انجلترا ودلوقتي صلاح وصل نهائي دوري الأبطال والنني وصل نهائي الدوري الأوروبي
وارد جدا الاتنين يدخلوا التاريخ ويكسبوا البطولتين وساعتها يلاعبوا بعض في كأس السوبر الأوروبي ربنا يكرمهم
@MoSalah
@ElNennY
لما بنزل احصائية عن أهداف معلول مع الأهلي بلاقي الأهلاوية بيشيدوا بيه وبيتغزلوا فيه
ولما بنزل احصائية عن أهداف زيزو مع الزمالك بلاقي الأهلاوية يقولوا ده نص أهدافه من ضربات جزاء
ده على اساس مثلا ان معلول أهدافه من ضربات مرمى ؟؟!!
يجب على مسئولي الزمالك وبيراميدز في اجتماع الأندية اليوم الاصرار على طلب موعد محدد لانتهاء بطولة الدوري على أن يكون قبل موعد ارسال أسماء الأندية المشاركة في بطولتي أفريقيا للأندية في الموسم الجديد في شهر اغسطس حفاظا على حقوق الناديين في المشاركة أفريقيا وهو أمر أصبح مضمونا لهما
انا دايما بحب أقلش على الناس كلها بس المرة دي زي ما بيقولوا شر البلية ما يضحك فقلت لازم اقلش على نفسي بقى المرة دي .. فعايز اقولكوا احصائية رقمية مهمة جدا وهي ان بيراميدز هو النادي الوحيد في العالم على مدار تاريخ كرة القدم اللي فتح وقفل دون أن يتلقى أي هزيمة 😂😂😂
حلقة عمرو أديب جزئين
الجزء الأول عن واحد بيخدع الناس من سنين وبيوهمهم انه دكتور كبير ومعاه شهادات وهما للأسف مصدقينه وهو مش معاه أي شهادة طول تاريخه
والجزء التاني عن واحد بيخدع الناس من سنين وبيوهمهم انه لاعيب كبير وعامل انجازات وهما للأسف مصدقينه وهو معملش أي انجاز طول تاريخه
ألف مبروك للنادي #الأهلي وكابتن محمود #الخطيب التعاقد بعقد رعاية مع شركة #بريزنتيشن_سبورتس مقابل 520 مليون جنيه بخلاف حقوق البث التلفزيوني ، وألف مبروك لشركة #بريزنتيشن التعاقد مع النادي الأهلي
الزمالك بيلعب في الكونفيدرالية الضعيفة
وفي دور الـ32
وبيلاعب فريق تعبان
والفريق ده في المركز التامن في الدوري الأثيوبي
وبيفرق 6 نقط عن المركز الأخير
والحكم بيحسب للزمالك ضربة جزاء غير صحيحة
والزمالك بيلعب على ملعبه ووسط جماهيره
وبيخرج من البطولة
دي مش #صفقة_القرن دي #فضيحة_القرن
الزمالك أخر 15 مباراة في كل البطولات .. 14 فوز .. 1 تعادل .. بدون هزيمة
الزمالك أخر 11 مباراة في كل البطولات .. 11 فوز متتالي بدون أي تعادل أو هزيمة
الزمالك أخر 9 مباريات اهتزت شباكه بهدفين فقط .. وخرج بـ7 مباريات كلين شيت
الزمالك اخر 9 مباريات سجل 21 هدف ودخل مرماه هدفين فقط
زيزو تقدم الى المركز السابع بقائمة أفضل المساهمين في أهداف في العالم عام 2022 بالتساوي مع ليفاندوفسكي
زيزو ساهم في 49 هدف مع الزمالك عام 2022 في 46 مباراة حيث سجل 27 وصنع 22
زيزو تفوق على نيمار (45 هدف) ودي بروين (43) وهالاند (42) وكين (42) وميسي (41) وبنزيما (39) وصلاح (37)
عاجل ورسميا .. الفيفا يخطر اتحاد الكرة المصري والنادي الاهلي بتجديد إيقاف محمود كهربا وعدم مشاركته الا بعد تسديد غرامة الزمالك ٢.٥ مليون دولار (٦٥ مليون جنيه بالسعر الرسمي و٨٠ مليون جنيه في السوق السودا)