Syrian journalist!
Suprvisor editor at etsyria, journalist at Fan w Nas magazine, raseef22,Nos Khabar,AalalmSyria channel
Socialmedia manager at Rasha Shurbatji
تغريدة في حب #الجزائر
بعرف انو كتير دول عربية ما قصرت مع #سوريا .. الله يحمي الجميع و يكتر خيرهم .. وشكرا كتير ... بس الجزائر أول بلد أرسلت مساعدات وحماية مدنية وما توانت ولا دقيقة
شكراً #الجزائر ❤️🇸🇾🇩🇿
#زلزال_سوريا_تركيا
مرحبا
أنا صحفي فني سوري اسمي #جوان_ملا، في ناس هون بتعرفني وفي ناس ما بتعرفني بنوب، عندي طلب صغير انو تدعمولي هالحساب بريتويت ع هي التغريدة اذا بتحبوا طبعا لأنو اكتشفت أنو في ضعف كبير كتير بوجود الصحافة السورية ع تويتر وبدي حاول كثّف نشاطي هون لأنو شبه معدوم، خلوني غرّد معكن ❤️
أنا سوري عايش بـ #لبنان
من 4 سنين
وحياةالرب أنا شخصياً ما تعرضت ولا لموقف عنصري من أهل هالبلد، لدرجة بستغرب أنو في عنجد ناس هون هيك عم يحكوا ويتصرفوا مع السوريين؟ لك حتى بهاد الوضع المتوتر رفقاتي اللبنانيين بيتطمنوا عليي قبل السوريين
ما عم أفهم صراحة! بس بعرف أنو الحب هو الخلاص
على الفنان القدير #عابد_فهد الاستراحة والاختفاء عن الشاشة ما يقارب السنتين كأقل تقدير مع كل الحب والاحترام له
..
على #سلافة_معمار الابتعاد فوراً عن الأعمال المشتركة وإلا ستدخل في دوامة التراجع المؤسف الذي لا يليق بها
..
على الدراما المشتركة أن تُلغى من الوجود بأسرع وقت
.
وشكراً
رَحِمَ الله روحك الطيبة وابتسامتك التي لم تكن تفارقك
نودعك وفي قلبنا غصة لكن بصمتك وأثرك باقيَين في أعمالك
كل الرحمة للفنان #محمد_قنوع الذي وافته المنية إثر احتشاء عضلة القلب عن عمر 49 عاماً
كل عزاءنا للوسط الفني السوري ولعائلة قنوع
عنجد حرفياً ما تخيلت أبدا هي الكمية الكبيرة من التفاعل.من قلبي شكرا للكل. حبّبتوني بتويتر أكتر و حبيت اني ح اتواصل فيه مع كتير أشخاص اتعرف عليهن و ع أفكارهن وثقافاتهن. وشو حلوين نحنا السوريين ع تويتر ❤️
طلعنا كتار ومندعم بعض بمحبة ❤️
الأناقة والرُّقِي والذوق واللباقة وآداب الحوار مع الناس بتمثلهن #سيرين_عبدالنور، وهي الإطلالةالحلوة من حفلتها بدمشق بالكريسماس
.
تغريدة في محبة"سيرين" بدون مناسبة معينة، وغير مدفوعة الأجر ولا مدفوشة متل ما كتير ناس بتحب تفكر 😂
.
#سيرين_عبد_النور_في_سوريا
@CyrineAbdlNour
كل التضامن مع الصحفي الصديق #ربيع_فران
المقصودبهذه التغريدة
@rabihfarran
الصحفي الحقيقي هو الذي لا يبيع قلمه بل يكتب بطريقةبنّاءة،وربيع يعمل في هذا المجال منذ سنوات طويلةوليس من الضروري أن يكون "مطبّلاتياً" كي يرضي هذه الفنانةأو غيرها
.
نحن لا نكتب ما يرضي الفنانين ولو كنا نحبهم
مبسوطين بـ #سوريا أكتر من #لبنان انو #جورج_قرداحي صار وزير الإعلام 😂
..
بس للأمانة .. الاستاذ جورج ثقافة ورُقيّ و عَراقة واحترام.. معها حق الناس تنبسط فيه لأنو هو بيشكّل ذاكرة جَمعية في قلوب كتير ناس من أيام #من_سيربح_المليون
..
مبروك #لبنان تشكيل الحكومة ❤️
صورة الميلاد المجيد هي المرة بين الشقيقَين المبدعَين الكاتبة #ريم_حنا والمخرج والممثل #رامي_حنا
..
صورة ح أحتفظ فيها بقلبي وأرشيفي الصغير
..
@hannadoncishot
..
كل المحبة للجميع
..
#جوان_ملا
هي الإنسانة العظيمة وين مختفية؟
حدا يبعتلها انو اشتقنالها ومنحبها كتير وبيكفي تغيب عن الدراما
يمكن بعرف أنو عندها وضع عائلي صعب حسب ما سمعت بس لازم ما بقى تغيب عن الجمهور أكتر من هيك
.
بدنا وجوه متلها عم تنضح أداء وعفوية
.
لو فيني أتواصل معها ما كنت قصّرت والله ❤️
.
#ضحى_الدبس
لقطات مسلسل #دانتيل دافئة هادئة، الحكاية رغم أنها مأخوذة عن فورمات أجنبي لكن يتم تنفيذها بحوارات وأدوات مفعمة بالجمال للمخرج السوري الساحر #المثنى_صبح، أما #سيرين_عبدالنور و #محمود_نصر وكادر العمل يقدّمون أداءً مهماً، لتكون البطولة جماعية بامتياز
@CyrineAbdlNour
@MahmoudNsr
يمكن أكتر جمهور وَفي لـ #نجوى_كرم من سنين ولهلأ هو جمهور نجوى بسوريا، وهيّ كمان وَفيّة لإلهن، نزّلت أسعار البطاقات بشكل كبير كرمال يحضروها بهي الظروف الصعبة جداً، وما سألت عالمبلغ المادي قد ما سألت على حب الناس إلها بالشام
نجاح ما بيتخبى وبيضل محفور بالذاكرة
#نجوى_كرم_في_سوريا
بتجي #أمل_عرفة ع #بيروت وحاملة معها ريحة الشام الحلوة بكل تفاصيلها الأصلية الأصيلة والعتيقة، ممثلة من الطراز الرفيع، كل ما تكبر تحلا وتلمع
.
شكرا #بيت_حلب كل شي كان طيب وراقي متلكن
@AmalArafaa
@CharlesAbdulaz
@rabihfarran
شكراً لكل الدول العربية اللي بلشت تمدّ إيدها لـ #سوريا والسوريين .. نحنا بحاجة المساعدة بهالظروف الصعبة
..
رجاءً أي حدا عندو لينكات "روابط" للتبرعات أو للمساعدة يحطهن تحت هي التغريدة حتى الناس تستفيد و اللي بيقدر يساعد يساعد .. الله يشفي المصابين ويحمي بلداننا
..
#زلزال_سوريا
لدينا مخرجة سورية تهتم بالتفاصيل وتسعى أن يكون كل عمل تقدمه أفضل من ذي قبله ولطالما تركت وراءها عملاً درامياً مؤثراً يحكي في�� الشارع حتى اليوم، ليكون اسم نجاحها سابقاّ
..
من لوكيشن مسلسل #ولاد_بديعة في #دمشق مع المخرجة المتميزة دوماً #رشا_شربتجي
..
@RashaShurbatji
يتداول البعض هذا البوستر على أنه الرسمي لمسلسل #عالحد التي تلعب بطولته النجمة #سلافة_معمار، لكن الحقيقة أنه مجرد تصميم خاص من الفانز، ويتضح أنه ليس تصميم احترافي
..
العمل مازال يجري تصويره في #بيروت بحضور عدد من نجوم سوريا ولبنان وتلعب فيه سلافة دور قاتلة متسلسلة 😉
..
#جوان_ملا
من المعيب على قناة عريقة مثل #أبو_ظبي أن تنتجَ عملاً سورياً ولا تقوم بعرضه رغم انتهاء عمليات التصوير والموافقة عليه وعلى نصه والإشراف عليه أيضاً بشكل مباشر
نطالب القناة بعرض مسلسل #دوار_شمالي أو توضيح ما يجري
@abudhabitv
@iseemediaser
كثيرون قد يعرفون أ��مالها لكنهم لا يعرفون شكلها .. هي من قدمت أجمل روائع في الدراما السورية
#الفصول_الأربعة
#مذكرات_عائلة
#ذكريات_الزمن_القادم
#رسائل_الحب_والحرب
إنها الجميلة الكاتبة #ريم_حنا
#كاريس_بشار و #سلوم_حداد ببرنامج #بصراحة_مع أثبتا أن الفنان السوري مثقف، واعي، ناضج، قادر على الحوار بأفكار واثقة قوية تدل على خبرة طويلة في عالم التمثيل، وهذه الخبرة بعد سنوات من الجهد لا عدد الفولورز، ليست مصطنعة ولا مُعَلَّبة، حوار ممتع لطيف هادئ وإنساني
@karessbasharnet
في فنانة لبنانية مفكرة حالها "نجمة" طبعاً قد ما كبّروا براسها إحدى الشركات والفانزات تبعها عم تجيب ولادها عالتصوير يقعدوا يلعبوا بالأدوات، و بتتأخر عن مشاهدها تلات اربع ساعات والعالم ناطرتا، وإذا شوّبت شوي بتفركش المشهد، وما بتسلم أو بتحترم حدا من الفنيين 1/2
@CyrineAbdlNour
اكيد مافي فرق بين سوريا ولبنان، بس انا عايش بلبنان وبعرف الوضع اديش صعب واصلا مافي حليب.. ف شكرا لمحبتك و ذوقك وتبريرك اللي اصلا وفعلاً مانك مضطرة عليه .. والمشكلة انو العنصريين بلشوا يصطادوا بالماء العكر كرمال موقف لا يمثل كل السوريين .. كل المحبة ❤️
أنا رح شوف #أصالة أخيراً ويتحقق أحد أحلامي في حال ما صرلي شي أو صار شي بهالبلد الجميل #لبنان،
من هون لـ 10 آب رح كون ناطر شوف صديقتي اللي بترافقني بكل أوقاتي الحلوة وغير الحلوة، اللي بسمعها دائماً وحافظ كل حرف بتقولو،
بنت بلدي انشالله اللقاء قريب
#أصالة_في_بيروت
@AssalaOfficial
@YehiaGan
مع محبتي لكل الفنانين، بس تكريس الوقت والجهد والتعلق بشكل مرضي بأي شخصية فنية هو شي كتير سيئ وبيدل على نقص بالشخصية وخلل قد يكون منشأو نفسي.. انا كتير بحب فنانين بس ما تخيلت حالي أقعد كرّس جهدي ووقتي وصفحتي لضل عم احكي عنو ودافع عنو بكل صفحة وقضيها خنايق مشانو 😂
الله يرحم الصبية
يعني عنوان اليوم هو فخامة #أمل_عرفة و #تيم_حسن
أكيد هنن نجمين كبار بس اللي شفتو اليوم بيوحي أنو في شغل من الطراز المميز
..
انشالله الشخصيات تتقدم بطريقة حلوة ومختلفة
خلونا نتفاءل هالسنة بـ #الدراما_السورية ❤️
@AmalArafaa
@actortaim
*أغنية #بتمايل_علي_الBeat
لطيفة وجيدة بس مو خارقة
* أحسن خبر أنو #قصي_خولي مو موجود مع نادين برمضان، وانشالله يعرف يكمّلها بعمل مهم
* ألبوم #ناصيف_زيتون ممتع وحبيت أغلب الأغاني
* ألبوم #نجوى_كرم نص على نص والأفضل #وأني_اشتقتلو
* لهلأ أفضل أغنية سنغل نزلت هي للمجذوب #افتحلي_قلبك
وداعاً الفنان #زهير_رمضان، قد يكون الكثيرون اختلفوا معك، لكنهم يتفقون اليوم على أنك كنت جزءًا من تاريخ فني سوري لا يمكن محوه ورسمتَه بأسلوبك الخاص
..
الرحمة لروحك
بس ياريت اللي عم ياخد وينشر خبر انضمام الفنانة #فايا_يونان لمسلسل #تاج يذكر أنو مصدر الخبر منصة
@etsyria_
..
يعني لما نجيب الاخبار ما بيكون الموضوع بهي السهولة حتى بعض الناس ينسفوا هاد الجهد بالبحث والتقصي
..
شكراً
.
#جوان_ملا
ع وسائل التواصل بحس أنو اللي عقلهن كبير ومتزن ومتحررين ما بيحبوا يعَلقوا على منشورات عاملة جدل حتى ما يعلَقوا مع أشخاص جاهلين اغبياء منصبين حالهن حكام ع المجتمع.. لهيك بحس انو لازم هالناس تعلق وتنشر شوية فهم ومحبة عوضا عن التعليقات البشعة اللي منشوفا كل يوم..الوضع صاير مقرف
تستطيع #أمل_عرفة أن تقلب الحكاية رأساً على عقب بمجرد دخولها عليها
..
الحلقة الثانية من #حوازيق بشخصية #أم_ناريمان كوميدية بامتياز، وأكاد أجزم أن النص كان بقلمها، فنحن نعرف تماما كيف تقدم شخصياتها بنَفَسها الخاص
..
شكرا للاحتراف
@AmalArafaa
لا يمكن نكران جمال ودفء البيوت السورية في المسلسلات حتى الفخمة منها، هناك سر غريب في هذا الشعور، لدرجة أن البيت السوري يمكن معرفته من مشهد واحد.. ما السر برأيكم؟ بعيدا عن قصة العمل وممثليه، نتكلم عن البيوت
#حصري_et
* تعود النجمة السورية #سلافة_معمار لكاميرا المخرجة #رشا_شربتجي في عمل اجتماعي سوري بعد غياب كتب نصه علي وجيه ويامن الحجلي
* يشارك معمار البطولة النجوم #محمود_نصر، #سامر_اسماعيل، #نادين_تحسين_بيك،#يامن_الحجلي
منصة
#etsyria
.. حيث #الحب_أولاً
@RashaShurbatji
@sulafamemar7
كتير سعيد أني صرت شوف الحياة بلا #نظارات بعد عملية تصحيح النظر، من يوم ورايح النظارة الحمرا اللي رافقتني سنين طويلة كتير صارت من الماضي و ح تشوفوني هيك ع طول
..
الحمدلله على نعم الله علينا و الله لا يضر حدا بأذى
..
الصورة من كم من إذاعة #شام_إف_إم بدمشق
❤️
هناك مسلسل #سوري يتم التحضير له حالياً في #دمشق ولم يُحَدَّد اسمه بعد سيكون عبارةعن خماسيات، يتم تصوير خماسيةمنه حالياً بعنوان #أزمة_حب كتبها المخرج #عمرو_حاتم_علي ويلعب بطولتها #صفاء_رقماني،#محمد_قنوع، #رشا_ابراهيم، #عاصم_حواط، #نزار_أبوحجر وغيرهم
العمل لرمضان القادم
#جوان_ملا
يبدو أن جائزة #الموريكس_دور فقدت رونقها منذ سنوات، فهذا الحفل يظهر وكأنه عبارة عن مجموعة أصدقاء يتبادلون الهدايا في "عيد الصداقة"، والجائزة باتت تقوم بعملية "إعادة تدوير"، أما تصنيفات الجوائز فتدعو للضحك، يتنافس عملين أو ثلاثة ويفوز وينجح الجميع 🤗
..
#كلمة_حق
الأجمل والأكثر أناقة في #مهرجان_الجونة_السنيمائي لحد الآن هي الفنانة #نسرين_طافش، فهي لم تَختَر إلا ما يناسبها من فساتين، وظهرت أنيقة ومعتنية بالتفاصيل، في الوقت الذي كان فيه الغالبية مبهرج بطريقة لا تناسبه ولا تناسب عمره أو مكانته
@NESREENTAFESH
نجومنا السوريين القديرين بين مرحلة الشباب ومرحلة الكِبَر في السن
..
فيديو بالذكاء الاصطناعي من إنشاء الشاب السوري #عبيدة_كوراني
..
أديش حلوين هنن وكبار وهنن وصغار ❤️
..
#بسام_كوسا
#سامية_الجزائري
#صباح_الجزائري
#دريد_لحام
#سلمى_المصري
#ياسر_العظمة
.
🤍
لا أعتبر أن نصََي مسلسلي #الغفران و #أحلام_كبيرة مهمَّين كثيراً ولم أرغب مرة في إعادة مشاهدتهما
.
أجد أن الفنانة سمر سامي أقوى من الفنانة منى واصف لكني أحب كليهما
.
لم يبهرني باسل خياط في السنوات الأخيرة ولا تيم حسن ولا قصي خولي ولا مكسيم خليل، وأتوقع منهم الأفضل من ذلك
يشهد رمضان القادم عودة الكاتبة #يم_مشهدي بمسلسل عنوانه #مسلسل_تركي_طويل من بطولة #عباس_النوري، ويشهد عودة #فادي_قوشقجي لمسلسل لم يُعلَن عنوانه لكن سيتصدى له المخرج #جود_سعيد بالغالب، ويشهد مسلسلاً جديداً لـ #علي_وجيه و #يامن_الحجلي من إخراج #سيف_السبيعي
..
أي عمل تنتظرون؟
#مع_وقف_التنفيذ
القصة بتحكي عن حارة سورية تهجروا أهلها بالحرب وبلشوا يرجعولها بالتدريج وهي شبه مدمرة بعد ما خلصت الحرب وبعدين منبلش نتعرف ع شخصيات الحارة، في أغاني بالعمل وفي شخصيات متنفذة، وفي شخصيات فقيرة، العمل مجموعة صراعات بين الطبقات الاجتماعية وأمراء الحرب
لماذا لا يحب السوريون الدارما المشتركة؟
ثمانية أسباب توضح ذلك
مقالتي الجديدة على منصة
@ET_syria
.. أتمنى أن أستمع لآراء القُرّاء منكم
..
رابط المقال
..
#��وان_ملا
اليوم أُعلِنَ انتهاء تصوير مسلسل #كانون، ننتظر عملاً نتمنى أن يرفع لنا سقف التوقعات بدراما سورية مميزة، وشخصياً أنتظر هذه الثنائية محبةً بالنجم #مهيار_خضور والممثلة الجميلة صديقتي #سارة_بركة، وأتمنى لهما التوفيق ♥️
..
@Baraka20Sara
@MehyarKhaddour
..
الصورة حصرية من الكواليس 😌
شكراً لكل ما قدمتَه، لنِتاجك الأدبي الفكري الثقافي الفني الذي بات ينحدر بعدم وجودك ووجود أمثالك ومازال يتكرس على شاشاتنا اليوم، شكراً لأنك لم تتخلَّ عن مشروعك ولو على حساب المال، شكراً لأنك لم تتركنا كجمهور وبقيتَ صاحب رسالة فنية خالدة رحلَت برحيلك
#حسن_سامي_يوسف
عن مقاطعة البضائع الأمريكية...هالحكي من 2002 💁
..
هاللوحة بتمثل ازدواجية المعايير عند بعض عالم 😂
..
النجمتين الحلوين #أمل_عرفة و #يارا_صبري
..
#بقعة_ضوء2
..
@AmalArafaa
@yarasabri1
..
نجمةٌ نفخر بها وكلما ازدادت عمراً ازدادت ألقاً وحضوراً ومحبةً وصِبا
..
عامٌ أجمل لنجمة الشاشة السورية والتي كان لها دوراً بإغناء درامانا وشخصياتنا أيضاً لشدة تأثرنا بها #أمل_عرفة
@AmalArafaa
..
#جوان_ملا
بالنسبة لمسلسل #كسر_عضم سيكون التصوير في #لبنان لكن المسلسل "سوري بحت" وأول المرشحين للبطولة هو الفنان #أيمن_زيدان وليس هناك ترشيح لاسم الفنانة #كاريس_بشار حتى اللحظة،وهو لا يتحدث عن مكتومي القيد كما يُشاع، ولا يتعلق بقضية اللجوء السوري في لبنان .. نعلن الخبر الصحيح لكم قريباً
لم أَعُد أؤمن منذ مدةبكثير من الجوائر، حتى أوسكار ونوبل،لأن المصالح والسياسة في زمننا باتت تتحكم بكل شيء،لكن ماأؤمن به أنه لدينا نجوم سوريين يحملون اسم بلادهم بكل محفل،وهُم أهم بكثير من الأعمال التي يقدمونها مؤخراً
.
نحبكم
#موريكس_دور
@QaysNajib
@karessbasharnet
@NassifZeytoun
حذفنا الصورة لأسباب تقنية 😁
..
أقنعنا #دلع_نادر يصير عندها تويتر 😂
كمان رَحبوا فيها
..
ولا تنسوا تشوفوها برمضان بدور #هبة بمسلسل #دوار_شمالي، و دور #حسنية بمسلسل #العربجي، و دور #سارة بـ #كسر_عضم2
..
دلع خريجة المعهد العالي للفنون المسرحية بدمشق دفعة 2021
..
@Dalaanader88
مرحبا أصدقائي متابعي منصة
ET Syria
هناك نقاط يجب توضيحها بخصوص مانشرناه حول مسلسل الفنان تيم حسن:
* الخبر صحيح كما نُشِر ولا لَبس فيه
* تم حذف البوستر من المنصة لأسباب لا يسعني شرحها لذايرجى عدم تداوله
* تغير عنوان العمل حيث أصبح تحت سابع أرض حسب تصريحات المخرج البرقاوي
شكراً
النجمة #أمل_عرفة نجمة غلاف العدد الرابع من مجلة #فن_وناس
..
سعيد لأن جزءاً من أمنياتي تحقق في حواري مع فنانة أعتبرها ذات تاريخ مهني مشرف وقدوة للكثيرين
..
@AmalArafaa
..
#جوان_ملا
هذه هي أخلاق الممثلين الكبار التي بدأت تتلاشى لدى البعض للأسف،خصوصاً أولئك الذين يبحثون عن ظهور أكبر على الشاشة وإطالة عدة مشاهدتهم على حساب النص ويحاولون محاربة الغير
.
شكراً لـ #سوريا التي أنجبت الزير #سلوم_حداد وبالتوفيق للفنان #تيم_حسن لأنه أمام مهمة صعبة وحذرة
.
#الزير_سالم
⚜️أخلاق الكبار⚜️
شاهد ماذا قال الفنان القدير #سلوم_حداد عن فكرة إنتاج قصة الزير سالم في فيلم من إخراج وبطولة الفنان #تيم_حسن بالإضافة لرأيه بمسلسل #الزند.
الفيديو من استضافة الفنان القدير سلوم حداد في برنامج #صباح_الشارقة وبإمكانكم مشاهدة الحلقة كاملة عبر منصة #مرايا التابعة لـ
اليوم يرحل صانع المرايا ويوميات مدير عام وعائلات النجوم وأسرار المدينة وأيامنا الحلوة ليترجل شيخ الكار عن جواده ويترك لنا إرثاً تفخر به سوريا وأبناؤها
*
#هشام_شربتجي وداعاً
من الصعب أن تجد "امرأة مخرجة ناجحة" في الوطن العربي عموماً، لكن ابنة شيخ الكار استطاعت تحقيق معادلتين معاً، "المرأة الناجحة، وخير خَلَف لخيرِ سَلَف"
سعيدٌ بعملي معها منذ مدةضمن فريق صفحات وسائل التواصل، ولقائي اليوم بالمخرجةالمتميزةدوماً #رشا_شربتجي
..
#جوان_ملا
@RashaShurbatji
عَطفاً على مقالة #النهار عن أعمال شركة #الصباح، فبحسب معلوماتي مسلسل الكاتب #رافي_وهبي هو لشركة #إيبلا ومن المتفَق أن يُنتَج بالشراكة مع #الصباح على أن يُصَوَّر في #لبنان، وهو عمل ذو صبغة سورية بالغالب، لكن إلى الآن لم يتم الاتفاق مع المخرجة #رشا_شربتجي وتوقيع العقود بشكل رسمي
أوقات بشوف تعليقات ع السوشال ميديا فيها إهانة وإساءةلأشخاص بس لأنو أبدوا رأيهن المغاير بمسلسل أو فنان وبينهالوا عليه بالشتائم
.
في مثَل بيقول "المربّى غالي"وفعلاً صح، لأنو مافي أسهل من أنك تكون وقح وقليل أدب،بس لما تكون مربى وتحافظ ع لسانك وكلامك بهالجعجعة هو أمر يحتاج لحكمة ونضج
يعني أنا بعرف مين القاتل بـ #زقاق_الجن ومين ورا هالبلاوي وياريتني ما كنت بعرف 😂
..
بس رغم هيك الحماس كتير عالي
شو هالبداية الحلوة هي والحماس؟
و شو هالـ #أمل_عرفة العظيمة؟
الحلقة التانية رائعة جداً
بغض النظر عن محتوى الأعمال اللي عم تقدمها هالشركة واللي للأسف ضعيفة بغالبها و جَرّت الممثلين السوريين لأعمال ما كتير بتشبه توجهاتهم، لكن لا بد من احترام المنتج #صادق_الصباح على قوله الحقيقة اللي بيحاول كتير فنانين بلبنان وفانزاتهن وبعض الصحفيين إخفاءها، فعلاً المحترم يُحترَم
لم يمر الكاتب #فؤاد_حميرة مرور الكرام على صناعة الدراما السورية، قدمَ لها أجمل الأعمال التي مازالت خالدة في ذاكرتنا حتى اليوم، صنعَ مجداً بأعمال قليلة وترجلَ عن جواده متألماً بعد كل الإقصاء الذي تعرضَ له كان آخره في مسلسل #الهيبة_الرد
.
كل الرحمة لمَن قدمَ لنا دراما ممتعة أثيرة
إذا حبينا أو ما حبينا أغنية #كأس_العالم_2022 بس اختيار #ميريام_فارس برأيي هو اختيار صحيح ومنطقي، لأنو هي يمكن الفنانة الوحيدة العربية اللي بتقدر تجمع بين الرقص والليونة والغناء والاستعراض، وسبق وغنت أغاني خليجية حلوة، وعملت فوازير، فما بعرف ليش هالهجوم
عليها!
ورحلت نعيمة!
تلك السيدة العفوية التي أحببنا والتي قدمت لنا أجمل الحكايات في السينما والتلفزيون حتى آخر لحظة من حياتها
كل الرحمة والمغفرة لروح الفنانة #أنطوانيت_نجيب
هذه #سوريا التي نحب والتي يجب أن تبقى وأن تكون! هذه البلاد لم تكن يوماً سوى ملاذاً لكل لاجئ،ومكاناً عابقاً بالفن والتراث والحياة والطوائف المختلفةعلى مَرّ العصور، هي بلادٌ تمردت على كل من حاول العبثَ بها، ومهما انكسرت وهُزِمت لسنوات تُبعَثُ من جديد وتَطرد مَن حقَدَ حتى من أبنائها
مع احترامي لـ #منتدى_الإعلام_العربي بس في أسماء وجودها هنيك ما بيقطع أولهن #ياسمين_عز، بعدين عم نناقش مستقبل الدراما العربية بوجود الذكاء الاصطناعي؟ بالأول خلي الدراما العربية تنجح بالذكاء البشري ونناقش حاضرها! بعدين الإعداد لأسئلة منتدى إعلام يختلف كلياً عن إعداد برنامج حواري