A design inspired by Sudanese culture, with colors in the spirit of the sands of northern Sudan, the gold hidden within its folds, and the greenery of its fertile lands, with the addition of some handcrafted pieces.
#architect
#InteriorDesign
#modeling
#rendering
#UAE
نشكر ابراهيم البدوي واكرم التوم على محاولاتهم في الاصلاح..ونبارك لهما التخلص من لعنة المسؤوليه ...لقد نجوتم يا اعزائي فالسودان مصاب بـ لعنة العسكر والساسه والايادي الخفيه..لم تخسرو المناصب ،نحن من خسر والسودان من فقد! #السودان_التعديل_الوزاري
البت فظيعه فظيعه فظيعه ومزعجه بي طريقه ما طبيعيه والحوار معاها مستحيل وفعلاً غبيه ووقحه كمان..اسلوب ما عندها ولو فاكره دي الحريه الماتو عشانها الشهداء الترابه في خشما المتخلفه دي!
زمان كانت عندي اختي حاله خاصه..عندها ضمور فالمخ ..كانت جميله شديد واسمها مؤمنه..بتذكر انها اتولدت طبيعيه لما كان عمرها شهر جاها التهاب و ما شفطو البلغم من صدرها و ما كان في اوكسجين كفايه واصل للمخ ف جاها ضمور نتيجه لانهم ما اسعفوها صاح..
بعد التويته الانتقدتا فيها امجد فريد..والناس الغلطوني!..حابه اقول : انا من حقي ك مواطنه اطلع من سياسه القطيع واقول رايي بصراحه وما اطبل واصفق لحكومه انجازها عباره عن صفر كبير!..القُرى بتغرق و القبايل بتقتل بعض و الصفوف ما ليها اخر! والدولار فالسماء والعداله المنتظرنها ما حققوها!
الشهيد:عمر عثمان محمد سليمان
العمر:17 سنه
السكن:مدني حي التلفزيون
تاريخ الإستشهاد: 11أبريل2019
مكان الإستشهاد:السوق الكبير
سبب الإستشهاد: طلق ناري في الصدر من قناصه فوق مباني المباحث/مدني
زمن الاستشهاد:بعد الاصابه بدقيقه واحده الرابعه عصرا..ربنا يرحمه ويجعل مثواه الجنه
تغيير اسم شارع مامون بحيري بحضور مولانا اسماعيل التاج شي محبط جداً..نحن بنقدر دم الشهيد لكن ما مفروض نطمس هويات ناس زي مامون بحيري..كله واحد فيهو ليه مجده و اثره في وطننا..ياريت ما تقلب ثورة جهل وطمس هويات يخواننا..💔
ان قامت كل الدول باجلاء رعاياها فنحن رعايا من لا تأخذه سنة ولا نوم وهو علي كل شي قدير ومن بيده الفرج والنصر فاللهم سكينة وطمانينة وأمن وامان يا الله❤️
اطمئنوا فنحن عبيد الله ❤️
لما تكون في اضعف حالاتك ربنا بديك القوه في كائن يحبك بدون مقابل...يحس بيك ويحميك❤️رغم انها ما حقتي بس بحسها حته من روحي..بستقوى بيها وبحس انه رابطنا اقوى من فكره انها تكون ملكي..فرحتها لما تنط تحضني ولما تكون لافه حوليني عشان مبسوطه انها شافتني..بحبها ومتعلقه بيها اضعاف حبها لي❤️
الواحد كبر وفهم وعرف انه اوروبا بيئه غير صحيه وغير متزنه وما بتستاهل السمبك وكل الجري دا..لو ح تعيش وتربي عيال ف اوروبا حتكون عيشه مليانه صراعات و انتزاع حقوق واحيانا انتزاع اطفالك منك..دا غير انك حتكون محاط ب كمية ناس بيسكرو و اسلاموفوبيك
تقريبا الحكومه كانت فاكره المليونيه يوم وح يخلص..اتصدمو بالاعتصام..افتكرو الناس ح يمشو بالليل ويرجعو الصباح اتصدمو بالمبيت..افتكرونا ح نموت جوع وعطش اتصدمو بالتموين..افتكرو انهم ممكن يصلونا اتصدمو ب جيشنا الرائع..ضباطتنا الاشراف المخالفين والواقفين مع الحق #اعتصام_القيادة_العامة
اعزائي الثوار..طلب بتمنى يتنفذ
🚫الرجاء عدم التدخين في الزحمه..
-عشان ما تحصل حالات اختناق..نصنا عندو التهاب والكحه مطلعه عينو والنص التاني نصو عندو ازمه..ف ياريت نراعي ل بعض
🚫الرجاء عدم مدافره الكنداكات ..
-يعني يا شفوت خلو مسافه بيناتنا لو سمحتو
#اعتصام_القياده_العامه_مستمر
يا بنات...اي بت بشرتها حساسه او دهنيه حساسه الثريد دا بتمنى يفيدها.. انا بشرتي دهنيه حساسه...بتحسس من التراب ومن الشمس وحقيقي ما جربت احساس الكلير اسكن وكنت بتمناه...جربت تكريبات صيدلانيه نفعت وبعد وقفتها وشي رجع زي اول وحساس اكتر💔تخيلو دا وشي بعد الميك اب مع اني بستعمل ماك
انا شايفه انه البنات ما مفروض يلومو مجتبى على التويته..مفروض يلومو نفسهم على اختياراتهم الزباله دي ..عشان لي قدام يعرفو يختارو رجال بالجد ما رجال بوصفوهم بالطريقه المقرفه دي
يا جماعه مصدقين انه الجيش والشرطه والدعم غالبنهم الجماعه الهلافيت ديل،..؟وبخلوهم يتبرطعو كدا في شوارع الخرطوم يرهبو ف المواطنين؟..بالجد مسرحيه هزيله جداً وواضح انه متفقين عليها لانه ما بضربو بعض بضربو في الجو..انا بالنسبه لي اخر اشتباك حقيقي بتاع حامد وبعدو كله مدبر
البلد قفلت عشان في مواطنين انانيين جو من الهند ما التزمو بالحجر والضوابط الصحيه ف نشرو كورونا برو بلس! او الكورونا الخبيثه اللي ضربت الهند مؤخراً! ويجو ناس دايشين ما فاهمين شي يقولو ليك الحكومة خافت من التصعييد وفشلت !الحكومة خايفه عليك عشان ما عندها ليك علاج #يا_تلتزم_يا_تنترم🙂
الشعب السوداني خايف من الكورونا ما عشان هي ممكن تصيبو..خايف يمرض وما يلقى العناية الصحيه المطلوبه..لانه ماف اي تأهيل للقطاع الصحي..كل الاساسيات منعدمه #تاهيل_القطاع_الصحي
الأسود ديل اشملوهم في دعائكم ... مجاهدين فعلا في الظروف دي.
التحية والتقدير لكل منسوبي الشركة السودانية لتوزيع الكهرباء وهيئة مياه ولاية الخرطوم على جهودهم المبذولة وهم يواصلون الليل بالنهار ويعملون في ظرف بالغ التعقيد من أجل المواطن السو��اني في هذا الشهر الكريم
غايتو في بحري لا خلو لينا سوق ولا مصنع ولا بيت ولا شارع بدون خراب..حسبنا الله ونعم الوكيل..حرقو اسواق الخضار بحري والمركزي و سوق بحري و نهبو محلات سعد قشره والمؤسسه و سرقو مصانع المنطقة الصناعيه والمخازن..وقلعو بيوت الناس في الصبابي وحلة حمد وخوجلي..ماعارفه خلو لينا شنو نعيش عليه
تعالو نتكلم بإعتبار ما سيكون.. لما النظام يسقط.. ان شاء الله قريب.. انت ك مواطن/ه متعلم ..تخصصك و مطالبك شنو بناءاً على تخصصك..انت شايف البلد كيف بتصورك من زاويه مجالك او تخصصك؟؟
تحت التويته دي اكتب مجالك وكيف ح تطور البلد ..كل الحب #تسقط_بس #مدن_السودان_تنتفض #موكب13يناير
ياريت السودانيين يستوعبو انه في مصر المقاطعات عن غلاء السلعه حقيقيه وما يخربو للناس مقاطعاتعم ويكونو ف سبب تضخم ليهم لاننا ك سودانيين خمجانين وبنشتري ب اي سعر وماعندنا ثقافة المقاطعه
في استياء شديد من شركات الاتصالات ..من سوء الخدمه وغلاء الاسعار ..قررنا الاتي :نعمل حملة مكثفه عليهم ما في السوشيال ميديا لا في ارض الواقع..نعمل وقفات احتجاجيه قدام مبانيهم الرئاسيه وح نبدا بي زين يوم الاربع ان شاءالله وبعدها mtn واخيرا سوداني #زين_عالم_شين #مواكب_شركات_الاتصالات
زمان كنت بكره التصوف والصوفيه جداً جداً..لغايه ما قريت قواعد العشق الاربعين..اتغير مفهومي عن التصوف وانا معذوره في الفهم الغلط لانه التصوف عندنا في السودان غش وشرك واستغلال للناس ولا يمت للتصوف ب صله..عمرك فكرت تبقى درويش؟..درويش حقيقي ما زي حوار الشيوخ العندنا!
الغريبه فالموضوع اني فصلت كل زول ما عزاني وما حس بي في الفتره دي..مع اني ما لوامه اصلا بس كدا فصلتهم لغايه اللحظه دي..الكان مصبرني انها ارتاحت من الابر والادويه والمستشفيات ومشت الجنه..
اول امس مشيت عرس في صاله الأحلام... والعرس دا خلاني متمسكه ب اني اعمل عرسي ف مزرعه ويكون مغربيات و ماف عشاء ح يكون شاي وقهوه وتحليه وفواكه و ماف فنان ح يكون دي جي 😂
في شاب اقترح المليونيه الجايه للمعتقلات..عشان اخواننا المسكوهم من يوم ٢٩ رمضان..لازم يطلعو لانهم ما اذنبو عشان يعتقلوهم..المجرم حر و الضحيه سجين💔 #مليونيه_المعتقلات
احنا الشعب السوداني الثائر نرفض حضور عبدالفتاح السيسي (بلحه) للتوقيع النهائي يوم ١٧ اغسطس وذلك لانه قتل وفي مثل هذا الشهر مئات المصريين في اعتصام رابعه العدويه..بكل وحشيه ولا انسانيه وتسلق للحكم على جثثهم ونوى تعديل الدستور واسكت الافواه عن حريه التعبير #السودان_الاتفاق_النهائي
للعلم فقط ..حمدوك يؤدي وظيفته مقابل راتب يتم دفعه من مالنا..اي انه يعمل لدينا ليحسن اقتصادنا بمقابل وليس مجانا..فارجوا من السادة الثوار والشعب العظيم ان لا يعظمو ويبجلو الموظفين اياً كان مركزهم..فهي مجرد وظيفه بها مقابل راتب مجزي.. #السودان_الاتفاق_النهائي #سودان_الحريه_والتغيير
مناشدة للبحث
@MujtabaaMusaa
@BSonblast
@1_mariso
@wasilalitaha
@m
السيد/عمر عبدالكريم حسين مفقود منذ الساعه ١١ صباحا بمستشفي الأطباء وتلقي علاجه وخرج متجه للبيت شارع ٢١ ولم يصل حتي اللحظة
من لديه اي معلومه الاتصال
0912352299
0912161997
0912258082
0121945000
كل التايملاين عباره عن ايران والسعوديه وامريكا..للعلم بس ؛
-ترامب زمان جرا واطي وقال ما بحارب ايران..
-البحصل مدبر عشان السعوديه البقره الحلوب ل امريكا
-تهديدات ايران وامريكا من قمنا وجينا للدنيا موجوده وعمرها ما اتحققت او حصلت حرب
#مدنية_قرار_الشعب #اعتصام_القياده_العامه
ياخوانا الشاف فيديو ماما اميره والاصم منو؟ .. في امريكا لما ماما اميره قالت عندي وصيه للاصم تعال جمبي يا ولدي.. وجا وقف جمبها..شفتو لما هي بتتكلم وهو عمل مهم وبقا يوشوش للمنظمين الايفينت؟ اقسم بالله ما لاقتني قله احترام زي دي فحياتي 😏😏الأصم كان في قمة الافتراء وعدم احترام الاخر
فالاخر ربنا اخد امانته ومن لما ماتت البيت كئيب وبايخ وموحش جداً..ماتت وعمرها ١٢ سنه..١٢سنه واحنا بنشيلا ونشربا ونقعد معاها مع انها م بتتحرك وما بتتكلم بس بتبتسم لما نشاغلا..كانت روح البيت..مؤمنه ما ماتت متنا احنا من بعدها ..ماف زول قال للتاني انه فقد روحه معاها بس كلنا باين علينا
ل سلامتك :
1- ماتشتغل ترحال بليل
2- ما تشيل معاك زول في عربيتك خليهم يقولو المروءة إنتهت
3- أقفل قزاز عربيتك عليك حتى لو مكيفك ما شغال
4-، لو بتمشي بالمواصلات خليك حريص ترجع بيتك بدري
5- دا ما وضع أمني تبرمج فيهو، أرجع بيتك أحسن.
مسيره البشير المليونيه يوم الاربعاء عشان يلم فيها ناس نزل قرار انه المدارس ح تبدا يوم الثلاثاء..اول مره تلاقيني فتره دراسيه بتبدا نص الاسبوع عشان يلمو الطلاب ويودوهم ليهو الساحه الخضراء..ويثبت ل وسائل الاعلام انه في فئه من الشعب عايزاه..اولادكم ما تودوهم المدرسه الاسبوع دا
عشان شكله الناس نسو الحصل في الشهور الفاتت..نسو الموت وعدم الامان..نسو الشهداء والاصابات والدموع والوجع..دا ثريد عشان كل ما تنسو يذكركم..عشان لما يطلعو ناس في الاستيج يعملو تفاهات وينحرفو عن السمار تبلوهوم بدل تصفقو.. #لم_تسقط_بعد #اعتصام_القيادة_العامة #مدن__السودان_��نتفض
من ما ماتت ليها ٤ سنين..حقيقي من لحظه دفناها ورجعنا البيت لانها طفله ما عملنا عزاء..والبيت متغير..كلنا متغيرين وكلنا ما رجعنا اليوم داك..بالذات ابوي..لانه كان متعلق بيها جداً وبشوفا نوارة البيت وبركته..ابوي متغير من وقتها لكن ولا مره ما قال انه فاقدا..بس ما دخل اوضتنا وقتها
السيد الرئيس
@SudanPMHamdok
..
الساده بوزارة الصحه
@FMOH_SUDAN
و وزاره الداخليه
@SMOI_2020
..نقدر جهودكم على منصات التواصل الاجتماعي ولكن يؤسفنا ابلاغكم ان نقاط ارتكازكم على الارض الواقع قليلة العدد و انها لا تتجاوز محيط المدينه وتنعدم في ارياف المدن والولايات
حصل فكرتو في موضوع الطاقات؟؟..انك تكون مع زول طاقته اعلى او اقل منك؟..انا عن نفسي طاقتي ما عاليه بس اكتشفت اني ما بقدر اتعامل واتعايش مع زول طاقتو عاليه شديد!.بكون مشلوله فكرياً! وطاقتي بتكون اقل من معدلا الطبيعي...!ممكن اتعامل مع زول طبيعي ما هايبر!..وما بقدر اتعامل مع طاقه اقل!
لقيت السؤال دا في صفحه سودانيز برودكاست في الفيس بوك وحقيقه اول مره اسمع بالاحداث دي
🛑بتعرف شنو عن مجزرة معسكر العيلفون؟ 1998
#الدم_قصادو_الدم_مابنقبل_الديه
#اعتصام_القيادة_العامة
#الكلمه_للشعب_السوداني
اسعار الجامعات فلكيه شديد المره دي..انا شايفه انه الاهالي طالما عندهم المقدره يدفعوا المبالغ دي افضل بي نفس المبلع يقروا عيالهم برا السودان..مستوى وشهاده احسن بي كتير من العولاق العندنل دا
امي ما حصل طلعت وقالت لي اعملي الغداء كانت التلاجه ملانه ..دايماً بتدبس في الموارد الشحيحه واضطر اءلف اكلات بالموجود..انا ما فاهمه حنك تحديات الفتره الانتقاليه دا شنو!
يمكن عشان كدا ما بتحمل اشوف حالات بتشبها...ما بقدر وما بكون نفسي..بخاف احبهم💔كنت بكره تعاطف الناس و سؤالهم الدايم البت دي مالا..ويكونو ح يموتو ويعرفو تاريخا المرضي..الفضول شيء سخيف جداً
سؤال اليوم نقلاً عن صفحة سودانيز برودكاست
🛑 بتعرف شنو عن مجزرة بورتسودان ٢٠٠٥؟
#الكلمه_للشعب_السوداني #لم_تسقط_بعد #اعتصام_القيادة_العامة
#اعتصام_بورتسودان #مدنية_خيار_الشعب
كل البيت كان متعلق بيها و بيحبها..دمها كان ضعيف لانها ما بتقدر تاكل بتشرب سوائل بس.. وكنا سنوياً كل شتاء بنرقد مستشفى بتتعب وبجيها التهاب ..اخر مره تعبت انا كنت راقده بيها مستشفى ..دا كان شهر ١/٢٠١٦..كانت بتنزف دم بي خشمها وانفها..تعبت جداً وفي طبيب امتياز عمل قدرتو معانا💕
سؤال اليوم اللي نقلته من صفحة سودانيز برودكاست
🛑بتعرفو شنو عن شهداء 28رمضان
ابريل 1990
#الكلمه_للشعب_السودان #لم_تسقط_بعد #اعتصام_القيادة_العامة
🏴☠️اعرف تاريخ السودان الحقيقي
ياريت تنتشر ثقافه انه الطبيب النفسي موجود عشان يسمعك ويخفف عنك وانه ما بالضروره تبقى مجنون رسمي عشان يودوك تقابله وما كل مرض نفسي حاسيه بدوك ليه دواء مخدر..كل الحكايه اننا بنحتاج زول يسمعنا ويدينا حلول من ناحيه علميه بحته ويخلينا نتصالح مع نفسنا #اليوم_العالمي_للصحة_النفسية 
لا حصلت محاسبه للمتسببين في الفض ولا طلع بيان بيوضح سبب التاخر ونبيل اديب مختفي من الساحه!!.بالاضافه لانه القضيه موجوده لتخدير الشباب ما اكتر..رؤوس النظام السابق فالسجن و ازالة التمكين شغاله ترفد من طرف كوز ولا ما كوز انت وحظك يا شالوك وبقيت عاطل يا خلوك!..
شركات الاتصالات في مصر و كل الشركات عموماً استغلت الحجر صح و سهلت على المستهلك شديد و عملت عروض...الا في السودان الخدمه زباله والنت فاصل و ايمافارما بتمثل الجشع الرأسمالي بانها قفلت عشان الحكومة رفضت زياده سعر الدواء!
دا غير القبائل البتبيد بعض!..والجيش والشرطه بتفرجو!!..احنا معصرون سواء من جيش ولا كيزان معصورين لدرجه لا تطاق ودا الخلاني اكتب نحن ما عايزين الانتقام ...نحن عايزين نعيش! عشان نحن كده لينا سنه لا قادرين نجيب حق الشهيد ولا قادرين نعيش الحياة الضحى الشهيد بي روحه عشانها!