علم الي يحسب حقوقنا من كيس ابوه
الذليل اللي من الذله اسمه طامسه👌🏻😴_________________________________________
#عزف_سعود_للدعم
يدعو #المغردين_المتفاعلين
من دول الخليج للإنضمام لعضويتنا الراقيـۃ
بقيادة ☜
@jas_r323
بقيادة ☜
@ffii11000
فمان الله والعذر السمين ابلغ من التبرير
عفى الله عن خطايا اللي خطايانا على شانه
فمان الله يالغصن اللّيان اللي هَجرك الطير
هذا طيرك يبلغك السلام بروس جنحانه
سمحت من المحبه وسامحيني على التقصير
وصلنا آخر حدود العشره… اللي مالها خانه
لي ثلاث شهور والنوم متغير
اغفي ساعه واصحصح عقب ساعه
فاقد لي قلب سمح وجه نير
ماكتب ربي لقاهه ولا وداعه
ضاع مني ضيعة العمر القصير
ولاغبني فالحياه الا ضياعه
الجفا عقب الوصل ملعون خير
والمحبه ذل مافيها شجاعه
.
.
.
عليك ياللي مامعي منك سوا ، ردّ السلام
من خيبة الهقوه و عذر الراحله .. و اسبابها
َ
يا أول شقا و اخر لقا واكذب عذر و اصدق ملام
لا ترتضي لي حاجةٍ ، قلبك ماهو يرضا بها !!
.
.
تبعتك وحثيت العمر في طريقك لين
توارت وراك احلامي وضاعت اجوبتي
ذنوبي تراها في رقبتك ليوم الدين
مثل ماكتبك الله ذنبً على رقبتي
ضحايا الجفا قدام عينك يسار يمين
عليك الله اكبر ماتعظتي ولا تبتي
اشوف المفارق في محياك شوف العين
مثل مايشوفون الرياجيل موهبتي
نفسي اللي !.. ودي أتركها على راحتها
ما تجيب الا الطيوف اللي تنشّف ريقي
والخيال اللي يجي ويجيب لي صورتها
يربك إحساسي و يعلن للسما تحليقي
مستحيل يملّ سمعي من طرب نبرتها
كيف أملّ من الشعور اللي يبدّد ضيقي
صدّقوني لو هل الفنّ سمعوا ضحكتها
حطّوا الضحكة مكان السلّم الموسيقي
مارحمني يارحيم يوم قفى عنّي
شال قلبي من ضلوعي مانظر باحزاني
والله اني ماخبر شيءٍ جرا له منّي
غير لاضامه زمانه دايماً يلقاني
وان تهنى صرت احس اني معه متهنّي
لو يناديني قلت سم وحي من ناداني
راح ليته يوم روّح ماهو بمتعنّي
لا يجي له يا رحيم فالزمن ماجاني
أستوقف الساعه من الوجد حروة ثمان
و ألهمني الذكريات إللي من آخر ظهور
اصارع شعـوري إللي فاقده من زمان
ودي ولا ودي . . وفي الحالتين معذور
أحس به كل ما مريت نفس المكان
مجي نفس المكان يرد نفس الشعور ؟
يا مرهين الملام اللوم ما يُبنى على التخمين
إذا ما به خطا بيّن .. على أْيّ أساس تبنونه
يجاريكم وسيع الصّدر من باب الذرابه لين
على حِدّة عباراته و قسوتها .. تحدّونه
فـ رجاءً لا شرهتوا كلّمونا بالكلام الزين
تعرفون الكلام الزّين ؟ ولّا ما تعرفونه
النفس عافت شي ماهوب ينعاف
مدري كبرت كثير ولا اخذلوني
خايف لاني صرت ما عاد اخاف
متساويه كل الطرق في عيوني
ياخاطري دندن ترى مابه خلاف
كم لي وانا عايش حياتي ..بدوني ؟
سراب الاعذار ما يقطع ضمّا الوارد
في عينه الارض جردا والسما زرقا
ردودك البارده واسلوبك البارد
كنها توريني المنهاج والفرقى
واعذارك الواهيه من ذهنك الشارد
اغصان هجر عليها ناحت الورقا
من دون طيحة غلاك حروب ومطارد
والعين ماطاح منها ما قدر يرقا .
تقطّعت كبدي من الحزن والخوف
حزني على روحي .. وخوفي عليها
بكيت حتى خفت لا يطلع الشوف
مع الدموع الي غدا الشوف فيها
انا ضحيّة حب ، وذنوب ، وظروف
يكفي لتدمير اي طيّب .. حديها
أشعر بـ نارً تلتهب داخل الجوف
مايقدر الماء لو شربته .. يجيها
صارح بكل الامور الحاصله صارح
وعقبني الصبه ان ماشلها متني
والله ماني بمستانس ولا فارح
من يوم الاقدار قفت بك وخلتني
جتني مشاريهك البارح وانا البارح
اقدر على الرد يوم انها تنصتني
وحنيتك من الكلام الموجع الجارح
وسكت وانا ماعاش اللي يسكتني
*
عدّيت لك ألف زلّه ما عداك الملام
قلت التغابي من خصال الشجاع الذكي
لكّن أبشرك .. أنا غطيت جرحي ونام
من يوم طفّى شموع الوصل كثر البكي
" قل لآخر الليل يسلم ما بقالي كلام
انا أسير المواقف .. وأنت راعي حكي "
أنا مدري بعينك هو أنا الصادق أو الكذاب
لكنّي جيت لك و الناس مالي غايةٍ فيها !
معي عمر و بقايا أمنيات و ضحكتين و باب
معك مفتاحه لـ حلو الحياة اللي أنا أر��يها
دخيلك لا تساومني على الفرقا و أنا مرتاب
أعيش العمر فاقد .. ضحكةٍ ماني بناسيها
الانسان لاصار ذو مبدأ وعنده .. ضمير
طبيعي .. يعيش في حيره وشك وارق
مالله خلق لي جناح الى تضايقت اطير
واجوب كل الشوارع مفترق مفترق
لكن عطاني من الالهام شيٍ.. كثير
مايجعل الحبر يرفع من مقام الورق
غرقت مره ومن فضل العلي .. القدير
نجيت وانا اكثر ابن ادم يخاف الغرق
لايردك شي عن ليله فراقي
كان لك قلبٍ تبي تشفي غليله
خذ معك خوفي وصبري واشتياقي
واترك عيوني تشيل الي تشيله
و لاتدور مثل قلبي ما انت لاقي
القلوب الي مثل قلبي قليله ..
كم لي وانا ارقب مع الايام لحظة وصل
ياللي غيابك مهيب وطلتّك فاخره
الوقت مر و تعدى و اللقى ما حصل
والصبر على آخره و الليل على آخره
وانا من الانتظار الحار مخّي فصل
كنّي انتظر واحد ٍ جاي ٍ على بااخره
على العموم اعتذر ماعادني متصل
و الله يسامحك فالدنيا و فـ الاخره :)
يافاقدين أحبابكم وش تسوون
لا مدت الذكرى الحزينة يديها
كيف نتجاوز حزننا ماتعرفون
بعض الطواري موجعة مانبيها
دايم على بال المواجع يمرون
مافيه ضحكة مالهم صوت فيها
ياليتهم عن ضيقة الفقد يدرون
ودروبهم وشلون دايم نجيها
من كثر ماصاروا على البال يطرون
حتى خطاياهم ولهنا عليها :(
يقول :
نايف ابا العون :
روحي ذبحها الحنين لعالمٍ قفّت :
لكن وجودك على الدنيا مسليني !
تمر الأيام ،، والأشواق ماخفّت :
ادناة حاجة على الماضي تبكيني !
عيني على احبابي الغالين ماجفّت :
ماباقي الا انت ،، تكفى لاتخليني !
"كانت هنالك أشياءٌ وددت لو أخبرته إياها، ولكني كنت أعرف أنها ستجرحه، ولذا دفنتها داخلي، وتركتها تجرحني."
— جوناثن سافران.
تقول الكلام اللي يضيّق علي و تروح
وغيرك يدقق في الحكي عرضه وطوله
ㅤ
اجيد الكلام اللي يزيد الجروح جروح
لكني احنّك من كلامي ولا اقوله
تعبت أكون الغصن قدام الهبوب . . الذارياتّ
لا ضاعت الخطوّه وضاع الدرب من تقصيرها
'
خايف من المجهول بوجيه السنين المقبلاتّ
ولا قدرت ألمح من الدنيا سوی . . تکشیرها
'
ومدري متى بـ اوادع اللي فات و ألمّ الشتاتّ
وانا لا جيت أفارق جروحي . . تجيني غيرها !
َ
الحمْدلله صرت متعوّد على كل الظروف
لو كان نفسي في بعض الاحيان تتبع غيّها
حتى الحياه اللي من اول كنت الحّقها حسوف
ماعاد افكّر لا فـ واجدها ولا فـ شويّها
سلمي مع ظروف الليالي مثل سلمي للضيوف
لا جاتني صكّات بقعا قلت يالله حيّها :(
َ
دريت إنه لغيري وأقتنعت ولا بقى مقعاد
و تفارقنا ويا مكثر غلاه وكثر تقصيره
كتبه الله لعمري جرح ولغيري كتبه مراد
وتذبحني ظنوني لا صاحت بي جمرة الغيرة
خذا كل العمر وأقفى بعذر وبلا ميعاد
وأنا أقفيت ما والله في قلبي أحدٍ غيره
كل ما نسّم من الذكرى ، حنين
رحت ادوّر لي طريق و مفترق
صاحبي كم ضاع حلم وكم سنين
من يرد اللي من العمر انسرق ؟
ايه انا من ليلة البارح .. حزين
والله اني من غيابك .. ما استحق
رغم ما يملى الفضا من أكسجين
ليه لامن مر طاريك .. اختنق .
والله اني طحت من كثر الوقوف
ولا رفعني فالحياه إلا " الصبر "
طالت الأحزان ، من كثر الظروف
ولا بقى لي غير جرحين ، وسهر
انكسرت وما بقى غير الحروف
الكتابه تعطي لـ كسري جبر
راح عمري كله بلحظات خوف
من يجيب لخوفي الباقي عمر .
➖
راحوا كل من مرّوا على قلبك بلا توديع
تلملِمهم من أطراف الجفن لكنّهم طاحوا
وبعد ما تشعرك كل الوجيه إنك بديت تضيع
يجي واحد و بعده تحمد الله انهم راحوا
➖
يدور الزمان . . وفيه كاره . . وفيه محب
مثل ما حصل لين اصبح الوضع كله سي
.
مفاهيم بعض الناس . . ما عاد فيها طب
شف اللي ضميره مات ياللي ضميرك حي
.
تهاون خطا حسادك . . . اللي تسبك سب
ليا سبك . . . اللي ما بعد جاه . . منك شي
غاية العاشقين الي خذاك الغرور
انا اللي كبرت قدرك لين صابك كبّر ..
على العموم التعاسة يقتفيها سرور
اهم حاجه عرفتكـ وانت كلك نظر ..
ماني بزعلان والدنيا تلف ودور
يجيبك الوقت متضايق وتطلب عذر
كلامي الي سمعته لا يمرك مرور
بذكرك فيه كان الله عطاني عمر :)
يادرّة .. الشاعر المتغطرس المارد
اللي! ( يوقف لك الدنيا ) على زنده
أنا وأحاسيسي .. وقصيدي ..الشارد
عباقرة " ثغرك " وحراسه .. وجنده
في ليلةٍ .. كل ما هب الهواء .. البارد
زبنت حضنك وقلت البرد وش عنده
كم لي و انا بغيابك اهدّي الروع
اضحك ونفسي بالخفا مـ استراحت
اشتقت لك وانا من الوصل مقطوع
رفّت عليك العين و الاذن صاحت
يا قربها لكن مثل حبة الكوع
الدمعه اللي لو تراخيت طاحت
ما كان فـ يديني ولا جيت لك طوع
حطتني الاقدار قدمك و راحت :)
الشاعره ميلاف في غيرتها تقول :
لو غيرتي من بنات آدم عليّ الآمان
في ظل عرش المحبة والشعور النزيه
بس أني أغار جداً من حزام الامان
إليا تمثنى الامان اللي يا ويلي عليه
#يقول
منتي من الأرض ، يمكن من بقايا القمر
نصفك مكابر قسى ، ونصفك ليانة حنين
منتي من اللي يمر الناس ، وعادي يمر
من بين خطوه وخطوه ، بينهم وردتين
وصرتي كبيره عمر ، يا حظ هذا العمر
كل ما كبرتي سنة ، غارت عليك السنين
صحيح ماعندي سبب للحزن لاكني حزين
احس بضيقه وانا والله مااعرف اسبابها
مدري بدايه ياس ولا شوق ولا قل دين
ولا ان نفسي من عيون الناس شيٍ صابها
قلبي غدا مدينه اشباح وبقايا راحلين
مدينه ماتسمع الا صوت صفق ابوابها