يارب فرجها على كل محزون
ضاقت عليه الأرض عقب الوسيعه
صارت حياته من دون في دون
والحظ معطيه القفا مايطيعه
ياسامع الدّاعين ياخالق الكون
فرح قلوب أهل النفوس الرفيعة
اللي على ذكرك وشكرك يعيشون
والنهج نهـج أهل التقى والشريعه ..
في حياة الناس ماعندي فضول
الخلايق يستر الله حالها
ادري ان الناس عاقل ومهبول
وافصل العقال عن جهّالها
يرجح الميزان في حجم العقول
ماهو بهندامها واموالها
والطيور تطير وتحوم وتجول
ولا توقع غير فوق اشكالها
"يارب تعرفني .. وتعرف نواياي
وتعرف جميع ظروفي المُستبدة
أحيان أصيب الرأي وأضيّع الرأي
أحيانًا أفتح باب وأحيان أسده
أحاول أمشي بإتجاهك يامولاي
وتسرقني الأيام في خضم شِدة
عاملني بُلطفك وعطفك ورجواي
ليا أنحرف قلبي عن الحق ردّه".
نطوي مع الايام عام ورى عام
تمر ساعات الفرح في دقايق
ايام راحت بالعمر مثل الاحلام
يوم بها زعلان وايام رايق
درست من دنياي واتعبت الاقدام
وبدلّتْ عن بعض الطرايق طرايق
الزمن يحد نفسي على اللي ما تريد
وتنساق هقواتي والأحلام صوب الهاويه
وكل ما اذكر ذكرياتي وأرجعها واعيد
ضاقت الديره من الزاويه ل الزاويه
هيه ي وقت الحزن علم الوقت السعيد
ان زانت ولا شانت تراها كلها متساويه