متشربوش سجاير يا جماعة ابويا من 6 سنين جاتله جلطة في القلب ولما حاولوا يعملوله أسطرة فشلت بسبب ان 6 شرايين كانوا مسدودين من الهبابة دي واضطروا يعملوله قلب مفتوح..السجاير مش هتكسر قلبكوا دي هتفشخه
الحب حلو يا جماعة متصدقوش الكلام المتداول على طول بتاع ان الرومانسية مُحن وعايزة سندوتشين بدل الورد والسترونج اندبندنت..الوحدة شئ قاتل وإذا كان البني ادم ميقدرش يعيش جسديًا من غير اكل وشرب فهو ميقدرش يعيش نفسيًا من غير حب واهتمام وإحساس انه مرغوب فيه وله قيمة.
كلبة اسمها "صدفة" موجودة في جمعية Animal protection foundation مشهورة بضحكتها القمر..الكلبة دي كانت مخبوطة بالعربية والناس خدوها وودوها الجمعية دي ومن ساعتها بتضحك لكل الناس ❤️
نفسي افهم ايه النرجسية اللي تخلي اي راجل يحس انه انتصر عشان ضرب/لمس/..اي شكل من اشكال العنف ل ست؟ايه الجمدان في الموضوع يعني ايه اللي بيضحك؟ اصل ساعات بجد الموضوع مبيبقاش تحرش بهدف الجنس خالص هو بيبقى ضربة ويجري مثلا او يحدف عليها حاجة ويضحك ايه دين أم الفكاهة في كدة بجد؟
تدور احداث الأغنية حول بيت جدتي اللي اتربيت فيه وكلت رقاق وبط ومربى وقشطة وعسل والعيدية والكحك ولمة العيلة ولعب الكورة في الشارع والجدعنة وعصر ماقبل ظهور الانترنت والشتايم وغدر الصحاب..ممكن بقى منتكلمش تاني لحد ما تطلع مع منى الشاذلي؟
انا بحب جدًا عيلة كنان وريتان السعوديين دول عشان أبوهم مهتم يلعب معاهم ويقضي معاهم وقت ويكافئهم ويعملوا ذكريات حلوة كلها هتتحفر في ذاكرتهم وكمان التصوير هيخليهم يفتكروها كويس لما يكبروا ..حتى بعد ما اتشهروا الموضوع بالنسبالهم مش تجاري خالص هما بينبسطوا وبيحبوا أبوهم
تحية كاريوكا كانت معزومة في حفلة هيتكرم فيها فنانين من حسني مبارك، ووقتها كانت كبيرة في السن يعني..المذيع قال فليتقدم السادة الفنانين لتحية الرئيس يعني يطلعوا عالمسرح يسلموا عليه راحت تحية بعلو صوتها قالت "وهو يعني علي رجليه نقش الحنة؟ ماينزل هو" سمعها وقالها حاضر يا حجة ونزل
بحس ان أي علاقة فيها تجسس علاقة فاشلة وملهاش لزمة، جو تبادل الباسووردز وأزق عالطرف التاني حد عشان يختبره وتفتيش الموبايلات وكل دة معناه ان مفيش base العلاقة اللي هو الثقة وهفضل عايشة في هسهس طول عمري اكتر من اي مشاعر حلوة..يبقى ايه لزمتها؟
النهردة عيد ميلاد موهبة مخدتش حقها ومخدتش نفس النجاح اللي حققه غيره في جيله.. محمد فوزي من اعظم الفنانين اللي عملوا ألحان في تاريخ الموسيقى واتظلم كتير واتبهدل في أواخر ايامه لما خسر شركته وكل فلوسه بعد الثورة..
النهردة 26 نوفمبر الذكرى السابعة لوفاة فنان كل الناس بتحبه، واحد أثبت ان السيرة الحلوة بتعيش أطول من عمرك..يمكن لو كان عايش لحد دلوقتي مكنش هياخد نفس القدر من الحب دة ويقدر يتميز بين العك اللي بيحصل في الغُنا، ربنا جعل له نصيب من اسمه "عامر" منيب الله يرحمه ❤️
سايقة وبابا جمبي ومرجع الكرسي ورا بيقوللي يااااه كان نفسي من زمان أخلف بس عشان الحركة دي ابقي انا قاعد كدة مستكنيص وبنتي حبيبتي سايقة جمبي ❤ زودت السرعة قاللي ما بالراحة يا بنت الكلب في ايه 😂😂
ماما جاية متضايقة اوي وبتشتكيلي ان واحدة راحتلها العيادة المفروض هتولد خلاص فبتسألها هولد إمتى قالتلها يوم الاتنين الجاي فقالتلها اشطة يا دكتورة😂 مش تقوللي مثلًا ان شاء الله على بركة الله ايه اشطة دي هو احنا بنظبط خروجة 😂😂
أصدقائي وأعزائي هل تعلمون أن ما يسمى ب الghosting هو أوسخ ما يمكن أن يفعله المرء؟ بستغرب ازاي ممكن تعلّق حد بيك أو يكون بينكم مشاعر حلوة أو كمان تدخلوا في علاقة وبعدين فجأة تصحى في يوم تقرر ان you know what؟ im not interested anymore وتقرر تختفي وتسيب الطرف التاني يتفشخ في افكاره
امبارح انا عارفة انها مش ليلة وترية بس قومت فتحت الشباك كدة وقعدت ادعي وبعدين لقيت ان الكلام بدأ يتحول من دعاء لكلام عادي كأني بفضفض مع ربنا ومفيش صيغة..قولت كل حاجة مضايقاني وانا بعيط ومكنتش بفكر في الكلام، خلصت ومع اني عارفة ان مش لازم اللي طلبته يتعمل بس هو احساس مريح جدًا
@politicalelle
Land owners don't carry weapons as long as they know they're entitled on their land. But thieves do when they know they stole something and ready to fight whoever approaches by.
مسلسل ياسمين صبري بيتكلم عن حاجة جديدة لانج بنت فقيرة بيحبها ولد ابن ناس وأمه مش موافقة وعايزة تجوزه واحدة قريبتها غنية فبيهددوا البنت ويتآمروا عليها وبجد عايزة اعرف نهاية القصة المشوقة دي ايه
وانا جاية سمعت في الراديو برنامج بيتكلم على حوار البنت اللي صورت الواد دة فمتصل جميل جدا قال حاجة في منتهى الجمال الحقيقة..قالك انا مش شايف حاجة غلط في اللي عمله بالعكس الراجل جنتل ومؤدب فالمذيع قاله ماشي بس لو اختك حد وقفها في الشارع وقالها كدة قال له لا لو اختي هكشمله طبعا