الرابط بين الصورتين ان الشاعر عبدالله ابن شايق كتب قصيده في عتق رقبه وانشدها جفران المري
توفي ابن شايق وتوفي جفران رحمهم الله والسجين عفو عنه اهل الدم
—————-
فرّج على من قام يومه يحتدي
الخصم صامل والسيوف محدده
من طبعنا مانذم ولا نهين الرفيق
وفي غيبته صاينينه من هروج .. القفا
ودواير الوقت لا صكّت عليه الطريق
يبشر له بوقفةٍ فيها شموخ .. ووفـا
السمعه قماش ٍابيض دونها نشف ريق
نتعب على (بيّض الله ) ونتحاشى ( افا )
ياللي تنشّد عن جديدات الاخبار
الوقت خذ له ف الرياجيل فره
الوضع غير الوضع في كل الاقطار
وغابت عن العالم نجوم المجره
شريم جاله برطمٍ وولع النار
وكليب خلاّ شبت النار مره"
شرع الباب وتعود على نطح الضيوف
وان سمعت الي ينادي تحزم للندا
ٰ
لا تقول الوقت شين وتعذر بالضروف
الكريم معان والطيب اخير من الردى
ٰ
البعير يبين صبره ليا طال الوقوف
والحصان يبين عزمه ليا طال المدا
انتقل الى رحمة الله #محمد_بن_عفيفه
صاحب البيت الشهير
والله أني مادريت إن الزمان موّلي
لين شفت العاريه تضحك على المستتره
————————————
الله يرحمه ويغفر له ويتقبله مع الشهداء الابرار"
خِف نفسك للخوي والعواني والضيوف
وان لقيت اللي يَبا يزم نفسه .. ِزمّها
لا تراخى فـ المواجيب وتطيع الضعوف
خَمّةٍ تمشي . . عروق الردا في دمّها
اقِف في موفقك لو كان ممنوع الوقوف
وان نصحك قليّل العِرف يا ويل أُمها (:
مطلق بن دعيج
من أجمل ماقيل في نصح الولد أو بناء الآمال على الأبناء قول جابر النشيرا:
عساك في اللازم أسرع من ملاقى الجفون
والطف من الما على الكبد الضمانه وأرق
ُ
ابغيه ينقال هذا اللي عليه الظنون
صبيٍ تعولق مداغيش العيال وفرَق
اكحل عيون الرجال موسعين الطعون
خلك من اللي تهايق من خلاف الطرق
انا ودي امدح لي من الربع طيّب راس
ولكن عليه نقوص واجد مهيب شوي
تمعنت فيه وشفت ماهوب مثل الناس
كريم وشجاع وغيرها لاتدور شي"
—————————————
الابيات سب والا مدح 🧐
رفيقي الي دايم اتهاوش معاه
هو اقرب لقلبي من اطراف جسدي
.
اذمه بوجهه واصونه في قفاه
واللي يذمّه عندي اصفقه بيدي
.
يشوفني دايم أبيّن له رداه
وانا على اسمه ناوي اسمي ولدي
.
امزح معه ولا الحقيقه ماخفاه
اشوفه سهيل اليماني والجدي
.
ِياما علي تضيق من كل اتجاه
اجيه ضايق خلق وابشر بسعدي
أشوف السّفر ما بين فتره وفتره زين
أنا بحاجة غياب أتفحّص به أشواقي
تراودني الضّيقه لها حروة اسبوعين
وتاثيرها واضح عليّ و على أخلاقي
أحس بتعب وارهاق نفسي وخاطر شين
وسجّه ونوم أمحق ومدري وش الباقي
ولا يجبر خاطري سوى كسرة الروتين
حسب خبرتي في معرفة حالة إرهاقي
والله اني لازم ابعد عن الجو المثير
الرجل ما يحتمل شيء فوق أرادته
ودي بسجه طويله ولا ابغى لي عشير
لو يقولون الأصاحيب ماهي عادته !
قامت الايام تركض على جنحان طير
ولا بقى من عقد الألماس غير قلادته
يالله ارحمني ليا جيت مثواي الأخير
يا أرحم من امٍ ليا اقفى ولدها نادته
بيت الكريم الي على الطيب مفتون
لا طرّوا أسمه بالثناء يذكرونه
لو مرحبا فيها مسابق ماراثون…!
يسبق عليها الناس ما يسبقونه
له سمعتن مسنونه بحد مسنون
والسيف حدّه ياقف اللاش دونه
( ديوان بيته مثل ديوان ابن عون )
أغلب محبين الشعر يحفظونه