٥٠ يوم بدون جوال، قبل بداية سنة ٢٠٢٣ قررت اني ابدأ السنة بدون ما استخدم جوال ذكي لاطول مدة اقدر عليها، وقدرت اكمل ٥٠ يوم، راح الخص تحت هذي التغريدة التجربة من ايجابيات وسلبيات ومن فوائد وتحديات هذي التجربة.
بعد اكثر من ٢٤ ساعة من المشي المستمر بدون توقف، قدرت اقطع فيها الرقم القياسي العالمي لاكثر شخص مشى في العالم بيوم واحد بأكثر من ١٠٠ الف خطوة.
تحت هذي التغريدة بتكلم عن التجربة وجميع تفاصيلها وليه قررت اسويها ؟
أتممت اليوم Aug 19، ٧ سنوات في مجال الرياضة ككل و ٥ سنوات تقريباً في رياضة كمال الاجسام بالأخص، راح الخص تحت هذي التغريدة رحلتي الكاملة من شخص كان وزنه ١٧٨ كيفو الى ٧٧ كيلو وكيف قدرت انزل اكثر من ١٠٠ كيلو بدون ما (اترهل).
من الممكن انه ما تم تكريمي على هذا الانجاز، ممكن ما اخذت اي ميدالية، وهذا شيء من ناحية شخصية غير منتظر، هذا شيء انا سويته لنفسي فقط وانا ممتن لنفسي اني بديت قبل ٨ سنوات، تحت هذي التغريدة راح اعكس تجربتي كيف قدرت اتحول من مراهق وزنه ١٧٨ كيلو الى مدرب شخصي معتمد وملاكم محترف
يبدأ الصلع الوراثي او تساقط الشعر بعد الثلاثين، وممكن يصير عند البعض بعد سن البلوغ. تحت هذي التغريدة راح اذكر جميع التفاصيل اللي خلتني اعالج هذي المشكلة
الكارديو افضل من الحديد، الكيتو افضل نظام غذائي، القهوة حارقة الدهون تشفط دهونك، حزام الكهرب ينحفك بدون رياضة، وكثير من المفاهيم والاشاعات الخاطئة عن نزول الوزن، تحت هذي التغريدة راح اذكر ايش افضل الطرق الواقعية اللي ساعدتني في نزول اكثر من ١٠٠ كيلو
عظمة الفك والعضلات المحيطة فيها من اكثر الاشياء المؤثرة في تغيّر الملامح وتحسينها، هذي التغريدة راح اذكر جميع التفاصيل اللي خلتني اغير من (اللغلوغ) الى فك مرسوم.
بالنهاية بالنهاية تأثير التجربة هذي على صعيد شخصي فقط وان شاءالله اني بيضت الوجه ورايتي بيضاء وهذا فيديو للتجربة كاملة بتفاصيلها على قناتي باليوتيوب:
مشاهدة ممتعة🤍
كان الجوال فعلاً مصدر الهاء كبير بالنسبة لي وممكن كنت اقدر اتحكم بالشيء هذا واني احذف السوشال ميديا او اقفل التنبيهات وما هو الحل الصح اني اخفي الجوال تماماً ولكن هي مجرد تجربة قريتها قبل في كتاب Digital Minimalism وقررت اطبقها وفعلاً كانت تجربة تسوى.
الوقت، دائماً بكل الايام سواء كانت ايام عمل او اجازات كنت احس بأني ملحوق وكأني جالس على مسامير وبكل شيء اسويه مستعجل على انه بالواقع ما وراي ولا شيء، بعد ما تركت الجوال لاحظت فرق كبير جداً وكأن اليوم صار عندي ٣٠ ساعة وحصلت وقت لكل شيء
الfomo، هذا مصطلح fear of missing out ويطبق لمستخدمين السوشال ميديا واللي هي يخاف يفوته شيء سواء حدث او شخص كلمه او عطاه لايك او اي كان، ولكن للاسف بتكتشف انها كذبه كبيره وبتعرف ترسم حدود كثير للاشخاص والعلاقات لك
في خلال بحثي طحت على دراسة اسمها (الجلوس هو التدخين الجديد) وانذكر في هذي الدراسة انه قلة الحركة او كثر الجلوس ممكن يسبب لك امراض مزمنة اكثر من (التدخين، الكحول، السكر، الدهون، المشروبات الغازية، الخ.)
الصلاة، اغلبنا مقصرين وشخصياً كنت مقصر في الصلاة من ناحية تأخير في الوقت او الصلاة في غير جماعة وهذا الشيء تغير تماماً وفعلا كانت اولوية مهما كانت الظروف وابديها قبل اي شيء ثاني
الصحة النفسية، ممكن الايام اللي تمر واكون منفس او متضايق فيها تنعد بالاصابع كنت شخص ايجابي وعندي طاقة مو طبيعية لليوم كامل من اصحى لحد ما انوم خصوصاً اني كنت مرتب وقتي بالضبط من النوم والقراءة والاكل والتمرين والعمل الخ..
قبل لا ابدأ بأي شيء ممكن البعض يشوف الشيء هذا غير صحيح او تخلف او غباء اي كان، وشخصياً انقال لي كلام كثير في بداية هالتجربة وما الوم احد ولكن هي كانت قناعة شخصية واني كنت (معترف) بأن الجوال كان مشكلة بالنسبة لي من نواحي كثير…
الفيتامينات والمعادن، للاسف الاغلب يلجأ لحلول خارجية على طول بدون ما يحدد سبب المشكلة واللي هو غالباً الوارد ويكون شيء داخل الجسم، قبل لا تلجأ لاي حل خارجي مثل الزيوت او الزراعة افحص وتأكد من الفيتامينات والمعادن اللي موجوده في الصورة وابدأ عالجها
واهم شيء ممكن استوعبته من هذي التجربة ولا راح انكره ان الجوال اذا كنت مدمن عليه (السوشال ميديا) هو وسيلة فقط للهروب من الواقع لا اكثر ولا اقل ولا عمره كان المشكلة، المشكلة داخل روسنا
الاجتماعية، كنت حاط في وبالي مقرر اني شخص انطوائي وافضل جلسة البيت اكثر ودايم اتعذر من المناسبات بحكم اني اتوقع اني شخص (مشغول)، ولكن انصدمت من مستوى الاجتماعية وحضور المناسبات و وقت الفراغ اللي عندي
(اهداف التجربة):
-ارفع متوسط خطوات المملكة العربية السعودية
-اثبت لك ان جسمك قادر على اشياء خرافية انت ما تدري عنها ولا قد اختبرتها
-استشعر النعمة واذكر نفسي في النعمة العظيمة اللي انا فيها
-اشوف اشراقة الشمس في البحر
-اكسر الرقم القياسي العالمي
الاستلذاذ او الاستطعام، دايم اكون حاط افكار او اشخاص واربطهم بسعادتي الى ان توصل لمرحلة تستوعب انك مب جالس تحس باي شيء سواء كان حزين او مفرح، بعد هالتجربة اكتشفت ان يومي جميل جداً وحياتي سعيدة ومتحمس لكل شيء وودي اليوم يخلص بسرعه عشان ارجع اعيده بكره
أتممت اليوم 17 May، ٩ سنوات كاملة في قراءة الكتب بجميع أنواعها وتصنيفاتها وبكثير من اللغات وراح الخص تحت التغريدة هذي اهم الشغلات اللي صارت لي في هذي التجربة بشكل عفوي و ودّي
وانا متأكد واجزم انه الانتاجيه اللي قدرت اسويها بس ب٥٠ يوم لو معاي جوال بسنة كامله ما بقدر اسويها فلذلك التجربة بالنسبة لي انا غير ندمان عليها نهائياً ولولا ارتباط شغلي بالجوال كان كملت
بالنهاية تأثير التجربة هذي على صعيد شخصي فقط فممكن انا استفيد منها وانجز وممكن غيري يتأثر ويدخل في تحديات اكثر مني بكثير ولكن شخصياً اكيد بكررها وان شاءالله مع رجعتي للجوال اقدر استمر على نفس الرتم وما اخرب كل شيء.
اكثر شيء اثر فيني بكل امانة لاني صرت كثير كلام وما عندي شيء يلهيني وامسك جوالي نفس العادة صاروا الناس اللي حولي يعاملوني على اني(بثر) وكلامي كثير ويصير هو وده يمسك جواله بس انت جالس تعطله بكلامك
بكل امانة كانت تجربة ماهي سهلة ابداً وصعبة جداً خصوصاً بالاسبوع الاول واكتشفت فيها ان فعلاً الجوال ادمان وادمان ماهو بسيط ابداً وافراز الدوبامبين فيه عقلي (هرمون السعادة) يعتمد عليه اعتماد كلي!
قبل لا ابدأ بأي شيء، انا مدرب محترف وهذا الشيء مب اول مره اسويه ومعاي مختصين يراجعون معاي قبل وبعد واثناء هذي التجربة فلذلك اي كانت النتيجة ارجوك لا تسوي نفس اللي سويته.
الاهتمام الذاتي، بعض الاحيان نتعيجز من انه نسوي اشياء مهمه مثل فحص اسنانك، او الدم، او ممكن حتى تحلق او تشتري ملابس على تخيل انه بيضيع وقت منك، لكن اكتشفت انها اشياء مهم جداً انك تسويها وتخليها من اولوياتك لانها تلعب عامل كبير بحياتك
استوعب هالشيء في الاسبوع الاول واللي هو كان اطول واصعب اسبوع بالنسبة لي لانه كان شيء غريب وعندي وقت فراغ كبير مره ما اعرف كيف اقضيه الى ان استوعبت اني لازم احل المشكلة هذي واجدول وقتي بالضبط باستخدام ورقة وقلم
في حال كنت شخص طفران او فقط تبي تاخذ معلومة (بدون مقابل) او في حال كنت شخص تبي (تلتزم) وتشترك وتصرف فلوس على هذا الشيء، هذا رابط التسجيل وتأكد اني بحاول افيدك بأي شيء اقدر عليه سواء كنت تبي تشترك او تبي تاخذ استفسار:
في الختام، انا شخص غير مخول باني اعطيك نصيحة ولا انا مدرب شخصي او اخصائي تغذية انا فقط شخص هاوي خاض تجربة ونقول ان شاءالله انها كانت ناجحة واذا كنت تعاني من نفس المشكلة ان شاءالله اني بقدر افيدك لو بشيء بسيط ❤️
بعد ما قريت الدراسة جاني فضول هل فعلاً كثر الجلوس منتشر في العالم كله ولا لا وبحثت عن متوسط الخطوات في العالم ولاحظت انه جميع الدول متوسط خطواتهم متقارب ولكن للاسف ان المملكة العربية السعودية كانت من اقل الدول في عدد الخطوات
بديت المشي من الساعة ١٢ الصباح لحد ااساعة ١٢ المساء، وقررت فيها ما استخدم اي وسيلة تنقل غير رجلي ما بين رطوبة وشمس وما بين السير والغرفة. وبعد ٢٤ ساعة متواصله قدرت ولله الحمد احقق فيها التجربة بكل الاهداف والشروط اللي حطيتها
(شروط التجربة):
-مسموح لي اكل ٨ موزات فقط موزعه على اليوم كامل
-مسموح لي اجلس ٨ مرات لمدة ٨ دقائق فقط
-اقصى سرعة للمشي هي ٥.٥ كيلو وادنى سرعة هي ٢.٥ كيلو
صعوبة الوصول، اذا ابي تستخدم قوقل مابز او تبي تدفع او تبي تعرف حسابك كم فيه او حتى تبي تطلب شيء اونلاين سواء اكل او ملابس او اي كان ما كنت اقدر اسوي هالشيء وكان يعطلني عن شغلي
الانقطاع، اذا فيه شخص ماهو قريب منك وما تمون عليه بتضطر انك تتصل عليه وبيصير يستغرب منك (متى الميانه) لانك بس دقيت ويفضل انك ترسل له، او اذا فيه خبر او حدث او شخص ارسل بقروب انت ما راح تدري عن الاشياء هذي كلها
البحث، ممكن فيه شيء جا في بالي وابي ابحث عنه بسرعه والحين عشان ما انسى كنت اضطر اروح عند جهاز فيه نت بس عشان اقدر ابحث واذا وصلت للجهاز اكون نسيت وش ابي ابحث عنه
قررت في وقتها اني بكسر الرقم القياسي العالمي وبتعداه وبنفس الوقت ارفع متوسط الخطوات اللي مسجل للمملكة العربية السعودية ولكن ما راح اسويها بهذي البساطة بدون ما احط شروط او أهداف لنفسي عشان محد يرجع يكسره بسهولة
العناية بالشعر وفروة الرأس، انتشر موضوع ان استخدام الشامبو يومياً غير صحي بسبب الزيوت اللي تصدرها فروة الرأس مفيدة جداً وهذا شيء صحيح ولكنه غير مناسب خصوصاً عندنا في الخليج، بسبب حرارة الجو والتعرق وبرضو شخصياً التمرين، ضروري تغسل فروة راسك يومياً ولكن احرص انك تختار منتجات
التغريدة السابقة للكتب كان الإقبال عليها عالي، وتكرر كثير سؤال عن ايش افضل كتاب ممكن اقراه او ابدأ فيه، راح احط افضل ٥ كتب ممكن تبدأ مشوارك بالقراءة منها
واستمر هذا الحال الى عام ٢٠٢٠ بوقت كورونا وقررت اني استغل الحجر باني اخذ اخر وافضل شهادة تدريب شخصي في العالم واللي هي الIFBB وبرضو ارجع اقول انها كانت تحدي بيني وبين نفسي والحمدلله قدرت اجيبها
قدمت على ال ISSA والحمدلله في خلال ٤ شهور قدرت اخذ الشهادة، بس هذي ال٤ شهور استفدت اشياء اكثر من السنتين الماضية من ناحية تغذية وتمرين واكتشفت انه افضل وسيلة لحالتي هي كمال الاجسام (المقاومة)
في خلال الفترة اللي ما كنت اقدر امشي فيها ولا اتحرك جاني الشعور بالعجز والشعور هذا كان ياكل فيني لدرجة اني ما اقدر امارس اي شيء في حياتي بدون ما احتاج المساعدة لاحد فقلت خلني ابحث عن حل لعل وعسى اقدر اسوي شيء يخليني اتحرك
بعد اكثر من سنة ونص ولا زالت الفكرة في راسي وقلت لازم اسويها بأسرع وقت ممكن وبحثت عن اكثر خطوات في العالم (مشياً) وطلع لي انها من شخص ايرلندي بأكثر من ١٠٠ الف خطوة
التمرين: العضلات المجاورة لعظمة الفك هي نفسها نفس اي عضلة مرنه ثانيه بجسمك، مع تمرينها بتزيد كتلتها العضلية وبترسم التفاصيل وبتحتاج الى استشفاء والخ.
اهم التمارين لتقوية العضلات المجاورة للفك:
Fish Face, mewing
وتسويها بشكل يومي ومنتظم
تدليك الوجه او (المساج): التدليك بشكل مستمر على الاتجاهات الصحيحة يساعد في تقليل الانتفاخات والالتهابات في الوجه، تقليل التجاعيد، شد عضلات الوجة. بإستخدام اداة ال Gua Sha، والتدليك بشكل يومي ومستمر.
انا شخص اكره كرة القدم ولا احبذها سواء في المشاهدة او اللعب وقطعتها لاكثر من ٩ سنوات ولكن في ٣ مايو ٢٠٢٣ مدري وش اللي خلاني العب وفي خلال نص ساعة لعب فقط اصبت بإصابة منعتني من المشي لمدة اكثر من ٣ شهور
ومن بعدها الى اليوم الحالي صارت الرياضة شيء اساسي في يومي ولكن ما صرت احاول اطور من نفسي او اني اشيل اوزان اكثر او ادخل تحديات ثانية بحكم ضغوطات العمل والحياة وروحتي للنادي صارت شيء نفسي وروتيني وما هو تحدي او لسبب وغرض معين
نفسيتي تحسنت جداً وصرت البس اللبس اللي ابيه وصرت اروح الجيم بثقة وما اشيل انه هذا الشخص يشوفك او لا وما صرت اسحب الثوب عشان يبان جسمي او اني اوسع الملابس قبل لا البسها
في البداية سمنتي كانت بشكل مفاجىء حصلت بسبب ظروف كثيره وبديت احس بأعراض كثيرة مثل الدوخة وطول النوم وصعوبة التنفس، سويت بوقتها فحصت وتشخصت في بداية سكر وارتفاع حاد في ضغط الدم بسبب زيادة الوزن (السمنة المفرطة)
بديت اقرأ كثير في مجال التغذية اولاً واشوف ناس كثير لهم خبره كبيره بالمجال وتواصلت مع ناس انا اعرفهم وقررت اني اقدم على شهادة تدريب شخصي مو عشان ادرب اشخاص عشان بس ادرس وافهم وادرب نفسي وما ادخل بشوشرة وتشتت
رجعت اكل كويس وجودة نومي صارت افضل وبدأ شعري يرجع والخمول اختفى ونفسيتي تحسنت جداً والاهم من هذا كله السكر والضغط تعدل عندي بشكل ملحوظ وهذا كان هدفي الاول وما صرت اجوع بوسط اليوم ولاحظت فرق كبير بشكل الجسم
والحمدالله اخذت شهادات اكثر وزادت قوتي في الاوزان و وضعي صار افضل بكثير وصرت من شخص كان همه انه ينحف ويتعالج من السمنة والضغط والسكر الى شخص همه انه ما يصاب من ثقل الاوزان
من اكثر الاسئلة اللي جتني عن طريقي لنزول الوزن، نوع التمرين اللي اتمرنه ومكان التمرين، تحت هذي التغريدة راح احط افضل نوع تمارين استخدمته وايش هو افضل مكان و وقت للتمرين
استمر ثبات الوزن وضعف الجسم سنة ثانية وكنت ملتزم باني اقعد طول يومي جوعان واروح النادي وانا ما اعرف وش اسوي الى ان وصلت لمرحلة (شخصنتها) وقلت لنفسي ليه انا ما اتعلم كل شيء بنفسي وارتاح من موضوع انه هذا يلعب علي ولا لا وما اشيل همها فوق الهم اللي كان عندي
اي شخص عنده اي سؤال او استفسار بخصوص نزولي ١٠٠ كيلو، راح اسجل فيديو اجاوب فيه على جميع الاسئلة والاستفسارات بهذا الخصوص.
طبعاً بجانب اذا مسوي تكميم ولا لا لأن هذا اكثر سؤال تكرر واول سؤال بجاوب عليه
المينوكسيديل، يستخدم كعلاج لتساقط الشعر ولكن البعض يلقى منه اعراض جانبية الافضل انك تاخذه بوصفة طبية كحبوب عن طريق الفم او بخاخ او رغوة على المنقطة اللي فيها تساقط، والافضل انك تاخذ منتج تكون جودته ممتازه وما تدور ارخص شيء موجود لانه ممكن يسبب جفاف او قشره في المنطقة، شخصياً كنت
في خلال ٨ تحديت فيها نفسي وقررت اجرب اعيش حياة اجدادنا وما يطب فمي غير:
-نوق (حليب خلفات)
-تمر
-مويه
وفي خلال ٨ ايام فقط قدرت انزل فيها اكثر من ٨ كيلو.
تحت هذي التغريدة بتكلم عن التجربة وتفاصيلها بالسلبيات والإيجابيات
هذا كله كوم وكوم انك بالنادي عشان تاخذ معلومة من المدرب يجلس معاك ساعة كاملة يقنعك انك تشترك عنده وبيعلمك كل شيء ومن ناحية شخصية ما كانت عندي القدرة المادية اني ادفع للمدرب مبلغ فلكي شهرياً
قبل لا ابدأ اتكلم بأي شيء فيه سؤال انسئلته كثير وللاسف اني ما راح اجاوب عليه ولكن بعطيك افتراضين بترضي غرورك وبتخليك ما تتعذر، هل انت مسوي تكميم؟ لو افترضنا ان الجواب ايه، كلنا نعرف ان بناء العضلات عمره ما كان بالتمرين فقط وتغذيتك هي الاهم، هل شخص بنص معده ما يقدر ياكل قدر يبني
حسيت بخوف كبير وقتها وضغط حاد من ناحية نفسية فقررت من الطبيعي اني اراجع اخصائيين تغذية في مستشفيات كبيره، واعطوني جداول تغذية وحبوب سد الشهية والخ، جدول التغذية للأسف كان محسوب بطريقة خطأ وكالمتعاد يعتمد على ان الاكل كله سلطات وخبز وزبادي وطول اليوم اكون جوعان
الحمدلله الذي بنعمه تتم الصالحات تم بحمدلله عقد قراني على من اختاره الله ليّ سائلاً المولى سبحانه و تعالى أن يكتب لنا الخيّر في حياتنا وان يجعلنا لبعضنا كما نحب ♥️💍
سويت اكثر من ١٠ جداول تغذية لنفسي وامشي عليها واحد واحد لمدة ٣ شهور واشوف ايش اللي بيمشي معاي وايش لا و هذا (غير صحيح) ولكن بحكم عدم الخبرة كنت ابي اجرب لحد ما تلقح معاي
1️⃣النوم: لو اتكلم عن اهمية النوم مستحيل اوفيه حقه، النوم مب بس مهم لتحسين صحتك الجسدية والنفسية، النوم مهم في جميع نشاطات حياتك مثل:
-عملك او دراستك وانجازك للمهام
-شكل جسمك سواء كنت شخص تبي تخسر وزن او تزيده
-حياتك الشخصية وعلاقاتك الشخصية
-زيادة قوة جهازك المناعي
-تقليل
الديرما رولر، يشبه الفرشه تقريباً ولكن بإبر صغيرة جداً تحركها على المنطقة اللي فيها تساقط مرة الى مرتين بالاسبوع وتحفز على نمو شعر جديد، الإبر نفسها لها اطوال مختلفة احرص انك تبدأ بأقل شيء من ثم تزيد بالتدريج كل شهر واحرص انك تعقمها بمحلول كحولي قبل وبعد الاستخدام
البدايات المثالية، ببدأ الأحد، ببدأ بعد الاختبارات، ببدأ بعد العيد، اليوم تعبان ما نمت زين، اليوم عندي اختبار لازم اذاكر، اللي يبي عذر بيلقاه، (مستحيل) بتلقى يوم بيكون مثالي بالنسبة لك انك تبدأ فيه، ولا فيه حالة جسمك بيكون فيها قوي وجاهز للتمرين، قررت تبدأ سم بالله ورح اقرب نادي
مستحيل توصل ل(شكل جسم مثالي) او افضل صحة نفسية او جسدية لك بدون الإلتزام في ال٣ نقاط هذي بالترتيب (وترتيبها لا يعني عدم اهمية غيرها):
-النوم
-الغذاء
-التمرين
2️⃣الغذاء: انا ما اعرف ليه الأغلب مستصعب موضوع الأكل، كيف احسب احتياجي؟، كيف ابدأ آكل اكل صحي؟، هل هذا الاكل ينحف ولا لا؟، وسرا الليل وحنا ما سرينا.
الموضوع ابسط من كذا بكثير.
١- احسب احتياجك (تقدر تسويها عن طريق موقع وزارة الصحة مجاناً)
٢-تبي تنزل وزن؟ كل اقل من احتياجك، تبي
في سنتي الاولى قررت اني اشترك بالنادي والتزم بالدايت اللي اخذته من اخصائي التغذية، من الطبيعي بيكون نزول الوزن ملحوظ لان عجز السعرات كان مهول وروحتي للنادي ماني عارف اسوي اي شيء فأكيد مالي الا المشي والركض وتمارين البطن عشان تختفي الكرشه
مرت سنة كاملة ولاحظت النزول ولكن للاسف دخلت بمشاكل اكبر مثل تساقط الشعر وضعف الجسم والخمول المستمر وثبات الوزن، فحسيت انه فيه شيء غلط فقررت اني اغير اخصائي التغذية اللي كنت اراجع معاه واروح لشخص ثاني ولكن الصدمة كانت انه اعطاني نفس الجدول اللي اعطاني اياه الاول (بالضبط)
التعذر، من حسن حظي اني قارىء كتب، واهم معلومه تعلمتها اللي هي انه قبب ملايين السنين جسم الانسان مهندس ومبرمج على صيد الفرائس والجوع لايام بدون اكل، القدرة اللي موجوده بجسمك الحين مستحيل تستوعبها، اذا حسيت انك تعبان هذا التعب في راسك فقط ماهو بجسمك، جتني ايام كنت اركض لاكثر من ٩
هذا الاكل ينحف، الكيتو اكثر نظام ينحفك بسرعه، القهوة حارقة الدهون تشفط دهونك، حزام الكهرب ��نحفك بدون رياضة، وكثير من المفاهيم والاشاعات الخاطئة عن نزول الوزن، تحت هذي التغريدة راح اذكر ايش افضل الانظمة والمكملات الغذائية والادوات والاساليب اللي ساعدتني انزل اكثر من ١٠٠ كيلو
الرفاهية، وش احسن اشترك بالنادي هذا ولا هذا؟، وش افضل براند ملابس رياضية؟، وش اشتري اي بروتين؟، وش راي�� في الساعة الفلانيه؟، اسئلة مالها اي داعي ومضيعة وقت وكلها اعذار تخلقها لنفسك عشان تتأخر، للأسف انه لازم تسد حلقك وتتمرن لو في بجامتك وحوش بيتك، سواء دخلك ١٠ ريال او ٥٠ الف
المعرفه اللي كلنا نعرفها ان كل شخص له حد من الاحتياج اليومي للسعرات الحرارية، اكلك مخيس بتسمن، اكلك كويس وتتمرن بتنحف، كلنا نعرف هذا الشيء لكن هل نلتزم فيه؟ لا، الكلام كله سهل وما راح اقول لك انا وش سويت عشان اوصل لهذي المرحلة، بقول لك وش الاشياء اللي حطيتها براسي عشان قدرت التزم
اصدقائي واهلي واقاربي كانوا جداً متساعدين وداعمين لي، صحيح اكيد في البدايات بيصير فيه تشرّه ليه ما تاكل معنا، ليه ما تطلع معنا، ليه تتمرن بالويك اند والخ، ولكن بعد ما شافوا الجدية والالتزام من طرفي كانوا جداً متساعدين وهذا شيء انا ممتن له وسهل لي كثير
3️⃣التمرين: اكثر سؤال ممكن يتكرر لكل شخص يبي يبدأ تمرين اللي هو كيف ابدأ؟، الأغلب يختلف ما بين تمارين المقاومة (الحديد) وتمارين الكارديو (الهوائية)، ويحتار وش الافضل بينهم، للأسف انه لا يوجد شيء افضل من شيء وانه كلها ضرورية واساسية ومكملة لبعضها، افضل وسيلة لحرق الدهون هي المقاومة
الاكل، كثير مننا يعامل الاكل وكأنه شيء ضروري، لازم اجرب هذا المطعم لازم استلذ بالاكل لازم اروح اذوق هذا الحلى والخ، الاكل هو وقود لجسمك فقط لا اكثر ولا اقل، وماهو شيء ضروري انك تستلذ فيه او تستطعمه، تاخذ حاجتك من الاكل اللي هي الطاقة بافضل جودة ممكنه وما يهم الطعم
في الختام لو فيه نصيحة بقدمها وبتاخذها مني واللي هي خل شكل جسمك اخر شيء تفكر فيه وركز على الاساسيات وأول شيء بتلاحظه مع الوقت هو التغير بشكل جسمك. وكل سنة وانت طيب
الاقتناع، انت دب؟ ايه دب، بتروح النادي الناس بيستغربون بيقولون وش يبي ذا؟ ايه نعم بيصير هالشيء، بتستحي في البداية؟ ايه بتستحي وبتخاف، اي شيء سيء ممكن بيجي في بالك بيصير ومب لازم تتجهز ولا انا بخوفك ولكن هذا جزء من الحياة ولازم تجربه وتعرف شعوره
الاشياء اللي راح تقراها هي اشياء انا شخصياً طبقتها وخلتني اوصل لهذي المرحلة، بتشوفها صح بتشوفها غلط هذا شيء راجع لك، يمكن تضبط معي يمكن ما تضبط معك، يمكن تاخذ شيء وتترك شيء، اللي بسويه اني انقل لك تجربة شخصية فقط لا اكثر ولا اقل (ممكن علمياً هي خطأ)
الصعوبة، اكيد اي شيء راح تبدأ فيه في البداية بيكون صعب بالنسبة لك لانك راح تطلع من ال(comfort zone) وخصوصاً بالمجال الرياضي، اللي انا سويته اقنعت نفسي قناعه تامه ان الشيء هذا صعب ولانه صعب ما فيه احد بيقدر يسويه الا انا واذا انا ما سويته فأنا شخص غير مميز ومثلي مثل غيري واذا انا
مافيه شيء حرفي طبقته تماماً مثل ما قريته او تعلمته، مستحيل اقرأ عن دايت او تمرين او رياضة جديده بدون ما اجرب على نفسي، جربت كل انواع الدايت، جربت كل انواع التمرين، جربت كل اوقات النوم، الى ما عرفت ايش انسب شيء لي انا شخصياً ويخليني ما اتعطل عن يومي وحياتي
مافيه طريق سهل، مهما حاولت اقنع نفسي والف وادور مستحيل فيه حل سهل غير اني اكمل بالمجال هذا، مافيه عمليه بتوصلك، مافيه ابر بتساعدك، مافيه حبوب بتسهل لك، مهما كان مافيه اي وسيلة ممكن توصلك للصحة اللي انت تتمناها غير انك تصدم بالجدار اللي قدامك وتحفر فيه
في الختام، انا في بداياتي كنت طالب وطفران ولا عندي اي علم او معرفه في عالم الرياضة، انزرفت كثير وكل المدربين في هذاك الوقت فقط يبي يستغلك وياخذ منك فلوس، في ال٣ سنوات الاخيرة كنت مقفل التدريب الشخصي العام بسبب تركيزي على الاحتراف في رياضة الملاكمة وكنت ادرب فقط نفسي واهلي
سواء كان تمرينك في المنزل او في الجيم، اختيارك للسماعات المناسبة قد يكون سبب في تغيير ادائك بالتمرين للأفضل، على كثر الخيارات في السوق تحت هذي التغريدة راح اذكر افضل السماعات استخداماً في التمرين
للأسف الأغلب يلجأ للطرق السهلة ويحاول يدور اسهل طريق على حساب صحتة سواء كان في التمارين او التغذية او طرف ثالث مثل (الابر، الحبوب، العمليات) وهذا خطأ كبير جداً، صحتك الجسدية والنفسية هي الاولى والاهم ولا تبدّي اي شيء ثاني عليها مهما كان
شهادات التدريب الشخصي اكيد فادتني كثير وعلمتني، لكن للاسف العلم متغير وكل تطلع لك دراسة جديده، خصوصاً مع السوشال ميديا ما تدري وش الصح و وش الخطأ وكل يطلع لك شيء جديد، فلذلك انسب شيء سويته انه اي اشوفه او اقراه اطبقه على نفسي قبل كل شيء (حتى لو كنت مقتنع انه خطأ قبل لا اسويه)