كان قصدك عذابي لا توصي حريص ، الزمن ما يقصر وانت فيك ابركه #حمد_بن_مسرع بكالريوس إدارة أعمال ، أبياتي في المفضله .(اللهم إغفر 💔 لأمي💔 وإرحمها برحمتك الواسعه )
لـقـيـت ف الـعـزلـه فـوايـد كثيره
أهمّها اني من غـثـا الناس مرتاح
أمسي لي اب ديـره واصبّح بديره
واشوف بالي من عنا الهم منساح
وان نـمـت في ليلي عـيـوني قريره
وان قمت ماحولي لجاليج وصياح
واليا بغيت اهل الـوجـيـه السفيره
ماردني عنهم من الـبـعـد مـلـواح
✍🏻 #حمد_المسرع
إن شـفّـتـهـا تـصـعّـبـت لا تضايق
ترىٰ الفرج ما ياتي الا عقب ضيق
ولا شـفـت صكات الليالي توايق
إكتم ولا تبدي اب سـر المعاليق
حـتىٰ ولــو إدمــوع عـيـنـك ترايق
إحّرص على بيبان صدرك مغاليق
✍🏻 #حمد_المسرع
لا شفتلك صدرٍ من الضيق متروس
لا تنبشه وتـقـول وش فـيـك ضايق
مادام هـمّـه في حـنـايـاه محبوس
يـكـفـيـه من دنـيـاه مـا كـان ذايق
يا كـثـر مـن عـاش الليالي بكابوس
ويا قِــل مـن تلقاه ضـاحـك ورايق
ومن لاخذا في جملة ايامه ادروس
بـيـشـوف من وقته ظروف وعوايق
✍🏻 #حمد_المسرع
شع الأمل من جديد وشفت نور الحياه
وقامت تراقص فراشات السعاده مرح
رويت للنفس ما لا كان يروّي الرواه
عن بعض الايام والذكرى ووقت الفرح
يوم الليالي جميله والعمر في بهاه
لاضيق في خاطري ولا الشعور انجرح
كنت اسلك الدرب وامشي فيه لآخر مداه
يوم ان غيري عجز عن مجلسه ما برح
#راعي_القصيد
يـقـولـون عيد الأم قلت امي اجمل عيد
أنا يـكـفـي اني اب شوفها دايـم إمعيّد
وانا كل م اكـبـر هي علي بالحنان إتزيد
أنا اكـبـر ولا زالت تـنـاديـنـي إحـمـيّـد
✍🏻 حمد_المسرع
#يوم_الام_العالمي
تعبنا نداري خاطر الناس يا مرزوق
ولا احدٍ من العالم يداري خواطرنا
نطيح ونقوم ونجتهد والجروح افتوق
ولا نـبـدي الخافي ولو كان متعبنا
عزانا الوحيد ان نظرة اعيوننا لي فوق
وتاريخنا من فضل ربي يشرفنا
وحنا حرارٍ مامسكها شبك وسبوق
نحب الهداد وصيدنا من مخالبنا
✍🏻 #حمد_المسرع
يُجري والدي صباح هذا اليوم عمليه جراحيه في إحدى عينيه في مملكة أسبانيا وتحديداً في مدينة ( برشلونه ) اللهم أكتب لها النجاح وإجعلها برداً وسلاماً عليه وأرجعه سالماً غانماً يارب العالمين .
علموه اني على وصله حريص
لو يغيب سنين قدّره ما رخص
كيف من عقب الغلا يطلع رخيص
كان حـبـه زاد والا مـا نقص
اشهد اني فاهمه واني بخيص
والدليل القلب لا شافه قحص
لو بقالي في أمل شوفه بصيص
شفتني ما طوّف اشباه الفرص
ما ندبت الحظ والوقت العويص
لين شفت القلب ف الهم انغمص
✍🏻 #حمد_المسرع
خلك حـمـامـة سـلام وعيش باخلاقك
لا تـجـرح الناس وتــكــدّر مـشـاعـرها
سامح وشيل العفو في داخل اعماقك
ولا تعشق مـن الـجـواهـر كـود فاخرها
وان صرت عند الردي لاتكشف اوراقك
ثـم يـدري اب حـاجـةٍ مــا هـو بخابرها
✍🏻 #حمد_المسرع