Please, DO NOT GO BACK AGAIN.." "Everything I leave behind I do not go back to, I may not finish something easily, I hang on to it a lot, but in an unexpected moment I am good at setting an end point without coming back or regret."
كنت باكله من فتره كبيره هو كان بعيد عن بيتي شويه بعدها لاقيته ساب المكان الي كان فيه وجه بقي قاعد عند البيت عندي وانا نازل الشغل الصبح نلعب مع بعض واحطله اكل وامشي وانا راجع الاقيه مستنيني وفجاة بقاله اسبوع كان اختفي دورت عليه مكنتش لاقيه نازل بليل لاقيته واقفلي كده مبسوط اوي💙😍
لو انا بغرق في حمام سباحة وانت بتغرق في بحر ، يبقي مين فينا مشكلته اصعب من التاني؟
!guess what
إحنا الاتنين بنغرق وإحنا الاتنين مش عارفين نتنفس وإحنا الاتنين هنموت، ف مش علشان انا بغرق في شبر ميا وانت بتغرق في ٦ متر يبقي انت بتعاني اكثر مني ، ف ياريت منقللش من معاناة حد نهائي ١
وتاني يوم روحت اشتري حاجة بردو كان لطيف جدًا وذوق بصراحة ف كنت مبسوط اني عرفت اعمل حاجة لطيفة معاه حتي لو كانت بسيطه
و اتأثرت جدًا من فكرة قد ايه كلمة بسيطة بتفرق مع الناس وممكن تغيرهم
اكتشفت النهاردة إنه مطلعش هو اصلاً وطلع أخوه الي هو شبهوا
وهو لسة بيكرهني ومش طايق نفسه عادي 🌚
من وجهه نظري ان المفروض الحضن يخرج برا دايرة قلة الادب ويفضل ف دايرته الطبيعية بتاعة الاحتواء الاطمئنان الامان ، الي هو انت حزين تعالي احضنك ، مكتئب خد حضن ، مبسوط احضني الحضن هو الحل تقريبا لكل طاقة سلبية او ايجابية جوانا الحضن هو احن حاجة موجودة ع الاطلاق وعمره م يقدر يتزييف.🫂
في كاشير ف سوبرماركت بشتري منه دايمًا بحس طول الوقت إنه بيكرهني
متعصب وباله مش طويل
وبيبقى مخنوق و ع آخره وبينفخ خاص�� لو وقفت افتكر حاجة وأنا بشتري
ف انا كان عندي طاقة اجتماعية كده من يومين وهو كان لابس تيشرت شكله حلو ف قولتله انه شكله حلو
رد بلطف جدا لدرجة اني استغربت بصراحة
كان عندي meeting النهارده و احنا بنتكلم في الشغل و كده و المدير بتاعي بيقول اني عامل شغل كويس و دي حاجه حلوه الحمدلله فجأة الاقي حد من اللي موجودين بيقولوا ما هو لازم يعمل شغل كويس هو هيلاقي فين مدير يجيبلوا شيكولاتة زيك يعني
♥️ 𝐻𝒶𝓅𝓅𝓎 𝒱𝒶𝓁𝑒𝓃𝓉𝒾𝓃𝑒 𝒟𝒶𝓎
هو انا والله فكرت كتير طول اليوم قبل ما اصور الحاجات دي وانزلها وأقول ان مديري في الشغل هو اللي جايبهالي علشان محدش يجي في دماغه سيناريوهات السكرتيره و المدير اللي بيمشوا مع بعض ف الحرام دايما 🤣😂💔
مش من حق أي انسان ف الدنيا إنه يدخل حياة حد يشغلها بشكل واضح ويشارك معاه تفاصيل كتير ويكون عامل زحمه ف يومه خاصة لو كان الحد ده معتاد الوحدة وينسحب أو يتغير بدون تفسير واضح يرحم الطرف التاني من سؤال
طب أنا عملت إيه غلط المرة دي!
ارحموا قلوب بعض
حنّوا عَلي بَعض الٓعُمُر رَايح 💙"
في اتنين اتفقوا يبنوا بيت سوا و يختاروا كل التفاصيل اللي هتكون فيه مع بعض وكل ما الاول يبني طوبه التاني يهد عشره، الاول زهق ومبقاش قادر يبني قام التاني قاله انت اللي خونت العهد، وشكرًا. 🙂🤷🏼♂️
اللى بيتعامل" بـ حنية" مش بيرجع بايده فاضية الحقيقة إنك لو ما بتعرفش تكون حنين فإنت ناقصك كتير لسه تتعلمه
"الحنية" يعنى ما يهونش عليك تكسف حد ما یهونش عليك إنك تلاقى صديق محتاج كلمة حلوة وتستخسرها فيه
مايهونش عليك تزعل حد بيحبك
تحط دايما نفسك مكان الشخص اللي قدامك تكون حنين عليه
فكرة انك تعيش single دي حلوه ووحشه في نفس الوقت.
حلوه عشان عايش في حالك، لا مهتم بحد ولا حد مهتم بيك، لا معتمد على حد ولا حد معتمد عليك.. لوحدك و مع نفسك.
و وحشه عشان عايش في حالك، لا مهتم بحد ولا حد مهتم بيك، لا معتمد على حد ولا حد معتمد عليك.. لوحدك و مع نفسك.🙂
خليك انت كده يا قلب أمك شغال flirt for fun كده كتير واحنا نروح ندفع فلوس قد كده
للثيرا بيست علشان يشرحلنا الفرق بين الحب الحقيقي والتربية الوسخة اللي انت أساسها 🌚
مشكلتي الابدية هي التعلق والقلق و الخوف، بحس بوجع الـدنيا كلها جوه في قلبي لما الناس اللي بحبهم يغيبوا عني ولو شويه وبيكون قلبي لا هدي ولا مطمن اللي جرب وجع الفقدان من حد قريب منه اياً كان مين بيعيش طول الوقت عنده هوس من انه ده يتكرر من تاني.
هقولها تاني و تالت و رابع لو مفيش عندك حد يحبك ويخاف عليك بجد الايام دي وبدافع حبه ده يفضل يسال ويطمن و يدور عليك لما تغيب او يحصلك حاجه ويقلق عليك وقلبه ميكونش مطمن الا وانت موجود وشايف انك كويس ولامس وحاسس ده ف انت معندكش حاجه خالص حتي لو كل الدنيا دي ف ايدك وحواليك الناس كلها.
هفضل دايما اتمني ان اموت ف شبابي و ان مكبرش ف السن او يجيلي مرض وابقي محتاج ان حد يساعدني ف قومتي وقعدتي واتعب حد معايا او اكون تقيل ع اي حد حتي لو كان اقرب الناس ليا هفضل اتمني دايما ان ربنا يرحمني وانا ف كامل قوتي الجسدية والعقلية واني اكون خفيف ع كل الي حواليا لاخر لحظه ف عمري
كل ما بشوف الناس اللي بحبهم ببقي حريص أوي إني أحضنهم جااامد و أطبطب علي ضهرهم ونفضل شويه جوه حضن بعض
وحقيقي مش عارف هو ده أحتياجهم هما ولا أحتياجي أنا 🤷🏻♂️
بس اللي بكون متاكد منه إني بكون مرتاح جدا وعايز افضل كده شويه 🫂♥️
"أحضان من نحب بمثابة بيوت بعد ما غربتنا الأيام والتجارب"
حقي أرفض علاقة حد بيحبنى وانا مبحبوش برغم ان ده بيكون صعب عليا ومبكونش عايز اكسر بخاطره
بس مشاعرنا مش بإيدينا
في حاجه اسمها انى ارتاح لشخص أُعجب بشخص في قبول وفي نصيب مش لازم تاخدوا الرفض ع انه إهانه او عيب فيكم لأن والله ده عمره م بيكون قصدنا انتوا ناس جميله وغيرنا يتمناكم💙
بحب أدي للناس القريبه مني safe zone في كلامنا عايز تبين ضعف وتعيط هطبطب عن حب مش عن شفقة وممكن نعيط سوا عايز تشتم نشتم سوا عايز تحكي سر دفين وماله هسمع وأنساه بعدها عايز تقول فكرة قول وهنطورها سوا عايز تحكي واسمع من غير أي كلام هسمع عايز اسمع وانصح هنصح نصيحة امينة علشان بحبك
في شخص عزيز عليا أوي ف حياتي علمني درس كان ف اعتقادي إنه درس قاسي شويه الحقيقيه بس حالياً
أنا نفسي أشكره عليه جداً بصراحة
وهو إن مهما بلغ حبي ومعزتي للشخص الي قدامي مروحش قدامه و أرمي كل حبي ومشاعري دي عنده
حتي إظهار الحب و المعزة لازم يكون بحساب للحفاظ ع سلامة قلبك ومشاعرك."
أنا شخصية صادقه لابعد الحدود ف مشاعري يعني مش هحسسك إنك مميز عندي إلا لو كنت كده فعلاً مش هقولك وحشتني إلا لما أكون مفتقدك مش بعرف أجامل ف حتة المشاعر دي اوي بصراحة الكلام الحلو عندي بحساب وليه ناسه
بس بعرف أقول كلمة طيبه لاي حد محتاجها تراضي الخاطر وتشجعه حتي لو غريب ومعرفهوش
دايمًا أختاروا الناس السهلة ف التعامل، الإنسان السهل مفيش أنظف منه سهل تطلب منه حاجة ، مفيش أسهل من النقاش معاه ، عايز تكلمه هتوصله بسهوله الناس اللي مصالحتهم قريبة و عتابهم خفيف زي النسمة ، إجتماعي بعقل وحدودي بإحترام ، سهل يسامحك و يعذرك لو قصرت ، سهل تاخد رأيه لانه مش هيحبطك
اعبر عن عواطفي وحبي باللمس واكره لمسي دون عاطفه💙
لما بحب حد بيكون واضح عليا اوي اني بتلكك علشان المسه احط ايدي ع رجله ارخم عليه امسكه من دقنه من خده شفايفه العب ف صوابع ايده احط راسي ع كتفه ولو المكان يسمح اني ابوسه ع خده بكون عايز اعمل كده
ب��الغ اوي لما بحضنه كل مره اشوفه فيها
والاهم من الحب هو ان قلبك يطمن ، هو ان عقلك يرتاح من التفكير وتبطل تخاف وتسال نفسك الغياب هياخده ولا هيفضل موجودلك ، انك تكون واثق ان السكه هتكمل مع شخص ماسك ايدك ، حاضن قلبك بحنانه ، مش مجرد شغف البدايات مش اكتر ,الاهم من الحب هو ان حروب روحنا تهدي وقلوبنا تطمن وترتاح بوجوده.♥️
عارف لما تبقي بتحاول مع شخص والشخص ده كان نفسه المحالاوت دي تكون من شخص تاني مش منك ؟ فـ يجي حد يحاول علشانك ف تقول يااه لو المحالاوت دي كانت الشخص التاني بس هي مش منه ؟ عارف انت الدايره دي ؟ is not fair بجد 😶
مش من حق اي حد يدخل يرمي كلام زي السم ف DM وبعدها يدخل يتكلم ويتعامل عادي وكأنه ماعملش اي حاجة سواء انت ندمت ع كلامك أو لا ف أنا إحترمت وقاحتك دي وفضلت ساكت ياريت إنت كمان تعرف إن من حقي أضايق أزعل اخد موقف، أتغير معاك، أرجع زي الأول بقي ولا مرجعش ده حقي وياريت تحترمه إنت كمان 🤷🏻♂️
كنت بتكلم مع صديق عن تجارب كسرت ضهرنا واتفقنا انا وهو ان التمن اللي بتدفعه عشان تنضج انك تتألم لما تتصدم في موت عزيز لما تخسر حبیب او تودع صحاب او لما تسيب أهلك وناسك الألم ضريبة بتدفعها عشان عودك يتشدّ
نار هادية بتسوّيك بشويش عشان مينفعش تواجه مفرمة الدنيا بروح العيّل اللي جواك
عندي مرض كده اسمه "أحضنك"
يعني وانت زعلان مش هعرف اواسيك بالكلام ف هحضنك
بحبك وعايز اعبرلك عن حبي هحضنك
عملت حاجه فرحتني وعايز اشكرك هحضنك وحشتني هروح احضنك بردو
الحضن بالنسبالي هو الحل لكل شئ ف الدنيا لان انا مش بعرف اعبر عن الي جوايا بالكلام الحضن بالنسبالي حل لكل حاجه🫂💙"
في محاوله من احدهم لكسب الود، اتقالي " انا قابلك زي ما انت"
الجمله دي لو اتقالتلي من سنه ونص فاتوا كنت هنبهر مش معقول ؟ قد ايه جولز و حاجه كيوت وجميله انك انك قابلني زي ما انا وبعدين الواحد كبر شويه و بص لقي نفسه شخصيه علي قد ما فيها عيوب وبتاعني ومر بحاجات وحشه وحاجات حلوه
في ناس اتصدمت فيها صدمة عمري وما كنتش أتخيل إن الناس دي بالتحديد ممكن تعمل فيا أنا كدا، ولكن الواقع بيقول إني هنت عليهم، الغريب إني مش عايز أعاتبهم، مش حابب أقف قدامهم تاني ولا أبص في وشهم،
روحت بصيتله كده وقولتله تصدق لسه مخلصتش من عندي اصله كان جايبلي كتير بكره هجيبلك منها وهجيبلك مصاصه مع ابتسامه سمجه كده زيه
و الحقيقه معرفش هو ليه كان قاصد يقول كده بس مبسوط اني رديت عليه و هو حسيته متضايق اصلا مني مش فاهم ليه و انا اصلا مش ناقص قرف و وجع دماغ يعني 🌚😑
الشيء اللي بتشوفه سهل وارد يكون بيقطم ضهر غيرك والموقف اللي أنت مقتنع إنه ما يستحقش الزعل هتلاقيه مبهدل حد ماتعرفوش نفسياً
والسبب؟
ان إحنا مختلفين نظرتنا للأمور وحكمنا عليها مختلفة قدرة تحملنا مختلفة
تعاملنا مع المواقف مختلف تأثير الظروف علينا مختلف و ردود أفعالنا مختلفة عن بعض
الحضن هو الحاجة البشرية الوحيدة الي مينفعش تتزيف ممکن حد يسلم عليك من غير م يكون بيحبك ممكن يضحك ف وشك احتمال يهزر معاك ينفع بس يحضنك حضن يحسسك إنه بيحبك أهو ده الي مستحيل الموضوع زي م يكون الحضن ده عامل زي البصمة بس دي بصمة روح
والبصمة دي مش بتتزيف أبدا ولا ينفع نتحايل عليها
انا دايما بلاقي نفسي هنا بحس اني انا اللي بكون محتاج اعمل ده علشان ابقي مبسوط اكتر منهم مش هما بجد و في كل مره برجع البيت و انا مبسوط بشكل مش طبيعي زي النهارده كده مش عايز اسيبهم و امشي خالص الحاجه الوحيده اللي لما بعملها وانا متضايق بعدها بكون كويس جداً ♥️♥️🐶😍
فيه جملة عظيمه بتقول :
" If you don't belong, don't be long "
يعني لو محستش بقيمتك في المكان اللي أنت فيه أو عند الشخص اللي بتحبه لا تكمل ولا تطول وأنت عارف انك مش فارق لأن كل يوم بيمر بيستنزف من وقتك وروحك ونفسيتك وعلى المدى البعيد بتتحول لذكريات مؤلمة وبتقعد تطاردك للابد.
الانسان مهما حاول يعافر لوحده بيرجع ويسَلِّم بفكرة إن " الإنسان لازمله وَنَسْ "
مهما كنت قوي ، برضو انت محتاج حد معاك وجمبك وبيشاركك كل حاجه بتعملها لأن ساعتها بيكون عندك الشغف انك تكمل الحاجه دي وتحبها ، بجانب ان الحاجه دي بتكون فعلا مختلفه بوجود " ونيس " ليك معاك خطوه بخطوه.
كنت حابب أقول إن مش كفاية شخص يحبك علي قد ما كفاية يكون مريح و جميل،
إنه يفهمك يسمعلك يفتقدك يحتويك يستوعبك و يقدرك، و الأهم من ده كله أنه مايخذلكش وانه يكون مطمن قلبك طول الوقت و روحك هاديه و مطمنه في وجوده وانه مهما يحصل او يكون هيفضل موجودلك هنا ♥️"
في برفيوم معين بحبه أوي كان عندي وخلص للاسف و بقالي شويه بدور عليه ومش لاقيه
ف لاقيت اختي بتقولي
" بطل تدور عليه ف كل مكان تروح فيه وانت تلاقيه "
وللحظة حسيت إني نسيت إننا بنتكلم عن البرفيوم وقولتلها وده لحد إمتى؟
اللي هو ليه كل حاجة بتيجي فعلاً لما بنبطل ندور عليها مش فاهم بجد
بلاش ادعاء مثاليه فارغه علشان مش كل الاذيه بتغتفر ربنا نفسه مبیسامحش في ظلم العباد لبعض غير لما اللي اتظلم يسامح في حقه الاول وللاسف لو مسامحش ف التاني بيشيل ذنب اذيته وظلمه عادي جداااا لانه كان مدرك و فاهم هو بيعمل ايه كويس لما كان بيأذي الشخص ده
شكل القمر حلو جدا النهارده والسما شكلها صافي و جميل دايما لما بشوف القمر شكله كده بفتكر ماما زمان لما كانت بتقولي انا واخواتي لما تشوفوا القمر كامل ومنور السما كلها وشكلها حلو وصافي بالشكل ده بوسوا بعض واحضنوا بعض جدا انا لحد دلوقتي مش عارف ليه كانت بتقولنا كده 1
انا لما بنزل الشغل بعد كل اجازه بفضل اقول لنفسي هو ليه مينفعش امي تيجي تاخدني من الشغل بدري وتقولهم مش هيجي بكرة علشان رايحين عند خالته مثلا بجد هو ليه مبيحصلش كده مش فاهم يعني 😑
علي قد ما بقيت شخصيه شفافه، مثقفه ، لذيذه بتقرا وبتكتب و بتعرف تلبس في مستوي كويس الحمدلله متصالح مع نفسه و اختیارته غلطاته
انا بعكي وقرفي و مشاكلي اكبر من نظرك القصير الي مش جايب غير عيوبي ف قبولك ليا زي ما انا مش عمل بطولي بل المنطقي و الطبيعي. اياً كان مكانتك في حياتي اصلا 🤷🏻♂️
Of my favorite movies
السلم والثعبان ٢٠٠١ 💙
بحب الفيلم بكل تفاصيله بكل الاغاني الي فيه بكل حاجة حرفيا و دايما بحب اشوفه من الوقت للتاني حقيقي
And the only fake thing is end
الدنيا ضاقت علي كل الناس وحقيقي لو انا او غيري الحمدلله قادرين نكمل و عايشين و مع ذالك بنشتكي من الاسعار و كل حاجه حوالينا ربنا يهوينها علي كل الناس عموما والله يكون في عون الناس الغلابة في الايام دي
اللهم فرج هم العباد و أصلح الأحوال وارزقنا من واسع فضلك و كرمك يا الله ♥️
الوضع صعب وسئ جداً لأبعد الحدود...
ياريت الناس تهون علي بعضها
لو انت مدير راعي اللي تحتيك علشان خاطر ربنا مش اكتر
لو انت دكتور جامعي راعي الطلبة علشان خاطر ربنا مش اكتر
لو انت مسئول راعي الناس علشان خاطر ربنا مش اكتر
لو انت اب او اخ لعروسة راعي العريس وخف عليه علشان خاطر ربنا
سمعت مره حد بيقول "قسوة الغالي بتوجع"
ودي مش جمله ولا مجرد كلام لا دي اكتر حاجه حقيقيه في الدنيا فعلا قسوة الغالي بتوجع يمكن لما بتحصل من اي حد غريب مش بنتاثر ممکن نزعل يوم ولا اتنين وخلاص
الجوع العاطفي بيتسبب في قرارات كتير غلط كانت ممكن متتاخدش اصلا من البداية لو الإنسان شبعان عاطفة من الطفولة .. آه دي مصيبة لو الإنسان متحضنش وهو صغير مش ضحك وكده بالمناسبة يعني!
فيه اللي بيستحمل مليون خبطة وفيه اللي من خبطة بينخ ويدخل ف دوامات
لا الأولاني بطل خالي من الخدوش رغم اللي مر بيه
ولا التاني خيخة مش راجل وضعيف ومش هيرجع بكره قوى
مش مطلوب من الكل للكل غير شوية "لطف" و"استيعاب" يهونوا الأمور ويسهلوا الصعب ويساعدوهم يكملوا
"خير القلوب احناها 💙"
انا بنبهر من كل حاجة الحمدلله مفقدتش القدرة علي الانبهار السريع الساذجة دي
رغم كل القرف الي الواحد بيشوفه في حياته وحياة الي جنبه يعني من مشاكل و عك ف كل حاجة عموما ف الحياه كلها
بس الحاجة الوحيدة الي بتفشل تبهرني كل مرة هي وساخة البني آدم
ليه بقي بتفشل تبهرني !؟
لما اى حد بيقولي على علاقته بشخص اذاه ويقولي يارتني كنت شخص وحش معاهم من الاول
بقوله لا طبعا دي حاجة جميلة انك كنت شخص كويس لانه على الاقل ربنا هيردلك الخير اللى عملته في صوره حاجة تانيه
ف دہ تذکیر ليكم ياحبيايي بردو انت مش هتندم انك كنت شخص كويس بس هتندم لو كنت شخص وحش ..
في مثل مصري قديم بيقول :
" شاريك، بس مش بايع نفسي" يعني أنا شاري قربك وحبك وقلبك ، بس أول ما تحسسني إن أنا مش فارق معاك أو مش ضمن أولوياتك واهتماماتك هسيبك وامشي لأني ببساطة كده ماعنديش أغلى من نفسي وبس كده يعني ♥️🤷🏼♂️
عندي واحد صاحبي اهلوا مصممين انه يخطب وهو حاول يرفض قبل كده كتير و المره دي مفيش اي فرصه انه يرفض لان البنت اهله يعرفوها كويس واهلوا حطوه قدام الامر الواقع والمفروض انهم حددو ميعاد علشان ينزلوا يشوفوا بعض هو وهي ياريت تقولوا نصايح يحاول يطفشها بيها لانه هو مش حابب الموضوع خالص 🙋🏻♂️
الـ Signs يا جماعة .. إياكم وتجاهل الـ Signs .. يا هاتقصر عليكم طرق مالهاش لازمة وتوفر عليكوا وجع قلب و تعب سنين و مجهود و طاقه يروح علي الفاضي بالمره و في الاخر هتلاقي نفسك خسران نفسك وكل حاجه بالمره
يا هاتمشيكم في طرق عمركم ماكنتوا تتخيلوا انكم ممكن تمشوها.🤷🏻♂️
بكون عايز افضل حاضنه جامد اوي والحب اللي جوايا والمشاعر الحلوه وقد ايه هو واحشني ده كله بكون عايز اخليه يوصله بس من غير كلام يوصله من الحضن ف سلامي وبس واغمض عيني ابوسه من رقبته واتنفس رحته🫂💙
لما بيلمسني حد غريب حتي لو بدون قصد بنكمش بكون عايز اختفي من المكان كله ومش طايق نفسي