في ٢٠١١ و ٢٠١٣ احنا قررنا نحفر تفريعة للقناة مالهاش لازمة و قررنا نبني عاصمة جديدة فيها جامع كبير و كنيسة كبيرة و بنينا مدينة ساحلية في الجلالة و ربطناها بمدينة ساحلية كلها ابراج في العلمين .. ده غير فضلة خيرك الغواصات و الطيارات و اللعب اللي دايرين نشتريها علشان نحارب العدو 👾
اللي بيحصل في #جزيره_الوراق اهم بكثير من خناقة تنتون و تنتن و استقالة طارق عامر . الفيديوهات مخيفة و شبيهة بفيديوهات الجيش الصهيوني في غزة. ماينفعش اهل بلد واحد يعملوا كده في بعض . عار علينا
الله يرحم شهداء ماسبيرو. الله يرحم شهداء محمد محمود. الله يرحم شهداء احداث مجلس الوزراء. الله يرحم شهداء مذبحة بور سعيد . مصر فقدت كثير من اولادها.. شباب ما عاشوش عمرهم و لا حققوا احلامهم
ابراهيم كان عاوز يشتري مقص و لما يقابل ست كاشفة شعرها يقصه
ابراهيم انفصل من شغله و اترحل من الإمارات مقر عمله.
ابراهيم يتعلم بقى يتحمل مسئولية اللي بيكتبه و يخليه في حاله و يعرف انه اللي اقترحه جريمة مش هزار
في راجل انتحر علشان مديره اصر يرفده و هو محتاج و مستحق له مكافأة في فبراير. الراجل رمى نفسه من الشباك في الدور الثالث و مات. المدير ده حيعيش مع نفسه ازاي؟!!
سناء اتصورت مع بيلوسي .. لا حد صرخ و قال الله عليكي يا سنسن و لا جامدة يا برنسيسة و لا اوبااااا بيلوسي ماسكة كتاب علاء متصورة بيه … سناء وصلت الرسالة و حتواصل جهدها علشان اخوها
شغل الديماجوجية للعيال اللي ما تربوش بتوع انجچها يا ريس .. عيال اتعودت تقف على الناصية تتحرش و ترازي
حد يعرف الناس دي بتتحاسب بالحتة و الا باليومية و الا ايه؟ و بعدين هل عندهم دورة تدريبية بيتعلموا فيها ازاي يعملوا حسابات متعددة؟ و على كده العملية جايبة همها؟
الدكتورة ليلى سويف:
بعد يوم او اثنين او ثلاثة على الاكثر سوف تنتهي المحنة التي يمر بها علاء. لو اطلق سراحه سوف يكون حرًا و لو مات سوف يكون حراً
#FreeAlaa
#COP27
#Egypt
في اسماء ٨ رجال متهمين باغتصاب جماعي اتنشرت على فيسبوك و انستجرام و في ناس بيقولوا ماتنشروش اساميهم لانهم واصلين و ايدهم طايلة.. مين بيتستر على #جريمة_الفيرمونت و الرجالة دول اولاد مين في #مصر
مع اقتراب انتخابات مجلس الشيوخ - اللي هو مجلس الشورى ٢٠٢٠ .. تساءل البعض عن ايه لزمته و لذا وجبت الاشارة الي ان الغرض من ذلك المجلس هو تجنيد و ضمان ولاء مجموعة جديدة من المواطنين "الشرفاء" و شراء ذمتهم لان البرلماني الابيض ينفع في اليوم الاسود و كله على حساب المواطن و تحيا مصر
ضاعت محفظتي (شبه اللي الصورة) و ضاعت بطاقتي و رخصة العربية و رخصة القيادة و كارت شحن المية و صور اولادي و امي و ابويا و فلوس اول رمضان .. اما سألت في قسم الشرطة لو عندهم مكان المفقودات ضحكوا قوي و الشويش قال لي اكتبي على النت .. مش عاوزة الفلوس بس محتاجة المستندات . ١/٢
الدولة المصرية بكل اجهزتها بتحارب علاء عبدالفتاح ؟! لا بجد دولة ايه دي اللي بتحارب سجين مضرب عن الطعام بين الحياة و الموت؟ناس ايه اللي ماسكين في تغريدات عمرها ١١ سنة و ساكتين على عنف الشرطة و التعذيب و انعدام الرعاية الصحية و تدهور التعليم و فشل الدولة بكل اجهزتها.كفاية بقى #مصر
نتيجة الانتخابات الرئاسية محسومة و البلد حالتها الاقتصادية سيئة فياريت نوفر الفلوس و الوقت و المجهود و نلغي الانتخابات .ماعندناش فلوس نبعثرها على مسرحية سخيفة و يلموا فلوس من اصحاب الورش و المحلات و تبرعات بالعافية من رجال الاعمال و مصاريف على شبكة البلطجة .. بجد مالوش لازمة
صحيح مصر نشرت صور المسئولين عن اعمال البلطجة في نقابة المهندسين و تم التعرف عليهم بتقنية التعرف على الوجوه
١. ايهاب العمدة عضو اللجنة العليا لحزب مستقبل وطن
٢. محمد عبدالرحمن راضي عضو مجلس نواب مستقبل وطن
٣. ابانوب عزيز - مستقبل وطن
٤، كريم جمعة- مستقبل وطن
عودة الحزب الوطني
انا لسة مخلصة قراءة قرار اتهام مننديز و نادين و وائل حنا و كل التفاصيل بتاعة الذهب و العربية المرسيدس و الرشاوي الخ عدت عادي ..شركة اعتماد الاغذية الحلال خلتني اضحك بصوت …ده مش شغل اجهزة مخابرات.. ده افيه في فيلم عادل امام كاتبه وحيد حامد . دي تفاصيل دراما اقوى من طيارة زامبيا
#israel
has killed as many children as all victims of 9/11 attacks.. and has killed in two weeks six times the number of children killed by Russia in 18 months.
Why is the world turning a blind eye to the Israel war crimes and
#GenocideinGaza
اسرائيل قتلت اطفال بس في اسبوعين اكتر من اجمالي عدد ضحايا ١١ سبتمبر كلهم من كل الاعمار
وقتلت اطفال في اسبوعين ٦ اضعاف اللي قتلتهم روسيا في اوكرنيا في سنة ونص
استاذ طارق عامر قعد على الشيز لونج .. كويس علشان يلحق اسبوعين في المصيف .
الحقيقة انه مهما غيروا من افراد مافيش مخرج من اللي احنا فيه. الديون حتفطسنا و محتاجين معجزة مش تغيير وزاري و عزل محافظ بنك مركزي
لاعب كورة مؤيد للرئيس ضرب و شتم صحفية معارضة للرئيس في الشارع في برلين فصاحبه فخور به وبيقول عليه دكر و هو و اصحابه بيمدحوا الدكر المصري و بيقولوا كان لازم يغتصبها و يضربها و هو ده وصف " الدكر المصري".هي دي تربية اولاد النظام . احمد ناصر بيقول انه اللواء محمد ابراهيم ابوه الروحي
حد يعرف الناس اللي بيشتغلوا "لجان" بيتحاسبوا ازاي. هل بالشهر و الا باليوم و الا بالكلمة او التغريدة؟ في منهم يكتبوا اكثر من ٩٠٠٠ تغريدة في السنة (اغلبهم ردود ) بمعدل ٢٤ تغريدة في اليوم !
صورة هشام قاسم في المحكمة النهارده بتحكي حكايات ..
الامنجية و اللجان يهيصوا و يطبلوا و يزمروا براحتهم. ده بني ادم حر و محترم ابن ناس محترمين و هما ارخص من التراب اللي بنمشي عليه
#هشام_قاسم #الحرية_لهشام_قاسم
بعد ما سمعت تسريبات عبدالرحيم عل�� عرفت قد ايه هو بيحتقر نفسه و بيحتقر اللي مشغلينه .. ده بيقول انه اعلى من البلد بدولتها .. فوق الدولة بنيابتها و قضائها و قوانينها و رئيسها مايقدرش يقرب منه و مع ذلك بيتفاخر بخدمتها ... جنون والله. #عبدالرحيم_علي فوق القانون
@hossambahgat
المخيف في الردود اللي جات على الثريد من رجال معترفين انهم كانوا متابعين افلام الطفلة الضحية و دلوقتي عاوزينها تنال "عقابها" .. مين حيعاقب الرجال اللي بيتفرجوا على افلام يستغل فيها اطفال؟
عيب على اي صحفي او اعلامي عرعور شغال عند وزارة الداخلية يقول اي كلام من غير ما يتحقق منه. كلام الصحفي و الاعلامي مسئولية و اللي يكتب او يقول خبر كاذب لان الجهات الامنية بتمليه و ترسل له بجهاز سامسونج يبقى شريك في جرايمهم #حياة_في_خطر #علاء_عبدالفتاح
اللي حاصل في واشنطن دلوقتي شبه نزول الاخوان المسلمين للاتحادية لحماية مرسي في ديسمبر ٢٠١٢. العجيب جدا انه المعارضين للاخوان في مصر حينذاك متحمسين جدا للمتظاهرين بتوع ترامب النهارده . المشهد درامي جدا
الفيلم ده على منصة prime TV بتاعة امازون . انصح اي حد مهتم بتاريخ الديكتاتوريات العسكرية في جنوب امريكا بمشاهدته . بعد مرور اكثر من ٣٠ سنة على تلك الحقبة المضطربة في تاريخ امريكا اللاتينية اصبح هناك افلام و سينما ملهمة جدا تتناول مقاومة الفاشية و الانتقال الي الديموقراطية
اللي حيلاقيها يتواصل معايا عالنت برضه و له الحلاوة .. انشروا التغريدة علشان قسم الشرطة قال بلغي اعلنت .لما طلبت اعمل مذكرة فقد طلبوا صور للمستندات المفقودة و ماكانش عندي غير صورة البطاقة 😩 ساعدوني الاقي محفظتي الحمراء ذات الشغل العريشي و ارحموني من المرور و التعامل الحكومي
انا حزينة على تدني مستوى التعليم في مصر . القدرة على التحليل و النقد صفر .. كنت باناقش شاب النهارده و كان بيقول لي ما انتم شفتم بروباجندا و اعلام الصوت الواحد في عهد عبدالناصر.. قلت له كانوا متعلمين. بتوع اليومين دول نتاج عهد مبارك ماتعلموش
ذكرى هزيمتنا في ٥ يونيو هي من أكثر الذكريات ايلاماً بالرغم من حداثة سني وقتها الا انها كانت المرة الاولى التى بكى فيها ابي امامنا … رحم الله كل الذين ماتوا في حروبنا المتتالية مع الكيان الصهيونى
اتوجه بالتحية لمؤسسين صفحة
Assault Police
على انستجرام
لانهم فضحوا المتحرشين و المغتصبين و شجعوا الضحايا انهم يتكلموا
انتم خلقتوا آلية للابلاغ عن حوادث التحرش و الاعتداء الجنسي و بكده انقذتم ستات كثير
شغلكم مستمر على عشرات الصفحات
الف شكر .. انتم ابطال #جريمة_الفيرمونت
موت #طنطاوي قلب علينا اوجاع كثير .. فكرنا بكل الشباب اللي ماتوا في احداث ماسبيرو ولمحمد محمود و مجلس الوزراء و مذبحة بورسعيد. ربنا يرحم شهدائنا #المجدللشهداء هو كان راجل مسن و مريض الموت له رحمة. هما كانوا في عز شبابهم و عندهم احلام ماتحققتش..
انا سافرت ٧٥٠ كيلو علشان اخذ الجرعة الثانية من التطعيم علشان يجيلي رسالة النهارده انه ميعادي اتأجل ١١ يوم ! شكرا لوزارة الصحة … انا مش حاموت من الكورونا. انا حاموت من الضغط. الجرعة الثانية من #استرازينيكا مؤجلة و ماحدش قال لنا ايه اللي بيحصل
الحمدلله ماهينور خرجت من السجن و حتعيد مع عائلتها
انا حاطير من الفرحة و بادعي فرحتنا تكمل بخروج باقي الشباب
احب بالمناسبة دي اتوجه بالشكر للاستاذ محمد انور السادات اللي حقيقي ما بيتأخرش ابدا على مساعدتنا في التواصل مع الحكومة و ما بيبخلش بوقته علينا و ما بيشتكيش مهما زنينا عليه
اللي يصور طفلة و ينشر افلامها و يتربح من ده مجرم .. و اللي بيتفرجوا على الافلام شركاء في الجريمة. العجيب انهم بيتفرجوا و بعدين يدينوا الطفلة و يطالبوا بمعاقبتها.
مؤكد انه الفنانة ليلى عز العرب ماتعرفش حاجة عن شغل المبادرة المصرية للحقوق الشخصية و لا عمرها اطلعت على ابحاثهم و تقاريرهم المنشورة على موقعهم. هي ست كبيرة لطيفة و متصورة انها بتخدم بلدها من الحتة الضيقة جدا اللي هي متعاملة معاها.
كمال ابو عيطة كان مناضل عمالي و اصبح جزء من النظام لما كان وزير و جاب البوليس للعمال المتظاهرين و اصبحنا جميعا نتوقع منه سلوك التابع للنظام .. النهارده تلاقت مصلحته و مصلحة النظام و صدر حكم بحبس #هشام_قاسم لانه مش بيطبل و لا يزمر و لا تابع لاي شيء الا مبادئه.
اخي الدولجي الامنجي يا اللي بتزعق كثير : بالنسبة للتخابر و التآمر و صاحبك اللي في المخبرات اللي حكى لك و قريبك اللي في الامن الوطنى اللي قال لك و كل الهبل اللي كنت بتقوله و كل الشتيمة اللي شتمتها … ايه الاخبار دلوقتي ؟
#المصالح_بتتصالح #مصروقطروالحب
اتحمست جدا انه المطاعم و القهاوي فتحوا. لبست و جهزت و قلت اروح قهوتي المفضلة .. وصلت لباب البيت و لفيت و رجعت للكنبة و قعدت و انا بالفستان و الشنطة ... على رأي المثل "مئة مرة جبان و لا مرة الله يرحمه" و من خاف سلم
النهارده عيد ميلاد سناء سيف السبعة و عشرين. سناء في السجن علشان في ضابط كذاب و جبان جاب شهود زور و ادعى عليها في قضية هو اللي اجرم فيها. كل سنة و سناء طيبة و مخوفة الفاسد الجبان الكذاب
كل سنة و كل اللي شارك و آمن بثورة يناير بخير
كل سنة و احنا بالصحة و السلامة و البهجة و السعادة
كل سنة و احنا عندنا حلم و بنعافر علشان يتحقق
كل سنة و قلوبنا مليانة محبة
كل سنة و احنا طيبين
#٢٥_يناير
#25January
قرار النائب العام الخاص بالمتهمين في #جريمة_فيرمونت متأخر كام اسبوع ... مين منهم لسة في مصر؟ لكن ان شاء الله يتجابوا بجرائم في بلاد ثانية فيها قانون و عدالة و عقوبات اعلى من سطوة عائلاتهم. و ثاني نشكر Assault Police على كل مجهوداتهم
هو الاغتصاب الجماعي مش بينال من قيم الاسرة المصرية و عادات و تقاليد المجتمع المحافظ المتدين بطبعه؟ هي #جريمة_الفيرمونت ما خدشتش حياء النيابة و جرحت مشاعر القضاء زي فتيات التيك توك؟ اخص على ده مجتمع
#RIP_Amr_Fahmy
. Amr passed away after a long struggle against cancer. He is survived by both his parents, wife and three months old daughter. May he be in a better place. He will always be in our hearts.
I watch comedy shows every single night before I go to sleep because it makes me sleep better…. Now this is the best, most meaningful show I’ve seen in a long time .
Check out “Hasan Minhaj: The King's Jester” on Netflix
النهارده جلسة الحكم في قضية #هشام_قاسم
هشام قاسم هو الناشر اللي اصدر جريدة المصري اليوم و قبلها جريدة كايرو تايمز و عضو سابق لمجلس ادارة المنظمة المصرية لحقوق الانسان. تقدم كمال ابو عطية ببلاغ للنيابة يتهمه السب و القذف علشان نشر خبر عنه من جريدة الاهرام
#الحرية_لهشام_قاسم
حسام بهجت كاتب ثريد عن قضية فتاة من مواليد ٢٠٠٥ يعني لسة ماتمتش ١٨ سنة بتعريف القانون طفلة .دخل مجموعة من الرجال اللي واضح انهم بيشاهدوا افلام استغلت هذه الفتاة يهزأوا من حسام و دفاعه عنها معترفين ضمنيا انهم متابعين افلامها .الرجال دول مجرمين سبب المشكلة لانهم يشاهدون افلام اطفال
بكره هنقف قدام محكمة النقض في محاولة اخيرة ونهائية للافراج عن طفلة مواليد ٢٠٠٥ اتقبض عليها من سنة ونص علشان الشرطة لقت لها صور ومقاطع خادشة للحياء على الانترنت لكن بعد القبض عليها اكتشفت النيابة انها طفلة وان معندهاش تليفون اصلا وانها ضحية ومجني عليها في جريمة استغلال جنسي /١
فرحة العيد ناقصة ... ناس كثير محبوسين و مش معيدين مع حبايبهم
عيدنا ناقصه علاء عبدالفتاح و خرم و وائل عباس و شادي ابو زيد و احمد زهرة و شادي الغزالي حرب و احمد دومة و جمال عبدالفتاح و ياسين ... ربنا يهون عليهم و على اهلهم
#العيد_الكبير