انا في حاجة مؤمنة بيها انو ماف وقعة ما بعدها قومة الا تموت بس! غير كدا دايما في امكانية انك تقوم مهما الوقعة كانت حارة وكسرتك وقعدتك كتير مصيرك تقوم (لو عايز)
الحاجة المفروض نعرفها ان حياتنا دي بورصة بتلقى اسهم رفعت واسهم وقعت وهكذا.. الحاجات ما بتظبط كلها ولا بتنهار كلها!
لاقانا ارتكاز جيش قال لي البسي طرحتك 😂😭
قلت ليه جدا لكن بتحميني لو لبستها؟
ف ناس البيت اتوترو واعتذروا وغيرو ليه الموضوع سألوه من الشارع 😭 رد ليهم ومشانا
جد جد هل دا الوقت انك تحلق للاولاد شعرهم أو تقول للبنات البسو طرحتكم
وتمارس غباءك فينا ،شعرنا اهم من حياتنا عندكم؟
مشيت حفلة لود الأمين مرة واحدة بس في حياتي كنت مع اخوي وصحبه وغنى سوف يأتي لما وصل "يا نديمي" اخوي حضني كان مبسوط شديد..
ف هسي لا هو ولا ود الأمين
باقية الأغاني تذكرنا
عليهم الرحمة والسلام اجمعين
يخوانا انا ما متأكدة الشباب ديل من النيل الازرق ولا الغرب لكن عاجباني فكرة تعبريهم عن الحب العلنية والجميلة دي، ناس الوسط والشمال ليه ما كدا؟؟؟ المشكلة شنو في الشريحة الشمالية دي ليه معقدين؟
دا الفيديو التاني لإنسان النيل الازرق او جنوب غربي السودان يكون قمة الجمال!
اركويت الان 3:35
مرور تاتشرات جيش والاطفال والناس في الشارع مرددين "جيش واحد شعب واحد"
امال عريضة على جبينهم وثقة كبيرة في الجيش رغم كل شيء
يارب ما تردهم خائفين مزلولين يارب ما تطلعهم من بيوتهم ولا اوطانهم
حكيت ل ابوي النكتة دي يخوانا
"في واحد مشى المطار ومعاه عصفورة فمنعوه يسافر بيها فمشى الحمام فتح بنطلونه ودخلها ونسى يقفل السستة المهم قاعد في الطيارة بياكل كدا وقعت منو فتافيت اكل ف الطيرة طلعت تاكل الزول جنبو قال ليه يا زول تقول مجنون مسطول اي شي لكن والله بيضاتك فقست😭😭"
لما اشتغلت في المعسكر الزولة دي كانت من المترجمين (عربي - تقراي) زولة ممتازة وطموحة ابوها سوداني امها حبشية جو المعسكر يزورو حبوبتهم وقامت الحرب وما قدروا يرجعوا،، حرام زولة زي اسلام تندفن في المكان داك اتمنى يجي يوم وتحقق احلامها وتطلع من بؤرة الضياع دي
Sudanese student and
@bts_bighit
fan Islam Mubarak yearns for peace at home. Her admiration for the South Korean band inspires her while she waits for peace to return to Sudan.
انتو با شباب ماف سودانيين هنا في القاهرة عاملين تجمع انو الناس تجمع تبرعات للسودانيين البيتعالجوا في البلد دي ، من رحلة علاج ابوي سألت روحي ان الناس دي كيف مجازفاها
ف لو في حاجة زي دي لموني فيهم و لو ماف ارح نعمل حركة زي دي ونساعد الناس دي!
احتفالات كبيرة جدا في شوارع مدني توحي بالنصر حسب ما تناقله الاهالي من حي الانقاذ حيث ابتدأت الزغاريد، ربنا ما يرد لينا فرح ولا يحول زغاريدنا بكاء
الرجاء اخذ الحيطة الى ان يتكرم علينا الجيش ببيان النصر، وجود الاطفال والناس في الشوارع مع ضرب رصاص النصر دا خطر يخوانا
الحمدلله رسمي اتقبلت في الشغل، فترة صعبة مرض الوالد و سترس الحياة الجديدة دي في وسط كمية من الظلام دا كلو الحمدلله خبرين حلوين شغل و كاد طلعت لمكان آمن ، الحمدلله حتى يبلغ الحمد منتهاه والله
الواحد فخور بنفسه انو قدر في ظل الضغط دا كلو ينجز ويقدم حاجة لنفسه وأهل بيته
بخصوص الضجة الحاصلة في موضوع مأمون!
ما حننسى انو كان بيخفف الكيماوي لمرضة السرطان
ما حننسى العملو في الطلاب فترة المظاهرات
ما حننسى احتواء جامعته للدواعش(سوء إدارة)
*شخصياً ما ح انسى ادارة مامون وقوانينها الفاشلة لما اخوي الله يرحمه كان مريض عندهم ومعاملتهم لينا في وقت صعب!
في زيادات هائلة في أسعار المستشفيات الحكومية المبالغ الكانت رمزية بقت ضخمة جداً حتى لمواطن من الطبقة المتوسطة فما بالك عن دولة نصها محشور في خط الفقر و الباقي تحته و١٠٪ في المية بس اللي فوق خط الوسط.
يخوانا الحمدلله الليلة قدرت اعمل انجاز ممتاز وهو اني بعد فترة طويلة من النقة قدرت اقنع اي زول في البيت وبالذات اخوي و مرته انو ولدهم محتاج طبيب نفسي من تأثير مشاكلهم وانو ما محتاج كورسات ولا حيتحسن اكاديميا الا لو اتعالج نفسيا وفعلا الليلة وديناه وحيتعرض على طبيب مختص الحمدلله
اوكي صباح الخير انا ياداب صحيت
الوضع في مدني كالآتي:
طيران و اصوات مدفعية قوية تسمع بكل احياء مدني بوضوح
على ما يبدو دخلو من الغرب برضو لأنو في اشتباك ناحية كبري البوليس و الاحياء القريبة (الكريبة والاندلس و السوق الشعبي) الاصوات جنبهم قوية لدرجة اهتزاز المنازل
نتمنى السلامة
أسرة كاملة لمت العندها ومشو زاروا ولدهم في المقابر و استودعوا بيتهم لله وطلعوا على أمل يرجعوا في يوم قريب وعيونهم مليانة دموع.
اي ديل نحن والواحد حزين جدا على الخرطوم على سماها المفارقها في الظرف دا
على اصحابوا الخلاهم وراهو.
يارب سلم الخرطوم و اهلها
يارب تضحك سما الخرطوم قريب
كيف يعني دا يعتبر خارجية؟
كلام في غاية اللطف ومحترم وحلوين شديد، ولا التعبير عن الحب والامتنان في العلن يعتبر خارجية؟
لا هو ما خارجية لو عملها خواجة ولا لبناني لكن انت اسود الحب ليك شنو ولا ما كدا يا مثونة!!
ما عارفة اقولها ليكم كيف لكن ماما مشت معاي الانترفيو و هسي ماشة معاي اول يوم في الشغل الشغل كنوع من السبورت ، لسة لما تمشي معاي بتقطعني الزلط اظن لي لسة شايفة انها مودياني الروضة اوالمدرسة 😂❤️
طبعا ثقتها فيني زيرو في قطع الزلط (معاها حق أكيد) لازم تعاين كويس لو انا قطعت اول😂😭
طرق امنة للخروج من سنجة وسنار
قرى آمنة
زول عندو مقدرة يساعد بعربيته
يفتح بيته
#حوجة_سنجة
#حوجة_سنار
العندو اي حاجة مما ذكر اعلاه ياريت يساعدنا بيها يختها تحت التويت دي وكلنا نرتوتها على اوسع نطاق
اللهم احفظ البلاد والعباد
يخوانا انا قررت اكسر الحنك جد جد وانوم والصباح رباح
الوضع في سنار حاليا الساعة 1:30ص : ماف ضرب الحمدلله حاليا
والشوارع فيها حركة عساكر كتيرة لكن ما تفهم جايين من مدني ولا ديل بتاعين هنا
في حركة مواطنين لكن صعب تفرق بين الجايي من مدني و الجايي من سنار
نشوف الصباح بتضح الرؤى
شديد ياخ الناس كلها راسها ضارب وسايقة بسرعات خيالية في الشوارع و مواتر كمية متجهة على سنار الناس حاولت تطلع قروشها و دفارات بتشحن ناس نفس المنظر لما جو طالعين من الخرطوم
والله يخوانا ما قادرة احدد لكن الصنف البتاخدو الزولة دي عابر والله، لكن اعيد و اكرر هي سمحة ف الناس بتشوف الفيديو ع الاقل لغاية نصه او بعد النص بشوية عشان سماحتها بس
@Dadd_baguette
@tsabeehgasim1
@AbdullahMoursi
المشكلة في صاحب البيت الجشع اللي طردك منه عشان يستغل سوداني لأنه مضطر وهيدفع عشان معندوش حل تاني لو رفض صاحب البيت هيشوف غيره وهكذا
ربنا يسهل امرك و امرنا، عمرنا ما كان على بالنا يحصل دا لا نئذي ولا نتئذي بس اهو طمع البشر في كل حتة هو اللي بيخلق النوع دا من المشاكل
@TheUnrealRay44
Trigger warning ⚠️
تويت اعتذار
من كم سنة انا غلطت في تقييم الأمور لما ريان طلعت في افضح متحرش و حكت قصتها وانا اخدت سايد المتحرشة لأسباب كنت وقتها شايفاها منطقية او كنت في موقف حيادي في الأول.. الحياة ورتني موقف من كم يوم خلاني اعيد حساباتي..
يخوانا مهم جدا جدا🛑🛑🛑🛑🛑🛑
ما رتويت ساي اي زول يشوف لينا زولو واسألوا لينا باقي الليل دا بالله عايزة سكة من الدمازين للقضارف غير طريق الدندر عشان الكبري مقفول من سنجة
#ريتويت
#حوجة_عاجلة
وردي قال في الشوق :
"زي وطنًا وقت اشتاقلو برحل ليه من غير زاد، بدون عينيك بصبح زول بدون ذكرى وبدون ميلاد"
تعالوا نشوف ود الامين قالها كيف:
" وقت اشتاق أرحل ليك و اسرح في عسل عينيك"
طيب ماف زول عايز يسأل عن الفي السودان بيعملو شنو؟
عايشين كيف ؟
لاقين شنو وفاقدين شنو؟
بيواجهوا شنو؟ مرعوبين ومقلقين ؟
ما تبطلو تفاهة وخلو ميتين ام الناس في حالها الله لا جاب باقيكم ياخ
هسي يخوانا عايزين نعرف عشان الناس ما تجوط.. الناس الطلعت من الجزيرة في الايام الاخيرة دي
ممكن تكتب لينا طلعت بياتو طريق لياتو مدينة وهل كان آمن ولو نسبيا
عايزين نحدد الطرق الامنة في التويت دي عشان حتى الاسئلة ما تتكرر ويطون عندنا ليها رد سريع يخلي الناس تتخذ قراراتها
#ريتويت
الحياة بتحب الخيارات شديد، مستحيل تديك الحاجة من غير ما تخليك تختار بينها وبين شي تاني مستحيل تكون مبسوط تماما بالحتعمله لازم تكون سبت عشانه حاجة او ضحيت مقابله باحساس معين
الحاصل في الشبكة كالاتي : الدعم السريع مسيطر على المحطة الرئيسية في جبرة فاصلين المولدات عنها والسبب الرئيس انهم خاطبوا زين قبل كم يوم انها ترجع دارفور وزين فعلا بدت في دا نيالا رجعت وكانوا ماشين تمام لكن الدعم السريع بكل عنجهية و فوضى قرر انو لا زين ما عايزة ترجع دارفور ففصل كله
يخوانا شكرا لأي زول رسل وفقدني انا الحمدلله بخير الواحد خسر اي شي والله ما بين نكبة الخرطوم و مدني💔 لكن عايشين بس لسة،
اليومين الفاتو ديل كانوا صعبين شديد وما كان عندي شبكة نت او اتصال
شكرا ليكم
اهل تويتر الناس الما نبعرفهم ولا بيعرفونا لكن ياما سندنا بعض ووقفنا بكلمتين في محلهم او ريتويت لحوجة او DM حلو غير مزاجنا،، كل عام وانتم بخير ربنا يحقق امانيكم يا شباب و القابلة زي ما تشتهوا ، ربنا يحفظ بلدنا واهلنا .. عيد مبارك عليكم
يا جماعة عايزين لينا بيت في السليم قريب لي دنقلا ،غرفتين وصالون مثلا وياريت الحمام يكون معقول عشان عندنا زول كبير في السن
#ريتويت الموضوع دا مهم شديد لي بصورة شخصية
دا كان اصعب خبر يمر علي من بداية الحرب، و هسي شريط الهروب من مدني كلو في عيني وقادرة اتخيل كمية الناس اللي حتمر بنفس المعاناة
ماف مكان آمن في السودان
وكل الدول تقريبا قاعدة تقفل واحدة ورا التانية
دا الجايب لينا الكلام!
ليه قررتي تتدخلي في اختيارات و اذواق زول ما قال اي كلام مؤذي افتكر كلامه دا من حقه انه يقولوه ما مشى جاب صورة بت من طرف و جا اتغزل او حتى قال ايحاء جنسي! ف ليه!
رجاءً احتفظوا بالفارغة لنفسكم عشان بتأذوا سمعة حركة كاملة انتو بتتبنوها وبتمثلوها أحياناً!
"والمأساة الأعظم انك تعيش بهذه البلاد، حيثُ لا حياة ولا موتَ كما يفترض بالموت أن يكون، ولا الشباب كما يجب أن يكون، والهرم كذات حاله.
ما الأكثر ظلماً من أن تولد مُحارباً بحربٍ دون سلاح؟ أن تترعرع بإنسانية مسلوباً شهيقها، مُختنقة بمشنقة الجلادين قانونياً ووفقاً للدستور."
فيديو ابراهيم جماع بتاع الحفلة وهو من الجمهور كان بيغنوا "انا سوداني" بتحاشاه من شهور طويل عديل الليلة قرر يظهر لي و بكييييييييييييييييت قدرتي
والله كل ما القاني لسة "مصاب بحب هذه البلاد" بتخلع
وإن كانت خراباً والله 💔
انا عارفة انك مابتزايد و قلبك موجوع من الحصل ليك ونحن واجعنا لكن جد جد هل شايفين انو نحن كشعب كان في يدنا حاجة نعملها ؟ مسيرات ؟ مظاهرات؟ ولا نتسلح ونمشي دارفور ؟ حاولنا ننقذ وطن بما فيه دارفور شايف براك من ٢٠١٨ بيحصل شنو!
ما لازم نتساوى في الوجع عشان نتساوى في الوطن!
طيب يخوانا لو عايزين نفسر الفيديو دا حقيقي وعلى حسب اللي شايفينه، واحدة ماشة وكمية بتاعت ناس رجال من مختلف الاعمار ماشين وراها، انا متأكدة انها سمعت تحرش لفظي في اللحظات دي بكميات هائلة، ولو ما كان معاها بودي قارد اظن كان حدث ما حدث،
ف انت لو عايز تكلم السفارة كلمها للرجال ديل
يا شباب الفترة الجاية ححاول اجيب ليكم اعلانات الشغل المتاح في القاهرة البلقاها وحختها تحت هاشتاق #فرصة_عمل_القاهرة
بس للعلم اغلب الاعلانات ما حيكون عندي اي علاقة ولا اي معلومة زيادة عن اللي ح اكتبه هنا
ما حجيب حاجة ما عليها رقم تواصل او وسيلة تواصل غير العنوان.
اي زول فينا مفروض يكون عارف ان ماف زول حيفهمو تماماً ولا في زول حيتعامل معاك بالحاجة الفي راسك، الفكرة دي ملغية في السستم دا
ابتداء من أهلك لغاية اي علاقة تاني في حياتك، حتلقى تفاوت نسبي طبعا لكن كان طرت السما ما حتلقى نتيجة مرضية بنسبة اكبر من 77%
"على حسب وداد قلبي"
-عبدالحليم حافظ
تلبية لطلب احدهم في كيوريس كات قبل اسبوع اظن اظن لي انا عارفة هو منو ف سوري ع التأخير و على الجغمسة الفي نص الغنية😂
مشكلة الكيزان عدم الكريتفتي شال تويتة علاء مبارك الكان خاتي فيها صورة ابوه ، و الاسعار دي بالصورة دي اخر مرة في السودان كانت قبل ما بشة يتولد زاتو قوم يا عاطل
صورة فيها اللحمة ب ٤ جنيه و رطل السكر ب جنيه وانبوبة الغاز ب ٥ جنيه وكهرباء شهر ب ١٠ جنيه وفاتورة موية شهر ١٠ جنيه اتمني ثورة ديسمبر المامجيدة تكون اكلتكم وشربتكم
#بشه
عارفين البنات ما بيفلرتو باك كتير ليه؟
1. تقسيم الادوار الاجتماعية ادى الرجل دور الفلرتنق والكلام دا بنسبة اكبر.
2. البنات نادر يكذبو فيما يخص المشاعر على عكس الرجال بيكون شاغل بت في الشارع و في النت وقال لألف واحدة نفس الكلام.. ف من كتر ما باعو الكلام دا بقى عادي وكتير عندهم
ولسة بتقولوا ما نا نتكلم؟؟؟
لسة بتقولوا ما وقته؟؟؟
الحرب بدت اصلا من لما اغت*صبوا اخواتنا ايام المواكب وفي المسجد لما الناس دخلت القصر وغيره... لو نسيتو الحرب بدت متين نحن ما ناسين انو المحطة الأولى كانت أجساد النساء!!
TRIGGER WARNING ⚠️
“Reports of sexual assault attempted on an INGO expat in Khartoum, April 17th.
In the same day near Ozone restaurant in Khartoum, a Japanese woman was raped by the Rapid Speed Forces.”
#أوقفوا_الحرب
#السودان_بلد_غير_آمن_للنساء
#حرب_المليشيات