ابعدت عن درب يوديني البيت
واخذت لي وقت وانا ادوج برا
ماهو تهمل مير حاولت وازريت
نفسي من المجلاس قامت تبرا
من ضيقةً يابدر لاصبحت وامسيت
قامت على حدب الضلوع التجرا
شيلة لحفل تكريم الشيخ مغبش بن سليمان النتاف
وتنصيب الشيخ عواض بن مغبش النتاف شيخً لقبائل معبّد من حرب
كلمات: فهد بن سعدي المعبدي
أداء المنشدين :فهد بن فصلا، ظافر الحبابي
تبين العزايم فالقسى والكفو ينشاف
وسلم على راس اصوكً يحفظ الخوه
يبور الردي في صاحبه والعلوم خفاف
ولافيه لانخوه ولاحوله مروه
لاكن يالضعّيف لو تدابك قدم وخلاف
ترا المرجله ماهي بتاتيك بالقوه
عسى الله يعز ملوكنا اللي تعز الدين
ذرا دارنا اللي كل صعب متزلفته
تصافح يدين وكان غضبت تقص يدين
تنوخ جبابرت الدول ماتأسفته
ولانا لهم باقي ومازالهم باقين
تبيد الليالي والعلم فوق رفرفته..
من لابن عمه على الزله تصّيد
سودالله وجهه ومن كان زيه
ومن يدقر لاقرب صوب المهّيد
هل صحيح انه يبى يرقى طمّيه
فيه رجلً جيد وفيهم جوّيد
ولعنبو راسً ماتملاه الحميه
من ضيقة الصدر فينا اللي مكفينا
عن حذفةً في قفانا لا تعلمنا
شفنا من الوقت ماعفنا وصدينا
البعد عن مايحز النفس لازمنا
واحلامنا مالها مرسى ولا مينا
من وين ماوجهت تبحر معالمنا
احيان نقدر نطول الشمس بب يدينا
واحيان يطرح هوا الغربي عمايمنا
مطلق بن دعيج 👌🏻👌🏻