الأوغاد والحمقى اكتشفوا أكونتاتي ع باقي مواقع السوشيال، فقررت أصيح في مكان بعيد وجديد وأتمنى يفضل هادي في صحبة الناس الوديعة غير الأوغاد وبما إني أعرف نفسي جيدا. فعارفة إني هرغي وهرغي وهرغي هنا..
فإن مررت من هنا
وقرأت كل الرغي
الل ما حبش في الكلية احتفظ بشعوره البريئ بسعادة انتظار الخطوبة وبانبهار أول كل حاجة حلوة مع شخص هيقابله صدفة ويتخطبوا ويحبوا بعض عادي حدا ويجربوا كل حاجة حلوة وأول كل حاجة سوا.*
أسامة الواعظ أقوى وأحلى صوت أدى شعر بجد..
كل مرة هافضل أقول إيههه دااااا!!!
مش قادرة بجد الحلاوة دي كلها في صوت؟
يا رب الحمد لله على استشعاري للجمال دا.
هموت مرة من النسيم الل بيطير ع قلبي من استشعاري لوصف الحب في القصايد والصور المؤنسة.
يا رب عفوك ورضاك ورجل يقدر لغتي في الحب مع العالم. آلا وهي استشعار الأنس والجمال في أشياء بسيطة. ورؤيتي له كما لو أنه مبتغاي من الدنيا كصديق حميم يرمم ما تهالك مني في غربتي بدونه.
:))♥️
الإمام قرأ آيات من الأنعام في الفجر.. وسورة الأنعام هي الأقرب لقلبي..
ليا قصة معاها؛ مرة كنت مكروبة وكان عندي ١٨ سنة صليت قيام بسورة الأنعام وقرأت آية :إِن يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ ۖ وَإِن يَمْسَسْكَ بِخَيْرٍ فَهُوَ عَلَىٰ كُلِّ شَيْءٍ قَدِيرٌ
طالعلي في الميموري دي كنت كاتباها في يوم جالي بانيك أتاك وغلبته بالسورتين الل صاحبوني في كل شدائدي..
فسمعت سورة طه.. والله البانيك أتاك كان هيقتلني دلوقتي فخف جدا من سماع سورة طه.
القرآن صديق إذا صدقت نيتك في عقد صداقة معه. صديق لا يخذلك أبدًا.
أتمنى ما أخذلش نفسي بالبعد عنه.
دارت الدائرة والبنت دعاء العسولة رجعت تستمتع بصحبة القمر وتحكيله عن الحبايب والأوغاد
وأحلى ما في الدايرة الحلوة هي العودة
لحضن دودو؟
والله ما هنسالي وقفتي جنب نفسك..
كل ضحكة حلوة بضحكها من قلبي بحس بحلاوتها مضروبة في ١٠٠ علشان جربت أيام مكنتش قادرة أتنفس فيها.
جميل التعافي..
أديلي من أولى كلية مستنية أتخطب علشان عيديه خطيبي الل إن شاء الله هيكون كريم ويديني عيدية عسل زيه كدا 🥰😂
وكالعادة برضو مستنية أقسمها مع رحمة وأميرة أو هو يطلع جدع موت ويدي رحمة وأميرة عيدية مرضية 🥰😂
الكيان عامل الفيديو مخصوص إمعاناً في إذلال وإهانة السيسي وجيشه
🔻بيقولهم أدينا عدينا المنطقة د و دخلنا معبر رفح وكاتبين "البوابة المصرية"
🔻ودخلنا بالدبابات في المنطقة المحظورة وعلها علمنا ورمز بلدنا
🔻و مردغنا معاهدة السلام بتاعكم في الطين
🔻ولو فيكم راجل يتكلم يا جيش مصر
الل عرفني في سنوات الدراسة عن قرب جدا _ الل هو ولا حد_ عمره ما يصدق تطور شخصيتي من الدبدبة في الأرض للرضى التام عن السنين الصعبة دي
كبرت بقيت ب ٢٤ سنة بجد مش ٢٤ سنا فلصو..
لا أخاف على نفسي من الخسارة والألم فدائما ما صنعا لي منعطفا دلني على الله من جديد
بل الخوف كله من اللحظة التي سيعطيني فيها الله سعادات عارمة يختبرني فيها.. أأشكر؟ أم آمن لدرجة تقسي قلبي.
كنت بعمل سونار النهارده لمريض فى عيادة الكلي ومش لاقية الكلية اليمين سابنى محتارة نص ساعة وبعدين بقوله انت معملتش عمليات قبل كدا؟ ضحك وقالى بتدورى عليها؟ مش هتلاقيها انا مولود بكلية واحدة بس كنت بشوف يمكن تلاقيها زرعت 🤡
زرعت ازاى حضرتك؟؟؟؟
حسيت لما وصلتلها إني وصلت للي عايزاه من القيام من أول ركعة نزلت سجدت ودعيت ورغم إنه كان من المستحيل بالحسابات الآدمية إني أنجو من الضر دا إلا إنه ربنا كشفه وإداني الل طلبته وزيادة..
ختام رائع لليلة دي والله.
التصنع حاجة منفرة
خليك على طبيعتك ما تتكسفش منها لإنها عمرها ما هتكون بقبح التصنع..
بإمكانك تداري حاجات إنت مش عايز تبنها دي خصوصيتك لا تلام عليها
لكن ما تتصنعش وتظهر حاجة مش موجودة..
يجماعة الناس الل تحلم بالرسول لو حكيتوا حصنوا نفسكم من العين بعدها لإن بجد دا رزق كبير جدا جدا. خافوا عليه واحفظوه وصلوا ركعتين شكر لله عليه. كرروها كل ما تفتكروا.
شششفففتتت اللررسسول شششفتتت الرسسولل😭💙💙💙💙💙💙
ححللمتتت فيييهههه، رييحتههه مسسك، حلكت انه طلع عايش وطلع قريب مننا، نزلت اشوف الحديقة وكان فيه ناس كثيرة، جا الرسول وسلم علينا، شافنا واقفين بعيد جا عندنا وسلم علينا (كلام فقط)، كان باقي شباب، نزلت دمعة من عينه وكلنا صحنا
أجمل حاجة ممكن يديهالي ربنا في الوقت الحالي هو صديق يكون شبهي :')) في الدعم النفسي.
وبكدا محتاجين ثايكوثيرابيست أو حد شديد النقاء وشديد الحس المرهف وكثير الحكمة وصاحب بصيرة قوية..
أشطر البنات دودو لسا متعلمة الدرس دا..
يعني طبيعي الإنسان يتعلم فكرة بديهية زي دي وهو عنده ٢٤ سنة؟
كل ما تفتكر إنك كبير في حاجة صغنتوتة إنت مسقطها ترجع تفكرك إنك عبد الله محتاج البصيرة كل ثانية..
اليوم في جلسة علاج طبيعي لي
كانت الجلسة طويلة ومؤلمة قليلاً فكنت استأنس بسماع سورة الأنبياء ل م/ باسل مؤنس رحمه الله
طلبت سيدة كبيرة جمبي إني أرفع صوت القرآن وكانت بتقولي ( صوته جميل أوي الشيخ ده ) أبلغتها أنه توفى فغلب عليها الحزن ودعتله بيقين وحب غريب كأنه ابنها !
كتب كتاب النهاردة كان مافيهوش أي أغاني لا اسلامي ولا غيره وبجد دا تاني أجمل كتب كتاب حضرته بعد كتب كتاب أسماء الل كان بنفس النمط. تفوز أفراح زمان الل كانت بتبقا طبلة وسقفة وغنوة ورقصات ع الطبلة وقعدات اجتماعية لذيذة. 💚
الذنوب بتقلل كواليتي أي حاجة بجد.
دودو بكرة نازلة تعمل أول خطوة علشان تتحدى مخاوف وأزمات ودشملة قديمة ومع إن الخطوة دي أوبشنال أصلا وصعبة بس ده إن دل يدل ع شيء واحد وهو إني فعليا قد القرار الجديد 🥳
لا بأس عليك يا دودو
الله كبير
وأنت طيبة, ذكية
, زكية, جميلة, شجاعة, ومدهشة. ♥️
أكتر حاجة بحس بيها في رمضان.. يا رب أنا في أمس الحاجة لدا. يا رب لو مش بدعيها بصدق كافي يا رب ارزقني الصدق. يا رب أنا محتاجة أبقا أقرب ليك. فيارب متحرمنيش من إيد تساعدني. :))
إياك تدي مشاعرك رد فعل؛ فكر الأول.
مش حد يحبك فتحبه؛ هو بيحبك احتياج وإنت يا أذكى إخواتك لو معندكش احتياج له وفره لحد إنت محتاجله ومناسب ليك إنت. إنت بسمسم وحليوة كل الناس تحبك بس إنت مينفعش تحب الكل.
ما تسيبش مشاعرك وقلبك يكونوا ضحية انفعالات عاطفية لحد.
وكذلك النقيض من الكره.
جوازة أسماء أختي كلها كانت متحررة من العادات والتقاليد ومتجنبة الذنوب ودي كانت أحلى جوازة شفتها في بيتنا. لحد دلوقتي كلنا بنقول إن دي كانت أحلى فرحة
بالمناسبة* معملتش فرح أصلا.. هو كتب كتاب جامد وحنة جامدة وفوتوسيشن وكله بلا مخالفات شرعية.
الأفراح المصرية هي أسوء طريقة للتعبير عن الفرحة
بداية من العادات الل لا أصل لها، مصاريف كتير ملهاش لازمة، هيصة ودوشة مزعجة، أغاني واختلاط وذنوب لا نهائية، شو اوف ومناظر ولازم نعلي على بعض!
يارب ارزقني بفرح ببساطة الأفراح التركية أو بفخامة الأفراح الخليجية هذا هو ذوقي:)
شريكك مش مسؤول عن أخطاءك في حق نفسك. ولو هتفضل مستني شركاء يعالجولك ندوبك يبقا أعتقد عمرك ما هتوصل للرضا. شريكك مسؤول عن مشاركتك ودعمك وتقبلك وتقدير محاولاتك لكن رحلتك مع التخطي تبدأ بقرار شخصي وتنتهي بعزيمة قوية وفي النص كدا جميل أوي أوي الشريك الل بيدعم ويقصر عليك المسافات.
مو مُباالغه بس انا مقتنعه أني لما احب شخص محد يقدر يحبه مثلي ابداً ، محد يقدر يستحمله ويفضل أحد عليه، انا دايما اشوف الناس اللي أحبها أحسن ناس فى نظري بكل اللخبطه اللى فيهم وماا أشوف غير اني أحبهم وبس، وحقيقي يعني اتمّنى أني أحصل شخص يحبني بنفس الطريقه اللي أحبّ فيها غيري
والله إني مستعدة أتحمل كل حاجة في الدنيا واعيش راضية وسعيدة لما أختي تكون راضية وسعيدة، ولما أكون قادرة أشيل عنها واشاركها واحنو عليها هي أولى وأول حد❤ يا رب راضي أختي.
النهاردة شفت ناس كتير كانوا وحشوني من دفعات أكبر مني.
وتقريبا دي كانت من أجمل المرات الل نزلت أتمشى فيها من حلاوة الفايبس..
سبحانك ما عبدناك حق عبادتك. خلقت لنا كونا جميلا..
لو كنت أذكى واحد في الدنيا دا مش هيحميك من الوقوع في السذاجة أكيد هتغلط وهيتغدر بيك وهيضحك عليك وهتستغل عادي علشان إحنا في دنيا صعبة المهم إنك تتعلم ترحم نفسك تحتضنها تقومها وتهذبها باللين والشدة مع بعض وتدعي ربنا بعوض في الجنة والدنيا وعلشان تعرف تعمل دا لازم تتمرن على التجاوز
الليل كله أنام فيه ربع ساعة وأصحى ادعي ربنا وأنام وأصحى بعد ربع ساعة وأكرر نفس السيناريو..
الحياة بحر كبير وأنا؟ أنا غزالة صغيرة تعرف التحرك برشاقة على البرية ولكن في البحر تغرق..
أنا مش عايزة ينتهي عمري وأنا موصلتش :(( بحاول كتير أوي أضبط نفسي لمرحلة أوصل فيها لقمة القرب من ربنا. ويا رب اقبلني وقربني منك قرب المحب؛ المقيم على بابك الطامع في عفوك حتى باب الجنة.
سيدي العزيز قبل أن أقول لك تصبح بخير أريد أن أقول لك
عيني تغمض من تلقاء نفسها من التعب وصورتك تبدو مشوشة فلا أعلم كم تبدو المسافة بيننا؛ ربما خطوة وربما ضهرا.. :))
وأنت تبدو من بعيد مهزوزا لا أعلم هل تتراجع أم تاتي قادما إليّ أنا تحديدا
لكن ما أعلمه أنني سأعرفك فور وصولك.
الحياة الجامعية والسكن برا ييتي والمغامرات دي مكنتش ممتعة الصراحة كانت مملة كلها دروس بس خلتني أصلب مش متخيلة لو أنا هي هي بتاعت الثانوية كان زماني كومة رماد دلوقتي.
الحمد لله؛ يصنعنا الله على عينه.
نصيحتي لنفسي وللنساء عموما: معظم مشاكلنا من لسانا. ادعوا ربنا دايما قبل ما تناموا وأول ما تفتحوا عينكم إن ربنا يساعدكم تحافظوا على الصمت وتقللوا كلام ويجعل لسانكم لا ينطق سوى بالجمال والأدب وما تنسوش نفسكم في الكلام الل مالوش داعي لإنه دايما بيقود للذنوب.
يشباب اقتراحات بجد😭😭
انقذوني أغيثوني
حياة ال introvert دي متناسبنيش إطلاقًا..
بس يكون عمل جماعي له قيمة ومعنى ورسالة ومافيهوش اختلاط أوفر علشان ما بحبش الهبل..
أنا طلع عندي المهارة دي لدرجة خطيرة والله
يعني أنا هحول كل التفاصيل الل كانت في حدث سيء في حياتي لـلا شيء
مش همحيها لأ
هتعامل معاها
بس كملكي أنا..
الحمد لله ع الهبة دي..
صعب الحياة تهزم بنت اسمها دعاءة..
بعدت عن طريق ربنا» خسرت بصيرتي» اتعرضت لمواقف مؤلمة وحياتي باظت؛ مؤخرا بس ٩٩% من أقرب الناس حوليا أذتني أذى مبالغ فيه ولما حاولت أمنطق الموضوع مخي هيألي إن الناس عملوا إجتماع وقرروا ينتقموا مني.
دا غير بقا قلة التوفيق في كل حاجة. وخسارات أخرى فادحة لحد ما تجردت من كل حاجة حرفيًا
يارب ما يموتوا موتة عادية، يارب موتة تشفي صدورنا، وتطفئ حرقة قلوبنا، يارب ارنا فيهم عجائب قدرتك في الدنيا قبل الآخرة، اللهم عليك باليهود والصهاينة فإنهم لا يعجزونك..
دخلت قريت الكوتس علشان أضحك لقيت كوت بيقول إنه فعلا الحب من أجل شيء ثانوي زي الزواج يبقا حب مصلحة
وواحد من كام يوم بيقول الزواج علاقة مؤقتة
هي إي الناس دي يماما بجد😂
@Me7erz_77
أبنائي الأعزاء من أيام لجنة تالتة؛ ببقا فخورة لما بشوف حسن الخلق بتاعكم والله وإني اتعاملت معاكم في شغل وحاسة ليكم مستقبل مبهر وجميل إن شاء الله كلكم.
ربنا يثبتك ع المبدأ دا يا رب.
رحلة تخرج سعيدة
انجوي بالباقي 🥳.
النهاردة رايحة أحضر خطوبة سمر. أنا وهي من ٥ سنين منتظرين يوم خطوبتها دا. حلو الزمن بيمر بسرعة والأحلام بتتحقق. يا رب ما نغيبش عن الدنيا قبل ما ترزقنا الأشياء الل انتظرناها وترزقنا معاها الرضى :'))
ويا رب قريب أشوف باقي صاحباتي في الأماكن الل اتمنوا ينتموا ليها. وتكون خير ليهم.