اللي يضايق مش بس إنّهم كُل شوية يعملوا نفس الحاجة اللي بتضايقنا واللي حذرناهم منها كتير لأ دا الأبشع بقى إن كُل مرة بيوجدوا لنفسهم مُبرر مُختلف، وهمهم الوحيد ما يطلعوش غلطانين، لكن إحنا؟ إحنا نولع عادي، المهم هما صح ومش غلطانين وإحنا في ستين داهية مش مهم.
_مساء الخير ، انا كنت بطلت اصدق الكلام من فتره .. كنت شبعت منه ، بس انا بقالي فتره مش بصدق افعال كمان .. انا حتي بقيت اشك ف احضان الناس ، بقيت طول الوقت دفاعيه و مستنيه قلب طربيزة المحبه ديه .. و انا ! انا مرعوبه مني ..
عارف إحساس إنك تبقى جبت أخرك من شخص فى حياتك بسبب أفعاله !؟ إحساس إنك خلاص شطبت كل طاقتك من ناحيته ده أسوأ إحساس ممكن يواجهك حرفياً لإنك بتكون هلكت طاقتك معاه، هلكت طاقتك فى التمسك به فى حين إنه مطنش وضامن إنك مهما عملت هتفضل موجود وحقيقى الإحساس دا كفيل يقفلك منه حرفياً.
مرة حد قالي وأنا هستحمل تقلباتك المزاجية والنفسية دي ليه؟ أنت بتقدملي إي ف المقابل ودي كانت أصدق حاجة سمعتها ورتبت حياتي عليها بعد كدا لما بحس إن ال Mood متغير بختفي مبتكلمش محدش متضطر يستحملني ولا حد متضطر يهَون عليا، أنا مابقدمش حاجة كبيرة علشان يبقا حد جنبي ف الوقت ده
حرفياً مفيش حاجه أو حد يستاهل نخسر نفسنا عشانه أو نضيع عُمرنا هباءً بسببه أو نخسر كرامتنا عشانه أو حتى نرضى بأقل مما نستحق ، كفاية لحد كده واعرفوا قيمة نفسكوا ، الكل هيمشي الي هيفضل بس هو الي يستاهلك وبيحبك بجد بنتوجع بس الأهم منوجعش ونسيب ذكرى حلوة ف كل الي هنقابله..
اتولدت في بيت بيمشي جمب الحيط اتعلمت فيه الأصول واتعلمت ان مأذيش حد اتعلمت ان اكون في حالي ومبصش علي اللي ف ايد غيري اتعلمت اعامل الناس بتربيتي وان دايما ابقي الاحسن في كل مره اتعامل فيها مع حد …
علاقاتى بقت سطحيه بكل حاجه حرفياً ومبقتش بحاول اعرف اى حاجه برا حياتى او متخصنيش، ولا بقيت بحب ادخل نفسى فى حوارات انا مش طرف فيها وحتى مبقتش مهتمه اسمع اى اخبار بتحصل حواليا، علاقتى بحد ممكن تبقى قويه اوى وتانى يوم الاقيها بقت سطحيه جدا، لا بلوم حد ولا عايزة حد يلومنى وفحالي جدا
"مؤخرًا اقتنعت جدًا بجملة Private life always wins.. وشيفاها جملة صادقة وواقعية من كل الاتجاهات، مفيش احسن من أن تعيش في حالك تبقى دايرتك صغيره ولطيفة، تحافظ على أسرارك لنفسك وللي بتثق فيهم بس مبتكرهش حد ومبتبصش لحد بتبص لنفسك بس تتقبل كل عيوبك مهما كانت،الكبير منها قبل الصغير
فضلت اقول عايزه ابقا strong,independent woman
وقدمت ع شغل واشتغلت والحمدالله
قدمت استقالتي قبل م اتثبت 😂😂👍🏻
واكتشفت ان انا لسه صغيره والحجات دي
كبيره عليا وان انا كل اللي عيزاه الفتره دي
ابقا ست متدلعه ومحدش يصحيني م النوم 👍🏻
" أنا مبسوطه جدا إني بقيت سايبه كل حاجه علي ربنا و راضيه بأي حاجة بتحصل ، عكس قبل كده كنت بضايق جدا و ازاي يحصل كده بس دلوقتي لا ، مهما يحصل الحمد لله والحمد لله ع اللي حصل واللي بيحصل واللي هيحصل وحقيقي لا شيء يعادل الشعور بالرضا ."
تخيل بعد كل المعافرة دي والعلاقات الفاشلة ، تقابل حد ويكون زي ما ام كلثوم ما قالت " صالحت بيك ايامي ، سامحت بيك الزمن " ويكون لسه عندك طاقة انك تديله حب تاني وتعمل معاه اللي متعملش مع حد وتقوله " الليالي الحلوه والشوق والمحبة ، من زمان والقلب شايلهم عشانك".
أنا اه ممكن أكون مزنوقة في المنهج و اه ممكن أكون طالع عين أمي ف الشغل و مبنامش و اه ممكن يكون عندي مشاكل نفسيه و اه ممكن يكون جسمي تاعبني واه ممكن أكون المرأة المشقادرة واه ممكن يكون عندي اكتئاب و مشاكل وجودية واه ممكن
أنا فى الأيام دي مفيش جوايا غير هى أمنية من ربنا إنه يعوضني عن كل حاجة خسرتها وأي حد خد من روحي ومشي، عن كل حلم حلمت بيه وماتحققتش لأي سبب كان، عن طاقه ومجهود إتبذل في تحقيق أي شئ، عن عشمي اللي ماكنش في مَحله في ناس كتير، الحمد لله. ومحتاجه فعلاً من ربنا إنه يريح بالى ويراضينى.
أنامبحبش العلاقات المؤقته،يعني ياتبقى ق��يب مني اوي ياتبقى علاقتي بيك سطحيه،انابحب الامان فى علاقتى بأى حد وبحب أكون مطمنه انك هتبقى موجود ديما مهما حصل وفي اي وقت،استحملك وتستحملنى ونبهدل بعض بس نفضل،لكن حوار انك تقرب شويه وتبعد شويه وتخلينى خايفه اخسرك فى اى وقت دا متعملوش معايا
هيجى عليك فترة هتحس إن كل الأماكن مش مناسباك ومش هتبقى عارف تتعامل مع حد هتتظاهر بإنك تمام هتبقى ساكت دايما لإن اللى جواك لا يتشرح ولا يتحكى ولو جالك message بتكسل تشوفها مش تجاهل بس إنت حرفياً مش قادر ترد أو تدخل فى نقاش مع أى حد لدرجة إنك بتسيب اللى قدامك يفهمك زى ماهو عايز.