الناس متخيلة الحياة بره مصر أحسن.. عايز بس أوضح حاجة، في مثل بيقول
The grass is always greener on the other side
يعني بنتخيل العشب أكثر خضاراً في الجانب اللي إحنا مش عايشين فيه
المقولة دي تنطبق تقريباً على كل حاجة في الحياة.. ما عادا مصر.. بره مصر فعلاً الحشائش خضره ومزهزهه وفلة
إحنا أتعس جيل عاش عالكوكب، عشان عندنا المعرفة الكاملة تحت إيدينا
عارفين كل حاجة فايتانا بالتفصيل، عارفين الأماكن اللي مش عارفين نروحها، عارفين الحاجات اللي مش عارفين نجيبها، عارفين الحياة اللي مش عارفين نعيشها، ومتابعين الناس اللي مش عارفين نبقى معاهم،
دكتورة التغذية سألتني لو متجوز ولا لأ وطلع عشان لو متجوز مراتي تعمل لي عصير في الخلاط ومش عارف إيه نوعية الرجالة اللي بتتعامل معاهم عشان تتخيل إن شحط عنده أربعين سنة مش حيعرف يعمل لنفسه موز باللبن في الخلاط
هل تعلم إن محدش سمع صوت الديناصورات وبالتالي الصوت اللي في الافلام ده ممكن يكون ملوش علاقة بصوت الديناصور ويكون صوت الديناصور شبه صوت فطوطة وكان اكتر حيوان مفترس على الكوكب عشان كان بيقتل الحيوانات اللي بتتريق وتضحك على صوته؟ طبعاً إنت لا تعلم لإنك مابتفكرش غير في نفسك
أنا جاي من ارض البديهيات عشان أقول لكم إن تجاربكم الشخصية مش قاعدة تسري على سائر البشر، كل شخص بيستجيب بشكل مختلف عن التاني، بل وازيدكم بيت، نفس الشخص قد يستجيب استجابه مختلفة لنفس الموقف حسب الحالة/المرحلة اللي هو بيمر بيها
في مشهد عبثي، قاعد مع عيلة سويسرية في جنينة بيتهم الخشبي في سفح جبال ما قبل الألب، جايبين جردل بلوبيري جمعوه من الشجر ورا بيتهم وبيغرفوه في سلاطين وياكلوه بالمعلقة، وبيشتكوا إن ساويرس حيدمر بلدهم بعد ما اشترى أراضي كتير هناك وعايز يبني مكان يسميه مارينا
الموضوع حله سهل جداً، إحنا نسفّر كل ستات مصر بره، وتبقى مصر أول دولة أحادية النوع في التاريخ، الإسلاميين والتنويريين مش حيلاقوا حاجة يتخانقوا عليها والازهر مش حيحتاج يحسم الجدل وحيختفي الغلاء ومحدش حيبعت لحد raw7ty? والرجالة كلها حتبقى جرين فلاجز وكلهم حيبرروا لبعض وتعم السعادة
العرب:
لا يُلدغ مؤمن من جحر مرتين
الأجانب:
Fool me once shame on you, fool me twice shame on me
Me, an intellectual:
ما نجرب كده، مش يمكن تظبط المرة دي؟
برايز.. أول ما لقيته، وبعد شهر، وبعد سنة.. ده الفرق اللي ممكن يحصل في حياة قطة أو كلب لو فكرتم تنقذوهم من الشارع.. لو جت لكم فرصة إن تنقذوا قطة أو كلب شارع من أذى الناس والعربيات وقلة الأكل والبرد صدقوني مش حتندموا و الكائن ده حيحبكم حب ملوش آخر وحيملا عليكم البيت
#AdoptDontShop
للتذكره.. موضوع الستات اللي بتقتل اجوازها ده خد اهتمام اعلامي وعلى السوشال ميديا عشان مش هو ده المعتاد.. احصائياً عدد الستات اللي بتتقتل على ايدين الرجالة اضعاف مضاعفة سواء في مصر أو العالم.. هو بس الرجالة عملوا ميم بوكيمون المندهش لما اكتشفوا إن الستات مش بنتقتل بس أحياناً
الناس في دهب اتطوعت عشان تلم كتل الزيت اللي مليت الشط، لا معاهم معدات ولا لابسين لبس مجهز لحاجة زي كده، لموها وحملوها ونسقوا يبعتوها لوزارة البيئة، قوم وزارة البيئة اشتكت إن الاكياس فيها حتت كبيرة والاكياس أكبر من اللازم، ولو جابوها تاني كده الوزارة مش حتستلمها.. شفتوا بجاحة كده؟
واقف في مطعم فاست فوود مستني اوردر بعد يوم مرهق في مستشفيات مصر الجميلة، دخل كاپل في الأربعينات وأنا سرحت إن كيوت في السن ده ولسه بيروحوا مطاعم فاست فوود مع بعض ولبسهم مش عواجيزي كده (لابسين كاچوال عادي) وبعدين إستوعبت إن دول نفس فئتي العمرية ومش فاهم حفضل معتبر نفسي عيل لحد إمتى
أنا ماظنش إني عدى عليا يوم من عمري متحرر من إحساس إني ورايا حاجة محتاج أعملها، ومش عارف إيه نوع الحياة اللي إحنا عايشينها دي اللي مخليانا محبوسين في إحساس مستمر بالمسؤولية والذنب والتقصير
الكيميا بين الأشخاص حاجة عجيبة.. بنلاقي نفسنا بنتكلم ونتعامل مع ناس بمنتهى السلاسة وكإننا نعرف بعض، وناس تانية مانبقاش عارفين نكلمهم حتى لو عايزين وبيننا حاجات مشتركة.. العجيب إني بحس الكيميا بين الناس بتبان حتى لو علاقتنا ڤيرتشوال بس، تخليك تفكر ايه نوع الطاقة اللي بتربط البشر
برغم كل شتيمتكم في تويتر إلا إنه السوشال پلاتفورم الوحيد اللي بحس إن لو إحنا عاملين فولو لبعض وبنتابع/بنلايك تويتات بعض فإحنا فعلا صحاب، ولو اتقابلنا بره ححس إننا نعرف بعض كويس عكس فيسبوك وانستاجرام وتيك توك وما شابه
بيعصبني جداً الأماكن اللي بيعتبروا إن مسؤولية ايجاد الفكة على الزبون، نظام لا فك وتعالى لي.. حضرتك مكان تجاري، الفكة مسؤوليتك مش مسؤليتي خالص ولا المفروض إني ألف على أماكن عشان أفك وأشتري منك سلعة كإني بشحت
الناس اللي طالعة تدافع إن رئيس دولة بيتكلم عن التقشف بقاله تمن سنين، بس طبيعي إنه يلبس جزمة بتلاتين الف وساعة بربع مليون ويركب عجلة بتلتميت الف وطيارة بنص مليار دولار دول جنس ملة دين أبوهم إيه بالظبط
أنا مش متخيل الطفل اللي خدش العربية بالسكوتر حيحتاج علاج نفسي أد إيه عشان يتخلص من الفكرة بتاعة إن الخدش ده هو السبب في المصيبة اللي حصلت لهم ويفهم إن الذنب كله على القاتل
العالم محتاج يقدّر البطاطس اكتر من كده.. حاجة طعمها حلو في كل الطرق اللي بتتعمل بيها.. مقلية.. مشوية.. مهروسة.. سلطة.. في الفرن.. متقطعة رفيع.. متقطعة تخين.. متقطعة مكعبات.. بيبي بوتاتوس.. يعني مفيش خضار Versatile اكتر من كده والله ❤️
دايما عندي مشكلة extreme choices.. يعني أنام ولا أروح الچيم.. افشخ نفسي في الشغل سنة ولا أستقيل دلوقتي.. افركش ولا اتجوز.. ماصرفش ولا مليم ولا أجيب بيضة دهب بيطلع منها طائر السنونو ملهاش تلاتة لزمه بمليون جنيه.. وطبعاً الاختيار بيبقى للإكستريم ضرر (انام، أستقيل، اتجوز، البيضة)
جريمة بشعة بكل المقاييس.. حاجة فوق خيال أي حد.. نلاحظ إن مفيش ذكر لوظيفته عشان أمين شرطة، لكن التانيين في جرايمهم بيبقوا طبيب الدقهلية، الممثل الشاب.. الخ
كل ما نكبر كل ما يبقى العثور على أصدقاء حقيقيين مش صحاب مرحلة أصعب.. وفي نفس الوقت الصحاب القدامى بيتسرسبوا لإن الدنيا تلاهي والطرق بتتفرق، في الآخر الواحد بيلاقي نفسه محبوس في علاقات مسطحة وlite version من الصداقة اللي هي بتشوفوا بعض كل كام اسبوع.. وده يا ولاد إسمه الadulthood
ماما وبابا لما بيجيلهم مكالمات تليفون عالبيت والشخص اللي بيكلمهم يرغي كتير فشخ، بيتصلوا ببعض على الموبايل عشان الشخص اللي بيتكلم يسمع رنة الموبايل فيقول إنت جالك تليفون؟ طب اسيبك بقى، ويقفل.. حاجة anti social كيوت وجميلة هم الاتنين 😂😂😂
الحشو السنة دي في المسلسلات حتى مش معمول بربع جنية صياعة.. ب١٠٠ وش بيعيدوا آخر مشهد من كل حلقة في الحلقة اللي بعدها، وشفت دلوقتي مشهد من مسلسل ياسمين عبعزيز، هي وكريم فهمي بيسجلوا لبعض ڤويس نوتس، وإحنا بنسمع الڤويس نوت مرة وهم بيسجلوها ومرة تانية لما توصل ويسمعوها.. حاجة مبهرة
الرعاية الطبية في مصر كارثة.. كعادة باقي المجالات، في كمية unprofessionalism رهيبة.. انا بايت مع أبويا في المستشفى بقالي يومين وبجري ورا الناس عشان تشوف الحد الأدنى من شغلها بجد وبنبهم على حاجات في صميم شغلهم. انا بفكر لو بابا ماكانش معاه مرافق طول الوقت كان حصل إيه.. رعب
قصة مدير المدرسة اللي نزل تاني يوم العيد يشتغل بنّا عشان يزود دخله وجسمه ماستحملش ومات دي قصة مأساوية بشكل وكاشفة لوضع اقتصادي صعب جدا تعيشه البلد دي بكل مستواياتها.. حاجة كسر قلب ونفس بس
ازازة الميه الصغيرة الأكوا فينا بتتباع في مطار القاهرة بخمسة وعشرين جنية عشان أكيد اللي يقدر يشتري تذكرة طيران ده حد إبن كلب لاقي الفلوس ولازم نعاقبه على بذخه وقدرته على الخروج من مصر
حاسس إن في علاقات كتير بتفشل عشان ما بتاخدش وقتها في التكوين، الناس بقت عايزة تعمل skip والرغبة في إثبات النجاح السريع ونشره على الملأ بقت أكبر من الرغبة في التعرف على الطرف التاني بتروي. في حاجات في العلاقات لازم تاخد وقتها بس الكل مستعجل إنه يعوض الفشل ويملا الفراغ بأسرع الطرق
أنا عندي ستة وتلاتين سنة ولحد دلوقتي كل ما أهلي يسألوني عن سعر حاجة اشتريتها بخاف أقول الحقيقة، وبقوم ضارب نص السعر الحقيقي مثلاً .. المضحك إن ساعات كتير بيكون رد فعلهم "هممم.. مش رخيصة يعني"
بابا بقاله اكتر من تلاتين سنة بيجيب لنا ميكي كل أسبوع حتى لما سبنا البيت، أي وقت نرجع نقعد معاهم كام يوم يجيب لنا ميكي وحاجة أنا مش بعيط إنت اللي بتعيط اوي 😭♥️♥️♥️
أهدافي اتغيرت ١٨٠ درجة في آخر عشر سنين، من رغبتي لتغيير العالم حواليا وخلق قصص بتعبر عني وبتلهم الغير، للرغبة في ايجاد السكينة في مكان فيه طبيعة ورتم حياة بطيء، وبقى الشغل وسيلة للوصول للغاية دي بعد ما كان الشغل ذاته غاية، بقيت مفرط العدمية غصب عني ولا عايز ألهم حد ولا بحس بإلهام
على ما أذكر رواية اتش چي ويلز الإيقونية "آلة الزمن" تخيل فيها العالم في المستقبل تطور فيه البشر لنوعين، نوع تبدو حياته مثالية عايشين فوق الأرض في رغد ونوع تاني أشبه بالوحوش عايشين تحت الأرض، بيطلع كل شوية يصطاد من اللي عايشين فوق وياكلهم. مع الوقت بنكتشف إن ده اتفاق ضمني لأن
العلاج النفسي المفروض يكون في متناول الجميع.. العلاج النفسي المفروض يكون أساسي في أي تأمين صحي بتقدمه جهات العمل، لإن الأمراض النفسية مش أقل أهمية ولا تأثير من البرد ولا الرجل المكسورة ولا الانفلونزا ولا أي مرض بياخد له أسبوع ولا اتني�� ولا شهر حتى ويتعالج
أنا بحب the office فشخ، بس مشكلتي إن من كتر ما مايكل سكوت بيعمل حاجات محرجة وتحرق الدم ببقى مكسوف له فلازم أوقف الحلقة شوية أريح من الاحراج اللي أنا حاسس بيه عشانه ومش عارف الempathy حتودينا فين اكتر من كده لما أبقى مش قادر أتفرج على مسلسل بحبه من كتر ما أنا empathic مع شخصية فيه
وفي نفس الوقت مطالبين إننا نمارس أقصى درجات الرضا بالمقدر والمكتوب والمقسوم والمنصوب ونمارس رياضة تهذيب النفس، في ظل عالم مدفوع بتسويق أنماط الحياة والمنتجات ودفعها للمستهلك بشكل عنيف في كل حته بيحط عينه فيها
جملة الجهل نعمة عمرها ما كانت واضحة وصريحة أد دلوقتي
مش عارف ليه الناس مصممة إن القطط كائنات مابتحبش صحابها ومابيفرقش معاهم غير اللي بيأكلهم.. بقالي ١٦ يوم ماشفتش برايز وحد تاني بيأكله.. والواد منهار من ساعة ما أنا جيت، حب واحضان ونونوه ولحس ومش راضي يسيبني ورجله على رجلي بقاله ساعة ونص مش ساكت وماشفتش كائن وحشه حد أد كده في حياتي
Hard to swallow pill:
من الحاجات الخرة إن إحنا اتقال لنا إن الإجتهاد طريق النجاح ولو تعبت بجد واجتهدت حتتكافئ في الآخر وواقع الأمر إن الحياة مش بالبساطة دي وإن ناس كتير فشخ تعبت حتى بلغ الفشخ منتهاه ومانجحتش وناس تانية ما عملتش نص اللي التانيين عملوه ونجحوا عادي لاعتبارات أخرى
الست اللي عندها ٨٣ سنة واتجوزت الواد المصري اللي عنده ٣٧ رمته بره البيت وندمت إنها ماسمعتش كلام الناس، بعد ما طهقت من إنها تطبخ وتغسل وتنضف وراه وتصرف عليه وهو قاعد مطيز، الجاحد حتى لما اتجوز ولية قد جدته عشان الجنسية برضه مستنيها تخدمه. المهم هي بتقول إنها اتخدعت بجماله.. جماله:
واحدة صاحبتي كانت بتظبط مع واحد الكينك بتاعه إنه يبقى مُستغَل ماديا، يعني بالنسبة له إنهم يتقابلوا وتاخد منه الكريدت كارد تشتري حاجات لنفسها بأد كده دي حاجة بتبسطه فشخ وأظن ده اكتر كينك شفته مفيد للطرف التاني في العلاقة.. ألاقيش واحدة الكينك بتاعها إنها تديني مليون دولار وتمشي؟
بكره الكركبة.. بجد البيوت المصرية اللي فيها حاجات كتير فشخ لدرجة تجيب لك صرع دي بتجنني.. خاصة لو الحاجات دي بقالها عشر سنين محدش استخدمها في حاجة ولا بتضيف قيمة ولا بتعمل منظر.. كراكيب وخلاص!
الفرق بين الصور فوق وتحت شهر بالظبط. ده الفرق اللي ممكن تعمله لما تنقذ حيوان أليف من الشارع. لو نفسكم في كائن يحب فيكم حب لا نهائي ويملا عليكم البيت، اتبنوا كلب أو قطة من الشارع بجد مش حتندموا
The difference between the pictures above and below is exactly one month.. Save strays
وأنا ٨ سنين باين عمي الكبير مات وهو نايم وفضلت مقتنع إني ممكن اتغفل واموت وأنا نايم، فجت لي فكرة to trick death، وقتها كان اتقال لي آية "وما تدري نفس بأي أرض تموت" ، فكل يوم بكتب في ورقة إني حموت انهارده وبعدين ارميها تاني يوم واكتب غيرها، وبكده مستحيل أموت عشان الآية ماتبقاش غلط
أنا مش عايز اخرط على قلبكم بصل بس معلش انتوا مش غرب. الناس في دبي كل ما يجيلهم اجازة إنشالله يوم على الويك اند تلاقيهم سافروا آخر الكوكب ورجعوا وبعدين نتقابل في الشغل ويسألوني عملت إيه في الاجازة كإنها اجازة الصيف مثلاً.. وأنا اللي هو على ما قمت من السرير للكنبة كانت الاجازة خلصت
في أبلكيشن اتعمل واتطور وخد تمويل واتعمل له إعلانات عشان الناس تستخدمه لما يخرجوا في جروب بحيث إن كل واحد يعرف المفروض يدفع كام في المطعم ويقسموا الفلوس.. انا عاجز عن الكلام 😃
أول شغلانة اشتغلتها في حياتي لما اتخرجت كانت كول سنتر في فودافون في يناير ٢٠٠٦ وكان مرتبي وقتها يعادل تقريباً ٣٥٠ دولار.. هل ال fresh grads في كول سنتر دلوقتي بياخدوا ستاشر ألف جنية؟ اللي بيحصل دلوقتي ده سحق تام للطبقة المتوسطة، اغلبنا من سن ٢٠ وطالع دلوقتي بنحاول بس to survive