"إن انتصرت لا تُذِلّ وإن خسرت لا تنسحِق" هيك علّمنا فخامة الرئيس وهيك رح نضلّ… معركة الالغاء كانت صعبة بس انت كنت قدّها، مش مهم الخسارة لان وفائك للتيار وقضيّتنا أغلى بكتير. منفتخر فيك والمتن بتفتخر فيك
@edymaalouf
❤️
جو بعض الصالونات:
نكاية بميشال عون نحنا مع رياض سلامة، وما بدنا نعرف شو صار بمصرياتنا ولا ليش وصل الدولار لل٣٣،٠٠٠، ولا مين سرقنا، ولا بدنا #تدقيق_جنائي، ومستعدين نكذب على حالنا!
...#الحقد_بيقتل_صاحبو
اليوم بيتخرّج ابنو للمعتقل بدري ضاهر، وما رح يلاقي بيو حدو بهالنهار لأن في قضاة وسياسيين عم يتهرّبوا من مسؤولياتهم، كل مين لمصالحه الخاصة أو لضعف ركابو (تنضل مهذبين).
تطبيق العدالة مش شعار ننادي فيه تنعمل شعبية، العدالة فعل ايمان لازم نطبقه مهما كانت تداعياته.
#الحرية_لبدري_ضاهر
سكتنا، سكتنا، سكتنا، سكتنا... كرمال نطوي صفحة الحرب وما ننقل احقاد الحرب للاجيال الجديدة،
بس انو يلي يتّمونا، وسمّمونا ببراميل الموت، وهجّرونا من وراء جبن قائدن، جايين يعطونا دروس ويتطاولوا على رئيسنا... طويلة على رقبتكم
أجمل شي ببيان حركة أمل اليوم جملة:
..."في مواجهة منطق التعصّب والإنعزال الطائفي الذي يعيشه التيار وجمهوره"
وقت يكون شعار جمهوركن كل ما يتحرّك بالشارع "شيعة... شيعة"، من الأفضل تخفّفوا تنظير عن التعصّب والإنعزال وتبلشوا تقنعوا جمهوركن بالإنفتاح قبل ما تعطوا دروس ووعظات للغير !!!
بعد مداخلة الوزيرة السابقة مي شدياق خلال برنامج "الحدث" على قناة #الجديد يلي كنت ضيفه صباح اليوم وإتهامها انو كلامها عن ال fundraising عم يُستعمل كقميص عثمان ضد القوات،
ومتل ما وعدت على الهوا، هيدا الفيديو بالصوت والصورة،
...ما بعرف اذا في مجال لسوء الفهم او للاتهام بالتجني!
عزيزتي بولا،
كل مرة بتتحمّسي وبتطلع سلتك فاضية،
١- كنت بفضل تستنكري تصرفات غير اخلاقية عم يتعرض الها زملاء إلك
٢- كنت بفضل تدققي بالخبر بدل التركيز على الscoop
٣- عنصر امن الدولة، مرافقي ومش مع الوزير السابق فادي جريصاتي
... بس للتوضيح
@PaulaYacoubian
بعد ٧٢ ساعة على المقابلة الشهيرة يلي انحكى عنها كتير وانعمل عنها فيديوهات واتاخذ منها مقتطفات.... لا بدّ من شكر خاص لميشال التويني،
نجحت بساعة وحدة تظهّر يلي عجزنا عن تظهيره خلال ٣٠ سنة،
شكراً
في ٣١ كانون الثاني ١٩٩٠، إستشهد العميد الركن الطيار بولس معلوف في معركة أدما.
روت دماؤه أرض الوطن، وامتزجت بدماء ضباط وجنود من سلاح الجوّ ومن فوج المغاوير في الجيش اللبناني.
إستشهد في ساحة الشرف دفاعاً عن الدولة وشرعيتها،
...٣١ سنة على إستشهادك، ورح نبقى نستذكرك حتى نلتقي عن جديد
بعد ظهور عوارض كورونا عليّ منذ بداية الاسبوع الحالي، أتت نتيجة فحص ال-PCR ايجابيّة،
لذا أدعو كل من خالطني منذ نهاية الاسبوع الماضي أن يكون حذراً في تعاطيه مع محيطه وأن يُجري الفحص.
أعتذر مسبقاًَ إذ لم أكن على علم بإصابتي،
انتبهوا على صحتكم فالفيروس لا يرحم أحد... سلامة الجميع
ما "فيهم" يسجّلوا ناخبين بأستراليا بدون ما يغلطوا، لأنو مش فهمانين منطق ال zip code،
وبدن يقنعوا الناس انو فيهم يحلّوا كل أزمات لبنان!!!
...الحق مش عليهم، الحق على يلي مصدقهم
#منطق_اللبن
اذا صدقت المعلومات عن ان احد اسباب استقالة السيدة شانتال سركيس هو تسليمها معلومات مغلوطة متعلقة بمعمل سلعاتا للنائب حبشي، فهذه نقطة تسجل للقوات اللبنانية لانها بدأت تحاسب المخطئين،
اما النقطة الاهم فهي تسجّل للوزيرة البستاني التي قاومت وثابرت واصرّت على الدفاع عن الحق... وانتصرت
يلي حاولت تقوم فيه القاضية #غادة_عون آخر فترة هو "ميني" #تدقيق_جنائي، وشفتوا ردة فعل المنظومة بسياسييها ومصرفييها وقضاتها وأمنييها!
اذا نضاف ومش غلطانين ليش كل هالاستنفار والخوف؟
بكل بساطة، يلي قامت فيه القاضية عون بيتشبّه بعملية فتح ريغار،
طلع ريغار "مياه مبتذلة" كشفلكن جيّتكن.
بحسب اعترافات مدير القطع والعمليات الخارجية في مصرف لبنان:
الحاكم أعطى في "اوخر" ٢٠١٩ قروضاً لثلاثة المصارف بلغت سبعة مليارات $ لعدم امتلاكها السيولة، وقد مُنِحت هذه القروض لكي تدفع إلى "زبائنها" في الخارج، على أن تعيدها وفق سعر ١$= ١٥٠٠ ليرة.
...كملوا سبّوا القاضية #غاده_عون
وقت كان يرتفع سعر الدولار ٥٠٠ ليرة كانت تنهال الدعوات لتسكير طريق قصر بعبدا، وتحميل الرئيس عون المسؤولية،
فلّ الرئيس عون ب٣١ تشرين الأول ٢٠٢٢، كان الدولار ٣٦٠٠٠ ليرة،
بعد ٣ أشهر ونصف دوبل سعر الدولار وتخطّى ال ٧٣٠٠٠ ليرة #للتذكير_فقط
صاحب الأرض بالتليل محل ما هوي المستودع معروف انتماؤه،
النايب بتيار المستقبل يلي هوي شريكه بالتخزين والتهريب معروف كمان،
ويلي بدير المستودع بالتيار السياسي نفسه.
فليش التغريدات الفتنوية من الصبح؟
وليش اتهام الرئيس والتيار الوطني الحر؟
ما فيكن تعيشوا بقى إلا عالفتنة؟
الكتائب: استقالوا من المجلس،
القوّات: ما بدن يسمعوا بتشكيل الحكومة،
التيار: الحريري ما بدو يحكي معو،
واليوم اجتنا خبرية إنو الرئيس ممنوع يسمّي!
اذا ما في إزعاج، مين بسمّي ١٢ وزير مسيحي ؟؟؟
بكرر إذا ما في إزعاج، أحسن ما تزعلوا...
#مرحبا_وحدة_المعايير
مروان حماده يصف عون بـ"صنم بعبدا"
ما تضيعوا البوصلة؛
فتشوا عن #التدقيق_الجنائي،
فتشوا عن صندوق المهجرين،
فتشوا عن تهريب الأموال،
والباقي تفاصيل...
الزلمي خايف ما يطلع اسمه على شي لائحة (أو الأرجح على الثلاث لوائح) وعم بقوّص إستباقياً،
...Déjà vu
بصراحة،
بهنيك، لانك بعدك قادر تخلّي بعض الناس يصدّقوا انو سبب تشتت العيل، وتغريب الناس وحرمانن من ابسط مقومات العيش، واخد لبنان على جهنم، هو اتفاق مار مخايل،
...عن جدّ قوات!
اتهام التيار بتعطيل حل مشكلة الكهرباء اليوم،
وبعد مرور ٣ سنوات على ترؤسكم لمجلس الوزراء، يضعكم امام ٣ احتمالات :
- شاهد زور
- متواطئ
- مقصّر
وبالحالات الثلاث "مش منيحة بحقكم"
اما اذا كان السبب، شد عصب لجمهوركم او لحرف النظر عن تقصيركم بتصريف الاعمال، فأطمئنكم النتيجة ستكون صفر !
من الآخر،
طلع عند البعض انو غاده عون غوغائية، بلطجية، استعراضية، ويلّي اقتحموا المصارف بقوة السلاح، ابطال!
...بفهم التعاطف مع الاشخاص يلي اقتحموا المصارف (اذا تبين انو الاقتحامات مش مركبة)،
بس التهجّم والانتقاد والاعتراض على القاضية عون، والتعاطف بنفس الوقت مع المقتحمين،
هيدا شو؟
إستباقاً لأي عظات أو تعليقات أو تحليلات،
ما حصل بالأمس ليس تقاتل بين إخوة، سئم منه ويشجبه ويستنكره الجميع!
كما هو ليس سوء تفاهم تطور الى إشكال،
بل هو تعدٍ واضح من حزب على مقرّ حزب آخر. مطلوب تسمية الأمور بأسمائها وإدانة المعتدي،
لا تساووا الضحية بالجلّاد لأنه سيتشجّع ويعيد الكرّة
بعد فشلك بمهمتك بإختراع اكاذيب بملف الكهرباء واخطائك المتكررة بعدم إجرائك الابحاث بالطريقة الصحيحة وعدم تدقيقك بالمعلومات يلي بتوصلك وضعفك بالحسابات...
نصيحة؛ في شي اسمه stop loss(توقيف خسائر)
انسحب لحالك تكتيكياً من المهمة أحسن ما تسحبك منها قيادتك، مش حلوة لإلك!
@antoinebhabchi
الجعجع بل ٢٠٢١ عم يتباهى بإسقاط حق المغتربين بأن يتمثلوا ب٦ نواب،
الجعجع بل ٢٠١٧ تبنّى قانون الإنتخابات الجديد يلي بيعطي للمغتربين الحق بالتصويت ل ٦ مقاعد نيابية واعتبرو انجاز للقوات اللبنانية!
أي جعجع من الجعجعين اكذب؟
مشهد تشكيل الحكومة من ٣ أشهر حتى اليوم:
الإشتراكي افتتح الهجوم،
لمّا قصّر، سانده المستقبل،
ولمّا قصّر المستقبل، طحشت أمل ...نحن عارفين أنكم فريق واحد وعاملين حساباتنا على هالاساس !!!
الحكومة ستُشكّل ب- #معايير_موحّدة و #التدقيق_الجنائي بند أوّل.
بنفس النهار،
تقرير على
@LBCI_NEWS
عن الهدر والتنصيب بكازينو لبنان أيام حميد كريدي، وفيديو تعليق يافطة بوضح النهار،
المذكورين بالتقرير مرتاحين ببيوتن ويلي علق يافطة توقف من قبل عناصر ملثمين من جهاز أمني رسمي.
#شربل_رزوق ما فهم انو كان لازم يسرق تينام ببيتو مرتاح!
#قضاء_على_الأوادم
المواطن ما الو حق يطلّع من المطار اكتر من ١٥ الف $ بلا ما يصرّح عنن،
والقوى الامنية بتخابر المدعي العام في حال تخطى المبلغ ال٥٠ الف $
بعد توقيف رياض سلامة بمطار بفرنسا ومعه ٩٠ الف € وتدفيعه غرامة ٢٧٠٠ €،
هل ستحاسبه السلطات اللبنانية على إخراجه هالمبلغ خلسةً وتدفعه غرامة؟
#سؤال
وقت تكون عارف إنو حق مازوت الموتورات أغلى ب٣٠% على خزينة الدولة من حق فيول المعامل،
ووقت تكون عارف إنو فاتورة الموتور رح تغلى اقله مرتين ونص على المواطن،
وتضل مصمم تعمل حملة بمجلس النواب وبالإعلام لمنع سلفة الخزينة لشركة الكهرباء،
ما تزعل وقت يقولوا الناس:
"مش هيني تكون قوات"
يمكن نسيت إنو بعهد الرئيس يلي "بدك تطلع تنزلو" من بعبدا صدر الحكم بجريمة اغتيال الرئيس الجميل بعد عشرات السنين من التخاذل والتواطؤ والمماطلة، ووقت ما حداً من لقراب او لبعاد كان عم يسترجي يتحمل مسؤولية هيك قرار!
...الله يرحم الشيخ بشير،
هوي اكتر مين بيعرفو وبقدرو ل #ميشال_عون!
ثلاثة اشهر مرت على توقيف من حذّر مراراً وتكراراً من انفجار مادة نيترات الامونيوم في مرفأ بيروت،
من قام بواجباته على اكمل وجه موقوف اليوم ومن قصّر في اتخاذ القرار حرٌ طليق،
اذا كنتم عاجزون عن انهاء التحقيق واصدار الادعاء بسرعة حاولوا اقله ان تقنعونا اين اخطأ #جوزف_النداف
بيانات تيار المستقبل وتصريحات بعض قياديّيه، بيشبهوا تصرفات واحد اهلو جابرينوا يترك بنت بحبها وهو مش قادر يطلع منها وبعدو معلق فيها.
...بدكن تشتغلوا سياسة او لا؟
#حيّرتونا
قبل الانتخابات : "نحنا بدنا وفينا" حاف، بدون شروط، وبكل ثقة...
بعد الانتخابات: "نحنا بدنا وفينا" بس بتعرفوا نحنا مش بالسلطة، ونحنا بالمعارضة، ونحنا...
بالمختصر "ما خلّوكن"🤣.
بدل ما تستعين بقصة ليلى والذئب، تعلم من قصة الحمار والثعلب، يعني قصة "من حفر حفرة لاخيه وقع فيها"
يوم بعد يوم عم ببيّن انو "كلّن يعني كلّن" متورطين بجريمة ١٧ تشرين، لإسقاط الرئيس وفريقنا.
فشلت ثورتن، واليوم عم بحاولوا من جديد من خلال شراية الإنتخابات بالمصاري.
أما القوات، يلي كانت مقاومة بإيام بشير، فحوّلها سمير لسمسرة انتخابية أفساد فيها الشارع المسيحي.
اللبن أخضر عالايام..
التهجم بالشخصي ما بخفف من وقع الصدمة يلي تلقيتها مبارح ولا بغيّر بالوقائع والوثائق والاثباتات يلي ووجهت بها وانوضعت قدام الرأي العام، كمان مبارح !
بفهمك كانت ليلتك مزعجة مبارح، واكيد انك بحاجة لرياحة #بونوي_حبشي
بعد الرهان على قلب الطائف من الداخل،
وبعد ضرب المواعيد لإخراجع الرئيس لحود من قصر بعبدا،
وبعد الرهان على سقوط النظام في سوريا وحلق الشوارب،
وبعد الوعود الانتخابية الفارغة "فينا وما فيهن"
...ها هو يضرب من جديد
(الحل "alambiqué" (شديد التعقيد) هوي فقط ليلي قدرة التحليل عندن ضعيفة)
منهجية تشكيل الحكومة التي طرحها الرئيس عون من سنة:
-اول خانة: عدد الوزراء
-ثاني خانة: التوزيع الطائفي على الحقائب
-ثالث خانة: الجهة السياسية التي تسمّي الوزير (هون حاول الحريري يتشاطر)
-رابع خانة: اسم الوزير
اقتنع الميقاتي بهذه المنهجية فشكّل،
رفضها الحريري فتشكل الى خارج السراي.
زبون حالات حتماً،
وفليحكم الاخوان،
ونحنا فينا،
وهوايييييي،
واللبن الابيض والقميس البيضة،
وال١٥ اكتر من ال٢٩،
وبلا القانون الارثوذكسي،
وبحلق نص شواربة،
طلعلنا اليوم بموقف بقول فيه:
"بئس هذا الزمن الذي لم يعد فيه ميزان للمنطق والتصرُّف السليم..."
#اه_يا_ميزان_المنطق_انت
الفاسد، والمصلحجي، والوصولي، بخاف وبيزعل وبيتوجّس وقت بدو يترك مركز بالسلطة، وهل شي كرمال مية سبب وسبب...
أما للقائد وللمناضل ولصاحب القضيّة فالأمر كناية عن إنتقال من مرحلة لمرحلة، لأن المركز بالنسبة إلو وسيلة مش هدف.
#معك_مكملين
اما انا،
فما يذهلني، هو أنني لم أرَ منذ ثلاثين سنة حتى اليوم أي فاسد كبير في السجن،
وما يذهلني، هو أن القضاء لم ينتفض على ذاته بعد،
وما يذهلني، هو مدى تأثير الفاسدين على الكثيرين الكثيرين،
...هذا ما يذهلني!
يبدو انو حربوق الـ communication بالقوات عاطي توجيهاتو للفريق كلو اليوم؛
كذّبوا كذّبوا كذّبوا هيك منضيّع الناس ومنّسيهم جريمة "الصقر" تبعنا.
الشمس شارقة والناس قاشعة وقنابلكن الدخانية بلا طعمة.
( كذبة "منقطع الطرقات ومتبرّا من الموضوع" بعد ما نسيوها المواطنين)
@KatichaWehbe
هيدا جواب قبل اسابيع قليلة من الانتخابات من يلي بدو يكسح مقاعد مجلس النواب:
"بالوقت المطلوب رح نلاقي لكل عقدة الحل تبعها"
...قلنالكن وقت تكون القصة أعمق شوي من لعبة "في وما بدو، وبدو وما في" بيغرق بفنجان ماي...زعلتوا!!!
الليلة ذكرت LBCI انو صحيفة "La Croix" نقلت خبر، ومفادوه:
"نصح وزير خارجية الفاتكان ان تتضمن زيارة البابا فرنسيس الى لبنان لقاء مع الحزب".
يعني بحسب منطق الجعجع من يومين؛
البابا ناوي يلتقي بالشياطين اللي كان داعسون مار مخايل!
#عن_جدّ_قوات
واضح غضبكن وقهركن وسمّ بدنكن، لأن الحصار والاحتكار يلي انتو جزء منو عم ينكسِر.
وكمواطن رح جاوبك على سؤالك،
الرئيس عون بيعمل عكس الكذب والدجل والاحتكار وال fundraising والتعطيل وتسكير الطرقات يلي هني من اختصاص قائدكم!
(اختصاصات قائدكم قبل الحبس ما سميتها لان اكيد كل الناس بتعرفها)
بقلو مااا بدنا ثلث معطّل بنص مجلس النواب، ادام تلفزيونات البلد كلو،
برد بكلمة اساسها رفضه اعطاء الثلث المعطل !!!
...هيدي مشكلة الكلمة المكتوبة والمطبوعة سلف وقت صاحبها ما يكون عندو القدرة على التلقف والتعديل والمبادرة
صراحةً مش مستغرب هجومكم على فخامة الرئيس،
هو حكي عن إصلاح وإصرار على مكافحة الفساد وشدّد على التدقيق الجنائي....
بالمختصر دق بركائز ال Family Business يلي حكي عنه رئيس تكتلكم علناً ودون خجل،
...فلا عجب، مصدر رزقكم ومطلوب تدافعوا عنه،
Qui donne ordonne!!!
تنسيق مفاجئ بين بعض القوى السياسية؛
هناك من يتحسس ان امبرطورياته المبنية على النهب والفساد باتت مهددة وبدأ يتصرف "متل البسين بالزاوية"،
وهناك آكل الجيف، زبون "غب الطلب" عند كل محاولة انقلاب ببيئته،
مشكلتكم ما بتتعلموا ومصير محاولاتكم سيكون مشابهاً لسابقاتها،
هيدا ميشال عون يا ...
بدنا حكومة مستقلين ما بيتّصلوا بمرجعياتهم قبل اتخاذ اي قرار،
بعد ٣ دقائق:
عرضت على الرئيس تسمية خمس وزراء والسادس طاشناق.
بأقل من خمس دقائق تناقض فاضح عرّي مضمون الكلمة!
صرلنا سنتين، بدل ما تكون ١٤ شباط ذكرى اغتيال الحريري، صارت ذكرى فرجي عقدتي من عون وباسيل
#الحريري_الى_التدقيق
مصّر يزج إسم جبران باسيل بكل بيان أو إطلالة أو تسريبة بيعملن،
باسيل بعرقل وبعطّل وبيفرض وبشكّل وبوزّر وبيتدخّل بالحكومة،
بدك تفهمه وتكون مُسامِح، ما بينلام، لو ما في جبران هوي شو بيشتغل؟
..المشكلة إنو بالشؤون الوطنية ما بصيب ��بالإستراتيجية هونيك الحلا!
#فليحكم_الاخوان
#عقدة_نفسية
علي يا علي
من الآخر وبلا لف ودوران،
سؤلين صغار:
مين أخّر وعم بحاول يطيّر #التدقيق_الجنائي؟
اذا مش انتو، مين؟
مين متمسك ببقاء حاكم مصرف لبنان؟
اذا مش انتو، مين؟
جوابين صغار بوضّحوا الصورة لكتار
خبر التوصل لحل بموضوع ترسيم الحدود الجنوبية ووصف الجميع إلو انو اتفاق تاريخي، واجتماعات لتوتال بلبنان، ما إلن اي تأثير على سعر صرف الدولار.
اما خبرية حقها فرنكين بتفيد مرجع سياسي او حاكم المصرف فتأثيرها تراجع أربع او خمس الاف ليرة خلال ساعات، وفي مرة وصلت للعشرة الاف!
#مهزلة
النقيب سامر حنا شهيد نفتخر ونعتز به وهو خسارة كبيرة للجيش والوطن ولعائلته.
بس عن جدّ انت إلك عين تنزّل هيك تغريدة ؟ وعن ضابط طيار بالجيش اللبناني بالتحديد ؟؟؟
...في حدود لإستغباء الناس ولمحاولة تبيّيض تاريخك !
#يلّي_استحوا_ماتوا
من إبن شهيد طيار بالجيش اللبناني
الزعيم الحقيقي بيواجه الأزمة، #زعيم_الصدفة... بيهرب،
الحقيقي بيصمد مع شعبو... تاع الصدفة بيعبّق وبيضل مسافر،
الحقيقي موقفو من راسو... تاع الصدفة بيوكّل الشتّامين يحكوا عنّو،
الحقيقي جبل ما بتهزو الريح،
#زعيم_الصدفة مارد من ورق بطير مع اول نسمة.
ما عملنا مقارنة بين مضمون المؤتمرات الصحافية يلي انعملت مؤخراً وبين مضمون المؤتمر الصحافي تبع اليوم، منترك للناس هي تقارن وتقيّم
بس اقله وقت واحد يحكي بمنطق وتسلسل وأرقام ما تردّوا عليه بشتائم ودجل وافتراء!
معه حق يلي قال: مهما اشتغلت بالتنك ما ممكن يصير ذهب،
التنك تنك والذهب ذهب
بيان طويل عريض تيحاولوا يبرروا عملتن اليوم ومواقفن السابقة والحالية،
كتر خير الله بزمن التواصل الاجتماعي، كل شي موثّق ومحفوظ،
...الشمس شارقة والناس قاشعة
#تجعلك_الزيتي
ال fundraising كناية عن جمع تبرعات "علني" بشارك فيه عدد من المناصرين والمشجّعين والاصدقاء،
اما وقت يصير الدعم من جهة وحدة وغير علني وبهدف سياسي واضح، ببطّل هل شي اسمه fundraising
...بل poker في مقولة بتقول qui donne ordonne،
المشكلة انو هيدي المقولة بتسري على امور غير poker كمان