النهارده علي المستوي الشخصي كنت هدخل لشخص ما واقوله انه وحشني ونبدأ نتعاتب ، بس بعد م دخلت الشات افتكرت اني هونت وان الشخص دا اذاني نفسياً وحسسني بحاجات مكنتش استاهل اني احسها منه هو بالذات ، افتكرت لحظات انكساري وانكسار خاطري طلعت بسرعه وقفلت الشات ونسيت انه وحشني .
كل يوم بتأكد إن اللي يخسر قلبي صعب يلاقي زيه تاني.
مش شخصية كاملة لكن صادقة، مش مثالي لكن مبقدمش حاجة مُزيفة، مشاعري صادقة وعفوية، كل حاجة بقدمهالك حتى ولو كانت بسيطة فهي من قلبي، مستحيل اتصنع المحبة أو أبينها إلا إذا كنت صادق فيها، وعمري ما قربت من حد علشان مصلحة.
كنت فاكر إن لو حد أذاني عادي ممكن أسامحه وبعد كدا أبعد عنه عادي، بس المهم إني أسامحه قدام ربنا، لكن لما وقع عليا الضرر واتحطيت في الموقف دا لقيت نفسي مش عايز أسامح، ولو الدنيا كُلها اتوسطت بيني وبين الشخص اللي أذاني أنا مش هسامحه! أصل هسامح في مشاعري ولا في كرامتي ولا في صحتي .!
مفيش إنسان سوي متربي خارج من بيت طيب
هيستحمل يبقى مصدر ضرر أو قلق أو تعب أو أاذى لغيره
الإنسان النضيف دايماً
هترعبه فكرة إنه يكون نقطه سوده في حياة حد.!
مش عاوز ابان شيخ بس بجد مغريات الحياه بقت كتير اوي وصعبه وفيه حرب جوا دماغي بين ان ده حرام وبين ان كل الناس بتعملها وعادي مجتش عليكِ يعني فاللهم حببنا في طاعتك وكرهنا في معصيتك
قمة النضج إنك تقدر تمد إيدك لنفسك عشان تشدك بعد أي وقعة ، متنتظرش حاجه من حد ، أي محاولة لإنقاذك من حد غيرك مش هيكون ليها معني لو مكانتش البدايه منك أنتَ.
كل المرات اللي طلعت فيها مشاعري الحقيقية لحد او عبرت عن حبي بعفوية بدون ما اقاوم مشاعري او اني اكون الطرف الاكثر حماسة كانت اكبر تـىروما في حياتي، حاليا مش عارف اعبر عن مشاعري البسيطة حتي لاصحابي
ليه تقرب من حد وتقنعه يطمن، وبعد ما يطمن تسحب منه كل حاجة؟ تكتشف انك اتسرعت؟ كان فين الإكتشاف العظيم ده قبل ما تخليه يقفل كل أصوات الخوف اللي جواه ويسمعك انت؟
بصوا في المراية كدا .. هتلاقوا إننا كبرنا أوي، ملامحنا إتغيرت، وشنا اللي كان بشوش أصبح حزين، شعرنا التقيل ما بقاش زي الأول، إحنا كدا كدا حلوين عشان بنحب نفسنا ولكن كنا زمان أحلى من كدا .. أروق من كدا .. أهدى من كدا .. الله يهد الحُزن والضغوطات والمسؤوليات اللي شيبونا قبل الأوان.
أنتو عارفين يا جماعه أنا كام مره أتقالي جمله أنت أحسن حد في حياتي و أكتر حد كويس قابلته ، طيب أنتو عارفين إن كل إللي بيقولولي كدا بيعموا فيا ايه في الآخر.
لو لينا غلاوة عند حد ياريت ياخدنا معاه في دعواته ان ربنا يرزقنا الخير في كل حاجه.
خير في الرزق , و في الاختيارات وفي الناس , و في كل خطوة , ويكتب لقلوبنا الراحة من كل هم وغم و حزن.
فِكرة إنك تكلمني وتحاول تعتذرلي عن حاجة إنت عملتها وضايقتني، فدي كبيرة أوي عندي، ومستحيل أتعامل معاك على إنك مخطأ، أنا الموضوع بالنسبة ليا اتنسى وانتهى في اللحظة اللي حسيت فيها منك إن زعلي فارق معاك وإنك مقدرني بشكل كافي .. أنا شخصيه بسيطه جدًا ويكفيني إن اللي قدامي يطمني ..