نزعل على الطيب ونبكي ليا مات
متناقضات فالحياة اشغلتنا
ونكفّن الحيين فثياب الاموات
وظروفنا واشغالنا مرهقتنا
لو ان كل همومنا فالصلاوات
وفتلاوت القران كان انفعتنا
٠
٠
احد يتعب وهو يرقى يبي يأصل الى القمه
واحد تنزل له القمه مايدري كيف يرقاها
..
واحد يمناه في جيبه واحد يمناه في فمّه
واحد يرمي بدلوه مادرا وتجيه بملاها
..
لكن لأخطاء الولد من وقفة اخوه وولد عمه
تراه اخطاء الأمور اللي يبيها ويتمناها
٠
٠
🌹🌹🌹
🌹
🌹
اشهد ان حب المغاتير قطعه من عذاب
يوم ترخي عقب طول الهجيج لحيها
.
تشعف الرجال وتخلي الشايب شباب
حي والله شوف غر المزون وحيها
.
الشتاء والعطر الأصلي ورذراذ السحاب
ذكرتني حب وضحاً كبير نيها
🌹
🌹
🌹🌹🌹
.
الشاعر اللي ماجراله صواديف
ولا جاه حسات(ن) تعكر مزاجه
،
حتى لو انه يعتني بالمحاريف
ويشرب قراح الماء ويترك هماجه
،
ان ما حصل له في زمانه عجاريف
وتبدلت معه السحابه عجاجه
،
يبطي وهو ماجت بيوته على الكيف
لو كان يرطن مثل رطن الخواجه
.
فلاح الحنان وما ادرك ما فلاح الحنان
انه الشاعر الذي جمع بين الموهبة والشجاعة وحسن الخلق شاعر قبيلة سبيع ، ناديت بتكريمة عدة مرات ولكن لاحياة لمن تنادي، اترككم مع هذه المعزوفة الجميله الذي ينعى فيها بعض الذكريات البطولية والحقيقة من اجمل ماسمعت 🔥🔥🔥🔥🔥
:
:
نطرد الدنياء شغف ولا نفكر فــ الحقائق
الحظيظ اللي مطنشها ونفسه مستريحه
.
يعبد الله فالخفاء ويصد ويكب الخلائق
وان تضايق من مكان يروح وأرض الله فسيحه
.
الحياة ايّام وليالي وساعات ودقائق
ينولد وشوي والله يرحمه والله يبحه
.
:
:
لارفعت من السجود ارفع يديه
واخلص النيه لعلام النوايا
طالبك يارب في عشر الضحيه
توبةٍ تدخل على ارشيف الخطايا
ماتخلي من خطايايه خطيه
ياكريم الوجه ياجزل العطايا
:
:
من تردا فأبن عمه تراء مافيه خير
اتركه وأبعد عنه لايجيك ولاتجيه
.
والغني اللي يمينه مثل يسرى الفقير
والله ان النعم مهيب راهمةٍ عليه
.
والفقير اللي يحط أطيب انتاج البعير
فالصحن للضيف هذاك سلملي عليه
.
✍️✍️✍️✍️
.
العمار قصار جداً والليالي عنّس
والبلا في مؤخر الدنياء وفِي مقدمها
.
لاتعلقها برأس التاجر المتجنّس
وانت تقدر تستلم دعواك وتسلمها
.
من سراء مسرا الذيابه و الجواري الكنس
ما يهمه لا ثرياها ولا مرزمها
.
:
:
اتوب وأنسى وأبدي الرجم وأتوب
وأحيان اقول الدرب وين اتجاهه
،
على هذا المسحوب والأمر مكتوب
ما بين رجم وسجةٍ وأنتباهه
،
والاحي الورقاء على راس نبنوب
مدري بقايا حب والا سفاهه !؟
:
: