نحترم بككل أي اتنين علاقتهم private، لا يديروا show ولا كل شويه يكتبوا مواضيع حب و منشن لبعضهم عشان يقولوا للناس شوفوا را نحن نحبو بعضنا، عمري م حبيت العلاقة المكشوفة إللي كل حاجه تصير فيها يحكوها public والناس تعرفها، اللي يحب بجد مش محتاج يثبت للناس، يكفي ان يثبت للي يحبه بس.
أمس فـ الجامعه بنت معانا فـ القسم English department وزعت ع جميع الطلبه شباب و بنات أوراق عشوائيه فيهن جمل تحفيزيه ❤️ فكرة جميله من زميلتي فـ القسم.
هذينا أوراقي انا و صحباتي 👇🏻❤️
و انا نصيبي كان " The harder you work for something the greater it will feel when you achieve it.
لما تقعد عيل و مش راجل و لا قد كلمتك ترتبط بـ بنت ناس و توهمها بالحب ليش ؟ ما في بنات حرام معبيات الدنيا امشي العب معاهن، بس بنت تحبك ليش؟ عندك عادي تكسرها و تكسر مشاعرها و لما تكمل الحيونه تاعك و تمل تبدا تهدد فيها بـ صورها و بـ تفاصيل علاقتكم ؟! النوعيه هذي انتو ارخص و أوسخ ناس
اليوم حبينا نديروا لفته جميلة و نعطوا الناس positive energy و درنا short note ع السنه الجديده و وزعناهن في الجامعه بشكل عشوائي لـ ناس منعرفوهمش .. تقريبا كانن فوق الـ 100 short note و اكتر شي فرحني الفرحه الي فـ عيون كل حد عطيناه ♥️☃️
Me with
@elabare99
#HappyNewYear
واحد من الأسباب الي تخليك م تحطيش صورك و تحذفيهم كلهم انك انتِ في ليبيا ! تذكري انك في ليبيا ! اهو تفضلن بعد قروب اعرف دراقتك الي معبي صوركن شن شعورك ؟؟ بعد يخطم قريبك و لا خوك ع صورتك و يقرا الكومنتات الي ح يكون نصهن كذب لو مش كلهن ! خوذيها من قاصرها و احذفي صورتك بجد الوضع مزري
عيب منك انت كـ راجل تطلب من بنت فلوس، تطلب منها هديه تطلب حاجه ناقصتك، عيب ترضى تبعتلك حتى رصيد ! مهما كانت تشتغل و عندها فلوس هي بنت و انت الراجل خصوصاً لو كانت ها البنت حبيبتك صديقتك،خطيبتك، منحكيش ع الزوجه لان الوضع يختلف مع الزوجه و الحوش واحد ! بس تجي لحبيبتك اتقولها نبي !!!
Me before you ♥️🎬
من أجمل الأفلام الي ممكن تثبتلك ان الحب يجي صدفه بدون تفكير بدون إختيار بدون مواصفات و مقاييس معينه لـ شخص معين، و تحت أي ظروف، الفيلم الي يخليك تعرف إن الهدية بقيمتها و بحجم معناها للطرف الأخر مش بشكلها و ثمنها، الفيلم يحمل كمية تفاصيل جميلة، بعيداً عن النهاية
الشباب بدو يلبسو فـ الموڤ و الوردي و الأصفر 😒 و البنات الله يبارك فيهن يلبسن في العسكري و يرفعن في اكمام ايديهن لـ فوق 🙄🌚
يعني بعون الله في 2020 احتمال المواعين مش شورنا 💃🏻😂😂✌🏻
تاخذ ساندوتش شاورما فـ الجامعه الساعه 10 يخطم عليك واحد باين عليه دوبه واعي ، ايقولك " معقوله شاورما ع الصبح لا حول الله ياربي " باهي ي اخي المواطن الساعه 10 عندنا عشيه نحنا 😂 واعيين من 6 و جايبن محاضرات من 7 و ما تبيناش انجوعوا و ناكلوا شاورما 😒 ناكل حتى فـ اتنين مش واحد 😂🤨
فكرة انك تكون في علاقه بس محد يقيد الثاني لا فـ وقت مكالمات و لا رسائل و لا فـ مدة الرد ع الرساله فكرة ان كل حد يكون حر فـ نفسه هذي طريقه سليمه فـ العلاقات ! برأيك ؟
توا بعد تويت المتخلف الي قال فيه حرام البنت تتفرج ع لاكازا ح يطلعن وحدات اينزلن عمرنا م تفرجنا ع لاكازا عمرنا م شفنا افلام ف حياتنا لا مسلسلات 😄 عشان يجي السوبرهيرو ايقولها انتِ محححترررمه انتِ زووووجة المستقبل انتِ علاااج كورونـا 🙂
كنكم تشفطو ع جيل 80 واجد ؟ والله جيل خيالي ع الأقل عاش الطفوله و المراهقه و تقريبا جزء م الشباب بـ سلام بعيد ع التكنولوجيا و الحب الهابط و الحروب مش كيفكم جيل 90/2000 من اول م حاولتوا تكبرو و انتو فـ حروب و أزمات ي وجوه الفقر 🤦🏻♀️
عمري 23 سنه و فرحانه اني تخرجت فـ عمر مناسب و درت بزنسس خاص بيا و قاعده نحلم و نتخيل فـ براند بأسمي و نرقى ع سلم النجاح ستيب باي ستيب و حياه بامبي ، تجيني وحده تقولي حييييييي مزال م تزوجتي بنت فلان مواليد 2006 فرحها امس و بنت علان 2004 عندها عيل ! باهي و احلامي ي مجتمع كلب !
تلقيت خبر وفاة زميلي محمد باله قسم اللغة الانجليزية .. انسان محترم محترم جدا و معاملته مع الجميع فوق الخيال بجد وجعني لعند بكيت عليه الله يرحمه و يسامحه و يجعل مثواه الجنه .. مزال مصدومه و مش مصدقه الخبر 💔 إن لله و إن إليه راجعون.
اكثـر شخص حبيته فـ حياتي و قدمت تضحيات على خاطره و خسرت ناس واجد عشان يكون موجود فـ حياتي و عطيته حاجات أكثر من قدرتي و طاقتي و مقصرتش معاه فـ و لا شيء .. خاني و بكـل سهوله ... أقبل منكم العزاء لـ قلبي .
انا بنفهم كيف اغلب الليبيات الي دايرات كت اتويت كاتبات " الحمدُ لِلَّهِ حواجبي من ربي هكِ " قصدي بلا طروح هذا منقص و منظف و معدل و مرسوم و متساوي بالشعره و مخطط بالقلم ، يعني شغل متعوب فيه تجي انتِ تقولي انا هكِ من ربي ! مفيش حد هكِ نهائي ... راعي ذكائنا شويا
بنات اصغر مني تزوجن و عندهن اعيال و الي سنقل يبن يموتن ع الزواج و الخطوبه، باهي انا نحس في روحي مزال صغيره و عندي حاجات واجد بنديرهن و نبي نحقق أحلامي و مزلت انقول "لما نكبر" ! بس اصرار الجميع ع الزواج موضوع يوتر ! الوضع طبيعي و لالا !!
بندير مشروع فـ اكتر حاجه نحبها ♥️
الميك اب، المكياج، make up، مش مشروع كبير بس اهو حاجه بسيطه، المهم بنجيب مجموعة ميك اب مع بعض الأدوات، و ح انزلهن هنا و بـ أسعار خيال اعتقد ح تناسب الجميع مقارنتًا بالمحلات، ح نلقى رتويت و دعم منكم ؟ نتوكل على الله و نبدأ !؟
#رتويت
- فيلم #أمريكي تم عرضه عام 2011 .. يتحدث عن فايروس يبدأ في #الصين وينتشر لبقية دول العالم
والأغرب من ذلك في نهاية الفيلم يوضح ان سبب هذا الفايروس الخفافيش ،، إي نفس السبب الآن !!
هل يعقل أن يكون الفايروس ابتكار بشري ام ماذا ؟؟
اسم الفلم كونتيجن (Contagion) للمخرج ستيف سوديربيرغ🤷🏻♀️
بيخطبني قريبي و انا منبيش وقلتها له بدال المره ألف بس مزال مسكر رأسه يجيب هله، باته يقعد سيد بابا و شبه مربيه و يتحشم منه و يعز عليه 💔 خايفه سيدي يجي لعند حوشنا من 500 كيلو مشوار بابا يتحشم منه و يوافق ع طول بحكم انهم بدو و معندهمش جو رأي البنت قدام باتها و الجو هذا 🤦🏻♀️ شن الحل ؟
عزيزتي أستاذة اللغه الأنجليزيه "سنه 1 ثانوي" تتذكري لما أهملتيني و أعتبرتيني من الفاشلات دراسياً .. تحياتي لك من السمستر الخامس English department 🤘🏻❤️
نحن كـ بنات مفيش وحده تلقى واحد حاطها نمبر ون في حياته و يهتم بيها و يحبها و صادق و واضح معاها بجد أهم شي الوضوح و تمشي تخونه زي م البعض يقول، البنت شن تبي غير حد يشاركها كل تفاصيل حياتها و يكون راجل معاها و سند لها، انت بس لما تحب اعرف من تختار و من وين تختار و ح تختم تكون حلالك
كنت جالسه في غرفتي عندما نادتني أمي لأجلس معها فور وصولي لباب غرفتي سقطت المروحه في المكان الذي كنت أجلس فيه نزلت مسرعه لأمي وخائفه، قلت لها لو لم تناديني لكانت المروحه سقطت علي، العجيب أمي قالت أنها لم تناديني.
اليوم خشيت حمام الجامعه جتني بنت شحتت مني هايلايتر المهم عطيتها اقسم بالله العظيم سحناته ليااا هك بصبعهاا تاخذ و تحط اول مره نشوف هايلايتر ينحط تحت العيون و الخشم و الخدود و الجبها انا مصدومه مقدرتش حتى نحكي و من كتر صدمتي بحتت فيا قالتلي كولي كولي " شكلاطه" كويسه ف الصبح ! انهرت
ليا كم يوم منبيش نبكي على خوتي و كيف رمضان شين بلاهم، بس توا مقدرتش نمسك روحي بكيت عليهم لين قلبي وجعني ادعولهم ربي يرحمهم و يغفرلهم و يصبرني ع فراقهم.
نلعبكم لعبه ..
اختاروا رقم من 1 إلى 200 و ح ندزلك سؤال على DM و انت ديـر للسؤال سكرين شوت و تجاوب عليه في كت تويت
الشروط :
1- الي متابعيني بس يشاركو
2- لازم "سكرين شوت" للسؤال عشان متابعينك يعرفو جوابك على أي سؤال.
ملاحظه : الأسئله مكتوبه و جاهزه و الرقم الي تختاره يكون نصيبك. Go
عندي " ماي فاي - برج - بسكويت " و كلهن مفيهنش نت لهن شهرين فاصل عليهن ! و نسكن وسط شارع دبي فـ معليش شن القصه !!! مليت من نت الشفره بجد شن الدره الكبد هذا يـ LTT مش شاريين منكم عقود عشان تزرونا ع الـ 4G ! كلكم نفس المشكله عندكم و لا نحنا بس 🤦🏻♀️😑
#موضوع_للنقاش
- مديرتي في العمل أتقول على زوجها " والله كان يبي يتزوج نخطب له انا من بكرا اقسم بالله نفرح و نمشي نخطبها له أهم شيء يعيشو بعيد عليا "
بـ رأيكم شنو الشي الي يصير في العلاقه الزوجيه أو السبب الي يخلي الزوجه أتقول شيء كيف هذا ؟
شوفوا انا مكنتش خايفه من الوضع الي في العالم و كنت انقول " قُلْ لَنْ يُصِيبَنَا إِلا مَا كَتَبَ اللَّهُ لَنَا " بعدين فكرت في حاجه هزتلي بدني والله، لأول مره في التاريخ الحرم المكي فاضي ! و الصلاه توقف فيه ! و لأول مره رمضان يقرب و مش ح يكون في حج و تراويح ! موضوع مرعب والله
الشباب راقيلهم ان بعض الأماكن "خاص بالعائلات" باهي معناها نحن ك بنات شن انقولو ؟ ع الأقل انت ك شاب عندك صالات بلياردو و games + اماكن احواض سباحه و نادي فروسيه و ملاعب كوره و جيم و قهاوي و ساحة تمتيع و مطاعم و تطلع و تخش امتى ما تبي و فوقها تكسيدات شباب لـ 3 الليل و تسافر بروحك !
في روايه اسمها #توأمي_عاهره روايه حقيقيه و أحداثها حقيقيات بالكامل و نهايتها غير متوقعه.. كاتبتها كاتبه اسمها أروى الشيخ
انا حبيت الروايه بشكل غريب و مش طويله 13 حلقه، لذلك فكرت أن نحطها لكم في "سكرين شوت للصور " لو مش قاريينها .
شن رأيكم ؟
مفيش حد قالك ما أتحبيش أعشقي حتى العشق بس أعشقي راجل يغار عليك لكن يثق فيك .. يعاتبك بس ما يتخلش عليك
يفهمك و يسمع منك مش من ابسط شي يظلمك .. يسعدك و ما تهونش عليه دمعتك .. يدللك ما يهملكش يحسسك أنك أميره مع أنك عاديه يزيد ثقتك في نفسك بين البنات،
راجل يكون عوناً لك لا عليك 👌🏻💜
حسبي الله و نعم الوكيل ف كل شخص ضد الجيش و الأمن و الأمان لـ ليبيا و ضد حفتر و فكرته لـ استعادة الوطن من الأوباش الي يحاولوا يغسلوا عقول الناس بـ افكارهم المخزية ع حساب سرقتهم للدولة و نهب اكبر عدد من الأرزاق، حسبي الله ونعم الوكيل ف الاغبياء المغفلين الي مصدقينهم و يدعموا فيهم.