لما بننتظم في الصلاة بحس أنها نعمة ربنا علينا اكتر من أنها حاجة احنا عملناها بنفسنا، نعمة ان ربنا يلهمنا الدعاء، نعمة ان يلهمنا الاستغفار ونعمة ان يرزقنا الاستقامة والقرب منه. سيدنا عمر كان بيقول 'انا لا أحمل هم الإجابة، ولكن أحمل هم الدعاء، فإذا ألهِمت الدعاء كانت الإجابة معه'
صباح الخير حلمت أن في إرهابيين حبسونا في مدرج حافظ ولفونا في علبة تونة كبيرة وخلاص كنا هنتفجر لحد ما دخل دكتور محمد يوسف وانقذنا كلنا بمذكرات الباثو.. اه والله بالمذاكرات المتكعبة دي
صادفت اكونت دكتور كبير هنا كاتب في البايو بتاعه " نلت كل النعم ولا يقلقني الرحيل"، مش عارفة اي درجة السلام النفسي والرضا الي الي ممكن توصل انسان للجملة العظيمة دي بس اتمني لما ابقي قده اكون راضية عن رحلتي وتكون روحي وقلبي في نفس السلام
كيف يمكن للإنسان ان يكون مهروس ويشعر أن في عربية نقل عدت علي روحه وإذا بمكالمة جميلة من أشخاص يحبها ترجعه energetic تاني كأنه مشحون جديد ، مش هعرف افهم المشاعر الإنسانية دي ابدا بس بحبها
أحب أن نبدأ معًا، صغيرين، يكبران، رفيقين، ضئيلين، يزيدان في الحجم والرسم والاسم يوما بعد يوم، يستند كل منا إلى الآخر، وكلانا شاهدٌ على نمو صاحبه، وكلانا يعلم من أي طينةٍ نبتَ بُستاننا معا .
مكتبة عتيقة صاحبها معدي ال ٧٠ لا تخلو دائما من الكتب، دخلتها بالصدفة وأخذتنا انا وعمو الأحاديث، لما عرف كُليتي طلع صاحب د حجازي الله يرحمه وأهداني كتبه الي مبقتش بتنزل، سمعني شِعر رائع وقالي أنتِ جميلة وكل ما فيكي جميل هيلمع في وقته😭،واداني كراملة وروحت ببتسم زي البلهاء ಥ‿ಥ
قاعدة في مكتبة الكلية، عمو نجيب عملي احلى لمون نعنان الترم دا، اكلت كيندر مكتوب عليها happy hippo عشان indeed I'm a happy kiddo، الناس كلها حواليها بتذاكر انا بس باخد نفسي وبكرر I did it. سو درامتيك بس الدموع هتفر من عيني
الدكتور طلب أ auscultate the heart قلتله (حرفيا مش سامعة حاجة) قلتله حرفيا فاكرة نفسي في تويتر 😭😭😭 المصيبة أنه قالي اه يا دكتورة عشان سماعتك مقفولة😭😭😭😭😭😭😭😭 والله نجوت ب آية الكرسي
في اولي كنا بننزل الكلية خمس ايام في الاسبوع كل يوم من 10 ل 5 العصر، وفي سنة تانية نزلنا يومين او تلاتة بس وهما سكشنين بالعدد، انا ممتنة للتعليم الهجين لأن دا خلي عندنا some sort of life برا الكلية وكمان حسن مذاكرتنا ودرجاتنا كلنا ارتفعت بشكل ملحوظ، يارب يفضل علي طول
جايز مش عايزة ابقي joy killer بس تأجيل الدراسة دي اقل حاجة ممكن يعملها ومش مستاهلة التمجيد دا كله ، يعني دا هو حتي مش موفر أقل ادوات الانفيكشن كنترول ولا قفل رحلات الطيران ولا مجهز المستشفيات كويس ولا حتي بيوعيي الشعب بأخر المستجدات ، بيضحك علينا بس
بحب اوي الدعاء بتاع سيدنا عمر ابن عبد العزيز " اللهم إن لم أكن أهلا أن أبلغ رحمتك، فإن رحمتك أهل أن تبلغني، رحمتك وسعت كل شيء وأنا شيء، فلتسعني رحمتك يا أرحم الراحمين". الي هو انا مش ضامنة أدخل الجنة ومش العبد الصالح بس يكفيني أنه موجود وبيسمعني وان رحمته بينا اكبر من اي حاجة
صباح الخير يا اصدقائي، هانت خلاص، الليلة الي كنا فكرينها مش هتعدي عديناها، مش مهم الامتحان يكون عامل ازاي لأن كل واحد فينا اشتغل بأقصى ما عنده ودا كفاية، انا فخورة بيك وبمجهودك وصبرك 🥺
عايزة ابقي غنية اوي لدرجة يكون عندي بيت كبير واسع بحديقة جميلة، وانزل الصبح أفطر مع حبيبي واولادنا وانا لابسة فستان زي دا من غير ما اضطر البس عليه طرحة أو تحته شميز ಥ‿ಥ
هاي انهاردة لفت نظري ال area الجديدة دي وعرفت ان الجامعة عملتها ساحة رياضية لذوي الاحتياجات الخاصة 💗. الحقيقة جميلة اوي ومظللة وفيها ممر ممهد للعجل. لو تعرفوا حد قولوله أو روحوا معاه هينبسطوا جدا.
فتحت حلقة في هاوس لقيته بيتكلم عن حالة عندها تشنجات وفقد النطق وبعض ال neuro manifestation وطول الحلقة بيجربوا حاجات ويفشلوا لحد ما اكتشفوا أنها الدودة الي اخدناها في بارا الماسكلو البلوك الي فات، ووالله لو كانوا حطوا لينك الحلقة مكان pdf المحاضرة كنا فهمنا وحفظنا الدودة احسن
الكلية سادية اوي يعني وهي شايفة الطلبة الي متوترين و اللي حياتهم واقفة والي بيضيع نومه نايم كنوع من الهروب أن النتيجة انهاردة خلاص بقالهم ٣ ايام اساسا وكل دا عشان إمضة عميدة؟ ٣ ايام العميدة بتمضي ؟ حسبي الله فيكو بجد ❤️
فيه بنوتة كاتبة هنا ثريد عن معاملة والدها لمامتها وكلامها فيه مشاعر حلوة اوي وكتبت " الله يرحمك يا بابا، سبتلنا تركة رائعة"، إن الاولاد يجنوا ثمار حب باباهم لماماتهم ويفضل الأثر الجميل عايش جواهم طول الوقت دي من اغلي امنيات حياتي لما اكبر.
اجواء كلينكال الباطنة بتاعت 56 حماسية اوي وليها تقلها كدا بستنى اعرف عملوا ايه كل يوم واسمع الزغاريط بتاعتهم، الباطنة عندنا فقدت هيبيتها من ساعة ما نزلت سنة تالتة
عايزة اشارككم حاجة عرفتها انهاردة، ال medial و ال lateral الي بنقولها حسب الميديكال ترمنولوچي مقابلها في اللغة العربية هو " أُنسي" الي هو medial بمعني قريب من ال midline، و " وَحشي" بمعني lateral. مكنتش اتخيل أنهم يستخدموا كلمات زي الأُنس والوِحشة في هذا السياق بس رائع والله.
لما بلاقي حد جميل وتفكيره ووجوده في حياة غيره جميل بس مش بيحب نفسه وحاسس أنه مش كويس بالقدر الكافي ببقي عايزة ارج دماغه كدا واعرفه هو قد ايه رائع بجد ويستاهل كل الاشياء الرائعة زيه
مؤخرا بدأت افهم أن كل لحظات سعيدة بنعيشها بندفع قدامها فترة حزن متساوية المقدار ، قد يكون شئ مخيف و anxious او شئ مريح حسب نظرتك له ، بس دايما بحس أن بفرح ع النوتة أما اشوف هدفع قدامها عكننة اي انهاردة