/
-
مايعدّل طبلة الراس غير ام [القناد ]
دلةً ماهيب كوفي / .. ولا شمبانياااا
-
من خذا فنجال منها ما فكّر ف اتحاد
ناتو امريكا ، واوربا ،وجيش المانيا ..)
-
مايفكّر غير وش لون[طارق بن زياد ]
من يدين ملوك الاسبان فك اسبانيا !
-
بمناسبة الشهر الكريم
لمتابعي حساب #مطرب_بن_دحيم
ثلاث جوائز بعشرة آلاف
الاول - 5000 ريال
الثاني - 3000 ريال
الثالث - 2000 ريال
الشروط:
- متابعة حساب
@ben_dhim
- غرد بيت شعر ل #مطرب_بن_دحيم
- هاشتاق # #مطرب_بن_دحيم
- منشن @ صديق
- 🔁@❤️#🔔
*السحب العشوائي الموثق بعد ٤٨ساعة
لاتنثني دون الهدف والحلم قدر المستطاع
والناس مهما يزعجونك في طموحك خلّهم
'
العلم(خال)المعـرفه والحاجه (ام)الاختراع
والعـزم والتوفيـق والاصرار (ابوهم) كلّـهم !
عزالله ان الحروب اهل النضا والمهار
العود منهم كفو والشبل منهم كفو !!
'
رغم ان الايام سوت للحروب ( اختبار )
حطو على كورها صبر الرجال ( وعفو )
'
#مترك_عايض_المسردي
مدري علام مدوّر الطيب يحتاس
والعزّ مايوخذ على حين غرّه !
'
قال : الحيا قلت : المروّه والاحساس
ان قلّ قلّت وان تضاعف مبرّه !
'
شعبه من الايمان في خيرة الناس
ماشفت له فـ وجيه الانذال جرّه !
'
حيا الرخوم ينزل العين والراس
"ماله دخل فـ اركان الايمان مرّه !
دلهوني ياجماعه / عن ظروف الزمان ..
سولفو لو ياخذ الكذب فالهرج سهمه
'
علم والا حلم والا سحر والا بيان ؟!
جف دم اللي تعرفون دمه ولحمه
'
الشغف كان اول العمر مثل الريهجان
واخر ايامه توفى عسى الله يرحمه
'
ليت عمري ( ست والا سبع والا ثمان )
ودي اذوق الشغف زين ضيعت طعمه
ضيعت مفتاح التغافل فـي [ دروج ] الانتباه
كنت احسبن الوقت [ يمدحني] وصار يسبني
'
من كثر ماعشت التجارب في ضغوطات الحياه
عندي مشاكل لو درا .. عنها عدوي [ حبني ] !!
سمحت من الفراق وسطوة الذكرى على النسيان
واشوف الكبريا ، بعد التواضع موقف انساني !
'
حياتي فوضويه كيف اجمعها واصير انسان
انا هالحين نصف انسان وانتي نصفي الثاني:)
الحميا في خلايا الرجل وعروقه ودمه
ويش يسوا الرجل من دون القبيله والمبادي
'
الوعد لاقام كلٍ يلتفت فـ عيال عمه
واعلنوا ربع احمد ابن صميم في كل الروادي
'
#احمد_محمد_مطلق_العتيبي
#بن_صميم
#الدائرة_الخامسة
#الإستقرار_والإنجاز
#مجلس_الامة
@BinSameem
انا سجين البرد واطراف الظلام
يامن يشب النار بالمنفاخ لي .
'
احرقت تبغ الصمت في عظم الكلام
التبغ لـ الايام - ( والمدواخ لي ) !
'
حتى بعير الوقت مردوم السنام
لاناخ لـ احلامي - ولا قد ناخلي .. !
'
ماهوب شرط ان اول السلم السلام
انا ماعيّنت ( السلام الداخلي ) !!
ليله من ليالي نجد ..وأبيات جديده
'
يعجبني الشايب اللي لـ الكرم يمّه
على سماحة جنابه خاطره عاذي
'
عودً سريع اشتعال الطيب في دمه
لـ مغذيَات الاطباا دمّه (الغاااذي)
'
على الحديده وخط الفقر ماهمه
حتى لو ان الحديد يكون فولاذي
'
يحول بين الحوار وبين ديس امه
والا المفاطيح هذي بمرقة هذي
'
طلع عبدالعزيز من الكويت وفك عنها القيد
ولاحطت نحرها الا على المصمك وبيبانه .!
'
'
قصيده تشرفت بـ إلقاءها أمام صاحب السمو الملكي الامير / محمد بن عبدالرحمن ال سعود امير الرياض بـ النيابه . في محفل الشيخ :
@BINHUMAID_OTIBA
لسموه الكريم
وش قالو رحمهم الله ..
-بندر بن سرور
-سعد بن جدلان
-عبدالله بن زويبن
-رشيد الزلامي
- علي بن بلال
-عامر بن نوطان
- مبارك البخيّت
- صيّاف الحربي
- عبدالله بن شايق
-محمد الخس
تذكروهم بـ ابياتهم وادعو لهم بالرحمه والمغفره ..
مسابقة #مطرب_بن_دحيم
عبر عن وطنيتك وشارك في الاحتفاء #شعراً بمن في #الصورة
جوائز ب15000ريال
الشروط
-متابعة
@ben_dhim
-🔁@❤️#🔔
-غرد بأبيات من الشعر في وصف الصورة💚
-هاشتاق #مطرب_بن_دحيم
-منشن@صديق
مراحل التتويج
-لجنة لاختيار افضل ٨ مشاركات
-استفتاءجماهيري لترتيب الفائزين ال٨
الارض كيلو مربّع كلها عرض طول ..!
على جناب المديح الل�� نسولف عنه
'
اكبر فخر فوق الارض انّا خوال الرسول
واطيب مثل للمفاخر ماسكين رسنه !!
'
حنا عتيبه ليا شقنا المنافس تقول :
النا عن البن الاشقر والعويدي سنه !!
الجديد ..
'
خلوني اوقد قناديل الظلام الكبير
فقر السوالف بعد فقر التلاقي عنا !!
'
الجيل الاول غني ، والجيل الاخر فقير
ماعاد باقي من الجيل القديم الا انا !!
بري حالٍ من صدى صرف الزمن متواكل
قال لـ ضلوعه زمانه هاتها وازهلها .)
'
الصناعه لـ المثبت ، والهدف لـ الراكل
والغبي لاثبت الكوره ولا وصلّها
'
هيه ياللي مع مبادي ذمتك متشاكل
الله يمهل لـ الاوادم بس مايهملها ..)
سو ماتبغى: تعيش،تموت،تشرب،تاكل
كل شي الا حقوق الناس لاتاكلها !!
دايم على الطيّب الفنجال الاول يساق
ان مابغا ياخذ ( الفنجال والا بغى )
'
عده على اللي ضيوفه يعرفون السياق
في مجلسه مايجي زله وطايش لغى !
'
تقول مابينه وبين ( القليل اتفاق )
ان قام يفزع طغى وان قام يذبح طغى
'
من كثر ماهوب يذبح من عيال النياق
لاشافه الحاشي الطيب ( يشمّر رغى )!
نوّخ الضعف في نفس الضعيّف ذلوله .
واستشاخت عليه اربع وعشرين ساعه
'
المروّه على جال الطريق ( معقوله )
والكرامه غرامه ، والرخامه بضاعه .!
'
والحيا فالوجيه اللي ماهيب مغسوله !
مالقا في وجيه اهل المباذخ مناعه ..
'
من يشوف ان في ذم القبايل رجوله
مثل بنتٍ تشوف ان الرذيله شجاعه
مرحبا - ياشناحاً عند راع المطيه
الدوا اللي مايوجد في جميع المشافي
'
العبي بالمشاعر / مثل لعب العبيه ..)
وارقلي لي ، ترا قلبي من الود صافي .
'
واعرضي عرض : غيداً عند اهلها جريّه
ماجذب ذايقتها غير صقر النصافي..)
'
وانصبي نصب عوداً دوب اخذ له بنيه
العذراى يخلن المريض "متعااااافي،!
يادرب الاوهام لامسني ولا مرعي!
خربت جغرافيا ، الارض الطبيعيه
'
طريق الايام مثل الشارع الفـرعي
ان ضاق والا توسّـع كنه الحيّه !!
'
امشيه سيفي معي ومجهزٍ درعي
وانطح هل الجرمليّه [والفرنسيه]
واصارع الوقت مثل الراقي الشرعي
يقرا على الادمي - ويصيح جنيّه :)
ارهقيني واحفري قلبي وقولي وش دفنتي
واسعفيني لين مفعول العلاج يبين كله !
'
العلاج : بعيد عن مْتَناول الاطفال وانتي:
اعتبرك بعيد عن مْتَناول العذال والله ..
ياعبدالعزيز الثاني الباتع المحسوب
مقر الفعول وقدوة الشعب ب انواعه
على شانك الاجساد تصبح بدون قلوب
والارواح تقدح فالعدا قدح ولاعه
والانسام تخطف من مجر النسم وتذوب
والاعمار تفنى كلها في ربع ساعه
نبايعك ونعاهدك يا اميرنا المحبوب
على العهد والاخلاص والسمع والطاعه
#بيعة_ولي_العهد
صاحبك عقبك ، يمر بمرحله نفسيّه .
اسعفه بالصيدليه والحقه بـ المرّي !!
'
ماسكً خط الفراق [وعارضه ردميه ]
وانقلب من عالم الواقع لـ عالم سرّي
'
سولفو له عن حدود الطاقه الشمسيه
والكواكب والفلك ، والانفجار الذرّي
'
قيل : خط الاستواء لـ الكوره الارضيه
قال : خط الاستواء زفلت والا برّي !!
يامترفه دام ( الهبايب تشمك )
"..والبرق يضحك لك ويبكي لك الغيم
'
عبد الصمد والا براهيــم همّك ؟
"..لاتزعلين وصاحبك مطرب دحيم
'
من عصر هود وطفرة السوق يمك
"..يستخرجون المسك من قايد الريم
'
لو يعرفون قريش[ جينات ]دمك
"..عبد الصمد نافس عليها براهيم !!
@ASQ_Group
@ibrahimqshops
في مرابيك لامر الحزين ( انشديه )
ليه الاحباب ماتو في ربوع المكان !
'
من لقا الموت الاحمر في يدك ماعليه
كيف يربط على صدره حزام الامان؟
'
كل ما مال عودك لـ الهوى ثبتيه
في قوامك ليان يعاند الخيزران !
'
قالت ( العنفوان ) اللي من الخيل فيه
قلت اشوفك لطيفه مدري (العنف وان )؟؟
..الخ
📍قضاة عتيبه📍
'
'
لو يقال الشعر اماره قلت مافالشعر اماره
انشغل واعرض عنه ، واخذ معه سجه قويه
'
ان دفعته مثل دفع المستحي لـ خلول جاره
وان سحبته مثل سحب الحضرمي لـ النافعيه
كلمات: مطرب بن دحيم
'
أداء المنشدين
فهد فصلا
خالد ال بريك
يامصاب بنظرة العين قبل اربع سنين
عاقبك ضلع المعيّن وقطر الدايره . )
'
انت متعافي محصن من المتحصنين
بس رجلك في طريق المفارق حايره !
'
لاتعود للمحبه > ويغلبك الحنين !
اكد الرحله وروح مع [ اول طايره ]
'
من تحصّن عن كرونا واخذ له جرعتين
ماتحصن عن عيون الهنوف الذايره
جديد ..
" تأملوها "
'
'
سالته كم عمر نوح النبي وشعيب واسماعيل
وقال العبره ان الادمي [رحال مهما عاش ]..)
'
تعيش سنين ؟ والا قرن والا عقد والا ليل ..
لابد يطلعونك فالنعش من غرفة الانعاش ..)!
لاعاد تبحث عن اسرار القصيد الحزين
ملامحك ماتجيب الا القصيد الحلو ..!
'
لكّن الايام ، وضروف الزمن ، والسنين
فيها السلاطين واصحاب المقام بْحلو
'
العام انا اقول لـ العالم من العايدين
اليوم اشوف ان بعض العايدين رحلو .
🅾️سفن الصحاري🅾️
'
'
'
'
كلمات : مطرب بن دحيم
اداء
خالد ال بريك
فهد بن فصلا
'
ودي اخذ علوم الشيخ بدر المشاري
واوزن المسرح الصوتي على الاسطوانه
'
وانشده هل يجوز نحب سفن الصحاري
مثل حب النفوس ومثل حب الديانه !!
الشاعر الكبير شقير الجذع اسأل الله له دوام الصحه والعافيه ، ارسل لي ابيات على الطراز الاول . ورديت عليه -
'
شقير الجذع :
عساك تلقا لي ضبيّات الابراح
اللي بعدهن حارب الجفن نومي .
'
مطرب بن دحيم
قلبك بعدها لاتمسّك ولا طاح
متشبثٍ بين المحاديب يومي
يالربع عندي لغز من غير مسفوه
عن ورع دايم يلمس الرمل خده
'
الورع حكم امه وحكمه على ابوه
وابوه قدامه قلب (حكم جده )!
'
يبدا بحرف التاء وان ماعرفتوه
بندر تكلّم فيه قدّام ( مدّه ) !!
'
يبقى القراد قراد من يوم سموه
والا البعير بعير . ماهوب قده
#بندر_بن_سلطان
الـكـلام : اول مفـاتيح سـر الصامتين
كل متحدث معه دلـو يـملى ويـغرف
'
والمعاصي في ذريعة ذنوب الـمستحين
دربـها مـثل ازدواج الـطريق المنحرف
'
يابنادم كم مضا لك تقول الستر زين
تحسب انك يـوم تخفي ذنوبك محترف؟
'
راقب الله لاتــراقب عـيون الـمسـلمين
واعــرف ان الله تـعالى يـعاين ويـعرف
الجديد ..
'
'
'
ليش اجل نسكت على اهل المهايط والحساس ؟
وليش اجل تبع المشاهير ( صح ) وليه اجل !!
'
فيه ناس يداهنون السيور وفيه ناس ؟!
كنهم في كل الاحوال مفتاح العجل !