بعيداً عن الكلام ده بس النهارده لما الدكتور كان جايب ابنه معاه علشان دوره النهارده يأخد باله منه وجات المحاضرة فجأة فجابه معاه
بتعليق " ده مسؤوليتي النهارده مكانش ينفع اسيبه لوحده الحياة عموماً مشاركه " حسيت الدنيا فيها لسه خير وناس بتقدر يعني ايه حياة مشتركه
نظرتي اتغيرت لحاجات كتير جدا بعد الكونڤيشن دي،لعلها للأفضل.
صدق رسولناﷺعندما قال "نعمتان مغبون فيهما العبد ؛الصحة والفراغ"
المرحله ال انت فيها دلوقتي وبتشتكي منها ومن الضغوط ومش راضي عنها وأوقات الفراغ اللي بتستهلكها بدون إفاده دول حلم لناس كتير وانت نفسك هتتمنى لو يوم يرجع منها
الأهم من كل ده أن في حفلاتنا دائما حرصيين علي تخليد ذكري زمايلهم اللي توفاهم الله خلال فترة الدراسة وهيفضل البارت ده مؤلم بشكل انا مستحيل اسمع الانشودة ومعطيتش عند الجزء ده ربنا يرحم جميع زمايلنا ويجعل علمهم شفيع لهم ويرزقنا صحبه صالحه تفتكرنا دايما
أخر امتحان قرآن لينا بعد 16 سنه في الأزهر وكان خير ختام فاللهم لا تجعل هذا أخر عهدنا بالقرآن واجعله نور لصدرونا وذهاباً لغمنا وحزنا وعلمنا منه ما جهلنا وذكرنا منه ما نسينا واجعله حجه لنا لا علينا ♥️
صحبه ماما بتقولها علي بنت ابنها كان عاوزه يخطبها بس البنت اتخطبت وقد ايه نفسيته متأثرة يعني وجايب الغلط علي البنت أنه بقاله فترة بيلمح ليها بجد!!! والله العظيم استحقاقيه البعض دي بتجلطني
كنت واقفه في اوضه الجراحه فجأة نايب بنبرة صوت سريعه كده انت امتياز
قولتله لا volunteer هو بسرعه اطلعي معاهم العناية لقيت نفسي في امتحان شفوي عن ال US لأول مرة الدكتور خلاني اعمل سونار علي IVC حاله في العناية بعد ماشرح لي معاهم وحقيقي ممتنه لمعلومات الدكتور أحمد بدير فيها 💙
لَا تَسأل الدَّارَ عَمَّن كَانَ يَسكُنُهَا
البَابُ يُخبِرُ أنَّ القَومَ قَد رَحَلُوا
يا طارق الباب لا ترجو رجوعهمُ
لا يُرجِعُ الوقتُ من قد ضمهُ الأجلُ
أُعلِّلُ القلبَ عنهم كي أودعهُم
والقلبُ من شدةِ الأشواقِ يشتعلُ
كانت فكرة وأنا محبتش اخلي في نفسها حاجه
بجد اتبسطنا من قلبنا واحنا بنجهز كل حاجه وحماسهم بصراحه كان مبهج ومحمس جامد
ربنا يديم الصحبه اللي تعين علي الخير 🥹💙
بحب اللحظات اللي ربنا بيعوض فيها الناس عن أي زعل حصل ليهم عموماً انا بحب لطف ربنا وكرمه اللي دايما محاوطنا الإنسان مننا إدراكه محدود في لحظات فقدان الشئ أحيانا بيكون ناقم في حين هو مش بيكون مدرك للخير اللي ربنا كتبه ليه عسي أن تكرهوا شيئاً وهو خير لكم
لله الحمد من قبل ومن بعد، عندي شويه اخبار كويسه، حصلت على شغل جديد، ك Account Executive في شركة Storexweb الإيطالية بمقرها بمصر، كلموني النهارده واتقبلت وبكرة اول يوم شغل ليا، مكان الشغل اقرب للبيت بنصف المسافه، ال position اعلى، والراتب اقرب للضعف عن شغلي القديم
اغلب مجتمع تويتر مرضي نفسيين ومحتاجين يتعالجوا ويتعلموا مبادئ الدين من اول جديد
يعني واحد ينزل صورت خطوبته ومش عاوز ينزل صورة خطيبته معاه يمسكوه جلد دكتورة تقرر تخلي تعاملها للفميلز والأطفال تريقه وقله ادب لييه بجد الإنسان يقول رأيه الذي لاقيمه له في حاجه متخصهوش
انا بشمئز وبقرف حقيقي من اي ولد بيحط لايكات لصور البنات والعكس بالعكس بقا
سواء بقا منتقبه مختمرة او غيره مابيفرق والله 😃 والموضوع بقا منتشر اوي
يلا ذنوب جارية علي دماغكم
اقسم بالله احلي موقف حصل النهارده في الاستراحه بين الركعات في التهجد طفل صغير عسول ماشاءالله عليه عنده حوالي أربع سنوات عمال يروح ويجي في المسجد فأنا قاعده في ركن بعيد كده لقيته جيه وقعد علي رجلي وقالي حلوة شبه جوري وقام حضني وراح عند ماماته مع نظرات مستخبيه كده ويضحك 🥹💙
فعل النوم ده بجد يصنف الأجمل علي الاطلاق وخصوصا لو نايم في اوضتك والجو هدوء ونايم نوم عميق وفعلا من زان نومه زان يومه علي رأي اخواتنا السعوديين أنا مستعدّة دائمًا أخوض اي تعب فيما يضمن لي نهاية اليوم نومة سليمة مريحة مرتاحة البال والضمير
دكتور ليلى من أشطر وأكتر الدكاترة الذوق
ده غير أناقتها الخمار مابيكونش فيه كسرة واحدة امتحتني لوحدي اند وعملي الرينال في الكنترول من وقتها وهي فاكراني وكذا مرة اقابلها تسلم عليا وتحضني 🥺💙
الدنيا والعه بين دمياط والقاهرة
وانا الحمد لله كنت بحقق اهم انجاز في حياتي🥹😂🫣
استمروا ي شباب يعطيكم العافيه
ان شاءالله نسافر في الاخر كلنا بلا دمياط بلا القاهره بلا أسيوط البقاء للي هيسافر ويهرب من هنا بجد مش ها ها وكده 🏃♀️🏃♀️
نصيحة لوجه الله لو تعرف تعمل حاجة لوحدك ماتطلبش حد يساعدك فيها أي مشوار تقدر تروحوا لوحدك ماتطلبش يروح معاك أي موقف تقدري تتحمله لوحدك (مهما كان صعب) ماتطلبش دعم من حد سيدنا النبي صلى الله عليه وسلم علّمنا أن عِزّ المؤمن في استغناءه عن الناس
من أكثر الحاجات الجميلة اللي بتلفت نظري دائما لما نكون بنأخد محاضرة مثلا في اي قسم والاقي الدكتور يستدل من القرآن علي المعلومه دي اللي هو مهما العلم وصل من تقدم ويبقي المرجع الأول والاساسي هو القرآن وازاي هو جامع للمعلومات دي من قبل مايكون في تطور من ملايين السنين
مستوي التفهم والعقلانية في كلامه يدرس بجد بحب الناس اللي بتبذل مجهود أكبر في انها تظهر التفهم والمراعاه لاي حد معاها اكتر من أنه ييذل مجهود أنه يقرفها في عشيتها ويخلي العيشه غم
طنط اللي كانت تحتنا في السكن دكتوره نسا جات ليله امتحان الجراحه الاند لقيناها جيبالنا طبق حلويات وتورته الساعه واحدة بليل وتقولنا لو احتاجوا حاجه تعالوا في أي وقت ولما تعبت طلعت كذا مرة تطمن عليا ♥️
رمضان اللي فات لما كنا بنصلي في مسجد الرحمان الرحيم قررت اتبرع بالدم لان فصيلتي رير شويه فتبرعت بكيس دم مامررش خمس دقايق فقدت الوعي ووشي بقا ازرق علقواكيس الدم اللي اتبرعت بيه
امبارح الساعه 12 بليل والاغلب نايم اصلا الباب بيخبط واحنا مرعوبين والقي حد من البنات بيقولي أية كلمي طنط ساكنه في العمارة عوزاكي انا قلقت شويه لقيت طنط بتقولي إنتي آيه ولقيتها جيبالنا طبق حلويات وتورته
ولو احتاجتوا حاجه تعالوا في أي وقت أنا كنت زيكم برده أنا دكتورة نسا
مش عارفه انتوا ليه بترحوا بعيد وسوشيال وبتاع م الواقع خير دليل تعامله مع الفيملز في محيط شغله بيته بنت خالته بنت ع��ته ....الخ دي بجد هي الحقيقة وبعدين بعد اي ريلايشن كل واحد بيحط رولز أن الحاجة دي بتضايق الطرف الآخر يبقي بلاش منها مااحترمش حاجه زي كده سكه السلامه 🤷🏼♀️
لو متقدملك شخص وبعد م بحثتي اكتشفتي إنه عنده بنات ع أكونت الفيس وبيعملهم لاڤ وهما كذلك..هتوافقي؟
أتمنى كل واحدة تحط نفسها جديًا ف المكان ده وتجاوب..
الموضوع مهم بالنسبالي ومالوش أي علاقة بيا ف نفس الوقت
مساء الخير ..مبدأيا كده أنا مش مسامحه اي حد كان سبب في النظام الجديد لما منهج جراحه يكون متذاكر في اول ترم بدل المرة اثنين واجي امتحن عليه بعد 4 شهور وانا مش فاكرة حاجه وأحس اني افشل حد في العالم و not good enough ومش مسامحه اي دكتور صعبها علينا سواء في درجات أو امتحانات
دي ترشيحات بودكاست لرمضان
ولو حد حابب يبدأ بحاجه فالافضل هو شرح كتاب الداء والدواء لابن القيم هو طويل ولكن مستحيل ما يغيرش في نفس الإنسان حاجه يستحق السماع 💙
انا اتخضيت من الخبر والله ربنا يرحمه ويغفر له انا كنت بحب الدكتور صلاح اوي بجد كان له كذا موقف ظريف اوي معايا في الاستقبال بتاع دمياط اول مرة روحته وحقيقي كان إنسان جميل وخلوق جدا ربنا يتقبله في الصالحين
روحت المؤتمر ده من غير تخطيط في سنه تالته كنت اول مرة اروح فعلا مؤتمر جلديه أو مؤتمرات ليها علاقة بالطب عموماً يعني وكنت رايحه من باب تغير جو حلفت بعدها ميت يمين اني عمري ما هروحها تاني
ابدا الا في حالة خدت جلدية غيرها لاء لاء لاء والسبب معروف مش هحتاج اقوله 😃