.
.
محدٍ ملكني غرامه قبل لا اشوفه
ولاحدٍ عطاه الغلا موجز من اوصافه
ماهي لحد غير من صنعا ليا الكوفه
خشفٍ ربا في قرارة نجد واطرافه
منتوقة العنق ومن الوسط ملهوفه
الــ S بالانجليـز الصـدر واردافــه
لو ان الاوصاف تنصف كل موصوفه
بالزين محدٍ سمع مثله ولا شافه
.
.
#ابراهيم_الجذع
.
.
@TvwjLCvVnlrZzC7
دكتور شاعر يا اللهيبي وبيطــار
سحر البيان ارضيت متذوقينه
كنك يا ابو مرزوق فوق العلم نار
أديب وتصـوغ البيــوت الثمينــه
لكن ما لك مع هوى الغيد تذكار
تقول حال الوقت بينك وبينــه
خشف المها اللي من وحيف الهوى ذار
وش قلت في عنقه وخشمه وعينه
.
.
الا يا هواي وغايتي فالهوى مازلت
اهيم بغرامك والغلا ما تهاونتـــه
انا اللي يجيد بك الغزل كل ما غازلت
وحبي وحبك يا اريش العين دونتــــه
تبلور على قلبي مثل صخرة البازلت
نسيجٍ نتيجتــــه البراكين كونتـــه
.
.
#تل_ابيب
.
.
.
يالله تمكن عبادك من رقاب اليهود
يوم العرب وعيها مافاد وادراكها
ما فيهم اللي بعز الراي يرقا سنود
حتى على سلطته فالدار واملاكها
.
.
#ابراهيم_الجذع
.
.
.
@habib6151
عندما تتابع حساب الشاعر حبيب العازمي
تدرك انه جامعها شعر ورجوله و وجه وجاه
واخلاق و تواضع من كثرت من يثنون عليه
فهو مثل يقتدى به
وهذا ليس بالشيء الغريب على
حبيب العازمي
وهذا موضوع هذي الابيات وقليل في حقه
أهداء لـ الشاعر حبيب العازمي
.
.
.
.
بعض العرب لا قمت تسمـع كلامـــه
صابك صداع وصابك الهم والضيق
وبعض العرب ينعشك حتى سلامـه
احلى من الشهد المصفا على الريق
.
.
.
.
#ابراهيم_الجذع
.
.
.
.
.
.
.
🏹 سهــم الفـــراق 🏹
.
.
.
يا اللي غرامك تملك خافقي واستحل
وشلون بعت الوفا وانته من الاوفياء
.
.
ما تدري انه لغيرك ما بقلبي محــل
وانا عن البيض في قربك من الاغنياء
.
.
.
.
.
.
.
.
.
المعذره يا متابعيني ليا غبت
والمعذره لن كان طول غيابي
لي مدةٍ ما طاب جرحي ولا طبت
تقول من صدري تسل الجنابي
بسباب غروٍ من بعد صدته ذبت
وشلون من صدته ما افقد صوابي
وانا شعوري حر ما يعرف الكبت
لا وا عذابي منه لا وا عذابي
.
.
.
.
#ابراهيم_الجذع
.
.
.
.
.
الجادل اللي في هدب عينها سم
السحر في نظرة عيونــه لغتهــا
من يوم سلهم بالعيــون وتبســم
اكبر محبه في ضميــري لغتهــا
.
حبه بغتني يوم فيهـــا توســـم
واظن قلبي في غرامـه بغتهــا
القلب من ميسم غلاهـا توسـم
والروح فدوة عينهـا لو بغتهـــا
.
.
.
.
.
في ثالث ايام رمضان اظلم الكون
والحزن زود مع طعوني طعوني
يا ابوي يا اللي فالمواقيف دندون
عليك يزعج صافي الدمع نوني
يا اللي تبا تقفون بالله بالهون
خلوني املا من وصوفه عيوني
مرحوم يا اللي في ثرا كميت مدفون
يا جعلها تسقي ثراك المزوني
.
.
.
.
.
.
.
.
الا ليت وقتٍ قد مضى فالزمان يعود
اقابل لملهوف الحشا واتودد له
وليفٍ سبا قلبي بنجل العيون السود
يلد ويصد ولا اعرف وش يصدد له
خشيف الجوازي ما على زين مثله زود
وفيه المزايا زايده لو اعدد له
.
.
.
#ابراهيم_الجذع
.
.
.
.
.
.
.
.
لي صاحبٍ كني على شوفه ادمنت
وادمنت اشاهد ما تخطه يمينه
إن غاب عني قلت يا زين وين أنت
قلبي وعيني من غيابك حزينه
لو يرجع اللي قد مضى لي كما كنت
ما ارتاح لين اشبك يدي في يدينه
.
.
.
#ابراهيم_الجذع
.
.
.
.
.
.
.
.
مـا عـاد فالحــب لانكهــه ولاريحــه
الا القهــر والسهـــر والهم والحمــى
من طاح فالحب هذي والله الطيحه
أنا أشهد أنه هو اللي طاح ما سمـى
.
.
.
.
#ابراهيم_الجذع
.
.
.
.
.
غيبتك عني كنها طلعت الروح
يا مالكٍ قلبي وعقلي وروحي
خليتني بين المخاليق مفضوح
حيل الله اقوى يا الهنوف الطموحي
مالك ورا بعض السواليف مصلوح
ما دمت ما اسمع في غرامك ولا اوحي
.
.
.
#ابراهيم_الجذع
.
.
.
#شاعر_المليون
.
.
.
يا شاعر المليون ما انصفت شعـار
حـتى النزاهـه مـا لقوا بــك نزاهــه
تبحث عن الشعار وان جيت تختـار
عينك على الشاعر ومالـه وجاهــه
.
.
.
.
.
شقر
.
.
لو أن حظي يجيب اللي على بالي
كان السما تصغر بعيني كواكبها
وآخذ نصيبي من الدنيا ولا بالي
واكب من لا لقا الجمره كواكبها
.
.
.
#ابراهيم_الجذع
.
.
.
.
.
.
.
.
بعض العرب يوجعك صده ليا صد
حيث ان لــه بيــن الحنايــا مــوده
وبعض العرب لا صد ما هو بينعد
والا البعــض مـا ودك الله يـــــرده
.
.
.
#ابراهيم_الجذع
.
.
.
.
.
.
.
.
محدٍ ملكني غرامه قبل لا اشوفه
ولا حدٍ عطاه الغلا موجز من اوصافه
ما هي لحد غير من صنعا ليا الكوفه
خشفٍ ربا في قرارة نجد واطرافه
.
.
.
#ابراهيم_الجذع
.
.
.
.
.
.
.
.
يا أعظم شهور السنه خلك على هونك
ولا تمــــــر وتعـــــدا مــــا تزودنـــــا
.
الفـوز فـي جنــة الرحمــن بركونــك
وحنا على طيب الاجواء ما تعودنا
.
وش هي حياة البشر يا شهر من دونك
لو كــان بالعــروه الوثقــى تجودنــا
.
.
.
#ابراهيم_الجذع
.
.
.
@aboabdalah_123
يا حي والله من ينومســك طاريــه
وبنخبــة النخبــه بشبــه الجزيره
وضحٍ مثل وقفاته وفعـل اياديــه
جاتك مثل وصف المهار المغيره
من طيبها يوم الوطن شاركت فيه
ومن طيب راعيها يقود المسيره
#لطامات
#الدبوس
يا اللي تنافسنا ترا ما لك سعد
حتى ولو كوعك قدرت تبوسها
حنا عتيبه لا حضرنا فالوعد
نحط جخدبها على 📌
اللي يمثلنا على القمه صعد
لو تجتمع قومٍ لـ قوم يحوسها
اعصار نارٍ معه براق ورعد
ما هي على النسنوس جرة موسها
راع النظر لن قام له والا قعد
ناسٍ تكبر بالرقع ملبوسها
.
.
.
.
.
محاوره بيني وبين بن ميمون
ودي آخذ مع اهل الشعر والعرف شوط
لو بعض الاوادم من هذا الشرط شاط
من توفر عليهم سابقات الشروط
يتقدم ويلعب لا يصيبه حباط
.
.
.
#ابراهيم_الجذع
.
.
.