نشا من بطون عفاف و اقبل من اكرم ظهْر
على شان يرفع للعلا 🇦🇪 راية 🇦🇪 اوطانه
🇦🇪
محمد إبن زايد .. قرين .. الندى و النصر
به الفخْر .. يقرن .. قبل .. تفخَر به اقرانه
🇦🇪
من احتار في معناه .. معذور ..ما به قِصر
عيون الليالي .. في معانيه .. حيرانه !!!
#محمد_بن_زايد
صاحب الجلالة .. هيثم بن طارق .. ما هي أسرار .. اسمه!!
هيثم هو الصقر الجارح .. صاحب الأفق الأبعد و من هو الطارق .. الطارق مذكور في القرآن .. النجم الثاقب .. في عهده ستصبح عمان درّة الأوطان .. غادة الجمال .. سيدة الحسن كل الحسن و سيدة الجمال
سمعنا طشاش الغيم والسيل له هدرات
و شفنا الجبَل و الوادي اللي على أركانه
و شفنا مليك الحزم .. و الحرّ له طلعات
من #عيال_زايد لي على الحقّ برهانه
ومن شاف بو خالد عَرَف راعي الطولات
ومن شاف سلمان الحَزِم يَعقِد لسانه
#الإمارات_والسعودية_معا_أبداً 🇦🇪🇸🇦
بسم الله الرحمن الرحيم(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي )) صدق الله العظيم.
إنتقل الى رحمة الله .. والدي
المر بالعبد المهيري .. اللهم اغفر له و ارحمه رحمة واسعة .
ثلاثة من أصحابك .. توخّى الحِذَر منهم
صديق المصالح و المراوي و أبو وجهين
و ثلاثة من أحبابك على الطيب تضمنهم
لزيم الوفا و الشهْم و اللي ستَر لك شين
و هناك .. أربعة يا حظّ من هو يوازنهم
شباب العِمِر و المقدرة و العمَل و الدين
#محمد_المر
أسعد الله أيامكم .. حضرت اليوم حفل تخرج إبني الغالي .. المر محمد بالعبد المهيري
من الجامعة الامريكية في الشارقة ، كلية إدارة الأعمال ، تخصص FINANCE
ألف ألف مبروك
مصافَح يمينك فخر يالطود نجل الطود
يمين الولا .. يينا .. لعهدك نجددها
أشوفك و اقول الشيخ زايد أبونا العود
لإمارات مجبولة على حب .. زايدها
لك الشكر و التقدير منّا .. بدون حدود
جمايل يمينك .. ما قدرنا .. نعددها
#محمد_بن_زايد_عزنا_وفخرنا 🇦🇪
العهْد عنده و راس اللاش يومه قريب
واقف على مرقبه و الريح .. ما ضرّته
هذا محمد ابن سلمان سقمْ الحريب
أبطوا خصومه و لا طالوا طَرَف غترته
#الامارات_تتضامن_مع_السعوديه
#محمد_بن_سلمان_قول_وفعل 🇸🇦
قضى نَحبهْ القرمْ الفلاحي و ياب قروم
شغاميم من عقب العهَد طيّبوا فاله
محمد ابن زايد ..و بو راشد المكتوم
بهم نستنير ونحمِد الله على أفضاله
نحن شعب راقي لكن إن صار فيها لوم
معاميلنا .. في ساحة الحرب .. نزّاله
تبا تحوم ياسحيم وتعرّض وياك الحوم
تعرّض بزايد و الْعَرَب حَسبة عياله !!
أحبتي .. حسابي مغلق حداداً على السلطان قابوس بن سعيد بن تيمور بن فيصل بن تركي بن سعيد بن سلطان بن أحمد بن سعيد آل بو سعيدي 40 يوم .. اللهم اغفر له و ارحمه رحمةً واسعة
#قابوس_بن_سعيد_في_ذمة_الله
عزوتي يا اخوان نورة .. يالصقور
أبشروا و اخوان شمّا .. ما تداين
🇦🇪🇸🇦
إضربوهم ف المتارس و الثغور
طهّروا أرض اليمن من كلّ خاين
#الإمارات_والسعودية_معا_أبداً
هل عمان منبت طيب وإحنا موارد طيب
ثراهم ثماره عزّ و الطيب .. موردنا
متى ما سردنا الود .. ساقوا لنا ترحيب
و تاريخنا واحد و الأمجاد .. تسردنا
#نوفمبر_المجيد
من عزّه الله و حَبّه .. حبّب الناس فيه
و الله خلقنا بِشَر و إختص منا بشر
كِنّا نقول ان زايد شيخ .. ماله شبيه
و الحمد لله محمد ابن زايد .. ظَهَر
#محمد_بن_زايد_عزنا_وفخرنا
حاول عدوّك و لكن ما وصَل مستواك
و أبطا و هو يستفز أخلاقك الراقية
اللي تكلّم .. وراك ..إنساه لانه .. وراك
و إذكر عتب صاحبك لي نيّته صافية
القاع مزحوم ليله و إنت نجم السماك
لا تنزل القاع و انت انوارك الباهية
بين الصراحة وبين أهل المجامل عراك
وإنته تحدد .. من اللي راح في داهية
يا حر لك مرقب و طلعات
عزمك يروض كل كايد
سموك .. فزّاع .. الامارات
لأنك على الفزعات رايد
عليك من زايد .. علامات
هذي عزوم عيال زايد
يا سيّدي .. كل المسافات
بك نختصرها وانت قايد
ترقى على روس الطويلات
و تمدّ جنحانك قصايد
كن الصوا��د تفتق أبيات
قصايدٍ من حر .. صايد
#محمد_المر
سلام يا راية التوحيد و أرض الرسول
من ضَدّها يرمي بنفسه على التهلكة
أبطالها .. دون قِبلتها تصول و تجول
و حزومها ثابته و المعركة .. معركة
هذا الامير الجدير اللي يقول و يطول
و يعاهد الشعب بأنه يحمي المملكة
#محمد_بن_سلمان_بن_عبدالعزيز 🇸🇦
هزَعت فنّ أمثالي .. و الجزلة
تبا الحرّ .. العديم
(زايد) علينا غالي .. وذا شِبله
محمّدنا .. الزعيم
عزمه زمّ الثقالي .. من مِثله!
يوم الموقف جسيم
و يوم ترفّ النبالي ..خذْ فعله
ضرباته ف الصميم
على روس العوالي .. يشهَد له
سور الصين العظيم
#محمد_بن_زايد_سور_العرب
#محمد_المر 🇦🇪
من وين ما كنت .. يبقا للمقام مْقام
جلَستْ و إلّا وقَفتْ .. يشرّف حضورك
تواضعِك فخر .. و إحنا فيك ما ننلام
شَعْب الامارات يتبَع أمرك و شورك
#محمد_بن_زايد_قائد_ملهم 🇦🇪
وصلت ضيف و لا وصَل لك حَد
حسبي على .. الخرتيت و الفاطر
حاكم .. طرَدْ نص القبايل .. طَرد
و النصّ عنده .. ضايق و ناطر
المجد وينه يا #تميم_المجد !!
وقفَتكْ و الله .. تَكسِر الخاطر
تحتاج للقسوة .. بَعَض الاحيان
حتى و لو تقسى على ذاتك
اذا كِبَر جرحك تصير .. إنسان
و إذا صغر .. تكبَر معاناتك
كن .. حرْ .. فكرْ و عقلك ..الميزان
ينثر .. عليك و يجمَعْ شتاتك
لا تحسِبْ ان الناس لك .. خلّان
الناس ما تبكي على امواتك
#محمد_المر
الجائزة 10000 درهم 🇦🇪
اللغز :
بعض المدن من حديد و بعضِها للدّاب
بقول .. و إقرا .. نجومي قبل تقراني
رميت لك ستّ و إنته ما حسبت حساب
ما ودّي آزيد .. لنّ اللغز ( ريحاني )
زجاجة ( آدم ) .. مراية .. تفضَح الكذّاب
ياقوتها حرف ( دال ) و نبضه إنساني
للمشاركة :
#retweet
#Follow
على من هذى في منتدى الزور و البهتان
و عرّض بنا و احنا .. كرام و قبيلية
على من حسب هلنا من الدون و العبدان
و حن ما نحسْب أهله عبيد و دوينية
نحن ( ياس ) عطران الشوارب دوا لأبدان
نعزل الرقاب و نترك الروس .. مرميّة
#محمد_المر
طيور الحديد اللي طَرَف ذيلها من نار
صقاقيرها .. جِنّ و عليها .. سنافيّه
🇦🇪
تعزوى بها زايد 🇦🇪و أبو خالد اللي ثار
وثَب لجل داره و المعاميل.. ياسيّة
🇦🇪
على أمر بو سلطان يجنَحْ بها الطيار
و لا تَقنص إلّا في الخطوط الأمَامية
🇦🇪
#محمد_بن_زايد_عزنا_وفخرنا 🇦🇪🇦🇪🇦🇪
حاول على قدّ ما تقدَر تصير إنسان
مَعَ احترامي .. لجيناتك و جيناتي
مسافة الجرح محسوبة على الهجران
تآكل سنيني و تشرَب من معاناتي
البارحة .. مَرّ بي هَجرك يجرّ ألحان
و يدَندِن الليل من فرقاك عَبراتي
دوّرت لك في دروب الصبر عن سلوان
و تلعثمَت خطوتي و إمتدّت آهاتي
#محمد_المر
أرزاقنا يا صاحبي مضمونه
ميعادها .. ما بين كاف و نون
و أيامنا لو تختلف .. موزونه
لكنّ بعض الناس .. ما يدرون
كم تاجرٍ .. يوم أثقلتْه ديونه
حِسَد فقيرٍ .. ما عليه ديون !!
#محمد_المر
عرفنا دروب الطيب و أنتوا محازم طيب
تمرّون بالشيبان و أنتوا .. مكاسبها
و حمدان بن زايد عليه الوصوف تصيب
بيوت الشعر تفتل لعينه شواربها
و حمدان يملك هالة الحب و الترحيب
أبو زايد .. اللي كل عليا يواكبها
و حمدان طيرٍ. حر .. يملك عزايم ذيب
دروب الفَخَر يقرا مداها و يكتبها
🇦🇪
انت .. يا صاحب الوجه الوسيم
يسرح الشعر دونك و يغدي
صاحب الطيب و القلب الرحيم
و السخا و البساط الأحمدي
كلّما ساق طاريك النسيم 🇦🇪
ينبت الشعر من راحة يَدي
#محمد_بن_زايد_عزنا_وفخرنا
يقولون دار العين .. جنة عشب و ظلال
و أنا اقول طيب الدار من طيب اهاليها
زعيم الفَخَر طابت علومه و طاب الفال
خذ الأوّلة .. و الأولة من يصابيها !!
نبى نقول للي فاته الفوت كيف الحال
لعله درى .. بأن الصدارة .. لراعيها
#الثالثة_عشر_بتوقيت_الزعيم
الشيخ سعيد بن شخبوط آل نهيان
حاكم أبوظبي ( 1845-1855 )
قصيدته في رثاء زوجته و دعوته
الشهيرة على جزيرة قيس ( كيش )
حالياً و هي جزيرة عربية أحتلتها
إيران قبل احتلال جزيرة أبو موسى
و طنب الكبرى و الصغرى
نحن وعمان جيران وبني عمّ وأهل وأخوان
على بيض العلوم .. أعلامنا بالعز .. نغزلها
#محمد_المر
أهل عمان لعبوا دوراً رائداً في نشر الاسلام
و قد أثنى عليهم نبينا محمد .. صلى الله عليه و سلم .. آمنوا برسالته قبل أن يروه .. تاريخهم زاخر و مجدهم عريق ..
اللهم احفظ عمان و أهلها من كل شر
أشوفه و أقول الشيخ زايد أبونا العود
لإمارات مجبولة على حب زايدها
له الشكر و التقدير منّا .. بدون حدود
جمايل يمينه .. ما قدرنا نعدّدها
#ملتقى_شعراء_الامارات 🇦🇪
الجديد
القصيدة كاملة .. بعد يومين بأذن الله
🇦🇪
عوى الذيب لأسوَع و العرب يرهبون عواه
و كدّر ..معادينه و نومس 🇦🇪محبينه
🇦🇪
عوى .. و الليالي .. سود و الصبح .. يتمنّاه
و نومَس .. محبينه .. و كدّر .. معادينه
🇦🇪
نحن 🇦🇪 كلّنا شَفّ و نحن 🇦🇪 كلّنا .. يمناه
و يآمر و أمره فخْر 🇦🇪 و
بشوش المحيّا .. ما يخالط سموّه كبْر
مع ان المعالي وقّعت عند بيبانه
تحت رايته .. يآمر و نسمَع وليّ الأمر
و تآمر عداه و ينكسِر أمر عدوانه
#محمد_بن_زايد_عزنا_وفخرنا
العهد هذا جديد و بسملاته عيد
و القايد .. الفَذّ .. فعله يرفع بلاده
سلام .. للّي عيونه مطلعات بعيد
شيخ الرجال .. الكرام و قايد القاده
هذا إبن زايد ومن فوق العزوم يزيد
للدهر سادة و هذا سيّد .. السادة🇦🇪
#محمد_بن_زايد 🇦🇪🇦🇪🇦🇪🇦🇪🇦🇪🇦🇪🇦🇪
هيّدوا .. لين حلوات العلوم
تخطب التبر .. من سبّاكته
و الله أن القصايد له تحوم
و المعاني لفَت .. متراكته
كيف ما ننطق بمدح القروم
تنطق الارض لو هي ساكته
مدح بو خالد .. يزيد العزوم
زيدوا .. المدح .. يا ملّاكته
كنّ في بسملة عينه .. سهوم
تفنِد الحق من .. ترّاكته
#محمد_المر
ياذيب حلمك مدى وأصغر جروحك درْب
و الليل .. يسهر و يترنّح .. على بابك
كم لاح نجمك ..و كم سامَر عيونك سرْب
كم سرْب عدّى ..و لا غزّرت به نابك
طالت مساريك و سروح الطرايد .. غَرْب
ليتك شريت السروح و بعت ..مرقابك
#محمد_المر
يا سيدي .. عزمِك يهزّ ركون
يبطون و الله .. ما يطالونك
على جناح الطاير ..الميمون
ينبت غلاك و تثمر غصونك
أبطوا معادينك وهم يسعون
وأتعبتهُم و أقفوا وهم دونك
#محمد_بن_زايد_عزنا_وفخرنا
#الامارات_رساله_سلام
إبليس ..ما يسمع أذان بلال
إركِد .. و عيّن خير يا ريّال
الرجل يشهد قبل قوله فعله
و اللاش ياخذها يمين شمال
و أيامنا .. لو تنعقِد ..نفتِلها
ما تصعب العقدة على الحلال
والحر عزمه ما يعرف الحيلة
لكنّ .. من له .. حيلةٍ يحتال
نحنا دوانا ما يناسب عمرِك
بعيد .. عن متناول .. الأطفال
نعزّ الرجال اللي على الحق مجراهم
ونعزك يابو محمّد ..سند شيخنا محمّد
نخالك كما برقٍ كشف سرّ مسراهم
كشفت الرماد و تحته الجمر .. ما رمّد
جرى دمّ زايد في عروقك و خلّاهم
دما .. كلما .. لوّحت بالحق .. تتيمّد🇦🇪
#كلنا_عبدالله_بن_زايد
يا راكب النيسان الأبيض.. يعلنا نفداك
بأسبابك النيسان زادت في مشاريها
هذا تواضع منْك أو يمكن بَعَد وصّاك
( زايد ) على حاجات ما نقدَر نواحيها
كتبكْ زايدنا .. و دارك تكتب و تقراك
ما مات زايد .. دام عزمك عايشٍ فيها
#محمد_المر 🇦🇪
سلام الله الباري .. على الجانب المهيوب
سلامي على اللي وين أخصّ النظر ..شفته
صحيح أنّ شوف العين منّي..عليه عيوب
و لكنّ شووووف القلب .. ستّه على ستّه
#محمد_المر
أشوفه 🇦🇪 و أقول الشيخ زايد أبونا العود
لإمارات 🇦🇪 مجبولة على حبّ زايدها
إذا شفت ثَمرْ العود تدري وش أصل العُود
و من ذاق 🇦🇪 من ثَمْر المروّة يفنّدها
#محمد_بن_زايد 🇦🇪
لي ما يقدّرْك ..لا ترفَع له المقدار
خَلّه .. يعاني عواقب ..صغْر تفكيره
المطرقة عمرها ما همّها المسمار
تَطرق على راسه و تَطرِق على غيره
يا صاحبي و الليالي طبعها .. دوّار
تضحَك على من غِفَل وتحبّ تكديره
لاتصير جمرة غضا يدفى بها الجمّار
و أنت الربيع .. و نواويرك .. نواويره
يدينه تحَت و يديك فوق و مقامك فوق
و لا هو ضعيف أصلاً .. لَكَنْ عزمكم فوقه
نحن نفتخر بالسابق و نزهَل المسبوق
فخرنا العديم .. الحرّ لي قطّع .. سبوقه
عزومه تزمّه دون داره و يجبر .. عوق
محمد ابن زايد 🇦🇪 دوا الغاشم و عوقه
#محمد_بن_زايد_عزنا_وفخرنا
أنا ييتكم من دار زايد .. و زايد حزْم
إذا صكّت الحَلقة على بطان محزمها
أجدّم لبو سلمان ما لا يودّ .. الخصْم
و أجدم لبو سلطان .. روحي و أسلّمها
لامارات و البحرين خلّان حرب وسلْم
على اللين و الشدّة .. تلاقَح ..مكارمها
#اليوم_الوطني_البحريني
سافرت و عيوني من البعْد.. تبكيك
يَمطِر جفاك و ينبتن .. ذكرياتك
يا شوق أنا .. محتار بك وين أودّيك
كلّ الجهات الأربعة من ..جهاتك
إذا بغيت .. أنسى شفاتك و أغنّيك
عنّت لي الذكرى و غنّت شفاتك
#محمد_المر
نحن منتخبنا .. قوّته من ضلوع الدار
يحبّ الوطن و يحبّ شيخٍ صنع مجده
ترى عيال زايد .. ندّر و عزمهم جبّار
بهم يفرق الميدان عن هزلة و جِدّه
نبا نشوف وش حِجّة قطر قبل لا تنهار
ملزّق فريق الدوحة و شعبه .. يضدّه
#محمد_المر
هذا الرَجِلْ .. يوم إتّخاذ القرارات
يشبَح بعيد .. و صايده ما يواحي
المجد يشهد له و شعب الامارات
القايد .. الفذ .. الزعيم .. الفلاحي
#محمد_بن_زايد_عزنا_وفخرنا 🇦🇪