محبوبي .. اللي قال انا باقي .. وغاب!
مديت له صوتي !.. ولا جاوب الصوت
مااعطى سبب واحد على كثر الاسباب
سكت !.. وخلاني مع طيوفه .. سكوت
غادر !.. ولا قفل .. ولا شرع .." الباب
لكن .. ترك حبل المشاريه !.. مفلوت
سوالفه .. عن قولة .. ( الحب غلاب )
سوالف .. الحيين عن " سكره الموت !
ليلتي هاذي !.. تبي صبحٍ يشع اشراقه
ضايقه من طول مجلاسي ومن ميقافي
كم سؤالٍ ؟ يستفز ..! حروفي التواقه
ولالقيت لكثرة اسالتي .. جواب شافي
كل ماشفت الوله .. ضيق علي خناقه
قمت ارتب كومة افكاري واشيد قافي
من يضيع في طريق الحب كل اوراقه
لا يدور !.. في زوايا البعد حضن دافي
كيف بلقى
#الحب_افعال_مو_كلمه
حبيبي الراااحل على غير يمه
مشتاقلك شوق النباتات للشمس
مافيه حاجه بعد فقدك مهمه
من قلبي المهموم للخاطر العمس
بالامس كنت اشوف زولك واضمه
واليوم انا بـ امس حاجه الى الامس!
ياصاحبي .. ما تغيرني ظروف الزمان
لو غيرت نظرتي !! مبداي ثابت عليه
انا من انصار قول اختر لنفسك مكان
مكانٍ .. ( يناسبك جداً ) وترتاح فيه
نفسك لها حق لاترضى عليها الهوان
لاهانت النفس وش باقي بعد ترتجيه
حتى لو إن الليالي .. تمتحنك امتحان
وتحطك احوالها !.. في موقعٍ ما تبيه
ياليت نفسي تعيش بوقتها القاسي
ما تنشطر بين حاضرها وماضيها !
اجي واقوي عزومي واختبر باسي
واسوق الاقدام لو تثقل خطاويها
اطلال بعض الاماكن تحبس انفاسي
لولا الظروف المحيطه كان مااجيها
ماني بـ كاره ! ولاجاحد ! ولا ناسي
متخوف من الشعور الي يجي فيها!
مرات أشوف الدرب من دون تعقيد
ومرات عقلي !.. ودي اطلق سراحه
تلقاني مْع اللي ذبحهم هوى الغيد
وتلقاني مع اهل اللحى والسماحه
صادق ! ( مع الايام ) والنظره بعيد
ولا خذيت العمر !.. لهو ، وسياحه
يحبني .. من يكره الكذب !.. واكيد
يكرهني اللي !.. ما يحبّ الصراحه !
في مسرح "الشهره ونقص الادله
عاش الفتى (مرياع ) دور البطوله
معه ( القطيع ) تشاركه كل زله
لو قال كلمه ضايعه صفقوله !!
تمشي وراه .. وتتبعه مثل "ظله
عْقولهم " مستعمره !ومغسوله!
ماراح اقول العيب ..فـ الكم كله
لكن يجي .. فـ الكم نسبه مهوله
رفيقي لو تجابه زمانك بـ عزم ولين
ترفق على الي من زمانه !.. نفذ صبره
لاتشره على ضحكه مجامل ودمعه عين
ياشين الظروف الي تحدك على العبره
لو اقابلك بـ المرحبا !.. والجناب الزين
يبين الحزن فـ العين والصوت ، والنبره
انا فرحتي .. راحت مع ابوي قبل سنين
دفنت الفرح من يوم مااقفيت عن قبره
ماعاد الحي يا زامر .. يشوفك في زوايا الحي
مع انه .. كان يطرب ساكنينه صوتك العالي
تعاتبني على الصده بعد قمت ونفضت يدي
تشوف اللي يورالك .. واشوف اللي يورالي
تقول ان الجروح تطيب يا نايف شوي شوي
وانا هاذي ترى عاشر سنه واحوالي احوالي
على حطة يدك ما غيرت فيني الليالي شي
ماغير يزيد
#لقاء_محمد_بن_سلمان
#اليوم_الوطني_السعودي_93
البلاد اللي .. ماهان اللي حكمها
بـ اختصار وجودها يعني وجودي
من طمع فـ النخله الي في علمها
دونها السيفين والشعب السعودي
هولاء .. " اللاهثين .. بـ كل وادي
خلف شهره زايفه ماهي صحيحه
استباحو كل عُرف ! بشكل عادي
والمصيبه .. مايطيعون النصيحه
كم حسابٍ عاث فـ الدنيا تمادي
ما وراه الا خبل .. ماسك شريحه
من كثر .. ماضيع سلوم ومبادي
وده انه .. يشتهر لو بـ الفضيحه !
#البقوم
ياسهوم الموت من يوم كانت للسهوم
في صدور القوم شاره يطيرها الرمي
ودك ان اللي من الوقت منفي ومعدوم
يحتـزم في وجـه الايـام بحـزام بقمي
قلتها وانا اشهد ان لي من الاقوام قوم
عزوه الهيلا ملاذي لاجريت نسمي
اجتهد في دنيتك بالسجود وبالركوع
الحيـاه الفانيه لاتعـير الها اهتمام!
خاف ربك لو تشوف البدع من كل نوع
خل قلبك مثل من شاف له حرجه وشام
لاتقول الفقر والجوع مايرحم قنوع
دام قانونك شريعه على الدنيا السلام
ناس تملا بطنها .! بـ الحرام ولا تجوع
وناس ياكل بطنها الجوع ! ما تاكل حرام
الفجر اذن .. ونادى المنادي .." للصلاه
خير .. من دنيا ..وماتحتويها .." ركعتين
طالت العزله ولا من ورى (العزله)حياه!
طوقها مثل الكلبشات في يدين السجين
ماركنت لعزلتي ..في رجاء ( لفت انتباه )
غير اشوف ان باقيٍ لي .. مع الاحلام دين
من يطارد .. حلم ويعيش عمره في رجاه
مااعتقد ..
لا تطري الحزن وتضيق علي الخناق
انا اكثر انسان صب الحزن من مدمعه
مع اني ازرع فرح في كل تربة عناق
وشلون الانسان يحصد شي ما يزرعه
يحطني طاري الفرقى في نفس السياق
مع كل واحد فقد له غالي وودعه
يوجعني الفقد !.. ويأثر علي الفراق
حتى .. لو اني ما اشوفه واتعامل معه!
من يصد .. ولا يبي بعض البشر تفطن له
يكشفه ..! شخصٍ يعرفه زين لو يستذكي
كيف بـ اطلع من مجال .. الدمعة المنهله
وانت تعرف وش يدور بخاطري لو ماحكي
يبكي .. ( الرجال ) بعض احيان يا عبدالله
لا يهمك من يقول .. إن "الرجل" ما يبكي
ياحبيبٍ كنت الاول بـ قلبي والاخير
الشقا موجٍ من يطيح وسطه يبلعه
لاتخيرني ما بين المواصل والهجير
واليقين ان حاصر الشك لازم يقطعه
اكتفيت من المحبه يصير الي يصير
ليه ادور ضيقة الصدر ! والدنيا سعه
والله ان الي تخيّر .. بعد ما يستخير
مايهمه .. لو تصير الخِيارات اربعه !