اكتشفت حاجه انهارده .. انا بحب محمد صلاح هو نفسه .. بحبه هو .. وعايزه يلعب كاس العالم عشانه هو مش عشان المنتخب .. بشجعه زي ما بشجع لاعب بحبه في لعبه فرديه
السمنة في مصر مش مرتبطه بالكسل لكن بالفقر والاضطرار لاكل عيش ورز كتير عشان تشبع وعدم القدره على ممارسة رياضة لانها زيها زى التعليم والصحة.. الدولة رافعة ايديها وكل واحد بدراعه بعلم ولاده او يشترك لهم في نادى
فيه بنت تقدر تطلع تجرى في الشارع او تركب عجلة؟ عندك دولة تحميها
واحد من احسن عشره لاعيبه في العالم خلينا اقصى طموحه في الحياه ان محدش يطلع يخبط عليه الساعه خمسه الفجر و يقعد معاه في اوضته بالعافيه قبل ما يلعب ماتش .. لا ونتخانق معاه انه بيتكبر كمان
كسبت .. كسبت .. كسبت
انهارده ٢٥ يناير.. هذا يوما يحبنا ونحبه.
فَعلتها ..
بحمد الله وبفضل دعوات الحبايب وقلوبهم الطيبه.. فزت انهارده بجائزة ساويرس في الرواية عن رواية "قريبا من البهجة" افضل رواية مركز 2.
قلوب كتير يا حبايب..
منع القضاه من اعلان نتايج الانتخابات الفرعية نسف لفكرة الشفافية .. دى اول مره تحصل من 2011.. يعني ايه تختفى كام يوم وترجع تقول فيه ٢٠ مليون قالو نعم ٢ مليون قالوا لا .. مين دول يا عم ولو مفيش مندوبين ولا صحافة ل��ه نتايجك يبقى لها مصداقية حتى لو صحيحه.. حتحلف على مصحف فاصدقك ؟
دكتورة ايمان من عيلتنا..اتصابت وهى بتعالج الناس. اكتشفت انها ايجابي. عزلت نفسها وطلبت عربية اسعاف محدش عبرها. مجرد عربية الاسعاف لطبيبة مراحتش.. راحت بنفسها للعزل مش بيدخلوها وبيقولوا لها لسه بنجهز المكان. مع انهم اللى طلبوا منها تسيب بيتها وحددوا لها المعاد. دعواتكم بالشفاء.
محدش يستاهل يحصل فيه كده.. مشهد الفيديو للراجل بيجرى محروق مسيطر على دماغى تماما.. ده اكتر مشهد شفتهه مرعب ومقبض من سنين.. بدعى اللى ماتوا يكونوا ماتوا بسرعه.. يارب بس يكونوا ماتوا بسرعة
احنا بنترحم و بندعى لمثليين ومنتحرين وناس مش مسلمين اصلا وملحدين وكل اللى بتكرهم دول .. لو مش عاجبك اضرب دماغك في الحيط لغاية ما تشلب دم .. رايك ميهناش.. فأكيد رأيك في رأينا هو كمان ميهمناش.. انت مشغول بمين بيقول ايه..دى مشكلتك لا تعنينا في اى شيء
وسواق التاكسي بدا منزعجا جدا من اللى حصل في نيوزلندا.. و قعدنا نشتم سويا في اللي عمل كده وفي الاخر التفت وسألنى بجدية:
ــ ناس غريبة جدا.. عمرك سمعت في حياتك عن مسلم فجر كنيسة في اى مكان في العالم؟ .. ابدا.. ليه بيعملوا معانا كده عشان بنقول لا اله الا الله يعنى؟
تجزئته ؟؟ .. تم تجزئة خاشقجي .. فعلا ؟؟ 😃
تحيه للمجتهد في النظام السعودي اللى قعد بتاع عشر ساعات يشرب قهوه و يولع سجاير لغاية ما وصل للمصطلح ده .. تحية بجد على الخيال والمجهود
انا في محل في السيدة بتعشا والعمال في المحل جايبين الجزيرة وفرحانين..
فيه شيء ولو صغير بيحصل.. والترحيب بالنزول اهم مليون مره من نزول كده كده معروف ان اعداده محدودة.
يعنى ايه يكون عندك مساجد الازهر و الحسين والسلطان حسن والسيده زينب و السيد البدوى وعمرو بن العاص و انت بتذيع الادان من مسجد فاضي مهجور محدش لسه راح صلى فيه.
هل انت عبيط ؟
هو ازاي اللي بيتكلموا عن الامن القومي ليل ونهار مش فاهمين ان توفير سراير لمصابي كورونا من العاملين في القطاع الطبي امن قومي.يعنى الناس اللى خلاص بتنهار منك دول لازم توفر لهم اماكن والا مش حنلاقي اى حد يعالج اى حد.الدولة توفر للاطباء والممرضين..حنتفشخ كلنا لو الدكاتره وقعوا مننا.
لو السعودية فازت على اورجواي.. و بعدين روسيا فازت على اورجواي وبعدين مصر فازت على السعوديه اتنين صفر وبعدين السيسي عمل انتقال سلمي للسلطه وشفنا حلمه ودننا حنصعد ان شاء الله.
#فيه_امل
سمونى جنرال السراير، مكنتش بزعل، جنرال زيها زى المدفعية زى المدرعات، ده كان اعتقادى، لا أنا كنت قواد رخيص، ولا أنتم بنات ليل، كلنا كنا فاكرين إننا بنخدم الوطن، حتى اللى عذبوا الناس في السجون كانوا فاكرين أنهم ببخدموا الوطن
#كشف_المستور
وحيد حامد ❤️
نجحت.. نجحت..
قصيت شعري في البيت.. الموضوع طلع سهل فشخ.. القصه كلها ماكينة حلاقه وعشر دقايق تركز فيهم و اسبوعين تلاته في البيت على ما اللى هببته في نفسك ده ما يتصلح
لو علي عبد العال ومصطفى بكري وعبد الرحيم علي فاكرين انهم حيوقعوا بلدنا بشوية الكلام الفارغ ده بتاع الحرية.. فالشعب المصري خلاص فهم.. ومش حتضحكوا علينا بكلام معسول.. كلنا ورا مؤسسات بلدنا.
عايزين نبنى مصر.. كفاية كلام عن الحريات بقى.
- فيه يا فندم كتاب اسمه الملاك موجود في كل مكتبات العالم..وعلى الانترنت..فيه منه ملايين النسخ ويستحيل حجبه..واتعمل فيلم مصر كلها شافته على نتفيلكس..بيقدم رواية احنا مش عارفين نقول للناس ايه عنها..نعمل ايه؟
=اسجنوا اللى ناشر النسخة العربي اللي ووزع الفين نسخه في مكتبه في وسط البلد
التحرير فيه حوالي ٣٠٠ عيل قابض.. ليه الدوله مصره تصغر نفسها.. اصل لو اخرهم في الشقاوة تجميع ٣٠٠ عيل يستقبلوا بن سلمان فدى حاجه حزينة جدا.
ما انت قافل المجال العام ومحدش بينزل يعترض..ليه الطالعة التعيسه دي..ما تمشيها محدش بينزل وبنبنى البلد ومصر حتفضل غاليه عليا بدل ام الفرهده دي
مجلس تحرير جريدة الأهرام
الخميس، 02 أبريل 2020
معلومه طبية تهمك ..
لا يصاب الصحفي باى فيروس اذا ارتدى بالطوا الاطباء الابيض حتى لو كان فوق العشره لازقين في بعض في مكان واحد .. فالفيروس يرتبك وهى واحده من اشهر عمليات الخداع التى اقرتها منظمة الصحة العالمية لقرطسة الفيروسات
وضوع ان فيه قطاع من الناس بيصدق قصه الغرامة الانتخابيه دى مع انها بتتقال من ايام مبارك وعمرها ما اتنفذت ويستحيل تنفيذها موضوع يستحق دراسة نفسيه والله
اللى هو ممكن اقعد عشر سنين اقابلك كل يوم الصبح اقول لك نفس النكته و انت برضه تضحك عادى جدا
قبل مباراتك مع منتخب منافس في كاس العالم باسبوع وزير رياضه الدوله دي " تركي ال شيخ" يشترى نادى عندك.. وقبل الماتش بيوم يشتري اتنين من منتخبك في النادي اللى ملكه.
والصفقه بيتعلن عنها امتى؟ .. ليله الماتش.
لو ده مش تواطؤ و فساد مصري يبقي ايه هو التواطؤ مع المنافس لتشتيت لاعيبتك؟
عجبنى جدا مصطلح المسلم الكيوت اللى بيتقال كتريقه على المسلم اللى مدرك ان العالم في سته مليار غيره وإن حتى المسلمين كل واحد له وجهة نظر ومختلفين . واقترح يتضاف للقاموس المسلم البهيمة اللى فاكر انه عايش في الكون لوحده.
انتم بتدافعوا عن داعش وبتحبوهم و شايفينهم مظلومين يا عيني ومجرد رد فعل.. واحنا مع الجيش في معركته ضد وساختكم.. . احنا ضدكم.. انتم بس اللى مش فاهمين ده وكل مره من ٢٠١٣ تصحوا تكتشفوا نفس الاكتشاف وتتخضوا نفس الخضه ان محدش معاكم.
حياد مين يا روح امكم.
افرجوا عن الغارمات.. المحبوسين احتياطيا بدون حكم قضائي .. المحكوم عليهم في جنح ومفيش خطورة منهم على المجتمع.. افرجوا عن الجنائيين قبل السياسيين.. مفيش اى معنى لتكديس بشر في تجمعات قاتله بالسجون في اللحظه دى.
امبارح بشترى لمون فبصيت على سعره لقيت مكتوب 50 جنيه .. مفهمتش.. مش اعترضت و لا استغليته .. انا فعلا مفهمتش.. سألت البياع :هو اللمون بكام؟
ــ ايوه هى دى الحقيقة.
تقريبا ده اعظم رد من بياع سمعته فى حياتى.
شتيمه اللاعيبه وهم نازلين من الاتوبيس دي حاجه سافله جدا .. انا لو من رمضان صبحي وعلي جبر ومروان محسن اخد موقف واعتزل اللعب الدولي... او اعتزل اللعب كله اصلا.
وصل.. وصل.. وصل.
انهارده تم حجب مواقع الافلام و المسلسلات في مصر والمواقع التي تم حظرها( حتى الان):
عرب ليونز.. اكوام.. موفيز لاند.. عرب سيد.. مزيكا توداي.. شاهد فور يو.. شاهد فور اب
سيما فور اب
وتش ايت لاطلع ميتين اهلك.
مش نقص وعي.. اللى منعوا دفن طبيبة سفلة ومنحطين وبس..ببساطة كده
نقص وعي؟..اصل العيال بتوع اعدادى اللى بيتحرشوا جماعي في شارع جامعة الدول عندهم نقص وعي
وبتوع داعش اللى اتمسح دماغهم
وبيقتلوا عندهم نقص وعى.. نوعيهم حاضر طبعا..ولغاية ده ما يحصل هم مجرمين بينتزعوا حقوق اخرين بالقوة.
٣مليون قالو لا وفقا لما اعلنتم من غير ما مخلوق يقدر يرفع على بلكونة بيتهم يافطه لا.. من غير ما حد يقدر ينزل يعمل دعاية في الشارع ل"لا"..من غير ما جريدة تجرؤ تنشر خبر او مقال ضد التعديلات..من غير ولا فضائية يظهر فيها بني ادم يقول لا..غير مليون ابطلوا صوتهم والمقاطعين
مبروك عليكم
بعد ٥٣ سنه من هزيمه ٦٧.. عندنا نسخه طبق الاصل من الاعلام بتاع مانشيتات "قواتنا تتوغل داخل اسرائيل" .. عندنا نفس الاعلام اللي قضى علي اي مصداقيه للدوله المصريه وخلى الناس اما الدوله نعلن اننا عبرنا القناه في ٧٣ يروحوا يتأكدوا من اذاعه بي بي سي ومونت كارلو واذاعه اسرائيل الاول
نقد السلطة مجرد موقف سياسي..مفيش أى ميزة اخلاقية لكون حضرتك بتعارض..فالاصرار على التاكيد ان كل حد يوجه اى انتقاد للسلطة مش طاهر بالقدر الكافي وانكم مش حتنخدعوا فيه وتدخلوه الدايره النقية اصرار عبيط حبتين..لان ببساطة احنا نفسنا لا اطهار ولا نيله.. مجرد بشر عندنا موقف سياسي محدد.
لازم نحترم مشاعر المسيحيين اللى فاهمين ان شكل معين من الرسم ( رسومات الفيوم ) هو رسومات دينيه..احترام مشاعر الاغبيا مسيحين ومسلمين مهم جدا لان دى الوحده الوطنية الحقيقية اللى حتوصلنا اننا نبقي معاتيه كلنا باذنك يارب
خلاص.. بلاش باسم يوسف المهرج ورحمه اللي مش محجبة وابعتوا اخ من عندكم يقول الكلام بتاعكم اللى مفيش فيه تمييع بتاع اليهود اولاد قرده وخنازير وحناخد فلسطين كلها ونرمي اسرائيل في البحر واللى حصل يوم ٧ اكتوبر في الحفل الموسيقي تمام.. جود لاك.. موفقين يا شباب
متطلعوش ميتين ابونا بقى.
قال لك بلاش تترحموا عليها عشان بتستفزونا.. طيب ما نستفزكم .. انتم تافهين اساسا .. و افشل واحقر خلق الله..فشلتم في الحكم و فشلتم في المعارضه و فشلتم تبقوا بنى ادمين اساسا.. مين قال ان مشاعركم المرهفه تهمنا في اى حاجه
بعد سنتين في الحبس الاحتياطي بدون محاكمه ولا حكم قضائي ضده ..مجرد اتهام فقد بسببه سنتين من عمره قبل ان يتم تبرئته.. خروج الزميل الصحفي عادل صبري من الحبس.
الف مبروك لعادل صبري .. عقبال كل اللى زيه.
"الفيروس حيموت في الحر على فكره".
"غالبا تطعيم الدرن حامينا"
"اشتغاله والله.. حد شاف بنى واحد عنده الكورونا دى؟"
"حد يفهمنى قفلوا الجوامع ليه؟.. ولا اما صدقوا؟..مفيش حاجه تستدعى؟ ده دور برد"
"مصر عندها لقاح و الوزيره راحت توديه الصين..اطمنوا"
اقوال مأثورة ــ القاهرة ــ مارس 2020
التعليقات بتكفير و شتيمة دار الافتاء عظيمة جدا .. هم عارفين ان القصة مش دين زى ما احنا ما عارفين ده.. دى خناقه على مساحات اجتماعية وفيه طرف فاهم كويس انه مش عارف يهيمن على المجال العام.. وانه كان فيه وخلص.. فبيعيط
هى الناس اللى بتطالب بحظر التجول شامل عندها تصور اما الازمه تمتد 6 شهور او سنة ايه اللى حيحصل؟
يعنى السؤال مش انت حتجيب حاجتك عشان تعيش ازاى من السوبر ماركت.. السؤال ازاى السوبر ماركت حيكون فيه منتجات بعد ٣ اشهر اصلا والناس مبتروحش شغلها.. كائنات فضائية هى اللى حتنتج؟
الى شباب التيار الاسلامي..
نورهان البنت الجميلة اللى بتنططوا زى القرود عشان تمنعوا الناس تترحم عليها هى تقريبا اكتر واحده قريت ترحم عليها من يوم ما اختراع تويتر وفيسبوك..
كملوا تنطيط..
الفراغ قاتلنا.. والبلد فاضية ومخوخه .. حدش بيتكلم عن تعليم و لا فن ولا فيه جدل على اي حقيقة مرتبطه بحقوق بشر.. الخناقة كلها يلا ندافع عن الاسلام من المسلمين او ندافع عن مصر من المصريين.. ومين اللي عملت تورته ومين اكل الجبنة.. وشكلنا مكملين في الولا حاجه دى عشره عشرين سنة كمان.
وانت بقى مع مصر وقضائها واعلامها ومؤسساتها وشرطتها ويومها السابع ووطنها وماسبيروها ومستقبل وطنها وبرلمانها ووزرائها واعلام مصريينها وحلفائها الاقليميين وقوتها الناعمه واحتياطيها النقدى ولا مع خالد ابو النجا؟
هو انتم فعلا مقتنعين ان لو واحد رو��ي قابلني في الشارع و قال كلمه او شتيمه بالروسي فانا مفهمتش فقعد يضحك عليا هو واصحابه و نزل الفيديو على يوتيوب ان ده خفه دم هايله و شعب مالوش كتالوج ويبقي الروس الطف ناس في الكوكب؟
هو فيه هلال..وكلنا عارفين ان فيه هلال.. بس معرفناش نشوفه فالشهر القمري اللى خلص اصلا مكمل مع ان هلال الشهر الجديد ظهر.. تهريج وبس واحنا المفروض نتعامل مع التهريج ده انه دين عشان قالوا لنا كده..
يقول لك المتخصصين يحددوا..ايوه ما حضرتك المتخصص في ظهور هلال شهر قمري عالم فلك؟
شيرين عبد الوهاب قالت وهي في البحرين "انا هنا اتكلم براحتي في مصر ممكن يسجنوني".. فعملوا ايه عشان يثبتوا ان ده مش صحيح ..
وقفوها عن العمل بتهمة تهديد الامن القومي واتقدم فيها بلاغ للنائب العام عشان يسجنوها
اللى هو انت مش حتخرج من السجن غير اما تقول انى مش حسجنك 😃😃
ليه الاصرار علي ان الازهر يكفر تداعش؟. ما الناس مسلمين بيصوموا وبيصلوا وولاد ستين كلب..يا ما مسلمين و قتالين ��تله عادي جدا..مليار وربع اصلنا.. افتراض ان المسلمين كائنات نورانيه ولو حد قتل يبقي مش مسلم هو اللي افتراض متطرف.. ده دين مش مركز شباب حنسحب الكارنيه من اللى يرتكب جريمه
جميل ان شباب التنظيمات الاسلاميه فكوهم من جو العمليات النوعيه واللجان النوعيه وبوستات تاييد داعش و تكفير الجيس والفرهده دي و بقوا متفرغين لجهاد الريأكت وانهم يدخلوا على بوستات بنت ميته يعملوا ضحك على بوستاتها.
نهاية لايقه جدا للمشروع الاسلامى العظيم والخلافه واستاذية العالم
"لا يمكن اخفاء صوت الانفجار "
محمد ابو الغيط.. مارس ٢٠٢٠ ..
لافت جدا ان الجمله اللى بتلف السوشيال ميديا للرد على هبد الجارديان واشتغالات جروبات واتس اب هى لصحفى مصري له مصداقيه وبيشرح بمنطق وقدرة على الاقناع عايش في لندن ومش عارف يدخل مصر من خمس سنين.
رجاء الناس تحترم حريتى في انى مشوفش حد ب��حتفل بالكريسماس اللي انا مبحتفلش به ولا ان واحده تلبس لبس انا شايفه حرام ولا ان حد ياكل قدامى لانى صايم وهو فاطر لاي سبب.. رجاء احترام خصوصيتى ورغبتى في انى اطلع عين اهلكم كلكم نفر نفر..
لو متنفستوش اصلا يكون لطيف جدا عشان متزعجونيش..شكرا.
وقال عائض القرني أشهر دعاة المملكة: اعتذر عن الأخطاء والتشدد أو التي خالفت الكتاب والسنة وسماحة الإسلام وخالفت الدين الرحمة للعالمين وضيقت على الناس“.
كنا غِلاظًا وشغلتنا الشكليات..أنا الآن مع الإسلام المنفتح والمعتدل على العالم الوسطي الذي نادى به سمو ولي العهد محمد بن سلمان".