يالله ياللي سترك استر من الليل ودجاه
ما على غِرّاتنا الا أنت يا جلّ .. و علا
انتقرب منك بـ صيام واحسان و صلاه
جعلها في خشيةٍ منك عن دفعة بلا
فيك من يقرب من الخوف يبشر بالنجاه
و فيك مـا ودّعَـك ربُـكَ ، و مـا قـلا .
النفس تبقى عزيزه في جميع الامور
اتعيش في عزها و تموت في عزها
لو كان بعض العرب قامت تلف وتدور
ما حاشت ايدينها لو روسها ترزها
ناسً عليها علامات الخبث والغرور
تلحق على نارها لين احرقت رزها
اللحيه الي تجي فوجيه اهلها دبور
تستاهل الي يحد امواسه ايجزها
عسفت الصعايب لين راحت وجيه عداي
من الغبن يسفي فوق هاماتها السافي
،
نجاحي مكفّي عن تعب رمحي وشلفاي
كشف لي من الكذاب والصاحب الوافي
،
تراكيت يوم الناس بانت على مركاي
ولاعاد به شيٍ مغطّى ولا خافي
،
هل الطيب والمعروف شفهم على يمناي
وهل الخبث وعلوم الردى شفهم خلافي
من يشوف الزود في نفسه على كل البريه
البريه ماتشوف الزود في حضرة جنابه
علم اللي يحسب ان المرجله بالفوضويه
مادرى ان الفوضويه لا مقام ولا مهابه
ينقص الرجال لمن صار ماعنده حميه
ويكبر الرجال لمنه احتمى من دون لابه
الردي من خلقة الدنيا هقاويه رديه
قبل خيره للبعيد تشوف شره فالقرابه
سبح وكبر كل ماصبحت وامسيت
واستغفر الله كل لحظه وساعه
واخشع ليا منك بالاوقات صليت
وعليك بالاخلاص في كل طاعه
وان طعت ربك فزت باللي تمنيت
واصبحت لك عنده قبول وشفاعه
وعجًل علي التوبه ليا منك اخطيت
وخلك بهالدنيا كثير القناعه
ليس كل الرزق مالا"
بل إن من اجمل الأرزاق سكينة الرؤح"
ونور العقل~ وصحةاالجسد~ وصفاء القلب"
وسلامة الفكر~ ودعوة محب في الله"
اانعم الله علينا وعليكم بتلك الأرزاق كلها"
لنا عند عراف الرياجيل قدر وشان
لو تقلل ظروف الليالي تواصلنا
عن الموجبه مانقدم العذر مهما كان
هاذا سلمنا الي وارثينه من اهلنا
خلقنا عزاز نفوس مانقبل الحقران
وصبرنا على جهد الحياه وتحملنا
عسى ذكرنا لادار فـ المجلس المليان
مع الي هقو فينا الجمايل يجملنا
اليوم ماعاد بـه صكات ومواجه
في ساير الناس لا اشكك ولا اريّب
لاشفت من غيرت الايام منهاجه
جزعت منه جزوع امجري الهيّب
مالي ورى الناس لا مطلب ولاحاجه
مادام رايي وجيه ومنهجي طيّب
ياالله بـ لاما رفيقٍ يضحك حجاجه
وياالله بفرقى رفيقٍ شبحه قريّب !
عسى لا نخونا ربعنا ، فالنهار الشين
نجي عند هقوة ربعنا يوم تنخانا
وعسى الموقف اللي فيه روس الرجال تبين
نشرف عليه بموقفٍ يطلق لحانا
سلفنا شيوخٍ تروي السيف ابو حدين
تعرف العرب ممشا سلفنا وممشانا
نعد الصحيح وخيرة ربوعنا الـغالين
ليا ضاق واحدهم يجينا ويلقانا
-
"
*اللهم في هذا الصباح احفظنا*
*من شتات الأمر ، ومس الضر ،*
*وضيق الصدر ، وتقلب الدهر ،*
أسأل الله أن يلبسكم لباس الصحة والعافيه وان يغفر لي ولكم ولوالدينا وجميع المسلمين. ❤️🌿
"
#صباح_الخير
اول حياة الفتى تدريب ودراسه
مسيرة في عجاج الوقت يقطعها
.
وثاني حياة الفتى تجريب وعساسه
تكثر ضروف الحياة وينشغل معها
.
وثالث حياة الفتى يرجع الى ساسه
والنقطه اللي بدا منها يراجعها
.
اذا تلاقت متونه وارتخى راسه
علومه اللي مجمعها يضيعها
اللهم في #يوم_الجمعه :
لا تحرمني من أمنيه تفرح قلبي، وتوبة تجلي همي، وتوفيقا ينير دربي، وسعاده تذهب الحزن عني، وبركه تلازم عمري، وعملا يرضيك عني، يارب ادعوك ان تصلح حالي وتسعد حياتي وتحقق ما في بالي وأسألك الفردوس الأعلى من الجنه بلا حساب ولا سابق عذاب إنك على كل شيء قدير ..
الحمدلله الذي بنعمته تتم الصالحات
بفضل من الله تعالى ومنه وكرمه رزقني الله
( بمولوده )
أسأل الله أن يرزقنا برها ، وأن ينبتها نباتاً حسناً ويجعلها من عباده الصالحين
الرفيق اللي تعده لك رفيق
جعل ربي لجل طيبه يمهله
كل مامريت في كربه وضيق
جاك كساب الجمايل بجمله
شال حملي واعتلا قمة طويق
ذا مقام الكفو وهذا منزله
شامخ الهامه على عز وثيق
وكل طيب بالمراجل يفعله...
كم واحد لو يريد الطيب .. ما حازه
عسرات الأيام بـارن بـ الـريـاجيلي
يطيح و يقوم ! ما يقضي لك العازه
من قلة المال كـنـه عـفن وبخيلي
شـانه وشان السراج اللي قضى قازه
عن عين راعيه ما يجلي دجى الليلي
ان كان تبغى الكلام اللي عليه الدليل
خل البشر ياوسيع العرف في حالها
ترا كثير العرب مامن وراها حصيل
يروح عمره علوم الطيب ماطالها
واللي تشوفه مثل نضّاح جنب الصميل
لو يمسك الحيه ام جنيب يشتالها
يحطها في جوار البيت ولا الشليل
ناس ٍ هذا طبعها والغش موالها
الوقت غالي ثمن ، باهظ تكاليف
واقداره اللي ( تمرّ ) .. تمرّ عجله
يمكن يسرّك عدوّك في مواقيف
ويبور من كنت تستذبح من اجله
آصدّ عن كل رغبة .. صدّة مْعيف
وتصير روحي .. من الأيام ، وجله
يوم يْتشمّت ، على راع المعاريف
ضعيّفٍ . . ما يساوي ، ظفر رجله