ب اغنية انا وأخي في مقطع بحكي ( لو سرقت منا الايام قلباً معطائاً بسام ) بعدين بحكو لن نستسلم للألام لن نستسلم للألام
بابا الله يرحمه اسمه بسام
ف كل ما اسمع هاذ الجزء من الاغنيه وقديش بحس انها موجهه الي وبتحكي عني وانو بعيدو كلمة لن نستسلم للألام مشان يحكولي لا توقف ابدا.
عمري ما عرفت اقول لحدا انت ناصح او لبسك بخزي او شو هالحبوب اللي عوجهك او ليش هيك انت .. وبكره كل حدا بسأل هاي الاسئله اللي ما الها داعي غير تذايق اللي قبالك
هيني بعد ٤ سنين جامعه بتخصص هندسه رح احول الفصل الجاي لتخصص ثاني مختلف كثير اللي هو film making
تأخرت كثير في مرات ظروف جديه ومرات اهمال مني لاني قرفان التخصص ولسا هيني متصالح مع نفسي ومش متذايق ابدا
الدراما التركيه الرخيصه
نفس الافكار نفس القصص ٢ بحبو بعض وبتهاوشو وفي طرف ٣ بالموضوع
كل المسلسلات ع نفس المبدأ البيض
اللي بعرف مسلسل تركي فيو دراما وحبكه قويه يحكيلي بلكي لقيت اشي يغير نظرتي لمسلسلاتهم
انا مشتاق لبابا جدا بضل اتخيل وبحكي لو بابا موجود اجيبله هديه اشوفه مبسوط الواحد مستحيل يحس ويقدر الموقف غير لما ينحط فيه و يعرف انه كان غلط يا جماعه اي حدا ابوه وامه حوليه يحاول يبسطهم جيبلهم هدايا لو بسيطه تصور معهم ابسطهم قد ما تقدر لانه لقدام رح تضل معك هاي الاشياء
بالسنتين الماضيين ولما اشتغلت شوي وجبت فلوس وسافرت مرتين
اقتنعت بشكل تام انه يا يمان كل ما تجمع فلوس سافر ما تفكر بالمستقبل سافر و عيش تحربه جديده وشعور جديد ما رح تنساه احسن ما تضلك خايف ع مصاريك وايش بدك تعمل فيهم ومش حتندم ابدا ابدا وهيني مش ندمان
بضلو يحكولنا انو كل اشي بتمر فيه بالدنيا انو تخسر حدا بتحبه او تفشل ب اشي معين هاذ كلو بخليك اقوى وكذا هو الاشي صح بخليك اقوى بس رح يضل معك طول عمرك ويذايقك و رح تتذكره طول حياتك شو ما عملت ما رح تصير احسن الا اذا تعايشت مع الموضوع وانه كل فتره رح تكون جداً حزين وبائس
قدرة التجارب المؤلمة على تشكيل الإنسان عجيبة، فهي تجلعنا أكثر حدة، وأقل قلقًا، وأعمق فهمًا للحياة.
خصوصًا إذا كانت محمّلة بالزاد الإيماني المسمّى "الرضا"!
لو بلغ الزاد النظري ما بلغ، فتأثيره يكاد لا يُذكر إذا ما قُورن بالتجربة وآلامها..
بتصوّر القلق تجربة ذاتيّة بشكل شبه بحت. لما يكون الإنسان داخل معترك القلق بتكون النصائح عبارة عن محاولة متواضعة التأثير عليه، بالتالي لا ينقذ الإنسان منه إلا: رحمة الله تبارك وتعالى، ومجاهدة الإنسان نفسه، والثانية تعتمد كليًّا على الأولى.
انا حاليا بعيش اكثر فتره رايقه ب حياتي
ما عندي فاينالز بضل اطلع اشتغل واصور مبسوط بجيب فلوس و ما في اشي يذايقني او ينكد علي ولا قلق دراسه ولا خوف من امتحان
الجامعه طلعت هي اكبر سبب نكد كان في حياتي ومن احسن الخطوات اني بدي احول.
فكرة انك فجأه تصير تشوف بني ادم انه كل اشي ويصير اهم اشي عندك وما بدك غير تحكي معه و اذا بدك تطلب اشي مابتطلب الا تكون معه . وانت بتحاول تبعد عن الموضوع وتتجنب تكون بهاذ المكان مع حدا من زمان وفجأه تلاقي حالك غرقان فيو بدون سبب او ليش ومش عارف شو تعمل او ليش حتى صار هيك
٢٥ سنه انا مش عارف كيف هيك
حياتي ما كانت ورديه معظم الوقت وصعبه و سيئه و بتهد الحيل
بس والله مليانه شغلات مرتبه ومبسوط ع كثير شغلات صارت الحمدلله
فضل ربنا دايماً كان حاضر بشكل او بأخر
ان شاء الله البدايه تكون من هون واكون مبسوط وين رح اكون
وبعد ٣٠ سنه اكون زلمه مبسوط ورايق