افتكرت بطريقة عشوائية دلوقتي إن الدكتورة امبارح سألتني بنعمل ايه في الsubtotal-thyroidectomy قولتلها بنشيلها و نسيب حتة منها بس ، قالتلي حتة قد ايه يعني قولتلها كدا :
ف وسط ماحنا بندعيلها وبنترحم عليها ست قالتلنا متترحموش عليها دي كده ماتت كافرة واحدة قالتلها متقوليش كده متعرفيش ظروف الناس إيه قالتلها معلشي ي حبيبتي ربنا ملوش دعوة بظروف الناس!!! امال مين اللي ليه دعوة بظروف الناس ياصاحبي ايه القرف اللي سمعته ده يخربيت الجبروت ي شيخة
امبارح بليل بعد ما كل العربيات مشيت م الباركينج اللي قدام المكتبة شوفت لوجو Toyota واقع ع الأرض وزعلت أوي إن زمان صاحبها بيدور عليها دلوقت :(
جس وات الصبح لاقيت العربية ولزقتلها اللوجو😂❤️❤️❤️
تفكير قاسي جدا مخي رافض يعترف بيه إننا فعلا فترات ف حياة بعض والأشخاص القريبة مني دلوقتي احتمال كبير معرفشي عنهم حاجة بعدين وإن مفيش حاجة دايمة وإني عايشة حياتي مش ضامنة حاجة، بس أكتر حاجة هبقى نفسي إنها تحصل لما فترتي تخلص ف حياة الناس اللي كنت اعرفهم إنهم يفتكروني دايما بالحلو
افتكرت انهاردة وأنا بنضف الشقة إن من أسعد المرات اللي نضفت فيها الريسبشن كانت المرة اللي الشخص اللي أنا حبيته جاي فيها البيت وافتكر ساعتها إن م كتر فرحتي مسحت الريسبشن ٣ مرات وكنت ناوية امسح الرابعة بس ملحقتش لأنه كان وصل.. أعتقد ساعتها إني كنت بنضف بقلبي🥺
قاعدين قعدة عائلية لطيفة مع خالاتي لحد ما خدوا بالهم إني شكلي مكتئب قاموا شغلوا أغاني وحالفين أرقصلهم عشان يخرجوني م المود استحضرني مشهد سوسن بدر لما كانت بترقص وهي مضروبة ف فيلم الفرح😂😂😂😂😂😂😂😂😂😂
بحس بالحرية جدا يوم ما بنزل وأنا لابسة أي حاجة مش مهم تكون حلوة المهم إنها تكون مريحاني وطرحتي ف منتهى العشوائية ومش حاطه غير lip balm وكوتشي مريح لرجلي وخلاص.. بحس اللي هو أنا مش عايزة اكون حلوة انهاردة المهم إني مبسوطة وخلاص