بعد وقت طويل من الإجراءات و الشغل و التعب و العذاب و التفاصيل الكتير
اسمحولي اقدم
شغلي الجديد الصغير ف اول خطواته، و لغاية ما نقدر نعمل و نكمل كل طموحاتنا و احلامنا، wish us good luck
🙏🏽🙏🏽🙏🏽
Recommendation مهم
احتاجت حد ييجي تمريض منزلي و دورت لقيت مؤسسة اسمها "دار مريم لرعاية المسنين"
عندهم تمريض منزلي سواء مؤقت أو لفترات طويلة و رعاية كبار سن سواء عندهم في دار الرعاية أو ف البيت
ناس نضيفة جدا و محترمين و انصح اي حد بيدور علي حد يتواصل معاهم
عامة ف الايام دي المفروض أن الواحد يشكر ربنا لما ينزل الصبح الشارع يلاقي المحلات فاتحة و المواصلات شغالة و العيال رايحين المدارس و الكبار رايحين شغلهم حتي لو نعسانين
إن الحياة تبقي ماشية "عادي" دي نعمة علي فكرة
بابا من الناس اللي قعدت ف الجيش ٦ سنين من بعد النكسة علي طول و لغاية ٧٤
من سلاح المهندسين اللي شغلوا مضخات الماية و اول ناس عدوا خط بارليف
انا محظوظة لاني سمعت و باسمع حكايات كتير و تفاصيل مهمة عن الحرب
و شايفة أن لازم يتعمل مشروع قومي لتسجيل شهادات اهالينا
#نصر_اكتوبر_73
غير اني باحبه من زمان، لكن باحس دايما اني محظوظة بفرصة الشغل معاه واشوفه بيشتغل وبيفكر ويركز ويتابع كل حاجة ازاي، ويراجع نفسه وقت اللزوم، حتي بعد كل سنين الخبرة والنجاح والتألق.
#عمرو_دياب بيحترم ويقدر اللي شغالين معاه.
كل يوم بيعدي بيزيد انبهاري و إعجابي بيه دا وباتعلم منه اكتر
ايام أحداث الاتحادية دي، كانت الاوتوبيسات بتيجي ب اعداد رهيبة من كل محافظات الدلتا، و كانوا بيركنوا ف الشوارع المحيطة منهم شارع شغلي
كنا بنشوف البدع
كان عندي فيديوهات ليهم
الجمعة اللي جاية مسلمين و مسيحيين هايبقوا صايمين لغاية الساعة ٦ و شوية
من موقعي هذا، باطالب بتوحيد وجبة الافطار اللي هي تبقي شوربة نابت و محشي ورق عنب، و نعمل أزم�� عالمية ف ورق العنب يومها 😌😌😌
سؤال معلش، هو مين اللي مكن الأجانب من اماكن ومناطق معينة وكان بيطلع المستأجرين القدام ويضاعف الإيجار مرتين وتلاتة علشان يأجر لولاد ال%$# دول؟ وخلوهم اتمكنوا من مناطق كاملة؟
مين سرح عمال وناس شغالين معاه علشان يشغل
اللي مالهمش ورق و لا ملة دول؟
كله بيصرخ الحقينا يا حكومة دلوقتي؟
اول مرة كنت معدية من ش النزهة في اتجاه مدينة نصر، و اكتشفت الطريق المسحور الجديد اللي بيدخلك عباس العقاد في اقل من ٢٠ ثانية، كنت قربت اعيط ف الشارع، علي سنين حياتنا اللي راحت ف اليوتيرن دا
لسنين كتير كانت أغانيه محطات ف حياتي، ولما اشتغلت ف المجال الفني كان حلمي الوحيد اني اشتغل معاه واشارك في اعماله، السنة دي حلمي اتحقق واكتر بكتير من اللي اتمنيته.
All my respect, appreciation & love to the Legend
@amrdiab
For many years of success & sparkling 🤩
@AndrewDawood16
احب اشكر نقابة الأطباء ع البيان الاخير
احنا لو قعدنا شهور نقول الكلام دا، زي ما حصل ساعة اول أزمة كورونا، الناس مش هاتصدق كالعادة، لكن كدا هما اختصروا السكة يعني 😈😅
كلمة "حمدالله على السلامة" المصري ليها معني ماشوفتوش في لغات تانية كتير و ماعرفش لو في لغة تاني بتغطيه و لا لا، لكن الأكيد أن حمدالله على السلامة اللي بتسمعها من ظابط الجوازات ف مصر من احلي الحمدلله علي السلامة اللي ممكن تسمعها ☺️☺️☺️
كنت ف الصندوق الاجتماعي النهارده و جهاز تنمية المشروعات الصغيرة
و حقيقي ماعرفش ليه ماعندناش اعلام يقدر ينقل صورة حقيقية عن الجهاز و اللي ممكن يقدمه لاي حد محتاج يبتدي شغل جديد و المساعدات و التسهيلات المتاحة و القوانين الخاصة بيهم
الجميلة
@EzzelarabLaila
شرفتني و نورتني في الستور المتواضع بتاعنا ♥️♥️♥️
شكرا ليكي علي تشجيعك لينا من اول يوم شغل
يارب نكون دايما عند حسن ظنك
مستنيينك تاني قريب 😘😘
@Ankh_egy
@abonadim1st
@AsrarAsrar2
الحكاية مش صحيحة
انا صاحبة الاسم دا
و تم التواصل معايا من وزارة السياحة و من إدارة جوازات مطار القاهرة
و انا اخدت الإجراءات القانونية اللازمة ضد اللي نشر الورقة
و بكره الصبح هاقول كل التفاصيل
لا بجد يعني
اللي ابتدأ مشروع في اخر ٤ سنين و لسة قادر يكمل لغاية دلوقتى و شغال رسمي و مظبوط لازم يتعامل معاملة مختلفة
لان فعليا الاستمرارية في الظروف اللي احنا فيها دا تعتبر من المستحيلات حرفيا
انا وصلت من ميدان ابن الحكم لشارع الميرغني النهارده الساعة تقريبا ٨ و شوية بالليل ف وقت ١٢ دقيقة بالظبط، في سابقة ماحصلتش ف التاريخ
٤ كباري جداد + كوبري الميرغني..
لسة الشغل ماخلصش و لسة في عمال شغالين ف كل حتة
اخر كلام بخصوص الورقة المنتشرة لتصريح العمرة، الورقة صدرت ب طريق الخطأ و تم نشرها بدون علمي
انا اخدت الإجراءات القانونية اللازمة ضد اللي نشرها
و اعت��د مش من مصلحة حد أن الموضوع يفضل ينتشر و يتكرر بالشكل دا
لما نتيجة البلاغ و التحقيق تبقي متاحة هاقول اكيد
شكرا لكل اللي اهتم
في صيدلية جنب بيتي لي اكتر من ٣ سنين باتعامل معاهم، كل ما ادخل الدكتور ساعات يسلم علي و يرحب بي و ساعات يبقي مش عارفني و يرد علي السلام رد باهت كدا، و ماكنتش فاهمة الراجل دا ماله، لغاية ما بالصدفة النهارده، اكتشفت أنهم ٢ اخوات مش دكتور واحد 🤣🤣🤣🙄🤦🏼♀️🤦🏼♀️🤦🏼♀️🤦🏼♀️
الصيف اللي فات، اتعرضت لموقف ع المستوي الشخصي انا و مجموعة كنا مسافرين ف شغل بره مصر كان أقل ما يقال عليه انه مصيبة وعلي الرغم من ان الجهات المسؤولة المصرية اتعاملت مع الموقف من اول ما اتبلغوا بطريقة خلت خارجيات دولتين يتواصلوا معانا ع المستوي الشخصي ويحلوا المشكلة ف اسرع وقت
كنت في فرح من سنتين مع فنانة مشهورة جدا ب رقتها و جمالها ع المسرح
و الفرح دا كان لعيلة مش مصرية و عيلة كبيرة وكان متقسم قاعة للستات وقاعة للرجالة
وممنوع فيه التصوير و ممنوع دخول اي حد
ف كنت انا بس مع الفنانة ك مهندسة صوت و كان مكاني قريب ليها و كان معانا المصورة
فتح الشنط و تقليب اي حاجة منها- بعد ما بتسلمها طبعا 🤷🏽♀️🤷🏽♀️
و تحميل الطيارة اكتر من طاقتها في الحجز ف النتيجة تغيير مواعيد المسافرين اللي بييجوا متأخر
اللي يوصل المطار الاول يلحق مكان و اللي متأخر نغيرله الطيارة
و موظفين المطار ليهم حكايات كتير معانا مش لازم تتحكي
باع اللي وراه و اللي قدامه و كسر شهادات البنك و جمع ٨١٦ الف جنيه اشتري بيهم دولارات تقريبا ١١٥٠٠ علي كلامه و دلوقتي تقريبا خسر فيهم ٣٠٠ الف جنيه بعد ما كان عشمان يكسب ع الاقل ٢٠٠ الف ج
بس خلينا متفقين ان شغل الواحد علي نفسه و ع الكاريير بتاعه او علي مشروع صغير اصعب بكتير جدا من المضاربة ب اي حاجة سواء فلوس أو دهب او غيره
و دي مش حاجة اي حد يقدر عليها و لا على تحمل المسؤولية دي
حصلت حريقة كبيرة اوي ف اكبر استوديو صوت في مصر من سنين الحريقة خلصت ع الاستوديو و اجزاء من العمارة
كان متكلف ملايين ايام الرخص
كل دا بسبب فني تكييف قرر يلحم ماسورة بالباشبوري و هي وسط العزل اللي متكون من صوف صخري وزجاجي و خشب و اسفنج و حاجات تانيه كتير
عادي علي فكرة، بتبقي ف الشارع و واحد فوق ال٦٥ يحاول يتحرش ب اي واحدة، و لما تزعق و لا تضربه ب اي حاجة ف أيدها تلاقي الشارع كله بيقولها عيب يا بنتي دا اد والدك.. ايه الجديد؟!
@albeyrekdar
المفروض الحارس بيبقي معاه مفتاح يدوي و بيسحب الاسانسير ل أقرب باب و يفتحه عادي
الاماكن اللي مش بتعمل صيانة دورية للاسانسير مش دايما بيعرفوا يعملوا كدا
و دا ف حالة اي عطل مش بس قطع الكهرباء
@7azem122
@lolo_306306
اللي قاعد لوحده مايقفلش حاجة باللوك اصلا، مابيتحركش من غير تليفونه، لازم يبقي سايب نسخة من مفتاح الشقة مع حد موثوق فيه، لازم يبقي معاه تليفون حد من القريبين ف المكان للطوارئ
في قلق جامد هيحصل من اول شهر يوليو، علشان الضرائب هاتبطل تعترف بغير الفواتير الإلكترونية ف المشتريات و المصاريف
و كل أصحاب الشركات و المشاريع هايفضلوا عندهم مشاكل شوية حتي اللي مخلصين الفاتورة الالكترونية
مرة كنت راكبة تاكسي ف صلاح سالم، وكانوا طالعين مسيرة من رابعة- بالشوم طبعا- المهم واحد ب شومة كبيرة وقفنا، السواق قفل العربية وقعد يهزر معاه ويجاريه ف الكلام لغاية ما عدانا، قاللي انا اسف بس لو ماعملتش كدا مش هانخلص
مش مهم العربية حتي لو اتكسرت بس لو قرر يضايقك انا مش هاعرف اتصرف
طلبت مرة من أحدي البلوجرز و اليوتيوبرز أنها تعمل لنا دعاية علي المنتجات بتاعة عنخ، الكلام دا من فترة و عن طريق حد كان شغال معايا، و الأستاذة البلوجر طلبت مبلغ من $4000 ل $7000 علي حسب عدد المنتجات اللي هاتعملها دعاية
اخر يوم لي ف سنة من أصعب السنين، و اخر يوم في العقد الرابع 🥹🫣🫣
و بالمناسبة السعيدة دي، عندي شوية دروس مستفادة -مش بالترتيب-
١- الدنيا مش هاتساعدك لوحدها لو انت ماعافرتش و بلطجت ف كل حاجة مافيش حاجة هاتجيلك بمزاجها، في ناس حياتهم تبان سهلة، لكن ماتبصلهمش ✋🏽
👇🏽
فقرة ف برنامج عمرو اديب عن الطلاق و الجواز، مع رجاء الجداوي
و عدد الناس اللي بيتصل متجوز اتنين أو واحدة تتصل تقول أنها زوجة تانية....
لما كل الناس دي متجوزة مرتين امال مين بيشتكي من الظروف المادية الصعبة!!!
دايما لما اتعامل مع أجانب، باحس بفرق ف السرعات بينا و بينهم
دايما - علي عكس اللي بيتقال أننا شعب رايق و مايعرفش قيمة الوقت- باحس أن اللي يتعمل ف مصر ف يوم يتعمل في اي بلد ف اسبوع او اكتر
و عندنا حرقة ع الوقت خصوصا لو في خطر
٣ حاجات مايتنسوش ف الحادثة دي، اولهم بشاعتها و بشاعة الاعلان عنها بالطريقة اللي حصلت
و تانيهم، رد فعل الدولة و بيان الريس و الطلعة الجوية اللي قلبت المقاييس، و تالتهم الاهتمام برجوع أجسادهم و دفنهم في بلدهم
من اكتر الحكايات اللي دايما تأثر في
حكايات استقبال الناس ف كل الشوارع و المدن لاي حد نازل من ع الجبهة في أول إجازة و اول نزول لجنود بعد ١٠ اكتوبر تقريبا
ازاي الناس كلها استقبلتهم بالزغاريد و الاحضان و الشكر و تقديم الخدمات
#نصر_اكتوبر_73
لقيت Google Maps، باعتنلي email.. اتخضيت ف الأول، قلت اكيد تايهين ف حتة و عايزين يسألوني 🙄🙄😂😂😂😂
المهم طلعوا بيقولولي، أن الصور اللي كنت حاطتها لجنينة الأسماك عملت تقريبا 100000 view، و بيقولولي مبروك 😍😍😍
و نزلوها من ع المسرح مصابة و متعورة و احنا شكلنا طالعين من خناقة ف الشارع حرفيا
طبعا الكلام دا كله ماتصورش ف ماحدش عرف الحكاية
دي نبذة صغيرة عن اللي بيحصل ف الفنانين ف الافراح، و رد فعلهم الطبيعي ك انسان بيتم التحرش بيه
ابويا بعد زن كتير اخيرا ابتدا يدون شوية من مذكراته في الحرب، هاستأذنه كدا و شوية و ممكن انقل منهم شوية هنا..
كان نفسي يبقي في مشروع قومي لجمع مذكرات اللي حاربوا و حواديتهم لانها فعلا حاجة عظيمة، و اللي ماسمعش ب ودانه فايته كتير
#نصر_اكتوبر
بمناسبة الكلام الكتير علي لبس البنات ف كل حتة..
مرة واحد بعت سؤال للبابا شنودة ف اجتماع ع الهوا، قالله يرضيك اللي بيعملوه الستات دا، لابسين حاجات مفتوحة و صدرهم كله باين؟
البابا رد عليه و قالله انت مالك و مال الستات، انت جاي تصلي ولا جاي تشوف لبس الستات، ماتبصلهمش و خليك ف حالك.
كل سنة و حضراتكم طيبيين كلكم
يارب منبع النور المقدس يكون سلام و ر��مة علي اهل المكان و منه يشع لكل الاماكن
سنة بركة و سلام و هدوء و رزق كتير، بعد الحروب و الضغوط و المتاعب و قلة الرزق
جريدة من الجرائد ناشرة تعاطف واضح و صريح مع أهل قاتل تم تنفيذ حكم الاعدام عليه بعد ما قتل ضحيته ف الشارع و قدام الكاميرات، و العالم كله شاف جريمة القتل ع الهوا...
دا معناه ايه؟
انا عارفة ان نوع الاخبار دا بتضايق ناس كتير
بس من ضمن مشاريع كتير الدولة شغالة عليها؛
مشروع ضخم خاص بالصناعات النسيجية و اليدوية مع تفاصيل كتير ليها علاقة بتدريب ناس كتير - خصوصا أصحاب الظروف الخاصة- 👇🏽