بتمني من ربنا بجد ، ان الواحد ميعديش العمر بيه وهو لسه تايه مش عارف إيه المكان المناسب اللي المفروض يبقي فيه ومين يبقي معاه واتمنى إن ميجيش يوم من الأيام أندم فيه لما أحس إني المفروض مكونش هنا ولا في وسط ناس مش شبهي لمجرد ان الظروف بتحكم على البني آدم حاجات كتير ميكونش حاببها
لما تقطع علاقتك بحد خد اسراره وروح بيها مكاان بعيييييد بعيد جدا وسبها هناك ارجع ناسيها لان الاسرار اللي في يوم اتقالت في وقت صفا عيب جدا نستخدمها ضد بعض وقت الخصام خش مبين الناس اخرس واعمي واطلع منهم كده برضوا حتي لو هما ميستاهلوش لان الجنة مش بيدخلها فاضح اسرار الناس ♥️
كل واحد بيجي عليه وقت بيكون فيه لوحده تمامآ وقافل علي نفسه بكل اللغبطه الي جواه وفجأه شخص ما يدخل حياته وينورها ويخلي كل حاجه جواه تترتب ويخليك تحب كل الي حواليك وحياتك عمومآ بيحسسك بنوع من رضا نفسك وأنك خلاص مبقتش مضايق وتقعد كده لفتره وترسم حياتك معاه بالشبر وتحلم في كل ثانيه
"يا رب.. أدعوك دعاءً لا أعرف كيف أرتبه، فأنت تبصر الفؤاد، وتلمس حاجة قلبي بيدك، فاللهمّ أيامًا كما أحب، وحالاً إلى ما هو أفضل، وهمًا لا يبقى قائمًا في صدري، وفرحة ليس لها إنتهاء، اللهمّ أمنياتي التي أنتظرها، اللهمّ طوّق قلبي بعقودٍ من الرضا، والراحة، والفرح."
لو غلطت في حاجه زمان ده مش معناه انك مينفعش تبقي ضد التصرف ده دلوقتي ده مش نفاق ..انت بس كبرت متسمحش للناس أنها تستخدم ماضيك علشان تنفي فكرك الحالي التطور مفهوم ضروري تتقبله
لو بيت أهلك بيت أصول هيربيك على الصح والغلط و العيب والقيم والمبادىء والاخلاق هتخرج منه شخص بريء و أبيض و لطيف و بتعامل الناس كلها بحسن نية و طيبه زايده بس لما تخرج للعالم هتتصدم مش هتلاقي حد زيك هتمشى عِدل هيتعوجو عليك هتتعامل بطيبة هيستهبلوك هتعمل خير هيتردلك شر
الفجوه الي بتكبر بينك وبين صحابك وكل يوم نتيجه انشغالكم وسنه الحياه الي بتاخد الناس في دوامتها وفجأه بتتحول من مشاركه احداثك اليوميه معاهم لمجرد محاولات لوصل الود بسؤال عابر من احزن الحاجات في العالم
الافعال الجميله مبتقدرش تصلح انسان مؤذي.. اساسآ أن فكره حد يصلح حد تاني دي سينمائيه وغير واقعيه مفيش محبه مهما كانت جميله تقدر تغير فساد نفس الشخص الي بتحاول تخليه إنسان احسن مفيش حد بيتغير الا لو كان في أعمق نقطه جواه عاوز يتغير بإرادته لوحده مش مستني حد يحبه او يعيد تربيته
وأنا بتفرج وبمسح صور الناس اللي بعدت عني لقيت إني حبيت كُل حد مَر فحياتي من كُل قلبي ومافتكرش إن حد هييجي يحبُهم زيي وكل ما بشوف صوره لحد منهُم أو صُدفه تجمعني بيه مش بيبقي ف قلبي غير كُل ود. مهما مَر الوقت ومهما بعدنا ومهما كان سبب البعد
في مواقف مهما عدي عليها وقت بيفضل تأثيرها علينا صعب زي الاول بالظبط ..يمكن الفرق الوحيد أن الوقت بيخلينا نتشغل شويه فا يبدأ تفكيرنا في المواقف دي يقل ومع الوقت بنقتنع أننا نسيناها .بس احنا بنخبيها جوانا لحد متحصل صدفه سخيفه تعرفنا قد اي كنا مغفلين وقد اي فاكرين كل حاجه بتفصيلها