مساء الخير علي سكان طب المنوفية
لو حد يعرف اي زميل لينا داخل الكلية جديد ده لينك تشانل اليوتيوب لشرح بايو الانترو ليهم :
لو اي كلية تانية بردو
الجينرال برينسبلز مش بتختلف كتير
هو تجربة شخصية يعني مش بتنطبق علي كله
بس لما تقول انك فقدت الشغف انت كدة مكنتش بتحب اصلا
انت كنت حابب الحالة اللي ف اول العلاقة ( توهج البدايات )
وفاكر ان الشخص لازم يكون انتريستنج علي طول
هو العلاقة اصلا اساسها الروتين ومحاولة حب تفاصيله مع التغاضى عن بعض الحاجات الصغنونة
حصل معايا اعبث موقف ف الدنيا
رايح شبين وجالي اجرة خمسة جنيه عليها دم ، المهم لم ابالي مشينا لحد ما وصلنا كدة لقيت اللي ورايا نزل والكرسي بتاعه كله دم والتيشيرت كله دم من ورا ببص علي ايده لقيتها مقطوعة وفضلت ازعق فيه اقوله خش الطوارئ جنبك اهيه ياحمار رايح تركب مواصلة تاني ؟
بس يمعلم لما كدة معناه اني بنكر انك ممكن تفقد.شغف ؟
لا طبعاً هو الاغلب بيفقد الشغف بس بيكمل اللي بيحب الشخص نفسه بملله بروتينه
وساعات مبيكملش هي ملهاش كاتالوج
بس you get my point
فيه ناس بتحب فكرة الحب ومش بيحبو الشخص نفسه
هما دول اللي مش بيكملوا لأن الحب بيروح
كان عبثي بجد ، ساعتها كنت كارف ونايم عشان كنت لسة جاي من السفر ، لقيت ماما بتصحيني بتقولي في حد اسمه لؤي من الاوائل قولتلها اخرجي بس اعمليلنا كوبايتين شاي وانا جاي اهو ، خرجت بعدها بساعة عشان اشوف انا عملت اي ، المهم لما ظهرت جبتها من موقع كدة بير سلم تقريبا...
كلمتين علي الطاير ، لازم تتأقلم اننا فترات
وده مش كلام فلسفي بتشيره من بيدچ احتواء احنا بنيجي ف دنيا بعض فترات وممكن تطول او تقصر علي حسب تأثير الفترة عليك
فا متقفش علي الواحدة ومشي دنيتك وامورك الله يسترك
اه عمرها ما هتقف ولا بتقف علي حد
تجاوز ..
المهم الواد كان شكله بودرجي ومش حاسس بالم اصلا ولا حاسس باي حاجة
وماشي ادورله علي كيس تلج نحط فيه البتاعة اللي شايلها (ايده) دي يمكن حد يركبهاله تاني ، انا كنت اتمني أكون مألف الموقف ده
بس ده اكتر موقف جنان /سيريالي حصل معايا الفترة دي
بقالي فترة بشوف كلام الناس عن الشغف والرغبة وكلام الانستاجرام ده اللي مبيأكلش عيش ، يسطا مفيش حاجة اسمها شغف ف الاساسيات يعني روح اسأل والدك كدة هل انت مبسوط في شغلك او شغوف تجاهه نسبة كبيرة هيقولك ولا بطيق ريحته بس بيروح عشان هو بيprovide للاسرة وده اساس مفيهوش شغف .
من رمضان اللي فات بطلع بعد المغرب بربع ساعة بكوباية الشاي وافصل الموبايل واقعد علي السطح اشوف السما بتتحول من البرتقالي لحد الكحلي
وحرفيا ده الوقت الوحيد اللي بعرف اقول فيه افكاري بصوت عالي
Guys I've found cheap therapy
شئ جميل انك تحط نجاحات شخص ما حافز ليك للنجاح وانك تتخطى ده وتتفوق عليه المنافسة الشريفة مش عيب ، لكن تبقا خسيس لو نفسك إن نجاحك يكون مبنى علي فشله ووقوعه .
نجاحك ساعتها هيكون ملوث بتفكيرك الخبيث ومش هيبقا له طعم .
عشاق البايو كيم في كل مكان في ارض الم��روسة
ده اول فيديو علي التشانل واول فيديو بايو رسمي لينا انا و حسن مناسب لجميع الفئات
الفيديو ده ليك اتفرج عليه وابعته لحبايبك وكل وحبايبك يبعتوه لحبايبك
دمتم بخير ☝🏻
يمكن دا وقته في عز الامتحانات والضغط وحرصك الشديد انك تجيب اخرك وتيجي علي نفسك عشان تحقق العلامة المناسبة والاسكور المرضي ليك ، لكن انت بتيجي علي حساب ايه
علاقتك ب اهلك ؟ صحتك ؟ نفسيتك ؟ علاقتك بربنا ؟؟
انت نسيت انها فانية ولا ايه ؟
بتيجي وتروح في لحظة .
خد بالك !
فخور وسعيد فشخ وحاسس ان دي مكافأة لمجهودنا كلنا ، واي حد بيخش يبعتلنا فايل هو لقاه صدفة أو عمله وتعب فيه وفعلا بيبقا فيه ناس عباقرة في الدفعة ربنا يباركلهم ، ربنا يجعل فيها الإفادة لينا ولكل اللي حوالينا ❤️
من كام دقيقة في مشهد سيريالي عبثي حقيقي 100%
بشتري حاجة ف اتنين ستات اربعينيات بيتكلموا عليا دي بتقولها مهندس والتانية ترد ده شكله تجارة
فانا قولت طب يا حاجة
قالت طيييببببب؟ اهييي ؟!
قولتلها اه
قالت ياخي يلعن ابو طارق شوقي ادي اخرة النظام الجديد
انا واقف بقول طب اشتمها ولا
واحنا داخلين الكلية وبنتعرف في أول سنة علي النظام اللي فيها ألا وهو السباق ، سباق درجات سباق تعيينات و سباق المعلومات كمان ، بيتقالنا انك لازم تجري هو مقالكش تجري ليه وتروح فين
هو قالك اجري وحاسب يسبقوك
And that's not quite right tho
(1)
نزلت من الاتوبيس عند الجامعة ف غاية السعادة بحسس علي جيبي ملقيتش المحفظة لا اراديا فضلت اجري ورا الاتوبيس والسواق كارف وصلت عند هندسة فقدت الامل وقولت اطلع موبايل ارن علي صاحبي بفتح الشنطة لقيت المحفظة
انا بدأت افكر ف الموضوع ده عشان كنت بسمع شرح علي اليوتيوب ل د انس ولقيته من ١٢ سنة وجايب اكتر من ١٥٠ الف فيو
كنت منبهر بفكرة ازاي حد علمه عايش له
وعلمه نافع فعلا بدليل ان وقت تسجيل الشرح ده انا كان عندي ٩ سنين ومين كان عارف ان هيجي يوم وانا اللي استفيد بيه
انا مبسوط جدا ، اول حاجة جت في دماغي بعد ما شوفت الرسالة دي كم الرسايل فيهم شتيمة بسبب وبدون سبب.
اتغير كتير من سنة اولى وفرحان بالنسخة اللي انا بحاول اتغير لها اكتر .
one thanks was enough.
المقلب اللي الانسان بياخدو في نفسه بسبب اعتقاده ان تفوقه الدراسي (الوهمي طبعا)
سئ جدا وبشع ، بينتج عقليات مخطئة لا تتقبل كونها خطأ بل انها تهاجمك بكونك بهيم لا تفقه شئ ف بحر الكوميديا والفكر والثقافة الخاص بيهم .
من اجمل الحاجات اللي جاتلي في عيد ميلادي والله ، ده خالد وجنبه عمر منير
خالد مليش معاه صور ،جاب عمر وحط وشي مكانه ، بس عمر ابيض مني مثلا ب خمس درجات
فا ده التجسيد الحرفي ل الميم بتاع تستاهل البشرة البيضاء يا ملك والله
@3omar_mounir
نقطتين
- الاولي ثقافة الانتقاد معدومة ، انتقاد بهمجية و تعدي واستحقاقية غير طبيعية
يبني مش عشان هو ساعدك برة نطاق شغله يبقا ده الشيئ النورمال .
- وانت يبني بتقفل الجروب وقت ماتحب عشان تقول اللي انت عاوزه
ده بردو ثقافة غلط ف ابداء الرأي .
احترامك لغيرك من احترامك لنفسك .
الواحد بيكون في زحام من النعم ولا مبيعرفش غير لما تروح منه أو حتى يكون في تهديد انها ممكن تروح منه
بيبدأ يعرف أن كل حاجة صعبة فعلا بس النعم دي هي اللي مسهلة لدرجة أنك مبتحسش وانت بتاخد نفسك مبتشيلش هم لما تقف وتلاقي نفسك متزن
مبتشيلش هم انك تقف اصلا
الحمدلله (عى معنى كل حرف)