انا مع المرأه انها تتفرغ للبيت والتربية وتسوي شوبنق وزوجها يصرف عليها ومع المرأه القويه العامله المستقلة الي تصرف على نفسها ومع المرأه العامله والمربية والي زوجها يصرف عليها وماتصرف على بيتها..
مع أي نوع دامه اختيار..فرجاءاً وقفوا مهزله وكل فئه سب بالثانيه..اقرفتونا بالتصنيف..
قبل شهر رحت لدكتور وانا جالسه اتكلم معه فجأة قام ولمس اطراف قدمي ورجلي دون استئذان بحجه الفحص وانا كنت جالسه على الكرسي ماكنت على سرير الفحص..مع سؤاله لي اسئله غير لائقة…خرجت من عنده واشتكيته للادارة (تحرش لفظي وجسدي) والحمدلله اليوم تم التواصل معي واخباري بفصله وتسفيره نهائي..
في البداية حسيت بحزن خفي اني تسببت بقطع رزق شخص لكن هذا الحزن تبدل وصار احساس بالقوة لما استشعرت حزن كم بنت تحرش فيها الكلب وسكتت من الخوف واني انقذت بنات غيري ممكن يتحرش فيهم مستقبلاً..اسمع قصص كثير حولي عن دكاتره يتحرشوا بالمريضات والمريضات يسكتوا خوف ان ماحد يصدقهم ..
شكر خاص لصديقي الدكتور محمد الي ساعدني بإتخاذ قرار الشكوى و شكراً لزوجي الي ساندني لما عرف خاصه اني ماقلت له الا بعد ما الدكتور الحيوان طلع رقمه من الملف واتصل فيه يبي يقلب الطاوله علي..
شكراً لمن حماني من تأنيب الضمير وقالي هذا حيوان لازم يتعاقب وانتي ساعدتي بنات كثير غيرك🙏🏻
@MsharyJM
أولا التنظيف مايخص البنات كل شخص ينظف من وراه الا اذا كان الرجل ناقص ومايقدر يشيل حوسته🤔وغالباً الضيف مايغسل صحنه بس لو ذوق مايخلي الناس تنظف من وراه وهو ينظف حوسته..
كنت بالسنه الاولى في الجامعة..جتني طالبه من عائلة معروفة ولصقت فيني تبي تصير صديقتي غصب..شخصيتها منفره والشلة ماحبتها لكني عطفت عليها لان ماعندها صديقات..سواليفها كانت غريبة وتسحبني على جنب توريني آثار ضرب على يدها وجسمها..وتقولي انها متعرفه على امريكي عن طريق النت وتبي تهرب عنده
كل بنت دربتها عالسواقة كنت اقول لها..اي شخص على جوانب الشارع او بيقطع الشارع هو خطر محتمل..حتى لو بعيد عنك لازم تخففي سرعتك شوي وتخلي رجولك جهت البريك احتياط..ممكن وهو يقطع الشارع يطيح او يطيح منه شي فيوقف ياخذه او حد يلحقه فجأة..او لو يمشي عالرصيف حد يدفه او يدوخ يطيح عالشارع
طيب يا اصدقائي…اببدأ اقول السالفة واحتمال تكون على مراحل..الموضوع مهم جدا وهو للتوعية ماهو مجرد سواليف..
الي يعرفني يعرف ان اصغر اطفالي مشاري وعبود..مشاري 13سنة شخصية قوية لايخاف بالله لومه لائم..حنون صريح لكن دبلوماسي ومرح..عبود 11سنة رومنسي حالم عاطفي طيب وعصبي وحساس ويجامل..
أمي إمرأه عظيمه علمتني القوه والثقه التسامح وحسن الخلق وعدم رد الاساءه إلا بإحسان..علمتني ان الخير ليس ضعف انما قوه..علمتني الإنضباط والإحترام وحفظ اللسان والعرض..
أمي إمرأه استثنائيه..أقول ذلك ليس لأنها أمي ولكن لأنها حقاً كذلك🙏🏼
ربي يطول بعمرها بصحه وعافيه❤️أحبك ياكل كوني❤️💋
اذا كان تعدد الزوجات حق شرعي للرجل و ممنوع نعترض عليه اذاً لماذا غضب الرسول صلى الله عليه وسلم حين علم ان زوج ابنته فاطمه (علي بن ابي طالب ) يريد الزواج من اخرى ومنعه من ذلك؟
اوليس اعتراض على مباح وسنه نبوية؟!
كيف ذلك؟!!!
@my_daily_af
بالغصب يصيروا نساء.. تصنيفهم جنس ثالث وانتهى…دامهم واثقين من نفسهم ليش الاصرار على الدخول بتصنيف تقليدي ..
يعني لو يطلع لك صدر بكل مكان لايمكن تصير انثى والبوية لو يطلعلها ثلاث اعضاء ذكورية بدال واحد ماهتصير رجل..
جنس ثالث وخلصنا ..كائنات اخرى عادي الارض توسع الجميع…
@mehyar201
مافي اثبات..شرحت لهم بالتفصيل الي صار والكلام الي قاله ورحت صرفت الادويه الي كتبها لي واثبت ان مالها دخل بمشكلتي..اعطاني ادويه غلط علشان ارجع له
@ALGHAMIDI86
خلاص ملينا والله وقرفنا..ياخي كل واحد يعيش حياته مثل مايبي وش علينا حنا..مولازم اعيش مثلك..نظام استحقار المختلف مستفز واحياناً يجيك على شكل شخص مثقف..
اليوم شفت اكثر من تغريدة وتيك توك عن ايجابية الزواج المبكر ان اولادك يكونوا كبرك…
مافي اي ايجابيه بان طفل يجيب طفل..ولا اي ايجابيه بان طفل يمارس الجنس..
وقفوا ترويج للغلط…
@MohammadLhyani
هم مو ضيوف هم أصحابه دايم معهم وبحسبه أهل البيت..ابني ذا عاطفي وحساس وطول الوقت وانا اطبخ يجي يحب راسي حاس بتأنيب انه متعبني خاصه ان اصحابه هم الي طالبين هالأكله..وحنا بالبيت متعودين كل واحد ينظف من وراه..طبعا انا رفضت قلت له خذ القهوا والشاي وروحو استانسوا بس لفته جميله هالتفكير
انا ضد نموذج الام هذا..النموذج المضحي الضعيف..هذا النموذج يعوّد الطفل على الأنانية وعندما يحلق لن تستطيع والدته ان تحلق معه..
كوني ام قوية كي تحلقي مع طفلك فهناك اجنحة تكفي الجميع…..
احب افاجئكم وأقولكم بان انصب مقوله قيلت بالتاريخ مقوله(العمر مجرد رقم)لا ابداً ماهو مجرد رقم،صح في ناس اعمارهم بالستين شباب اكثر من الي بالاربعين لانهم مهتمين بصحتهم النفسية والبدنية..ومع ذلك العمر له تأثيره علينا والزمن له تأثير لايستهان به على ارواحنا..العمر حياتنا ليس مجرد رقم
@loormoor
@s_am57
حنا ناخذ الأمور بعاطفية زايدة.. الحياه الطبيعيه فيها زعل ورضى وهواش وصلح..ماحد يقدر يعيش بدون تصادمات مع الي حوله خاصه لو كانوا ببيت واحد..الكلام الي بالصوره ماهو واقعي ابداً..طبيعي نزعل بأيام من اهلنا وهم يزعلوا منا..ومثل ماقلتي..هذي ساعتها واكيد ان قلبها راضي عليه الله يرحمها..
من كم سنه فقط عرفت ان عندي دسلكسيا وهو نوع من انواع صعوبة التعلم .. بعض الحروف والارقام ألخبط فيها مثل حرف ج /خ تخرجت من الجامعة وأنا ما افرق بينهم…
بطيئه بالقراءة والكتابه
اليوم عمري39سنه وهاليومين استوعبت اني احياناً اكتب الجمل غلط مو لأني سريعة بالكتابة لان مخي يقلب الحروف😪
أفهم اني اشوف نسويه عمرها 35 وفوق تكره الذكور وتسبهم...لكن بنت مفعوصه عمرها 11 او 15 سنه ونسويه وكل الي تعرفه عن النسويه انها تسب الأولاد🤔....توارث الكراهية أمر خطير للغاية..
علموا أولادكم وانفسكم أن غض البصر أمر رباني للذكور والنساء...وعلموا اولادكم الاحترام وأدب التعامل..علموا أولادكم ان أعراض الغير حرام ولايجوز المساس بها لا عن طريق النظر ولا اللمس ولا الكلام..
علموا أولادكم ان من حق الفتاه ان تضحك وتلعب ومن حقها ان تحترمها ولا تشكك بناواياها...
@my_daily_af
شوفي حبيبتي .. احساسك ذا موطبيعي ونصيحتي تتواصلي مع اخصائي نفسي…
انت راحمة شخص مارحمك لا وانت صغيرة ولا وانت كبيرة ولا رحم اطفال كثير..
مو راحمته بشكل طبيعي راحمته بشكل مرضي وقد يكون ذا نوع من انواع الانكار لكمية الأذى الي تسببه لك و لغيرك..التفتي لنفسك وصحتك وماعليك منه..
اليوم وانا اسوق بأمان الله وجالسه اكل ساندويش زعتر واحشر بفمي لقمه كبيرة الا واحد يسوق جنبي يأشر لي..افتح الشباك وخدودي مخزنه الاكل كني سنجاب والا يقول لي ابي سنابك.. خليكم من شكلي وانا آكل والا خدودي الي محشية خبز وزعتر..وش وضع السناب بالطريق السريع..كيف بعطيك سنابي بنص الشارع؟
@al_ma20
اي كثير كذا واول حتى بعض المعلمات يجون كل رقبتهم الوان ولابسين بلوزه مفتوحه الصدر..الحريم ذول احتقرهم جداً ..
واعتقد ان عقولهم ماتتجاوز حبه الرز ،و عندهم نقص فضيع بكل شي…
رسمة بنتي طيف.. تتكلم عن الندم الشديد لدرجه ان الشخص من قوة الندم مايدري هو بعالم واقع او خيال..
العيون والانف واقعيين.. عالطبيعه كني اشوف عين حقيقية..
المشكلة راسمتها على باب دورة المياة 🫠
@my_daily_af
ترا الرجال يضيق صدرهم من المبالغات…
تعرفوا احساس البنت الي زوجها فاجأها وطبخ لها لكن هي ما استانست علشان شالت هم تنظيف المطبخ…نفس الشي الرجل الطبيعي غالباً لما تتكلفي بهدية ما بيستانس لانه يشيل هم كم دفعتي عليها…
وبشكل عام الزحمة بالعطاء شي مشتت ومزعج..
@al_ma20
ماراح اعلق لانها بررت له وحطت الغلط على جسم بنتها الي يعطي اكبر من عمرها…
تزوجيه عادي لكن استعدي لخسارة بنتك لانه اكيد هيحوس الدنيا وانتي هتزيدي الطين بله من الشك والغيرة..
@vummpir
@layadababneh
كمل الآية..الآيه تتكلم عن الي كفروا بزمن عيسى عليه السلام وقالو لا هو مو رسول هو اله..
جميه الآيات وصفت المسيحيين واليهود بأهل الكتاب وليس كفار.. ومن الجهل ان نطلق على الكتابيين بلفظ كفار..وذكر الله سبحانه ان من أهل الكتاب هناك صالحين وهم من يؤمنون بالله والرسل ويساعدو بالخير
نشوف هنا سعاده واستقبال حافل من الفلسطينيين للمنتخب السعودي.. مافي العنصريه والشتم الي نسمع فيه بتويتر...هالإستقبال دليل على ان حملات الكراهيه مسيسه وليست من طبيعه الناس هناك...
شكراً على حسن استقبالكم🙏🏻
تستفزي جداً حركة النفاس الي تجلس تتسدح اربعين يوم..حلو بفتره النفاس ارتاح ويساعدوني اهلي وزوجي لكن اني اترك زوجي 40 يوم لاني نفاس اشوفه غريب..لما كنت نفاس كنت اروح واجي و رياضة ورقص وامارس يومي عادي مثل كل الايام..
ليه بمجتمعاتنا يدفون اللي توها والدها بعربية و تروح لأهلها إذا ولدت وتجلس بسرير يخدمونها ماتتحرك وماتروح لزوجها الا إذا انتهت من النفاس وأصبحت صالحة للجنس!ووين الزوج و دوره بمشاركته التربية🤔
ترا راحت موضة المثقف النفسية المكتئب ابو غليون الي يتكلم كلمتين ويسكت على اساس انه غامض وكذا...
ترا مره عادي تكون مثقف ومبسوط وفلاوي وراعي وجك...
عرفوا لي المثقف من وجهة نظركم لا من الكتب..
صوره حطيتها لكم وانا تحت بطانيه ثقيله ومشغله المكيف تدفئه وشكلي حوسه ومافيني طاقه اتحرك لكن ابيكم تعتقدوا اني طالعه وفالتها تحت اشعه الشمس الدافئه التي تبعث السعاده بالروح والنشاط بالجسد مع اطفالي حبايبي الي متخبيه منهم تحت البطانيه علشان ما اطلعهم اي مكان لاني بردانه وكسلانه😑
@my_daily_af
انفجعت💔
لاتسمعي كلامه ابداً
عيشي على قد مصروفك لكن انتبهي تدخلي بالطريق المنحدرة… راح تخسري نفسك..
كلها كم سنه و تتخرجي و تتوظفي و ماتحتاجيه..
السيارة ثمينه،واحتمال يكون سعر الدباب اغلى من السيارة علشان كذا العيلة الي راكبته سعيدة..
الفقر مايجيب الا التعاسة والفلوس تجيب السعادة مهما حاولتوا تقنعوا نفسكم بالعكس..الله سبحانه وتعالى وصف المال بأنه زينة الحياة الدنيا..اغلب الأغنياء اولادهم مستانسين حركات غني وابنه تعيس قدمت
صدمات الطفولة تخوف ويخوف تأثيرها علينا..كان عندي خوف من فكرة اني ممكن اكون سبب لصدمة طفل من اطفالي بدون قصد مني..
امس واجهت هذا الخوف مع عبود الي عمره11 سنه..صارله سنوات كل مايبي يروح مكان يقولي انتظريني لا تخليني..واقوله بتلقائية اكيد مابروح واخليك..لين جا امس..اخذته عند صديقتي
اختلفنا انا وزوجي تو مين يحب الثاني اكثر🏃🏽♀️
لاطبعاً محنا حول رومنسية.. اختلفنا حول موضوع دخول المنقبات للشواطئ الخاصة..انا اقول مفروض يمنعوا النقاب في الشاطئ الخاص وهو يقول حرية شخصية..بصراحة مره مزعج وجود منقبه في مسبح فندق او شاطئ خاص..
انتم مع او ضد؟
من كم يوم تعبت واكتشفت اني كنت بالعناية المركزه يومين..الحين انا بخير الحمدلله لكن جالسه احاول اتذكر متى تعبت وايش صار مو فاكرة…الغريب اني رديت على اتصالات الناس ورسايلهم لي ومو فاكره محادثاتي معهم برضو😢
على العموم شكراً لكل من سأل عني وراسلني وزارني❤️❤️الله لايحرمني منكم🙏🏻
على الأهل انهم يحبو أولادهم حب غير مشروط..عندنا من الطفوله سوي كذا او ما احبك..ليش سويت كذا ما احبك..حتى لكبر وتزوج..تزوجي فلان علشان ارضى عليك واحبك،ادرس التخصص الفلاني علشان احبك..سمي ابنك هالاسم..ليش كذا؟!
ليش الحب دايم بشروط؟
وبالطبع يتحول هالشي لثقافه بالبيت والعمل والشارع..
اول مافتحوا باب استقدام الاثيوبيات استقدمت وحده..بنت صغيره بدايه العشرينات..جت ماتعرف شي حتى الخبز ماتعرفه ،السباحه ماتعرف كنت اسبحها بنفسي.. جلست كم شهر وكانت ممتازه وتعلمت بسرعه وقالت انا حبيت الاسلام واسلمت..فجأه بيوم من الايام بالليل متأخر جلست تبكي
#خادمه_تقتل_طفل_وتصيب_اخر
مرة كنت رايحة اجيب ولدي من المدرسة و طلاب ماشيين عالرصيف ولد يمازح خويه دفعه جهة الشارع و الولد طار قدام سيارتي حرفياً...لولا اني ماشية مهديه وعيني عليهم كنت بالراحه دهسته .. لو انا بشخصية اليوم كان وقفت ونزلت جلدته.. لكني كنت مسالمه و اكتفيت وقتها بأني دعيت له بالهداية..
المخوّر لبس اماراتي تقليدي..لكني من طفولتي وانا اشوف كل دول الخليج يلبسوا مشابه له…على ان في مخور يجي غالي بالآلاف لكن ماعمري شفته شي انيق .. احسه جلابية بيت مهما كان سعره…وهذا رأيي الشخصي الي ماحد طلبه ولا حد مهتم فيه…
انا تبرعت بكل اعضائي وابي اتبرع بالباقي للبحث العلمي لان فيني كثير مشاكل خلقية من جوه خاصه القولون..الصدق مايهمني يدفنوني او لا..آخرتها دود بياكلني..خلي العالم والطب يستفيد مني دامي ماقدمت شي للبشريه بحياتي عالاقل موتي يكون له فايدة..
اولادي مره زعلانين من هالفكرة لكن مو كيفهم..
@HananSD91
وحدة اعرفها طفلها عليه اعراض رشح وصممت تاخذه للمستشفى وهي تقول مايحتاج كافي فيفادول بعدها تعب مره و ودته طلع معاه حساسية مو انفلونزا…لو من الاول راح كان اختصرت على نفسها ايام من التعب وقله النوم..انتي تاخذي راتبك علشان تعالجي المرضى بكل درجات التعب الي عندهم..
شفت مقابله مع رجل خير زوجته يا أنا يالتلفون.. اختارت التلفون وفسخته بعد 12 سنه زواج وطفلين.. أنشهد انها كفو والله...
واحد بالعقليه ذي وهالجهل ماينعاش معه...
اليوم لما أخذت اولادي من المدرسه شفت طفل يمشي لحاله بالشارع رايح بيته وشكله تعبان..وقفت وقلت له اوصلك بيتك ناظرني وقال ياللا وهو يضحك..الولد عنده توحد مسكين بس اشوه دل بيته وبيته بعيد عن المدرسه..استغربت كيف اهله يسمحو له يمشي لحاله..المهم يوم وصلته اشر على بيته وقال هنا ياغبيه😅
من وانا بالمتوسط استخدم الليفه الخشنه الي تشق الجلد شق..ولليوم نفس الشي وعمري اربعين ولا عندي اي سترتش مارك بجسمي بسبب الترطيب المستمر لكامل الجسم بالكريمات..تنظيف الجسم باليد ماينفع ابداً ويراكم اوساخ وفطريات..عاد الليفه الي بالصوره ناعمه مره لاتسمن ولاتغني من جوع خاصه بالصيف
في حاله مثل هالحالات لي الشرطه ماتستقبلها..وين نوديها؟ كيف زوجي هو اللي ياخذها وينقل فيها من مكان لمكان وهي بهالشكل وبهالحاله فرضاً حاولت تقتله..لي مافي اجراءات تحمي المواطن؟لي مافي قوانين وضوابط لشركات الاستقدام تحمي المواطن؟!!!
ماتحسوا انه جا الوقت للالتفات بجديه لهالمواضيع
يقرفني تويتر لما اشوف فيه حزب نساء وحزب رجال... وكأننا خلقنا اعداء 😪
ثلاث ارباع حل المشكلة معرفه السبب... الرجل ليس عدوك... القانون الذكوري هو العدو.. طالبي بالعدل دون ان تكرهي الرجال..
وانت يالسلوقي... صارلك سنين نافخ صدرك مثل الديك مايزعل ان المرأة تاخذ حقوقها...