عندي صحبي بعرفه من 3 سنين شخصية هادئة ومحدود في تعامله، مرّت عليهو ظروف قاسية خلتو يبقى متشائم في أي شي وما يفكر في المستقبل، بقى كل مفهومه عن الحياة بس روتين اليوم وكفى، بس قبل شهور أُعجب بزولة قلبَت كيانه كله، بقت مسيطرة على عقله وقلبه بطريقة جميلة جداً،
في يوم إتصل علي وأنا كنت مشغولة أول ما رديت قال لي ” يا شيماء أنا بحبها شديد وخلاص حأمشي أطلبها بعد 4 يوم، أقري لي يسّ “ أنا العَبرة كانت في حلقي، قبل يومين كانت خطوبتهم، أنا حقيقي حبّيت الحياة دي أكتر وهي بتفرّح في أصحابي.
” و نحنا ناس الحُبّ، اللّه ما بِنسانا “
جدي امبارح اتوفى عن عمر 92 سنة
إتولد واتربى وعاش في أم درمان القديمة
ونزح بسبب الحرب مع الأهل لـ الشمالية واللي كانت وفاته فيها، وآخر كلامه : ” حرام عليكم تطلعوني من أم درمان ومن الحتة العشت فيها “
وَما تَدْرِي نَفْسٌ بأيّ أرْضٍ تَمُوتُ
” قد تكون هذهِ الليلة الأخيرة لأحدنا, فغداً يواجه الشعب آله الجُبن الكيزانية. الله مولانا والبشير مولاكم, فبِئس العسكر كنتن ونِعم الشباب كُنا, يا رب أحفظنا وأنصُرنا وارحم شُهدائنا “
_ شهيد الترس / محمد إبراهيم
وبشكل تدريجي اليوم أصبح عنده برسالة ليها ولقاءات لازم تحصل بيناتهم على مكالمات هاتفية ليلية وصلوا فيها للتخطيط لمستقبلهم، أنا فرحت شديد لصحبي وهو بيتغير بطريقة حلوة فوق الخيال، وبيقول لي” يا شيماء أنا للآن بتوتر لما أشوفها وكأني لأول مرة ألمحها “
إكتشفت إنه مُشرفتي في الريسيرش من تجمع المهنيين السودانيين
فِرحت أكتر عشان بقينا كُل نكتشف إنه اعضاء التجمع ممكن يكون ابوك, خالك, عمتك, جارك, أو حتى أستاذك أو زول قريب ليك
التجمع في إلتزامه بالسرية وتوسعه في الخفاء غَلَب إسلوب جهاز الأمن
سلام شباب
انا خريجة علم نفس ورياض الأطفال / جامعة الأحفاد للبنات
تخصص إرشاد وصحة نفسية
بفتش لشغل في مدارس أساس أو ثانوي
كـ مرشدة نفسية
إن وُجدَت لي الوظيفة ” ويا حبذا لو كانت في بحري “
الرجاء التواصل معاي DM
بعرف وحدة معجبة بواحد ليها زمن, قبل فترة فجأة اتشجعت ورسلت ليهو ” انا معجبة بيك شديد ولازم نرتبط .. واها حنسكُن وين؟ “
.
.
حالياً هم مخطوبين .
ولا كيف!
حابه اذكركم إنّي متطوعة اشتغل مرشدة وداعمة نفسية
للبحتاجو لي
للناس الإتعرضت لضغوطات وأزمات عطلت حياتها
ولكل الإتعرضوا او إتأثروا في الفترة السابقة من إعتقالات وإنتهاكات وحتى ابسط الأفعال
انا مستعدة اساعد
واكون متاحة للبيحتاج لي بشتى الطُرق
مع العلم بإلتزامي بالسرية والخصوصية
شكرا
السلام عليكم :)
أنا كـ شيماء ومعاي شوية شباب عاملين مُبادرة دعم نفسي هدفها نحاول نقلِل تأزُم المشاكل النفسية للإتعرضوا لعُنف أو إساءات في الفترة السابقة لفض الإعتصام وبعده
لُكل الحابي نسمع ليهو ممكن يتواصل معاي
مع وجود ” مكالمات مع مُختصين نفسيين - جلسات فردية - قروب دعم نفسي
كونه انه طِفل يختارك من دون الجميع انه يضحك معاك وانه يشوفك انت الاقرب ليه ويخليك تشيله ويفضِّل انه وقت نومه الا ينوم معاك وانت شايلة في كتفك
دي بالدُنيا ورحمة .
السلام عليكم :)
أنا كـ شيماء ومعاي شوية شباب عاملين مُبادرة دعم نفسي هدفها نحاول نقلِل تأزُم المشاكل النفسية للإتعرضوا لعُنف أو إساءات في الفترة السابقة لفض الإعتصام وبعده
لُكل الحابي نسمع ليهو ممكن يتواصل معاي
مع وجود ” مكالمات مع مُختصين نفسيين - جلسات فردية - قروب دعم نفسي “