قبيل في صف العيش في واحد من الرجال نهر النسوان😡 قال ليهم ما تمشو تشوفو ليكم عواسة كسره
في واحده من النسوان قالت ليهو نوال الزغبي الرسلتك دي مالا ما بتعرف تعوس😂😂😂😂😂😂😂😂😂😂😂😂😂😂😂😂😂😂😂😂
عارفين يعني شنو يجيك بيبي بعد 17سنه زواج.. خالي ف كل لمة اهل ف كل مناسبه بحاولو يقنعوهو يتزوج وانو صبر بما فيه الكفايه بس هو رافض وواثق ربنا ح يرزقو.... ولدهم جااا فرحة لكل الناس م ليهم بس😍 ربنا يحفظو يارب❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
حقيقي الاهل الصعبين نعمه والإلتزام نعمه والاسره المحافظه نعمة عشان حتي لو الشيطان غراك وجمل ليك الغلط تتزكري انو وراك رجال ممكن يخارجوك من الدنيا دي إذا عرفو فأحمدي ربك ع نعمة زي دي..
كان نفسي اتريق معاكم ع srong women لكن انا فعلا سترونق انا ماحبيت واحد ورجعته اتحسر عليهو.. وماعندي ex يعتبر نقطة ضعفي.. مابتكرش ع واحد متجاهلني عشان اضيع زمني.. ولاعندي واحد خاتيني ك فريند وانا بحبو.. ومابفتح شات بيني وبين زول توجع قلبي وم اقدر امسحها انا فعلا strong women.
باركو لي اني خلصته اخر عتبة لي ف السلم التعليمي وناقشته بحث التخرج ع خير ..مافي حماس تصوير وفرح بسبب الحاصل ف البلد وبسبب الجامعة الزفت الاختارت وقت غلط وبسبب انو مناقشتنا كان ب يونيفورم الجامعه 💔بس الحمد لله الحمد لله
#officially_im_ANURSE
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
ياجماعة من الاخر كده وبكامل قواي العقلية انا عايزة ارتبط بزول يكون من النوع الصعب داك البشاكلني تلفونك قافل ليه وليه م بتردي م تطلعي م تضحكي م تلبسي كده واستاذن منو ويكون راسو اقوى مني واخاف منو ..عايزة اجرب الحياه دي وفي النهاية انا اخليهو لاني م بحب زول يمشي كلمتو علي غير اهلي.
حنك اقرا واشتغل واجيب قروش دا قنعت منو خلاص انا عايزة اكون عجوزة مكومة في سرير وصاره وشي و أي واحد من اولادي يغمت لي قروش الصباح ويبوس يدي واجرها منو بي زعل واقول ليهو ما عافية منك كان ما طلقت مرتك ...
راكبة للبيت المقعد الورا السواق ، اتصلت ليو واحدة غالبا حبيبتو بقى يتفصل معاها ويتكشم زي نار القصب، بعد شوية قال ليها لو ما قلتيها لي والله
اكشح الركاب دیل،ف الحمد لله أنها قالتها وإلا ماكنت كتبته التغريده دي 😂
حب عظيم لاي ولد شايل هم بيتهم و صارف على اهله، شغال بالحلال حتى لو بسيط، بعافر عشان يتلم لبت الناس الما رفع عينو عليها يوم ، بحترم اي بت كأنه اخته ،البخاف من ربنا في السر و العلن حب عظيم للكادحين التعبانين في حياتهم و الدنيا عاصره عليهم و لسه مكملين..
مهما كنت راجل وشنبك كبير وكلمتك مسموعة و عصبي و انفعالي و بتاكل النار ..بتلم فيك بنية صغيرونة بتمردغك في التراب و بتشهيك الهواء دا و بتوقف قلبك و كل ساعة تخليك تعتذر ليها حتى لو هي غلطانة..
الحب ف السودان عباره عن بتصل ليك مالك مابتردي !وطي صوتك وانتي بتتكلمي معاي ،،م تلبسي اللبسه دي تاني ،،م تطلعي الا بعد توريني ،،فطرتي اتغديتي اتعشيتي ..
انا دايره لي راجل هرَّاش يخوانا !
يهرشني لو نفسنت بدون سبب ، يهرشني لو اتأخرت عليهو ف الرد م يزعل ، يهرشني لو اتصل لقي الخط بتاعي مشغول ، يهرشني لو اتأخرتَ بره البيت وهكذا يعني ..
حيجي يوم وتعرف إنو إي نهاية سيئه كانت ف حياتك هي بداية لحاجة سمحه شديد ..وحتعرف كمان ع قدر ماربنا عصر على قلبك شديد ع قدر ماعايز يفتح عقلك ع حاجات انت ماواخد بالك منها ،عشان كده اتفائل بس💛
السلام عليكم شباب 🤍
عندي فكرة اجيب كمية مصاحف ومصالي واوزعها ف كل اقسام المستشفي ال انا شغاله فيها عشان بالجد بنعاني من الحاجه دي …
ومافي اجر اعظم من كده ف الشهر العظيم ده..
ف منو معاي ف الموضوع ده وح يساعدني ؟!!!
انا مامفترية بس انا حرفيا ماقدر الارتباط وم قصدي بالارتباط الحب والعلاقات لا انا ماقدر ارتباط اني اصاحب زول شديد واتكلم معاهو كل يوم واتعاتب لمن اغيب ،انا م قدر انو زول يتعلق فيني ويتعشم ف حاجات انا مابقدر اقدمها ليهو انا ماقدر اني فرض عين ادق ليك كل يوم واسأل عنك ،
اللهم إني أسألك القروش المابتتحسب وحُب صادق بدون شلِب وأصحاب يحبوني من القلِب وأعوذ بك من الحاسد الحاقد الراصد الكلِب واسألك ال G_class الثابته المابتنقلِب...
انا الشغاله ف مستشفي فيها زول قاعد ف الباب ماسك دفتر اي ميدكال او نيرس يطلع او يدخل بتكتب اسمو حتى لو ماشي يستلم اكل من دليفري جمب الباب ..اقسم بالله اتذكرته ايام الاساس وال ألفة البسجلك حتى لو اتكلمته معاهو هو زاتو 😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂
ماتقعدي تدعي وتتمني من ربنا انو يكون اسمر ملتحي او حلبي بعربية،لانو ديل كتار.
ادعي انو يديك واحد يحبك وماتهوني عليه، بخاف من ربو عشان يخاف ويحافظ عليك،ادعي يكون حنين قلبو لين ماحجر،ادعي انو ماتندمي في يوم انك اخترتيه و فضلتيه على غيرو
كسر قلبك ، اكسري قزاز عربيتو خاصه الورا لانو غالي وختي في فتحت البنزين تراب وملح عشان المكنه تطق مرة واحده اشرطي ورقة الترخيص البتكون في القزاز قدام واديهو كسرة عشان ما يعرف يرخص الا يغير القزاز وانزلي تحت العربيه اي سلك بلاقيك اقطعيهو ودسيهم جوا عشان ما يعرف العطل من وين..
انا عايزه زول يحتويني من غير ما اطلب يهرشني لما اغلط و يساعدني اني اصحح غلطي زول لما اقع يقع معاي حتى بعداك نسند بعض و نقوم مع بعض عايزه زول لا بكل ولا بمل مني زول يكون عارف انو في الأحسن مني و في الأحلى مني بس بختارني انا و بشوفني دنيتو بالفيها.
نصيحه مني♥️
السنه دي امسكو في صلاتكم قوي قبل أي شي تاني خليكم قريبين من ربنا ع قدر م تقدرو حاولو خلوها سنه ترضو بيها نفسكم اعملو أي شي يبسطكم انتو و بس وما تجو ع نفسكم عشان زول كفايه الطاقه الاستهلكتوها ع حساب صحتكم وابدو حققو احلامكم وكل شي عايزنو ومافي شي بعيد من ربنا❤️
عندنا بت جيرانا وضعهم شويه صعب وهي بسم الله عليها شاطره جابت ٩٤ف الشهاده وقبلوها جامعة بحري طب ومفتكرين التقديم مجان اكتشفت انو الرسوم ١٥٠ولازم تسدد ٧٥ ع الاقل لحدي يوم الخميس ونفسيتها كعبه شديد لانو ابوها ماعندو المبلغ ده وهي كل طموحها تقرا طب نفسي اعرف البلد دي موديانا وين؟!؟
على فكرة الناس دي ماجميلة زي بروفايلاتهم,,والحب دا ماحلو زي الافلام والحزن ماكعب شديد زي ما الكل فاكرو,, والبعد عمرو ماكان قاسي ,,والشوق مابقتل والبحبك مابخليك,, والبعزك بقيمك …
أكبر غلط ممكن تعملو في علاقتك إنك في الخلافات تعامل حبيبك كخصم ،تحاول تغيظو ، تحاول تبين انو مافارق معاك بالعكس قول ليهو " أنا فاقدك أنا مشتاق ليك أنا ضعيف من دونك ، حتى لو إنت الغلطان انا آسف بس تعال و خليك جنبي "اعتذر واسيهو و خليهو يحس بالراحة معاك الحب ابدا ما معركة ضد بعض..