من ضمن مساوئ التكنولوچيا الحديثة إني إكتشفت النهاردة إن الصفحة الرسمية للكلية بتاعتي نشاطها إتغير لتصُبح صفحة لبيع الأرانب المخصصة للتربية المنزلية، وبقي إسمها أرنبكوو. وأصبحت أنا ببساطة بعد كل هذه السنوات أحتفل اليوم بذكري تخرجي من أرنبكوو.
أنا النهارده طلبت
@inDrive
وجالي السواق المتحرش ده وفضل طول الطريق يقولي تحرشات لفظية وأنا بقفل في الكلام عشان الطريق كان ضلمة وخفت يتعرضلي ومعرفش أتصرف، كنت رايحة فندق كونراد لقرايبي وبعد ما وصلت رجع كلمني وقالي لما تخلصي نياكة قوليلي ارجعك تاني وقالي كلام جنسي وشتايم وسفالة..
فى لقاء قديم لسعيد صالح المذيعة فيه بتقوله "إيه الفرق بينك وبين عادل إمام؟" قالها "أنا حرفوش وعادل صعلوك". الست تنحت وهو فهم إنها مش فاهمة قام قايل "عادل إمام بيخلص الواد سيد الشغال ويروح يسهر مع الوزراء ومدير الأمن ورجال الأعمال إنما أنا بخلص مسرحية كعبلون وأروح أسهر ف السيدة".
تلف الأيام ويتقبض علي سعيد صالح وهو علي خشبة المسرح بسبب مسرحية كعبلون ويودوه قسم السيدة. لما إتقبض عليه كان بيغني "ممنوع من السفر، ممنوع من الغنا، ممنوع من الكلام، ممنوع م الإشتياق، ممنوع م الإستياء، ممنوع م الإبتسام. وكل يوم في حبك تزيد الممنوعات، وكل يوم بحبك أكتر م اللي فات".
القلق المُستمر وإفتقاد الدفا الداخلي لفترات طويلة بيخلى إن مهما حصل حاجات كويسة وحلوة بحس إنى من جوايا غير قابلة للإحساس بيها والتفاعل معاها فَ بفضل من جوايا لسه قلقانة ووحيدة عشان الحاجات بتيجى متأخر بعد ما هلِكت.
أصبحت في العشرينات ولازلت لا أستوعب ماهية الموت ولا أتقن الحديث عنه أو المواساة في مناسباته. لازلت لا أعرف كيف أقتحم الجماعات الجديدة بدلاً من الإرتكاز لركن خالي. ولازلت لا أستوعب الضحكات المُجاملة صباحاً في حين إني لازلت بالكاد مستيقظة. لا أستوعب الرماديات البعيدة عن الوضوح.
Happy birthday to the most loving, caring and kind-hearted man in the world. I am that lucky girl who has found a best friend and a husband in the same person. You are my masterpiece. Happy birthday handsome ❤️🥰😘
أنا بجد مستمتعة بحوار الحجر ده وبتمنى يبقى فيه نظام عالمي يخلينا لمدة تلات شهور كل سنة نعمل حجر كده ونريح الطبيعة من إستهلاك الإنسان ونريح الإنسان من إستهلاكه لنفسه.
فكرة الغلاء والقهر اللي إحنا فيه ده مبقاش ينفع يترد عليه بشوية كوميكس وهزار وهاهاها وكده. الموضوع موجع إنك كل ما تبدأ تأقلم نفسك فَ تبدأ من الصفر تاني. إحنا تقريباً بقينا نتعامل أقل حتي من الحيوانات، الحيوانات بتصرخ وتجري بس إحنا حتي ده مش بنعمله عشان بقينا مُغيبين وتافهين.
موضوع الإنفجار بتاع معهد الأورام ده شئ مؤلم وبشع جداً. مجرد تخَيُلي بس لأسرة فيها فرد مريض ما صدقوا ييجي دوره للعلاج بعد بهدلة وصدمات وإجراءات يقوم يحصل شئ عبثي زي ده يبوظ كل شئ ويضيع كل شهور الإنتظار لحق العلاج. شئ في منتهي منتهي الحزن.
أنا لا انجابية من قبل حتي ما تتسمي لا انجابية. ومن ضمن أهم الأسباب لقراري ده هو حبي البالغ لبابا، وإني مش متخيلة إني أخلف إنسان وأحطه في هذا الرابط القوي بيا، وبعدين فجأة في شهر واحد يعرف من الدكتور إن مثلاً أبوه عنده كانسر وهيموت خلال شهر بالكتير ويشوفه وهو بيروح قدامه بالبطئ.
ال لا إنجابية ملهاش علاقة بتعرض معتنقيها بالعنف الأسري على الإطلاق. عايزة أقول إنه العكس أصلا بس دي محادثة يطول شرحها. إحنا بس عشان فمصر فالعنف الأسري هو النورم مش الاستثناء فاللي عايز ومش عايز يخلف غالبا اتعرض له اصلا.
الحاجات اللى بتتغير مع الوقت للأسوأ دى بتوجع قلبى ودماغى من كتر التفكير ف كنت هعمل إيه أكتر من كده عشان ألحق الحاجات قبل ما توصل للحال المُحزن الرتيب ده. جوايا بيتعصر لما بحاول أفهم غلطت فى إيه وكان فى إيدى إيه ومعملتوش.
الناس كلها بتخاف إنها تموت وأنا بخاف أعيش بزيادة زى Tom Hanks في The Green Mile لما فضل عايش لحد ما شاف مراته وكل أحبابه وصحابه بيموتوا وحَس إن الموت نسيه لوحده وخلاه يحس بألم فراق كل اللى حواليه من كُتر ما عاش.
هنلاقيها من الجو الخرا ولا الغلاء ولا الجهل والديكتاتورية ولا المتخلفين اللي بيحكمونا ولا المتخلفين أكتر منهم اللي عايشين وسطهم ولا من محيط الشغل الفاسد ولا الصحاب المملين ولا الأسر الرجعية.. منين ولا منين بس!
ربما لن نعود لتلك الطمأنينة ثانيةً. ربما لم تكن هناك طمأنينة من الأساس وكان ذلك المذكور إحساس جاهل ناتج عن عدم الدراية. ربما لم يبق لنا كثير من الفرص. ربما إنتهت فرصنا المعدودة بالأصل في السابق. ربما لم نحظي بما أردنا دوماً. وربما لم يكن ذاك ما هو نريده بالأساس.
Just wanna kiss your forehead while you're sleeping as an apology for this cruel world and for the way you thought you're alone and no one feels you while I'm feeling.
زي النهاردة من 4 سنين ده اللي حصل..
زي النهاردة خدت حقي والأربع كائنات اللي عملوا كده إتحبسوا ودفعوا غرامة الحق المدني وإتكتبت ليهم سابقة جنائية. وعُمر ما حد هيقبل يشغلهم في شغلانة محترمة. وهيفكروا مليون بل مليار مرة قبل ما يمدوا إيديهم يلمسوا بنت ماشية في الشارع تاني.
بيشو إمبارح بليل قعد يقرالي بداية (فيزياء الحزن) قبل ما أنام بصوت هادي وطريقة جميلة فشخ وحاسة إني مش لازم أقرأ تاني، هو أنا هخليه يقرالي كل الكتب اللي بحبها خلاص وهو اللي جني علي نفسه بحلاوته.
عمري ما حسيت إن شكل فريدا كاهلو يستاهل الإحتفاء به بالشكل ده. يمكن قصة حياتها وفنها يستحقوا التقدير. لكن مش شايفة أي جمال في ست كانت بتميل تكون ذكورية المظهر أكثر من إظهار أنوثتها الطبيعية. ومعنديش مشكلة مع شكلها نهائي عشان دي حرية، لكن ليه الإحتفاء بشكلها رغم أن مش هو ميزتها.
عامةً أنا مش عارفة أستوعب فكرة موت ريم بنّا دي لأن الفكرة أكثر حزناً من إستيعابها. وكل صياغة الكلام والمعاني دي لروحها ملهاش لازمة. هي راحت وده خبر قتلني لثانية ووجع قلبي لفترة لسه مخلصتش.